Seafood Port Restaurant

最近黎左小漁港海鮮舫食蒸氣海鮮鍋，個環境好闊落又有卡位可以坐，餐廳提供有幾個套餐，我地揀左龍蝦餐😋🌸小食係椒鹽白飯魚😍白飯魚比一般大😋炸得香脆🤤🌸象拔蚌刺身拼盤，入面有勁多時令刺身，三文魚厚切味道鮮味，帆立貝鮮甜，象拔蚌帶點海水鹹香，齒頰留香，口感爽脆😍🌸龍蝦係半隻夠大隻，肉質彈牙，鮮味十足😋斑馬瀨尿蝦更係驚喜之選，蝦膏香濃，肉質鮮甜，仲要勁生猛😆蒸之前仲扎扎跳🌸粉絲蒸元貝吸收晒蒸汁精華，粉絲入味，元貝鮮嫩😍鮑魚大大隻夠晒彈牙，咬落去有啖啖鮮甜味🤗海蝦海魚都係即蒸即食，蝦肉緊緻，魚肉滑溜無骨，啖啖都係原汁原味😚🌸貝殼三寶，蜆肉飽滿，東風螺彈牙，蠔則鮮味濃郁，蒸完仲保留住海水嘅鮮香🥰🌸農家四寶有勝瓜，南瓜，香芋，粟米為整體味覺加添一份清甜同口感變化🌸最後嘅蟲草花蒸雞烏冬，湯底香濃，雞肉嫩滑，烏冬吸哂湯汁，滑溜彈牙🥰🤤食完仲有龍蝦粥收尾，吸收晒所有海鮮嘅精華，暖胃又滿足，e家嘅天氣食真係一流😍…Read More

地道海鮮蒸鍋｜小漁港海鮮舫@seafoodporthk 同一班前同事gathering，有同事提議食蒸海鮮鍋，鍋心又食過，就決定試吓新餐廳，最後揀咗太子近深水埗嘅小漁港海鮮舫。嗯⋯⋯總捨成餐飯，叫做不過不失，海鮮食材方面，佢係優質同新鮮。我哋揀最貴個Parco發板餐每位都要$398（另加一），刺身多，有三文魚、象拔蚌、帶子等。海鮮如鮑魚，龍蝦都好大隻，好好食😋但佢嘅蜆如青口就稍腥，部分同事都食唔到😂另外最後嘅蟲草花蒸雞鳥冬底個啲雞隻，店員調較蒸嘅時間之後，竟然唔熟，仲有血水😅我哋要自己蒸多次先得🥹晚市套餐🍽人均：$420🕰時間：1900（需預早留位）PARCO發板餐"parco是日精選套餐"🥢每位398（兩位起），套餐包括以下：象拔蚌剌身拼盤貝殼三寶元貝一隻鮑隻一隻龍蝦半隻尿蝦一隻海蝦一隻海魚一件農家四寶蟲草花蒸雞鳥冬底另加小食—避風塘炒鮮魷 $68鮮魷好惹味，但份量就得6-8件，再多返少少會較好👍🏻Bible: 7/10📍地址：小漁港海鮮舫 鮮蒸‧鮮味火鍋 (太子)太子荔枝角道127-133號地下…Read More

心血來潮想食蒸海鮮，無刻意去搵食邊間就去光顧太子小漁港。呢間鋪頭其實幫襯左好多年，但係經過今次之後決定唔會再幫襯！叫左個小食避風塘豬手炸到又乾又硬得個咸字！刺身拼盤嘅象拔蚌刺身唔新鮮腥腥地，味道怪怪地。向職員反映拒絕更換聲稱係即劏就走左去無再回應，蒸海鮮嘅鮑魚縮水細到好似罐頭鮑魚仔咁、蠔唔新鮮有腥味、蟶子洗唔乾淨有沙。由前菜、冷盤到主食都無一樣野可取。價錢貴左服務差左食物質素亦都差左。以前幫襯係因為價錢平實，食物質素對得住個價錢。…Read More

四人去試吓食蒸氣海鮮鍋，揀咗呢個套餐。總括食物質素比預期高。每樣食一件看似好少，但食吓食吓越嚟越飽！魚生拼盤好出色，食材新鮮👍🏻準備蒸龍蝦和預備個粥。龍蝦白雪雪、肉質彈牙，超新鮮爽甜，大驚喜！其他海鮮亦非常高質： 鮮甜👍🏻鮑魚好食，只有一位成員不夠牙力😜。魚好香好鮮甜。蜆同青口都好得👍🏻👍🏻呢個雞肉蟲草花烏冬配角色各類的蔬菜，超正👍🏻啲芋頭朔晒啲汁，好好味呀～呢個粥好鮮甜，飽到食唔晒，要打包。朋友好鍾意食呢個甜品，日式茶果😜，因為已經一段日子，唔記得咗入邊係咩餡料🙈不過記憶中係好食的。當晚唯一美中不足係隔離枱班嬸嬸聚會，好盡興，嘈到有點頭暈😣。服務很好，食物入蒸籠時，侍應知道我哋要相機食先，俾我哋影完相先冚蓋蒸。另外值得一提嘅係，當時星期一至四免加一，更加抵食！…Read More

每次想食粥底海鮮火鍋，第一時間就會諗到小漁港，之前嚟過幾次都覺得唔錯，除左海鮮之外，佢仲有幾款小食，有脆皮豆腐、天婦羅番薯仔、燒魚干、避風塘鮮魷、椒鹽白飯魚、避風塘豬手等，食蒸鍋之前可以叫啲小食試下。套餐有兩款選擇，是日廚師精選套餐 $298 海鮮蒸鍋套餐 $398 (6位起)我地兩人就揀咗 $298 嘅套餐，有一款主食、四款時蔬、二款刺身，仲包埋個粥底。海鮮蒸鍋未上之前，先嚟過刺身，有三文魚、希靈魚、北寄貝、干貝、海膽等，樣樣都好新鮮。海鮮方面係老闆每日挑選新鮮嘅靚海鮮，每次嚟都可能會有唔同嘅驚喜，今日嘅精選海鮮有龍蝦、海蝦、扇貝、鮑魚，馬友魚、蟶子、沙白、蠔等⋯⋯海鮮用蒸氣鍋就可以食到海鮮嘅原汁原味，好鮮甜呀。食完海鮮就到蒸雞件(烏冬底)、還有日本蕃薯仔、南瓜、粟米、芋頭、勝瓜等，食到呢度都好似有啲飽。最後點到要食埋個海鮮精華嘅龍蝦瑤柱排骨粥，粥底好鮮甜，食完都想一碗接一碗。甜點係黑糖紅豆糕，食埋真係好滿足，飽住返屋企。總結：每位 $298 就可以試到多款原汁原味嘅靚海鮮，仲有個鮮甜嘅海鮮粥底，無論同屋企人或者同一班朋友，甚至乎慶祝生日嚟食都係一個唔錯嘅選擇。…Read More

想一次過食晒海鮮嘅鮮肉同精華，就非海鮮粥底蒸鍋莫屬啦😎.今次就黎到位置太子嘅「小漁港海鮮舫 鮮蒸。鮮味火鍋」食粥底蒸鍋🙆‍♀️.環境：🌕🌕🌕🌕餐廳裝潢以漁船為主題，牆身掛住一幅幅嘅壁畫，將舊時代嘅香港呈現眼前，如21世紀初期維多利亞港，19世紀初太古船塢等等。而店內雖然座無虛席，但空氣流通，坐位亦寬敞👍 蒸氣鍋嘅熱同冷氣機嘅凍互補，即使係炎熱嘅夏天，都可以食得好舒服☺️.餐牌&價錢：🌕🌕🌕🌕🌕餐牌有兩種價位，分別係$298同$398。我哋就揀咗$298嘅是日廚師精選套餐，貪佢款式較多🙈 包括左一款主食，四款時蔬，兩款刺身同八款時令海鮮。重點係廚師會挑選當日嘅新鮮貨， 所以保證新鮮之餘，每日嘅海鮮都唔同，而facebook 會日日update架✨除左蒸鍋，仲有8款小食，價位係$38-$68之間，係正式食蒸鍋前我地就叫左份避風塘豬手🥰.食評&飽肚度：🌕🌕🌕🌕🌕粥底蒸鍋一共有八層，店員先上左刺身同豬手先，邊食邊等第一層蒸鍋🙈.刺身有三款，分別係象拔蚌，帶子同北寄貝～象拔蚌同北寄貝食落爽口彈牙，而帶子又好鮮甜☺️.避風塘豬手第一次食避風塘豬手🙈 大大一碟，有好多舊，豬手炸至香脆，再加上椒鹽，辣椒同炸蒜一齊爆炒，集脆。香。辣於一身， 超級惹味😋.第一層：龍蝦原隻龍蝦切半而上，清蒸一陣後便可食用。火候控制得恰到好處，龍蝦入口鮮嫩彈牙，味道鮮甜😋.第二層：賴尿蝦大大隻賴尿蝦，蝦肉吾黏殼，可見真係好新鮮，味道鮮美😍.第三層： 海蝦&粉絲蒸蒜蓉大扇貝蝦肉入口蝦鮮肉爽，而大扇貝上放左粉絲同蒜蓉，蒸後嘅扇貝厚身又實肉，仲有陣陣蒜香🥰.第四層：貝殼三寶&生蠔款款都係大大粒，蒸後每件都開口，可見非常新鮮～重點係食落完全吾會有沙❗️生蠔肉質肥美，滑溜飽滿。.第五層：鮑魚原隻鮑魚size都吾少，絕對吾係迷你果隻👍 色澤飽和，肉嫩彈牙，鮮味十足🙆‍♀️.第六層：馬友魚肉肉質鮮嫩，入口軟綿😘.第七層：蟲草花蒸雞鳥冬& 四蔬呢個蟲草花蒸雞鳥冬，真係好味到叫出黎😍 滑溜嘅烏冬盡吸降雞同蟲草花嘅精華，入味非常！底下仲有荷葉，令烏冬染上荷香，又可以鎖住水份💕四蔬有粟米，芋頭，南瓜同蒜蓉蒸蝦米勝瓜～估吾到蒜蓉蒸蝦米勝瓜係咁夾架！蒜味香濃，勝瓜柔軟。.第八層：南瓜元貝粥吸收哂七層海鮮嘅精華，南瓜粥質感綿密，鮮味濃郁帶有淡淡南瓜香，攪勻後仲食有絲絲元貝，真係超讚呀😋.最後，仲附送左綠茶水晶糯米糍，冰涼入口，口感煙韌，為呢頓晚餐畫完美句號🥰.服務：🌕🌕🌕🌕🌕店員好熱情，好主動幫我地😎.回頭度：🌕🌕🌕🌕🌕性價比超高，下次會帶埋屋企人黎食大餐🙈…Read More

同班同事提早成10日左右訂位試下啲間蒸氣火鍋，佢有2種套餐揀既，$398同$298，我地揀左$398食豪啲。有啲咩野食大家可以睇相！佢地既服務無得頂，最重要佢地知道晒啲蒸野時間，時間教到岩岩好，所有食物都好鮮甜滑溜。我最鍾意都係個亞拉斯加蟹同個娃娃菜，蟹果啲膏正到唔識講，個娃娃菜係配埋啲梅菜，蒸完好甜。今次無加粥底，咪先真係正到爆今日仲有得玩抽獎，全枱每人分享Facebook 及贊好小漁港，果枱可獲得抽獎一次啲間蒸氣火鍋真係值得推薦…Read More