Cheung Kung Koon

周六中午來到了，有訂位，到嚟大闸蟹套餐，它們上枱了；花膠雞絲烩蛇羹，保持熱度的碗上來，令附上脆脆，菊花片，檸檬葉絲，羹料豐富還保持熱度十分美味·蟹粉小籠包，分量比一般小籠包大，一籠一隻一共兩隻，附上薑醋，食完已有飽感·大閘蟹公蟹，約是五兩，共兩隻，令附上薑醋，食用需時，拆了半小時，蟹們新鮮甘甜，另上，蟹逅薑茶蟹粉扒豆苗，蟹粉汁較杰有蟹肉絲，豆苗爽脆·龍蝦湯泡飯，脆米另上，自己加，湯底濃郁香味十足·薑茶芝麻湯圓，兩粒上，不會過甜·用料新鮮，服務有善，空間寬躺··…Read More

每逢星期日都同開阿媽去某某皇宮酒樓飲茶，不嬲都覺得等位好麻煩，就算之後有得用apps攞飛，但有時叫過咗人又未到就真係係咁先。所以而家都不斷搵啲新嘅地方同阿媽飲茶，今日就揀咗依間張公館。一入到去已經比個環境震懾，由銅鑼灣望過去可以睇晒成個維港景，待應們嘅服務係一般酒樓嘅程度，冇乜特別讚或彈。重點係食物方面質素非常之高，一嚟個叉燒係用鐵板上，嚟到吱吱聲，好有霸氣，叉燒非常淋，調味好好，肉味夠但又唔會有豬膻味，連墊喺下面啲豆都好好食。再嚟我阿媽讚不絕口嘅蝦多士，佢話係佢咁多年食過最好食，因為好多地方都會炸到好油，佢係完全冇，蝦又爽又彈！其他點心仲有麻辣燒賣都幾得意可以試吓，就算係個好普通嘅淨腸粉混醬都做得好好，睇得出啲腸粉一層層，一啲都唔會痴牙，仲有淡淡米香。老公叫咗個水鴨燉湯，非常足料。最未仲有個龍蝦湯泡飯，龍蝦湯好鮮甜，飯粒有脆米後加落去，口感更有層次。其實點心價錢都係好正常，如果唔叫龍蝦湯泡飯，應該唔會太貴，食得過～…Read More

同朋友慶祝生日，想搵間好味嘅餐廳！由於朋友鍾意食中餐，所以就選擇咗張公館！第一次嚟張公館，餐廳裝修好華麗高貴！由於平日嘅關係，唔算太多人，環境寧靜，方便傾計！之前我有響OpenRice做過功課，睇定有咩好食！脆焗蝦多士，好脆，蝦肉好香！百花煎釀秋葵，細細條好得意，第一次咁樣食秋葵，又出奇地好夾，好好味喎！荷葉和牛面頰肉，呢個真係10個讚，面頰肉好淋，好有牛味，而且感覺好有骨膠原，唔知食完之後皮膚會唔會變靚啲呢？平時我唔鍾意食紅蘿蔔，但係今次啲紅蘿蔔好入味，冇咗平時嗰啲怪味，好好味！冰梅欖角一字排，梅味剛剛好，唔會太酸，而且排骨唔韌，味道剛剛好！龍蝦湯泡飯，啲湯好有龍蝦味，飯入面有少少脆脆，好有口感！呢間餐廳真係名不虛傳，啲食物質素好高，而且服務亦好好，非常值得再次幫襯！唯獨切餅費比較貴，$150一個蛋糕，如果切餅費可以平啲，或者免切餅費的話，咁我一定會成日都嚟呢間餐廳慶祝紀念日啦！…Read More

經朋友介紹下 決定係張公館訂枱試試!加上舊同事聚會 決定選擇中菜就選了張公館 地理位置邊便 係銅鑼灣V point環境亦清靜 係多人聚會傾計既好地方!一行7人 大家都叫得好豐富!同事都話好好味 冇介紹錯 會再離食我地點了杏汁花膠豬肺湯 料好豐富 值得一試更點了蝦多士..煎釀秋葵..煎墨魚餅..西班牙黑毛豬叉燒..鳳梨咕嚕肉..上湯千層浸時蔬..炒牛柳..炒斑片.龍蝦湯泡飯..份量適中味道一流 會再離食…Read More

囝囡長大了，各有各精彩。兩老要懂得如何將生活變得更有色彩，閒時拍拍拖，遊歷出界，尋找美食...人生就多姿多采了。今晚兩口子去了間高級中莱餐廳享受一頓豐富晚餐。先來一道花雕蛋白蒸蝦球，好掂。火喉控制得好，蛋白滑溜又散發出酒香。蝦球爽脆帶有鮮味。百合鳳梨咕嚕肉不是平平無奇的菜式。咕嚕肉外層有點脆口，肉質軟熟夠入味。配料加入了百合的原素，有新鮮感。龍蝦湯泡飯是值得推介的。當炸米放湯的時候，那鮮味爆發出來了。湯底好濃好鮮，飯粒盡是鮮甜味，食不停口。即磨蛋白杏仁茶幼滑細緻，杏香飄飄，有質素。…Read More

印象中，最近幾年香港多了很多家「XX公館」，全部走中高檔路線、絕大部份主理特色廣東菜。今晚就揀了「張公館」試試，之前沒有朋友幫襯過 ⋯⋯ 揀這裏就是因為之前未試過。餐廳位處 V Point 29 樓，面向軒尼詩道，由於前面一帶全部係舊樓，一律矮過餐廳所處的高層，維港景觀無阻隔。以為餐廳質素較高級，前菜會有一點特色 ⋯⋯ 但也只是最普通的潮式鹹菜粒及炸花生配炸白飯魚仔，而且味道非常一般，如坊間普通港式酒樓沒有太大分別。餐牌印刷精美，圖文並茂；但整體感覺目標客源涵蓋本地人及遊客，而且餐牌設計有點老土。近年很多中菜館都有脆焗蝦多士(6件)（$138）這一道上世紀六七十年代香港非常流行的懷舊菜式，炮製方法其實唔複雜，好食與否主要着重烹調技巧。麵包炸得透徹鬆脆，又用上原隻蝦肉，爽口彈牙；是一片處理得很好的蝦多士。如果可以保留蝦尾的一截蝦殻，賣相會更加吸引，但就要捨棄了啖啖肉的暢快。冰梅欖角一字排（$188）表面炸得香脆，之後再用話梅及攬角調製而成的醬汁回鑊兜亂，有點似生炒排骨的處理方法。勝在醬汁味道夠特別，酸酸鹹鹹、又有欖角的獨特香味；加上選用了一字排，比生炒排骨更加好食。清湯三式牛腩煲（$268）的湯底清澈，但表面有一層相當厚身的肥油，睇落唔係好吸引。坑腩的肥膏去除得相當徹底，牛味夠重、亦炆得夠鬆軟，咀嚼下沒有渣溄；蘿蔔清甜、腍滑兼冇渣。最大問題竟然在於清湯牛腩煲的重點：清湯。上菜時已經見到有點肥膩，飲一啖清湯，只有淡淡牛味，而且味道非常鹹，完全蓋過牛骨清湯的原味，失去了清湯牛腩的原意。本來想食新加坡黑胡椒蟹（$688），但睇真啲餐牌，發現有一道新加坡胡椒蟹爪粉絲煲（$188）；選材用料差不多，當然後者缺少了大蟹鉗及蟹蓋，但價錢平一大截，所以揀了後者。諗深一層，蟹蓋及蟹鉗用來做了什麼菜式？再望真啲推介餐牌，原來有一味花雕蛋白蒸蟹鉗（$298），明白了，一蟹兩用。賣相有點街邊大排檔小菜館風味，蟹爪及粉絲非常隨意、兜亂地堆在一起，與酒樓級數並不相襯。蟹爪的確來自新鮮蟹，食得出鮮甜蟹味。黑胡椒味道較重可以理解，此乃新加坡胡椒蟹的特色，但味道鹹得有點過分、太過濃郁。食一箸深啡色的粉絲就更加明顯，鹹味甚至蓋過黑胡椒的香辣，同時亦有一點點微酸，味道有點怪怪的，結果食剩了不少粉絲。蟲草花紅棗蒸雞(半隻)（$298）賣相同樣唔吸引，蟲草花及紅棗太過隨意，夾在雞肉之間的冬菇片又沒有均勻擺放，冬菇份量太少。另外，雞肉及蒸雞汁非常肥膩，表面甚至有一層太厚的油脂。雞肉差不多全部去骨，雖然抵讚，但味道實在太過濃郁，偏鹹。黃湯娃娃菜（$138）總算是味道較為清淡的菜式，但其實用來浸煮娃娃菜的金華火腿鮮雞上湯的味道同樣非常濃郁，火腿的鹹香非常利害。娃娃菜沒有渣滓，不過稍嫌大顆，唔係好夠腍滑、清甜。龍蝦湯泡飯（$328）的飯粒及米通炸得透徹香口，西菜中式煮法（稀身，類似中式湯水）的龍蝦湯內有非常多配料：切片菜心莖、瑤柱絲、蝦肉切粒、帶子切粒；而且份量豐富得有點過分。湯底味道非常鮮甜，與西式龍蝦湯有異曲同工之妙。味道與其他菜式相同，同樣地非常濃郁，只不過卻是可以接受，因為龍蝦湯底本身就是要取其鮮甜海鮮美味。今晚揀選的幾味小菜，賣相稍差，並不是這個級數及價位的餐廳所應該有的賣相。至於味道方面，其實唔算差，能夠做到菜式應有的味道，材料也夠新鮮，但實在過到濃郁，從另一個角度來說，就是偏鹹。而且部份菜式例如清湯牛腩煲及蒸雞根本不適宜太過濃烈的味道；莫非，味濃是「張公館」的特色？…Read More

長者爸媽👴🏻👵🏻每天都要上酒樓，歎著普洱☕️，一盎兩件🥢🍚才是他們愛過的生活。老人家早睡早起，閒來陪他們飲茶是最好不過的事😊今天就去了V point 29樓嘅張公館，大銀幕的遼闊海景， 幾乎每張枱都可以看得到維港的景緻，天然光線☀️，特別精神奕奕😊蘿蔔絲酥餅做得非常出色，酥皮一層疊一層，每層薄如絲滑，輕咬即破，表面是金黃香脆，內裏卻是清甜輭心的蘿蔔絲，高水準👍👍👍腸粉皮薄，貢菜野菌是素菜，餡料多一些也無妨，好吃又健康翡翠明珠球、肉鬆紅米果都係健康清新之選，翡翠明珠球以多菜為主，亮白蝦仁鮮甜清淡，竹笙蟹籽創造新穎外型，係用心的表現💕肉鬆紅米果就是肉鬆包著紅米去蒸，圓圓滿滿的像是一個福袋👛，是簡單的美味啊名字貼切，外型就如一艘忛船，網絲鍋貼香脆爆汁，好睇又好味👍👍👍名貴大方，上湯熬伴，冬蓉餃子，絲絲瑤柱，濃而不膩，很讚呢⭐️⭐️⭐️配合健康主題，鮮淮山紫薯浸莧菜時令新鮮，龍蝦湯泡飯即場加入油爆脆米，色香味十足，砂碢耐溫，會越食越好味，吃過點心，再加個泡飯，完美組合。咁靚嘅環境, 心情特別好，點了兩隻脆皮乳鴿，伴牒是脆炸白鴿蛋，乳鴨皮脆肉嫩，炸蛋🥚蛋味香濃，成牒乳鴨，無論主食伴牒都係廚師的心思，非常巧手💯。今天四個人，興之所致吃得飽飽的，望著怡人的風景，傾下食下，既好味又舒適，開心吃多一點又何妨…Read More

今晚舊鄰友約我到張公館吃晚飯聚舊，我早幾個月前已來過這店吃午餐，印象中它的蝦餃做得不錯，但晚飯還是第一次。這店雖然是高級粵菜食府，但門面不算特別堂煌，只掛著一個人般高的招牌，但勝在靠窗的座位有海景，景色開揚。一如既往，朋友發辦，我只負責品嚐，絕對是一份優差！首先來的是鐵板西班牙黑毛豬叉燒，侍應來到桌前時才把醬汁倒在燒得赤熱的鐵板上，頓時煙霧瀰漫，香氣撲鼻；义燒肥瘦適中，肉邊部分有少許焦香，鐵板保持了义燒出爐時的溫度，十分香口！另一頭盤是涼拌蕃茄冰菜，醃製過的脫皮車厘茄很鮮甜，冰菜亦鮮脆爽嫩，雖然日式芝麻醬略嫌太重，微微掩蓋了冰菜的清新味道，但不失為一道醒胃前菜。湯：我點了鯊魚骨花膠湯，花膠頗大片，亦不薄，湯底味濃，但湯的稠度卻像溶了的淮山般，很像老火湯清補涼；友人點了紅燒潮州翅，試了一口，感覺它的湯芡稠了一些，味道也不算特出，有少許像熱葷素上的江瑤柱芡汁。脆皮鹽香雞：皮脆肉嫩，雞皮雞肉有適量鹽香，還附上少許雞雜，不錯！紅燒乳鴿：味略帶甜，像用了瑞士汁去醃製，可惜鴿身薄，肉不多，特別之處是配了炸鴿蛋。新加坡胡椒蟹瓜粉絲煲：胡椒香加上少許辣椒醬，粉絲炒得乾身兼彈牙，非常惹味，倘若能用上膏蟹去炒的話，相信會錦上添花！龍蝦湯泡飯：脆米加入龍蝦湯泡飯內，㕷㕷聲響，口感更添豐富，十分過癮！湯味濃淡、分量適中，足夠四人用。食物水準可以説是中上之選，美中不足之處卻是這店的服務；既然是高級粵菜，當然要慢慢品嚐，但侍應態度令顧客感到催促和缺乏友善，服務態度必須大大提升，才可成為真正的高級粵菜館。…Read More

今天與外國回來的親戚吃飯,第一次來到V Point,餐廳是落地玻璃,望到維港景色,下了幾天雨,今日終於停雨,夜晚的維港夜景特別美麗鐵板西班牙黑毛豬叉燒叉燒是半肥瘦,外皮燒得很香口,有點燶很香脆,用鐵板上菜特別熱辣辣,香噴噴,流哂口水,紅燒乳鴿是廣東菜必食,乳鴿皮不肥膩,肉汁很juicy,伴菜是咸蛋,紅燒潮州翅有好多翅,粗的,很濃,味道相當有口感,親戚吃得很開心,百合鳳梨咕嚕肉的炸粉唔厚,配飯最好味,白合很甜,菠蘿很開胃,在夏天吃很好,龍蝦湯泡飯是金黃色,每一口也有龍蝦肉,四個人一人碗剛剛好…Read More

食左咁多餐西餐，開始有d悶悶地，朋友發起話去食中菜，一於Let’s GO！呢間位於銅鑼灣登龍街18號V Point 29樓的張公館，居高臨下，一入到去，就見到維港的景色！很久沒有這麼細緻地看這個城市，雖則是燈火通明，但感覺有點孤寂。第一道前菜是精緻的六宮格。一人一盒唔使爭！木製的六宮格放著六款前菜，款款都是一小口的，包括：百花秋葵，香煎墨魚餅，蜜汁叉燒，酥炸白鵨蛋，青芥末涼拌鮮螺肉，無花果。青芥末涼拌鮮螺肉：螺肉新鮮彈牙有嚼頭，配上青芥末更顯層次感。無花果清甜多汁，小小的半顆配上特製的醬汁，有點像吃沙律。蜜汁叉燒厚肉但依然嫩身，沒有半點過火，蜜汁把味道提升，甜滋滋的很好吃。香煎墨魚餅口感彈牙，醬汁酸酸甜甜，味道不俗。最後是營養豐富的酥炸白鵨蛋，炸皮薄身，都不錯吃。川芎百芷魚頭湯吃過前菜，就來一個藥材為主的魚頭湯暖暖胃，店家會在客人門前把魚頭放入湯中，幾分鐘後，就有濃郁的魚湯上台，雖然唔係煮左好耐，但從奶白色的湯身，已知湯底已經煮了一段時間，飲落藥材味濃，有少量回甘，魚頭依然保持到嫩滑的口感，感覺好補身。花彫蛋白蒸蝦球爽口彈牙的大蝦球下面是以花彫蒸熟的蛋白，火喉控制得宜沒半點過火，蛋香加上嫩滑口感令人好想Encore！這個是我全晚的亮點菜式。水煮龍躉片龍躉魚肉滑嫩，加上已去骨，啖啖肉真心爽皮，而水煮湯底麻感重，吃後有點咀唇麻痺呢。菠蘿咕嚕肉相對來講比較一般，但驚艷度還是有的！炸皮夠薄且不失脆身是亮點，但肉塊不大就比較失色，不過酸酸甜甜加上顏色豐富，很適合炎夏沒胃口的日子。清湯三式牛腩三式牛腩包括了平常少見的坑腩、崩沙腩及梅頭腩，整體牛味濃郁而炆得非常腍嫩，沒有牛燥味，而旁邊伴菜的白蘿蔔都吸滿了湯底的味道，甜甜的非常吸引。湯底清澈但味道鮮甜，牛魔王必點的菜式呀！上湯千層浸時蔬今日的時蔬是萈菜，配著杞子上湯，最特別是旁邊的千層豆腐皮，吸晒清甜的上湯，又有濃濃的豆香，清淡卻不失為工夫菜。龍蝦湯泡飯龍蝦湯泡飯雖然帶金黃色，龍蝦味卻比想像淡，預計中的龍蝦香並不明顯。泡飯中有白米，炸米等，間中食到增加口感的脆米及蔬菜，幸好飯身也不會是淋淋的，整體來說，覺得並沒有預期的驚艷。生磨杏仁茶用上Le Creuset 的小煲作器皿，感覺精緻又別緻，打開蓋已聞到濃濃的杏仁香。不過我自己就不愛吃，結果送了給坐在隔離的朋友享用。整體來講，食物質素ok，菜式都好適合一家大小，又加入左養生的元素，而且望住咁大個海景晚飯都係＄500位，銅鑼灣來說算係抵食的！所以o個晚都見到好多人同屋企人食生日飯，生日歌都聽到幾次。…Read More

V Point是食肆新潮點 , 加埋登龍街，這裏的確有很多選擇，在雲雲的食肆中，今晚揀了吃中菜。走了29樓高層，從落地大玻璃窗可飽覽整個維港景色，很美啊！坐在這裏進餐真係很舒適。地方不算大，只設有一個大廳，擺放了兩大張十多人圓枱，三四張小圓枱，另設有三大間貴賓房。一早來到不多人，環境寧靜；坐坐下便全場爆滿，好熱鬧！細閱餐牌，設計清晰簡單，分別有張公館推介菜、湯品、鮑翅燕窩、頭盆、燒味、海鮮、小菜、素菜、飯麵、甜品和飲品，而每項都選擇不少，樣樣都挺吸引，還有幾款套餐，真係要慢慢商討一下。點好菜，等待其間先嘆杯茶, 嚐些小吃。揀了一壺菊花茶 ($18/位), 一直用小蠟燭保暖, 邊煲邊喝,  感覺很貼心。菊花茶很清香, 入口幽香順口, 清熱解膩。兩款小食($15/位)分別有清爽的雪菜毛豆 和香口的花生炸魚仔, 兩款都很好味, 當然吃清光。******************************九宮格和六宮格都是推介菜之一, 我倆都揀了少一點份量的張公館。六宮格 ($138), 以一個木格盛載，一格一小碟，啲骰精緻。店員先逐一介紹，第一行分別有香煎墨魚餅、蜜汁叉燒 和涼伴番茄冰菜，而第二行就有百花煎釀秋葵、酥炸白鴿蛋 和胡麻醬無花果，並建議先嚐熱食，很細心！白鴿蛋是較少有的食材，體積比鵪鶉蛋大，但比雞蛋小，本擔心是高膽固醇之物，但原來剛好相反，放心！酥炸白鴿蛋外層薄而微脆，吃落全無油膩感，蛋白滑嫩，味道鮮香，喜歡！平時所吃的煎釀三寶多時釀三色椒、豆卜和豆腐，而今次換上更有益的秋葵。秋葵 保持外爽內黏，釀上香口爽牙的蝦膠，這款百花煎釀秋葵配搭既上乘又美味。接著是香煎墨魚餅，沾滿酸辣的泰式醬，不錯！蜜汁叉燒夾雜甘香的肥膏，肉質腍嫩，烹調入味。輪到涼菜，胡麻醬無花果挺清甜多汁，但配胡麻醬 有點特別；涼伴番茄冰菜清新爽脆，伴上甘香的胡麻醬 很夾。******************************時令燉湯($88) 為准杞花膠嚮螺燉雞湯，熱度十足，一開盅蓋，傳出香氣。湯身清澈見底，面頭泛少許油光，味道相當清甜，皆因落足料，有甜美的杞子、粉綿的准山、爽滑滋潤的花膠、嫩滑的雞腳、鮮香的豬肉 和瑤柱，還有又腍又鮮的嚮螺肉，非常豐富，啖啖滋潤順口，又養生又滋補，喝得好滿足！******************************嘩！鮑汁脆皮燒遼參伴鵝掌三色蔬 ($168)，有一大條遼參 和一隻鵝掌，而三色蔬便是西蘭花、唐生菜 和菜心，淋上鹹鮮的鮑汁，賣相矝貴得體。經燒過的遼參 熱度十足，本身柔滑帶爽，加上稍稍香口的外層，再蘸上鮑魚汁，口感和味道都一流！而鵝掌 也同樣出色，相當滑嘟嘟，又烹調入味；三蔬 則保持翠綠爽口，伴上鮑汁 很美味。******************************一大鍋熱辣辣的龍蝦湯泡飯（$328），另配一碗炸過的米飯。店員一把炸米飯 倒進鍋中便隨即舀起，保持脆口。陣陣鮮龍蝦味湧進鼻子，很誘人！！湯身呈鮮橙色，啖啖龍蝦的鮮味，相信落足料炮製而成，所泡的米飯 索盡鮮味，加埋清爽的菜粒、鮮味的瑤柱 和蟹肉、清香的蔥花，當然不少得又彈牙又鮮甜的龍蝦肉，份量不少，吃得滿足，而脆口的炸米飯 亦帶來多份口感和焦香，更添美味。******************************完美的一餐當然要有甜品，我倆都很喜歡杏仁，就來兩盅生磨蛋白杏仁茶 ($48)。用了保溫度高的LE Creuset餐具，吃到尾聲仍保持熱度，正！它跟平時所吃的蛋白杏仁茶製法有些不同，並不是打入蛋白花....呈奶白色，盅底有層又香又滑的燉蛋白，杏仁茶 亦滑身無渣，兩者配起來啖啖滑溜又滿有杏仁香，香濃而不甜膩，非常滋潤，絕對是女人的恩物，真係想來多碗，哈！------------------------------今晚的菜式既有精緻的, 也有矜貴的, 而裝潢和餐具亦相當華麗, 這裏的確精緻華麗兼備, 帶來一個滿意的晚上。我倆還看中了夏日午巿商務優惠套餐, 菜式豐富, 而且經濟實惠, 看來都要再來張公館一聚。   …Read More

一直以來我對食物是有一份的堅持度，特別用心的餐廳會令我念念不忘。是夜此間餐廳確實是我本月之最，完全可以用氣派不凡來形容。坐落於登龍街的V Point，自從V Ponit進駐這條小街道後不只是拉麵王國那麼簡單。現在V Point高居林立，性價比高小妹曾經到訪此座的其他餐館都是好評如潮。是夜相約一班好友前來【張公館】，確實沒有令我失望而且更令我念念不忘。 一行10人我們被安排細房的位置，你要知道能夠看到維港的醉人美景，價格定必較高，我們都想要有一份私隱度吧！小房間的確有最低的收費的$5000也是基本需要吧，如果想知道餐廳是否用心我會看它的細膩度為先:打開細小的房門，金光閃閃的餐具完全察覺出店主是有挑選過來的！中菜都會有小食及茗茶奉上，【張公館】有我喜愛的菊花茶真的太好吧！人還未到齊，倒不如吃一點花生及青豆為先亦可以與友傾談近況也是一個好的時間。我對食物是有所要求，大家都已經知道；朋友深明這個道理，第一道菜已經相當有驚喜，我想究竟到訪中菜店或是日本店呢？ 金牌九宮格 $298頭盤已經有一種皇帝級的禮待，你會想得到好像日本的懷石料理的配搭但引入中菜的元素，非常特別亦意味著店主的精心。能夠利用九宮格的設計，首先你要想到九款食物亦要美侖美奐；金牌九宮格確實令我有所驚喜。九款包括:北海道馬糞海膽 、海鮮蕃茄盒伴冰菜、 清酒鮑魚、 胡麻醬無花果、 子薑皮蛋、 酥炸白鴿蛋、 香煎墨魚餅、 脆皮燒腩仔及 柚子蝦。 單看這九種的食物，可以用中西日璧來形容；而酥炸白鴿蛋最令我憶記，你要知道白鴿蛋的營養豐富又矜昂貴。能夠在香港找到白鴿蛋的地方並不多，想不到【張公館】能夠吃到又一驚喜之作。另外，北海道馬糞海膽及脆皮燒腩仔亦是我最愛之物；前者吃得出鮮味而令人不能忘懷，後者的燒腩仔燒出脆皮細小但入味。鯊魚骨花膠湯 $368第一道的前菜，已經感覺到用心；用心度繼續應接不暇，友人知道我喜歡花膠，特意點了『鯊魚骨花膠湯』。平常吃花膠可能只有花膠片便算，但現在卻有花膠扒如此足料 $368這個價錢確實物超所值。我喜歡花膠都是一般女生們的原因：滋補養顏有誰不愛呢？特別骨膠原進補，是我大愛之一。淺嘗鯊魚骨湯完全有一種幸福的感覺，鯊魚味濃郁大大片的花膠有咬口；而且湯底杰身而有味這個我愛定了，完全想來多一碗吧！ 花彫蛋白蒸蟹鉗$268蛋白完全將整個蟹鉗滲透，淡淡酒味而不濃，大隻蟹鉗蟹肉鮮嫩無比輕輕切開配合蛋白，完全是一道清新的菜式。蛋白蒸出滑溜感覺多吃一點也無坊；有時候愈普通的食物蒸出細膩令人喜愛。 鮑汁脆皮遼參伴鵝掌三色菜 $288平常的海參都會以蒸為主，你什能想到原來是燒製過奉上真的首次接觸？一般中菜廳都會選用中國大陸的遼參，不過此店卻利用日本出產海參更加名貴，可見店主選擇食材一絲不扣。脆身的海參原來是那麼美味的，鮑汁的鵝掌炆至軟身入口溶化而且混合三色菜更加入味。 百合鳳梨咕嚕肉 $198平常大家無論在大排檔或是家常便飯都會喜歡製作咕嚕肉，新鮮的菠蘿我是吃得出的。因為我都是一個愛煮的女生，菠蘿香甜又多汁相當醒胃。想知道出色的咕嚕肉不只是汁料那麼簡單，連同肉質也要出色。這個咕嚕肉輕輕咬第一口，相當香脆而且富有口感，外層的脆口不會太厚炸至恰到好處。顏色上也是夏日必選之物，盛夏吃它是個不俗之選。 清湯三式牛腩 $238牛腩有何吸引力？原來這個分別有三種牛的部位非常特別，包括有坑腩、崩沙腩及梅頭腩。三種都比較少見亦是珍貴之物，我個人比較喜歡崩沙腩軟淋配合湯底及蔥花更加入惹味。湯底內更有蘿白，每件蘿白都實炆得清甜，完全想吃多一口。 豆乳鮮腐竹浸時蔬 ＄98估不到時蔬都能夠有意想不到你驚喜，你什能想到會以香港著名老店「樹記」的食材？「樹記」聽聞經常大排長龍，每次去都人頭湧湧但是日不需要排隊已吃到實屬難得。親身到訪尋找食材，可以說是「用心」；用心的程度還未吃已加了不少分數，千層的腐竹滿有豆香並不會油膩。香滑的豆類製品配合上湯浸時蔬，有一種普通的食物化作不平凡。 蟹肉桂花炒長遠$128炒至金黃色的長遠，利用雞蛋炒至絲一樣猶如桂花的顏色。粉絲炒至乾身完全考驗廚師的功架，粉絲炒至不油膩應記一功。再者每一口都有不同層次感也是驚喜所在，蟹肉與瑤柱也是名貴之食材，選擇粉絲也是重要因素之一；香口而炒至通透真心不俗。 龍蝦湯泡飯 $328終於來到我最想吃的一道菜式「龍蝦湯泡飯」，泡飯是利用脆米放入龍蝦湯內。熱騰騰的龍蝦湯呈現眼前，店員放入脆米猶如小小爆竹的聲響。龍蝦湯的黃色未吃已經嗅出陣陣的濃香。淺嘗第一口我已感覺到是我杯茶吧，龍蝦的鮮味帶點整個湯底都相當滋味，湯汁更是精華所在令人沒齒難忘。 干炒牛河$168香港的茶餐廳必有的「干炒牛河」，到訪【張公館】有何特別之處？原來是利用安格斯牛肉，用料已經技勝一籌。師博炒至乾身而不太油膩，牛肉不會過老剛剛好，最後放上洋蔥及芝麻帶動香口。吃起來富口感，而且吃得出是功夫之作。 生磨杏仁茶杏仁茶一直是我喜愛之物，杏仁打磨得香滑而且更見養顏。我沒想到會驚見我的最愛之物【Le Creuset】，還要七彩繽紛的顏色，真的令我尖叫起來吧！能夠成為我的最愛之廚具，可見店主是一個有品味的人。【Le Creuset】出名是耐用並傳熱得快。香滑蛋白燉出細膩，香濃的杏汁味道完全令人心醉吧！ …Read More

每次一大班人約出黎食飯，選擇餐廳的重任顥總落在我的身上，只因我為食，愛吃，總能找到一間大家都滿意既餐廳。但係其實，人總有技窮的一刻，要就唔同既朋友group選擇唔同層次既餐廳，但係又唔可以重複，再要合乎大家既budget，選出性價比最高既餐廳。。。這的確比公司assign比我既project更加艱鉅，更加困難。今次約佐一班大學既同學出黎Re-union，大家既口味，我最清楚，喜歡吃中菜，環境張舒適，所以這夜，我選擇了「張公館」。張公館位於銅鑼灣登龍街，都係幾新既「餐廳商場」vpoint，接受頂樓既location （頂樓係31層，張公館位於29樓），相信大家也沒有異議了吧。升降機大門開起，步進張公館的大門，醉人的維港夜景立刻呈現眼前，我們所幻想到的，都是燦爛既煙花，在我們面前盛放。遺憾地，今日不是甚麼國慶聖誕除夕夜，煙花，這夜看不到，但看著那維港夜景，已夠我們動心。餐廳的餐具很classic，高貴得黎也算低調。茶壺會用燭台暖著保溫，除了一般的普洱香片，這裡也有菊花可以選擇，這也是我們今夜的best pick。餐前小食有兩款，花生和青豆，這是未齊人，等人時間既最佳良伴。打開餐牌，名貴的菜餚這裡有不少的選擇，家常小菜，同樣一應俱全，平有平食，貴有貴食。除了散叫，也有套餐的option，最平$338一位，最貴可以達至$2998一位，食既係金山勾翅，官燕，絕對係帝王級既享受，我們看見這「菜單」，也只能互相勉勵，努力工作吧....哈哈。金牌九宮格 $298首先來到既係金牌九宮格，這是餐廳仿照日本懷石料理所自創的「中式懷石料理」，賣相夠特別，九款特式小食，可以一次過食盡。我們也非常糾結，九款小食，每款少少，其實都幾難share，但每人食一個九宮格又有d誇張，同埋要「保留實力」給其他的菜餚，所以也只點了2 set，每人試少少。九宮格中的九款小食包括: (一) 北海道馬糞海膽，(二) 海鮮蕃茄盒伴冰菜，(三) 清酒鮑魚，(四) 胡麻醬無花果，(五) 子薑皮蛋，(六) 酥炸白鴿蛋，(七) 香煎墨魚餅，(八) 脆皮燒腩仔，(九) 柚子蝦。不說不知，原來餐廳既子薑皮蛋，用既係同另一間中環著名食府鏞記同一樣既來貨，難怪食落糖心好味而且蛋質特別好特別滑啦！鯊魚骨花膠湯 $368這個湯真係只能用三個字來形容，就係「不得了」！用既花膠係白花膠，佢係取自名貴「黃姑魚」既魚鰾，更有「花膠之冠」之稱號。 看著那非常厚身既「花膠扒」，在場既女仕都立即現出心心眼，食落口感一流，既可固本培元、補血活血、滋補肝腎，最重要既係養顏抗皺，骨膠原豐富，。而湯因為烹調既時間不短，飲落真係有漿口既感覺，那有點像白膠漿的口感，但其實係白「花」膠，我們感到的是無比的幸福感，忍唔住要多喝幾口。花彫蛋白蒸蟹鉗 $268蟹鉗我地都鐘意食，有時去飲宴或者自己order圍餐既時候都會特登加錢去叫黎食，這道花彫蛋白蒸蟹鉗，店員遞上既時候已經聞到超濃郁既酒香，但係其實食落酒味唔算重，只有香，而不會醉，聽店員介紹時更說，這裡的蟹鉗係餐廳老闆自己去越南試過，覺得特別好味，所以特意由越南訂購既越南蟹，食落特別鮮甜，肉質肥美。鮑汁脆皮遼參伴鵝掌三色蔬 $288海參係另一種非常寶貴既食材，佢既功效包括降血壓，滋陰補腎壯陽，簡單黎講，真係男仔女仔都岩食！而餐廳用既亦唔係平時好多時食到既大陸遼參，而係日本關東遼海蔘 ，更加珍貴。浸了鮑汁既遼參先燒後炸， 脆皮做得好薄，很好味，而佢地選用既鵝掌，亦唔係本地或者內地既鵝掌，而係法國既鵝掌，因為佢地著重既係食物安全，而唔係成本，聽到這句，我地心裡對餐廳既口感增加不少。水煮龍躉片 （＄298）餐廳特別從四川請來師傅做這個水煮魚既麻辣醬，務求將最傳統，最正宗既四川風味呈現，而我地食落真係同平時其他餐廳食到既大有不同。佢有好濃郁既麻香，食落口有很大陣麻味剌入舌尖，而並唔係只有一種「死辣」，佢既辣度我覺得還接受到，岩岩開始食既時候覺得唔夠辣，但係食食下開始feel到有一骰辣既刺熱慢慢浸出，十分惹味。龍蕨魚片很厚肉，食落有魚扒既感覺，肉質滑身，除了銀芽，也加上秋葵，很新鮮既配搭。百合鳳梨咕嚕肉 ＄198呢個餸係餐廳既廚師推介，亦係我個人既重點推介，菠蘿係新鮮既菠蘿，所以食入口特別甜，沒有一絲既酸，很醒胃。而咕嚕肉既皮做得真係超薄！超脆！係我食佐咁多年咕嚕肉第一次食到既口感，佢有別於一般餐廳咬落去淋淋地啖啖肉既口感，而係脆皮薄如紙有點像春卷的脆皮，和肉有少許分離，令我食每一塊都會特別珍惜，特別愛護。而佢混合佐百合去一齊煮，亦係一個很新鮮既配搭，雖然我個人，唔係咁鐘意食百合...清湯(三式) 牛腩煲 ＄238呢款牛腩煲，用佐三款唔同部份，唔同既牛腩去烹調，包括坑腩，崩沙腩，同埋梅頭腩。雖然我地share食既時候已經好難再分邊個食咩腩，但係好appreciate餐廳廚師有呢一份心思，俾客人可以一次過有不同既口感，迎合唔同口味既客人。湯底十分清甜，用佐牛骨，胡椒同埋蔥花去烹煮，多喝幾口都唔係會有一絲既口乾，無添加。蟹肉桂花炒長遠 ＄128此菜命名為桂花炒長遠，其實係冇桂花既。「桂花」形容既係金黃色既雞蛋花炒到好似桂花咁幼嫩，而「 炒長遠」所形容既，其實係又長又軟既粉絲，炒得好乾身，很細緻，食入口基本上唔係感到一點既油膩，而粉絲上面有炸瑤柱絲，同埋蟹肉，食落有多種層次，口口味。聽店員說，餐廳所採用既係泰國綠豆粉絲，所以特別細滑強韌，光潔透明，特別有口感。豆乳鮮腐竹浸時蔬 ＄98蔬菜旁邊既腐竹猶如豆腐一樣，原來係千層腐皮，食落味道好好味，那份豆香，那份香滑令我有一點熟！原來，餐廳選用既係腐皮中既極品 － 樹記！聽店員說，樹記係傳統既老店，所以有一份老店既「性格」，就係唔會送貨，即使餐廳要大量既貨，都唔會「為五斗米折腰」，堅決不送，所以香港應該沒有幾間餐廳會選用樹記腐竹去製作菜餚，餐廳也是要特別找店員去深水埗拿貨，才可以把最好的呈現，單是這份心意，已令我再次對餐廳加分。龍蝦湯泡飯 （＄328）龍蝦湯泡飯，其實係一項表演，店員先拿來「BI LI BU LU」作響既大窩龍蝦湯，再送來一碗脆米，然後就在我們的面前把脆米慢慢倒進熱辣辣既濃湯中。「炸」一聱，滿滿既脆米就溶入濃郁既龍蝦湯中。表演完畢，店員會為我們分番每人一碗，一窩大約可以分到4－6碗，我地人比較多，但係其實食到呢一刻，大家都已經飽了9成，所以每人分少少淺賞已可以。龍蝦湯很香很濃，喝湯的感覺猶如吃成隻龍蝦一樣，比酒店烹調既西式龍蝦湯更好味，而泡飯mix埋脆米可以把龍蝦湯的湯汁吸得更撤底。秘製醬乾炒牛河 ＄168因為前幾度菜既炒長遠炒得實在很好既緣故，令我地對廚房既「炒功」多了一份信心，所以多點了一個主食，乾炒牛河。牛，選用了安格斯牛肉，牛既味道很濃，7－8成既熟度，面頭灑上芝麻，同樣地炒得非常乾身，油份不多，不會感到一點油膩。餐廳所講既秘製醬，原則就係辣椒醬既皇牌 －「余均益」辣椒醬！余均益既辣椒醬，兒時食蘿蔔糕，或者乾炒牛河時，可說是必須的搭配品，但可能是成本漲價或者歲月摧人的緣故吧，近年已經很少見了，今次再次可以吃到，童年既回憶即刻番哂黎，而佢既辣香，真係唔係其他既辣椒醬可以比擬，佢既辣度，亦都好高，我只點了少少一匙更，已經很夠了。主菜食完，準備進入甜品既時段，好好禮貌同埋多言既店員這時同我地說，甜品會為我們帶來驚喜。我心想，甜品我們點了杏仁茶，可以有甚麼驚喜？難道是在我們面前新鮮即磨？還是有甚麼特別的烹調方法，可以令杏仁茶，變得不是杏仁茶？最後，我們也估錯了，而驚喜，我們也絕對感受得到！今晚的主角出場！七彩繽紛既Le Creuset！！！Le Creuset，貴為「港女恩物」，每次出場也定必技驚四座，看見這七彩繽紛既法國高級品牌瓷碗，在場的女仕們也禁不住嘩聲四起，你一言我一語地討論。。。「我有這個顏色」，「這個顏色未見過」，「那個顏色好靚我未有」，等等。。。女仕故然驚喜，男仕看在眼裡，其實也頗為驚喜，因為看著自己的朋友們眼看著這些餐具，那發光的眼神，和滔滔不絕的討論，其實都幾攬笑，老實說，個人對這品牌沒有太深的研究，只知道這品牌的鐵鍋夠重，所以用來炆野煲湯實屬一流，但未料到其他「非鐵」的廚具也同樣能夠俘虜香港女生的芳心；還記得每次到訪不同國家，不論是日本，還是歐洲，每次到訪這品牌的專門店，在內選購的總離不開是港人，港人，還是港人，看來港人絕對會是這品牌最大的Shareholders。生磨蛋白杏仁茶 ＄48當然，吃過這麼多道菜後，也知道這裡的甜品應該不會是虛有其表，這甜品是名副其實的蛋白加杏仁茶。打開碗蓋，首先看到的是珍珠白色的杏仁茶，但請別急於用匙更去喝，往底部去探索，你會發現內裡還有香滑的燉蛋白，蛋白食落不算很甜，配上濃郁的生磨杏仁茶，感覺夠特別，連平時唔食杏仁茶既朋友都接受得到，仲話feel到自己既皮膚食完變得更滑....聽到這句，我也差d忍唔住要噴...近年港人開始興起健康飲食，健康生活，所以總會聽到身邊的男同事放工去打波，去做gym，女同事會去做yoga，或者夜晚去跑步，在家煮飯也多了，因為街邊既野食唔健康，有味精，太多油；但這時候我想到的是，假如街外的餐廳也會著重你的健康，給予你最好的，在街吃，不是更省時間嗎？上班時間已經夠長，每日朝9晚8對於香港打工仔黎講都只係正常上班時間，回到家再要煮再要洗其實都幾累幾浪費時間。這頓晚飯讓我感受最深既係餐廳老闆會 put his leg on customers“ shoe，食材唔會計較成本而給予客人最好的，白花膠，越南蟹，關東遼參，樹記腐竹，余均益辣椒醬，每一個細節也在我的腦中不停閃爍，雖然價錢唔平，但這食物質素加上維港夜景，我絕對會將呢間餐廳推介比身邊既親友。…Read More