Read full review
2022-04-09
1725 views
深水埗,一個近年成為年輕人嘅薈萃之區。喺每條大街小巷都充滿藝術,手工藝,但最顯著嘅,都係咖啡店。撇開咖啡,有時見到咖啡店供應嘅食物黎黎去去都係賣嗰D open toast/tiramisu...,成日都揀唔到一間啱心水嘅店舖,而呢間正正係我有興趣專訪嘅一間。 Ppalli Ppalli「빨리 빨리」英文直譯就係「fast fast」,店舖可能就係想客人盡快黎品嚐呢度嘅特色fusion韓國菜。 老闆Marco Livoti係一位意籍米芝蓮廚師,喺香港擁有品牌Holy Cannolli。Cannolli係一個意式甜品,由一個筒形脆餅入面夾住甜嘅ricotta cheese仲有朱古力/開心果等口味(有興趣就自己查吓)。可惜holycannoli就冇實體店,但有幾間合作商戶有响佢哋嘅餐廳供應呢樣野。 返返黎(又講得太遠),餐廳位於大南街一棟新住宅樓下,樓底高得離譜。每次經過都會被佢個銀色+金屬材料嘅破格裝修吸引住,入面就以藍色嘅圍板/燈光更突顯佢太空嘅感覺,但我就返而覺得有D唔comfort,感覺唔係太習慣呢種全部都係銀色嘅環境。 食物選擇比我想像中少得多(仲以為真係嗰D韓國餐廳,其實都只係間
Ppalli Ppalli「빨리 빨리」英文直譯就係「fast fast」,店舖可能就係想客人盡快黎品嚐呢度嘅特色fusion韓國菜。
老闆Marco Livoti係一位意籍米芝蓮廚師,喺香港擁有品牌Holy Cannolli。Cannolli係一個意式甜品,由一個筒形脆餅入面夾住甜嘅ricotta cheese仲有朱古力/開心果等口味(有興趣就自己查吓)。可惜holycannoli就冇實體店,但有幾間合作商戶有响佢哋嘅餐廳供應呢樣野。
返返黎(又講得太遠),餐廳位於大南街一棟新住宅樓下,樓底高得離譜。每次經過都會被佢個銀色+金屬材料嘅破格裝修吸引住,入面就以藍色嘅圍板/燈光更突顯佢太空嘅感覺,但我就返而覺得有D唔comfort,感覺唔係太習慣呢種全部都係銀色嘅環境。
食物選擇比我想像中少得多(仲以為真係嗰D韓國餐廳,其實都只係間cafe)。平日就有個午市類似乜都有D嘅bento餐,而主餐牌一頁紙已經寫哂,有最出名嘅泡菜煎餅/紫菜「飯」卷,反而咖啡仲多過食物一倍。
紫菜「飯」卷 Gimbap $78
$78
57 views
0 likes
0 comments
一上枱我同朋友都呆咗一吓,諗都諗唔到佢入面嘅飯係完全被蛋絲替代。價錢係比平時貴咗D,畢竟全部都係蛋。但如果你諗住黎呢度食個「飯」卷當午餐的話,咁你只會餓足成日,你就當係多人分享小食咁就啱架啦。
蛋絲佈得密密麻麻,但估唔到佢同飯喺幻覺上都有七成相似。佢輕柔軟化,薄身,同飯一樣有層次感,帶有蛋香但並唔甜,出乎意料地融合。
饀料就唔算太多,畢竟蛋本身都係饀嘅一部分,有常見嘅筍絲醃漬,青瓜蘿蔔牛蒡。而主角就有蟹+蝦嘅沙律。蝦驚奇地水嫩彈牙,而蟹柳就唔驚奇地只食到蛋黃醬,但整體都可以一試,睇吓啱唔啱你口味。
和牛面頰酸種包$98
$98
46 views
0 likes
0 comments
望落就係牛+泡菜嘅酸種包lor,冇乜其他裝飾/沙律,夠實際👍。牛肉(肉類)罕見地厚過麵包,大大件上,餐廳就用上牛面頰,因為夠多骨膠原,所以通常用黎燉煮同埋手撕咗佢。
牛面頰食落軟嫩化身,唔洗點用力就夾得開,欣賞佢嘅外層有煎過,充滿肉味同西式gravy嘅深厚風味,如果有更多調味就更好。個人對泡菜就簡單地分有超市嗰隻同手製嗰隻,兩隻嘅味道同texture都具有分別,而呢隻係偏似手製版。
酸種包嘅講解就參考返我之前嘅post,喺呢度都只係「臨時演員」。外皮唔會好難先至切得開,有烘過,口感偏向結實,但酸味超級顯著,我就幾個鍾意。
8282煎餅$68
$68
36 views
0 likes
0 comments
8282簡單講就係ppalli嘅數字讀法。煎餅size就中規中矩,而我就當然叫有店名嗰隻,仲有泡菜口味嘅。
粉漿偏向薄身,個人期望如果有D脆邊就更正。口感就軟糯綿密,食到應有嘅蛋香,如果有D炒蔥蒜香就更香口。內裏有乜味都冇嘅魷魚,同飯卷一模一樣嘅蝦同蟹柳,都算好足料嘅。
Post