Lan Fong Yuen

9月1號，打住3號波落老蘭食野，有唔一樣嘅感覺。為數不多可以直入唔洗等有卡位坐，第一次起蘭芳園坐得咁疏落，4個姐姐起樓面一齊工作，神色凝重，落單時姐姐有講要放假啊咁... 幸好依然堅持香港味道香港精神，姐姐落力介紹建議晚餐有咩食，最後嗌左 鴛鴦鬼佬飯 配 絲襪奶茶 和 龍蝦汁蟹籽雞扒撈丁 配 凍鴛鴦少冰甜。 鬼佬飯滿足多心嘅人，魚柳蝦蟹柳白汁加香草免治牛肉醬配煎蛋絲苗米，飽肚。撈丁係芝士底龍蝦汁爆爆蟹籽配嫩滑雞扒，野味。飲品是只能在本港才能找到的香滑味道，其他地方複製唔到。P.S. 姐姐好落力用港式煲冬瓜sell僅有遊客 獅子山🦁⛰️…Read More

好耐都無去呢間「蘭芳園」全是譚詠麟的唱片封面做主題的茶餐廳食野啦，咁岩約左朋友係附近，就去醫肚先。一落到好多人排曬長龍，等左差不多20分鐘終於到我地啦。👀咁今次我地點選了：「蔥油雞扒撈丁$52」、「龍蝦汁蟹籽雞扒撈丁$52」、「皇牌厚身多士$17」、「跟餐凍奶茶+$2」。🍜🍞🍹「蔥油雞扒撈丁$52」用薑蔥油撈成的麵，當中配上椰菜、雞扒，雞扒煎得香味脆口，整體食落有點鹹。🐔🍜「龍蝦汁蟹籽雞扒撈丁$52」用白色的龍蝦汁及蟹籽撈成的麵，當中配上椰菜、雞扒，雞扒煎得香味脆口，整體食落都係有點鹹。🦐🍜「皇牌厚身多士$17」選擇了牛油及煉奶，整片的多士烘烤得好香脆，整件都是滿滿的牛油及煉奶，甜甜地好好味。🍞「跟餐凍奶茶+$2」來到一定要叫呢間的奶茶，因為是好出名，香滑茶香。但今次發現已經沒有用上奶茶冰啦，用上普通的冰粒取代，愈飲就愈淡啦。🍹「餐牌」我已經影左上載至openrice既「餐牌」入面啦，方便大家查閱相關菜式。📋…Read More

一行入蘭芳園，去好似返返去80年代咁，利申我係90後~~餐廳裡面掛咗好多譚詠麟嘅相，相信店主應該好鍾意譚詠麟。個龍蝦汁蟹籽雞扒撈丁味道都算唔錯，但其實個人覺得碟撈丁有冇放蟹籽都差唔多，因為本身個龍蝦汁個味已經好濃，不過以外地同雞扒好夾，可惜完全蓋過哂蟹籽嘅味道，所以蟹籽對碟嘢黎講可以話係多此一舉。雖然係幾好食，但份量唔算多，食完都冇飽肚嘅感覺，而且同其他餐廳嘅撈丁相比，價錢都算貴，可能部份價錢係用黎享受宜個難得有懷舊感嘅餐廳啦~~想體驗一下懷舊感覺嘅朋友們不妨黎蘭坊園試下宜度嘅撈丁啦!…Read More

從前的蘭芳園以本地香港人光顧居多。自自遊行政策推出，再加上旅遊書催谷推介，中國人已佔據整間餐廳。少了一份歸屬感。尖沙咀店裝潢看得出有意營造中環老店的感覺。蘭芳園麵質及咖啡奶茶一向有水準，不會太過離譜的。是次試吃一些新的配搭:龍蝦汁蟹籽雞扒撈丁 ($46)龍蝦汁雖然不多，在蘭芳園很少吃白汁撈丁，但今次配上雞扒味道不錯，甜甜的，不太油膩。但那些伴菜有點不討好，像連鎖快餐店般的質素。蟹籽顯得有點突兀，可有可無，不影響整體。 …Read More

以前一直去開中環間蘭芳園，既然搬左過黎尖沙咀翻工，就黎拜訪下這裡的蘭芳園。可能系因為都比較隱秘並非在主要的大街上，所以就算系中午12:30的這種極之繁忙時間，都唔需要等位。好耐冇吃過撈丁，所以我同同事都order左 撈丁，不過唔同口味。我嗌左<龍蝦汁蟹籽雞扒撈丁>，menu上話系譚校長推介wor，加杯熱奶茶一個set系$46蚊。我覺得系一間比較貴的茶記，畢竟只是撈丁。但雞排的味道是不錯的，如果可以更加juicy D就更好了，今次有少少硬。D龍蝦汁都幾濃稠，甜甜地，好好味道，與出前一丁搭配感覺唔錯。蟹籽就一般啦，其實吃唔出咩特別。但覺得個組合系唔錯。下次我應該會試試個<蔥油雞扒撈丁>，因為我個同事話都幾好味道。至於奶茶方便，可能系我先入為主，我始終覺得中環間奶茶系更加strong同滑，因為以前飲完覺得比咖啡效果更加顯著，而今天飲的熱奶茶就冇左果種感覺，而且味道上好似唔多一樣。如果飲奶茶，我還是會去中環扶手電梯果間，反正都系甘貴 …Read More

蘭芳園，聽就多，食就真係未試過，是次黎到尖沙咀活方新店，都係因為友人話中環果間好正，所以係九龍區就要去九龍既蘭芳園。其實落到活方都有幾間西式、日式食店架，不過我地見到只有蘭芳園係滿座兼我地6個人先可以分到一張4人枱，立即信心大增，覺得「蘭芳園」係優質既保證。完全冇諗過係咁層次，唔好誤會唔係話高層次呀。友人們不嬲有果句講句，全程聽唔到佢地有咩評語，就知唔好食又費事係人地店裡講，實在太有矜持喇。抵讚呀!!! 唔知佢地點既野好唔好食啦，但係我所點既龍蝦汁蟹籽雞扒撈丁 同 熱檸水，就一定係唔好食。第一，龍蝦汁唔係龍蝦汁味，不過是普通白汁味; 第二，撈丁既丁淋晒唔彈牙既，係唔係丁黎架!? 第三，檸水既檸檬真係有d苦。唯一冇咁令人沮喪既係雞扒，都尚算又滑又有肉汁既。呢餐食到我微微咀笑，即係最嬲既頂點。只好轉移視線，講下牆上面既譚詠麟既相片、唱片封面、海報等，係珍藏黎既，不過由於坐得太辛苦，所以都冇留係度欣賞一下。其實睇個門面真係覺得蘭芳園係古老得黎好有特色架，不過真係唔知關唔關廚房唔同人既關係，完全食唔出係聽返黎咁好食，唔該改進下啦，再咁落去，得左「名過於實」呢個稱號就好難東山再起喇~…Read More

有事要到尖沙咀, 到下午都未吃飯, 便試走去渺無人煙的活方看看有什麼吃~整個活方都好靜, 間間鋪都冇乜人行~轉角再轉角, 見到曾聽人講過的"蘭芳園"~嘩~~ 我估全個活方最多人的地方就係呢度~ 咁多人既?!點了奇奇怪怪的龍蝦汁撈丁餐~D檸檬點解咁硬, 好難篤~ 杯係印有譚詠麟演唱會, 好搞笑~ 其他枱枱櫈櫈都有個"蘭"字~個樣都有D吸引, 望落似好多汁, 但一撈起, 原來係唔夠汁, 撈起後蟹籽好似唔見左咁, 太少吧~ 汁味道其實似咸咸地的白汁, 係冇任何海鮮/蝦/龍蝦味, 雞扒略乾~ 裝修係有D特色既..........其實又唔係下面別的食評講得咁難吃, 只屬普通茶餐廳質數, 而價錢又唔算太貴, 尖沙咀區其實差不多啦~ 不過我個人覺得新記的撈丁好食D~ 如再來, 我會想試下奶油豬~…Read More

經常有人說傳統風味要在老店才能原汁原味地享受，今天我便能真真正正地體驗到這道理。位於鬧市中的蘭芳園，在一個人流比較少的商場最盡的一角，很難相像裡面大部份也是附近的上班一族。這次是經介紹來的，她指出這兒的奶油豬比某大茶餐廳更好，於是便到此一試。餐廳內擺了不少譚詠麟的東西，有唱片丶有相片，杯子上也有演唱會的宣傳文字。裝修以舊式茶餐廳為主，木椅子丶木卡座，帶點懷舊味道的風格給人一個不怕風吹雨打老店的感覺。不過茶餐廳的一貫風格仍然保留，店員仍是一般的粗獷和臉上總掛著焦急的表情，令人不得不趕快下單。拿起餐牌看到粉麵特餐($38)包括了我們是次來的目標便立即點了這個餐了。先來一客牛脷喇沙湯米粉，牛脷有六件左右，每件的大小都很平均。試了一件，牛脷完全吸收了喇沙湯底的精華，不知是一起烹調還是本身的強勁吸收能力高，這可算是喇沙湯精華中的代表。米粉的份量也不少，夾起每一條都掛著一點點的喇沙湯，入口喇沙味也濃郁，烹調的程序絕對是不能忽視。特餐還包括了一客香脆奶油豬仔包，這也正是我們是次的目標。送上的時候看到外表，其實也沒有太大的分別，這個包看上去比較乾身，包身多了一點粉而已。咬一口，包是鬆軟的，可是奶油跟牛油的比例似乎不太平均，這一口感覺到牛油是比奶油為多，並不是好的配搭。再者，包本身不熱，已經令整體表現大減，牛油也因此未能全部溶到包裡。對這次的目標大失所望，我們便轉向這兒比較出名的食物。我們要了餐牌上推介的龍蝦汁蟹籽雞扒撈丁($38)，很快便送到了。原本以為因這是推介菜式，所以可以短時間內送上，誰知整碟麵也是冷的，難道這個水準便能當推介菜式嗎?在沒有心情再跟店舖爭議的情況下，便只好拿起筷子開餐。撈公仔麵是甚少會吃的食物，始終對這些加工食物沒有太大興趣，不過既然今天開了先例，便即管看看這兒的撈丁。公仔麵跟龍蝦汁似乎不太合襯，不過事實又不是這樣，兩者出奇地合拍，而且還是十分好吃。雞扒散亂地放在麵上，雖然不至於煎至乾柴，也未見出色。把肚子填滿之後，便是飲料的時間。我們大家也是要了一杯熱奶茶，這應該是一般茶餐廳能夠有穩定水準的飲品之一了。可是事與願違，奶茶送上的時候已經不熱，令到下糖時有一定的難道。茶味跟奶味的比例大至平均，不過由於奶茶不熱，所以也不容易可以聞到茶香。…Read More