Sing Yin Cantonese Dining

飲茶我最愛食點心，上個月去咗國金軒食佢哋嘅優質點心果度都有放題，但$388不包茶錢另計加一，差唔多500蚊位，值唔值得就見仁見智，個人認為嗱脷咗啲因為有優惠門票參觀Sky100，於是同好友，興緻勃勃book咗W酒店食下午茶點心放題，跟著再入場，從高處俯瞰維景夜色今次嚟W五星級酒店嘅星宴食高級點心放題，價錢$238一位，包茶錢，計埋加一，都祇係$262一位，親民好多。呢度放題分三輪落單，每輪任叫任點，無限制，而且兩個鐘頭時間俾妳慢慢食，每籠有三件雖然得廾款，但貴精不貴多，兩個人祇叫咗十幾款我哋揀咗茘枝紅茶，個茶好香荔枝味重有細火暖住老火湯係粉葛赤小豆湯飲得出真材實料，無落味精花膠瑤柱肉碎粥，細細碗，兩份分，粥底綿，料足，好味叉燒酥，可惜掛住影相，無趁熱食，但都酥脆好食金菇野菌扒時蔬，菜心腍甜，無渣，encore灌湯餃真材實料，原粒帶子，湯鮮甜，encoreXO醬炒腸粉，雖然XO醬唔多，但炒得幾香，朋友欣賞龍蝦濃湯浸透鮮竹卷，真材實料個湯好杰，似汁多啲，略嫌龍蝦湯蓋過鮮竹卷嘅味道蝦餃，皮薄餡靚，蝦肉鮮甜芝士煙肉蝦春卷皮脆芝士味濃郁，蝦肉爽甜四寶茶，有雪耳，蓮子，桂圓，紅棗，除了蓮子有幾粒不夠腍，整體清甜，熱飲，既暖胃又解膩，encore鮑汁炆鳳爪，另一必食之選鳳爪炆得極腍好入味第二輪，encore同叫甜點合挑酥，暖暖哋，鬆脆可口奶黃流心包因為應接不暇，食時已經凍咗，無咁流心，但都好食臨走前，女侍應話做緊promotion, 取電郵聯絡，話會有coupon及免費一年會藉贈送。食飽飽跟住就去行sky100消化下。總結呢度嘅點心唔錯，而且夠熱，服務貼心，環境舒適。本人相信一分錢一分貨，唔會去太便宜同環境差嘅酒樓食嘢，之前食過一間中等價錢嘅新派菜館，水準唔平均，得90分鐘食，甩單同熱門點心全部無差幾十蚊卻相差好大，以呢個價錢，絶對係超值，值得一試…Read More

星宴作為W酒店系列入面首間中餐廳，響W酒店渡過Staycation既客人都有唔少會選擇於星宴內使用Dining Credit，小編都唔例外，響W酒店內食左三餐西餐後，今次終於有機會可以試到酒店內中餐廳既滋味。可能係因為響酒店及商業區既集中地，星宴既午市都非常多人幫襯，所以經酒店溫馨提醒下都要先行預約。由於係響Check Out既時候享用午餐，當員工見到小編一行人有唔少行李個陣，都主動提供較大既枱及其他櫈，方便我地安置物品。而同時我地坐低後，員工都有慢慢介紹每個餐牌既種類，以及佢地既推薦菜式，呢個都令小編覺得窩心既。 而前菜及茶壺都好快就即刻送到響我地枱面。事不宜遲，都報告下小編對今次享用既食物既評價先：燒味併盤：今次就選擇左脆皮乳豬﹑燒腩﹑以及燒鵝。員工響上碟前溫馨提示每款只有兩件，而睇下我地有無需要再添加，雖然見到個陣都有驚唔夠食，但小編就覺得最緊要係高質素! 乳豬本身有細細塊包響底，所以乳豬既油香被充分吸收哂，食個陣乳豬肉唔多，可以完全食到乳豬皮既脆香；燒腩會比較重油香，可能對於怕濃油香既朋友會覺得太膩；而燒鵝就當然係唔會有骨啦! 選既部位似乎都係接近脾既位置，所以相對平時既燒鵝會滑好多!南瓜蟹肉金魚餃：推介! 本身金魚餃做出黎好有金魚游動時O咀既神韻，同時因為南瓜黃色既關係，令魚身都有斑紋而唔會只有奶白色外形既外觀；食個陣稍為淡味，足夠而實淨既蟹肉及蝦味會比較突出，而同時唔會太感覺到南瓜味。高湯原隻帶子鮮蟹肉瑤柱灌湯餃：推介! 可能係因為午餐正價點心關係，灌湯餃內有1件花膠筒(以小編理解)，配合清晰既高湯令食個陣覺得非常實淨! 灌湯餃內有原隻鮮甜帶子；同時響唔少既蟹肉情況下，唔會食到平時酒樓食到既豬肉味，令你就算整穿灌湯餃後，都唔會令碗湯即時變得渾濁!龍蝦湯鮮竹卷：推介! 如果你覺得一般既鮮竹卷又油又腥，呢款點心絕對會令你改觀：龍蝦湯煮出黎非常濃郁，完全飲得出由大量龍蝦煮出黎既鮮味；而鮮竹卷其實有少少似平時響某麵店食到既腐皮春卷既實感。基本上食完鮮竹卷後，如果唔怕濃既話可能飲埋龍蝦湯!原隻鮑魚燒賣：還可以。鮑魚都係星宴入面既主打菜式，不過鮑魚配以燒賣始終令人有油膩既感覺，令鮑魚既鮮味相對會有失色。星斑蒸腸粉：驚喜! 通常用於腸粉既配料都係比較濃味 (例如牛肉﹑叉燒)，但星斑蒸出黎既腸粉，會有類似鮮蝦腸粉既情況，將原本既食料香味發揮得更好。雖然係個陣會比較淡口，但勝於用料非常足夠，每條腸粉都會有2-3件大大既星斑肉響度。小編就覺得好抵食!龍蝦燴飯：5月份星宴既推薦食材為為龍蝦，所以連炒飯都會以龍蝦為主題 - 1份龍蝦燴飯大約為4碗飯份量，員工會先將炒飯托底後，再淋上熱辣辣既龍蝦 (每碗飯有1-2件龍蝦)。龍蝦爽甜，雖然龍蝦燴汁唔算太濃，但作為主食黎講清清地都唔錯!員工會不定時過黎關心食物既質素，有需要時都會幫你加水及點蠟燭，盡量令茶壺保持住適當熱度，呢幾點都令你覺得服務質素上係值得幫襯既! 4個人大約消費$1100下，如果響酒店中餐廳既質素同成本考慮既，價錢都算合理既。…Read More

All you can eat dim sum
最正係可以任依灌湯餃！我同我個friend一人食咗4盅！

灌湯餃個湯好正，好高湯味，入面仲有蟹肉同一大粒帶子！
蝦餃正常，個皮啱啱好
龍蝦湯鮮竹卷個龍蝦湯就似罐頭果d，但條鮮竹卷入面全部都係蝦膠，同平時食果d完全唔一樣，有驚喜
黑松露珍菌餃好香，但唔係一陣石油氣味果d
燒賣又係蝦膠，鍾意食蝦就好正！
個鮑汁雞腳，d雞腳好淋，好膠原

仲有好多點心好似皮蛋酥，合桃酥，流汁奶皇包（因為真係流汁咁）。。。

埋單夾埋茶芥加一都係$250/位！
係W酒店食仲可以喪食灌湯餃真係真心抵，4盅灌湯餃我估回到大半本掛

供應時間每日3:30pm-5pm…Read More

去年上烹飪班的時候老師推介這兒的逢星期六、日及公眾假期早上九時半至11時才有特色的中式點心放題，今日終於搵到隻腳同我一齊去，佢都好識飲識食，款式不是多但是都很精緻，整體來說味道也不錯，不過下次我諗要搵起碼有三個人會大家都食到多啲款式嘅點心，因為大多數點心每款有三件，兩個人食咗少少野就已經好飽了👇1. 是日例湯 - 西洋菜煲生魚湯（好飲，不過沒有渣的）2. 灌湯餃 - 材料有名貴的帶子，不過餡料稀少，味道也不見太突出，係將隻餃放喺湯入面浸那一款3. 南翔小籠包 - 不好吃4. 龍蝦湯鮮竹卷 - 正！鮮竹卷啲餡料不會太多肉，中間還含有一些蔬菜類，不太溜，加埋西式的龍蝦湯未到夾得啱啱好。5. 紅棗拉糕 - 尖沙咀金域假日酒店龍苑中菜廳做得比這裏好6. 金錢肚 - 正！如果汁冇咁杰仲好。7. 西班牙黑豚肉叉燒酥 - 一客有三件，正！8. XO醬煎腸粉 - 香味及好味只留在腸粉的表面，所以爭啲！今日唔知點解我點了香片茶，朋友話平時要年初一先有得飲，今日好像有過年的感覺，茶葉質素上乘！埋單$544，即係每位$272。由於意猶未盡，但係又食飽了，下一站就搭升降機上5樓去酒吧飲野，繼續吹水吹埋落去。…Read More

好耐無試過一家人飲茶，傳統酒樓略嫌嘈吵，剛醒起星宴有任食點心，大家都無試過，就一於成行。由於太遲訂位，所以安排我們坐室內，室內樓底比較矮，壓迫感比較重。我們叫了很多不同的食物，最為推介係鮮蝦灌湯餃，隻隻灌湯餃都好飽滿，好耐未試過咁好灌湯餃。龍蝦湯鮮竹卷，龍蝦味重，鮮竹卷外脆內入味蝦餃，燒賣，小籠包，鮑汁炆鳳爪預期的味道是日老火湯，我的至愛，飲了兩碗，但屋企人話一般珍珠雞，鯪魚餅，xo醬炒腸粉，我覺得好一般，胃口不太的人不建議叫明明本來大家都飽，都再encore…..甜品第二個胃，所以亦叫了奶皇千層糕，紫米露作結，我個人覺得依幾樣都一般星宴的任食點心太多人，雖然是酒店但唔能夠給人好relax的感覺。…Read More