TC Bistro

威靈頓牛扒喺外國就食過喺香港就真係冇乜點食過因為價錢普遍都比較貴 之前有朋友介紹個係新蒲崗一間食威靈頓牛扒幾抵食嘅餐廳 今日終於有機會嚟食餐廳嘅裝修雅緻，坐得好舒服 餐湯係蘑菇湯，飲落去有咁我去非常濃郁嘅蘑菇味， 飲得出係新鮮整出嚟嘅 餐包有提子乾係入面，有陣果香味， 唔點湯就咁食都好好食香辣雞翼配薯條雞翼層皮係有炸過嘅口感，食落首先係好香嘅椒鹽味跟住先慢慢散發啲辣味出嚟， 幾有層次感薯條啱啱炸起好夠熱，外脆內軟，好有口感 主菜係威靈頓牛柳上先 一切開外層塊酥皮及聞到好香嘅牛肉味，酥皮好香牛油味， 牛柳亦好鮮嫩有松露香，點埋紅酒汁食簡直一流 我想講下佢係佢做配菜嘅薯蓉係用新鮮薯仔蘑嘅薯仔味特別香，好好食龍蝦忌廉汁海鮮意大利飯個味道好rich, 隻蝦好大隻好香蝦膏味，我估係煎嘅過程都有落咗白酒，個risotto啲飯粒唔會話太硬, 好啱我口味，佢啲risotto比出面一般平時食嗰啲呢係大粒啲 所以會特別有口感…Read More

前陣子霆鋒煮了一道威靈頓牛柳，讓這道傳統英式菜餚冠上了光環，重新為大眾所認識，而無意中在網上瀏覽之際，發現新蒲崗有一間小店亦以此道菜式為主打，筆者當然即時抽時間去揍下熱鬧。位於舊區内的食肆集中地，小店門口設有投影燈，帶點迷幻味道，氣氛十足；店内地方不算太大，採用了簡約的裝潢，白色主調配上柔和燈光，環境和設計略帶工業風，配上牆身的趣味食物圖案裝飾，Fancy舒適中富格調。餐牌内菜式清晰的分門別類，前菜沙律，小食、湯品和主菜各有特色，甚至連兒童餐也有供應，而主菜另加$50就可轉為套餐，包有沙律、餐湯和飲品，選擇頗為豐富。先來一客前菜牛油果雞肉墨西哥餡餅，烘得脆薄的薄餅内夾著海量的牛油果蓉和雞肉，入口熱辣Creamy，沾上隨碟的酸忌廉、牛油果醬和番茄莎莎，添上酸香濕潤，各有風味。主菜就點了威靈頓牛柳和龍蝦忌廉汁海鮮意大利飯，外加$50轉成套餐。是日沙律為無花果雜菜沙律，翠綠的沙律菜加上新鮮嫣紅的無花果，簡單的拌上油醋汁，賣相已很吸引；無花果的清甜芳香佐上爽脆的沙律菜蔬，清爽Refresh，滿有春日氣息。忌廉蘑菇湯，湯身濃稠帶粒粒的口感，順滑中滲著淡淡菇香，真材實料，不是一般罐頭湯可以媲美，如菌香能再濃厚一點將會更好。威靈頓牛柳份量十足，酥皮外層焗得金黃酥脆，內裡包著蘑菇醬和牛柳，一切開粉嫩多汁，讓人期待。入口先是酥皮的牛油脆口，繼而滲出淡淡菇香，而牛柳則是出奇的鬆軟幼嫩，肉香滿滿，層次豐富，懷舊與味美俱全。由於製作繁複需時，在外邊已鮮有餐廳會做這道經典菜式，今次能重新嚐到那傳統的滋味，實在感恩小店的堅持！而伴碟的炸洋蔥圈亦一點也不馬虎，酥脆香口，同樣吸引。龍蝦忌廉汁海鮮意大利飯，大蝦雖只是雪藏貨色但仍算煎得金黃彈牙；意大利飯煮得火喉剛好，飯粒中心還帶少許煙韌咬口，吸收了龍蝦忌廉汁的精華，啖啖濃郁甘香，鮮甜味美。最後店家還附送了焦糖燉蛋這道甜品作為結尾，甘香脆脆的焦糖面層蓋著了奶香幼滑的燉蛋，細細杯份量剛好，為整餐帶來了完美的句號。驚喜地在小區發掘到這間超讚的小店，從環境氣氛、招待態度到食物質素均能做到一絲不苟，而且定價十分合理，難怪可以客如輪轉，筆者造訪當天只是平日也高朋滿座，雖不算超人氣但亦不遠矣。店內醉人的氣氛十分適合兩小口子談談心撐撐枱腳，是繁華旺區以外的不錯選擇。溫馨提示：由於威靈頓牛柳的製作工序繁複，如想到小店品嚐威靈頓牛柳的話，最好一天前打來先預訂，以免白行一趟，大家要緊記啊！…Read More

男朋友生日，佢自選了這間TC Bistro食晚飯慶祝，事源因為前排睇到雜誌介紹，呢間有威靈頓牛柳食喎，我地都未食過又一直都好想試下！威靈頓牛柳有一人份量選擇，但記住要提前打電話去book定喔。餐廳環境不算大，但座位之間都寬闊，坐得都舒服。樓底幾高，掛天花ge招牌燈幾吸睛，帶一點點浪漫氣氛。焗大啡菇配蟹肉忌廉估唔到蟹肉份量都幾多，同大啡菇真係好match！但略嫌大啡菇ge size比平時出面食開較細薄，口感唔夠juicy。我地叫左個risotto，再另加$50轉套餐，有前菜沙律、餐湯和飲品。沙律好fresh，幾種沙律菜加上無花果，醬汁帶微酸，食完好開胃！餐湯都有驚喜，係紫薯湯呀！真係第一次見！飲落creamy又唔會膩，紫薯味好出，每啖都飲到d紫薯蓉，唔錯！龍蝦忌廉汁海鮮意大利飯呢個意大利飯真係煮得好好，口感係微硬，有點生生地咁，唔會煮到一pat pat糊仔咁。而且d飯真係索哂龍蝦汁，配料除左面頭2隻蝦之外(但蝦就有點overcook，有點硬身)，個飯裡面仲有尤魚、小蜆肉、蟹肉、三文魚，真係好足料呀！威靈頓牛柳最期待ge主角到！！！切開就見到牛柳出血水，大約係五成熟，入口好淋好嫩，滿滿肉汁，加埋外層鬆化ge牛油酥皮食，口感好豐富！以$268來講，完全對得起價錢，而且足夠兩個人食。員工收碟速度過份快，會令客人誤會到有點趕客感覺？但都想讚一讚餐廳都幾窩心，因為我想俾驚喜男朋友，所以問左餐廳話早一日放低個生日蛋糕幫手keep都可以。食物質素絕對係對得起價錢，難怪平日都咁多人幫襯，所以想食ge話記住早d book位啦！…Read More

1️⃣牛油果雞肉墨西哥餡餅HKD＄88有酸忌廉、牛油果醬同雜果醬餅薄脆口雞肉加牛油果同辣椒係中間夾酸忌廉勁推介雜果醬都幾fresh 係另一種風味不過牛油果醬牛油果味唔算重唔係好食得出.2️⃣龍蝦忌廉汁海鮮意大利飯HKD＄168海鮮都算多有蜆、魷魚、龍利柳同蝦飯粒夠濕潤都幾煙韌同有咬口但每粒飯生熟情度不一微微蝦鮮的汁都幾吸引蝦的質感好爽口彈牙.3️⃣威靈頓牛柳/1人份 HKD＄298酥皮, 磨菇蓉加牛柳酥皮同磨菇蓉係幾高質酥皮鬆脆但又唔會太散或淋哂牛柳入口軟嫩充滿肉汁磨菇蓉有小小唔夠多同唔夠平圴伴碟食材份量十足炸洋蔥圈、薯蓉、粟米、西蘭花、烤焗蒜頭花.——————————————環境同服務都唔錯食物都叫正常價同okay 好食不過location 太遠 唔方便…Read More

上次晌新蒲崗嘅「Express Bar by Lassana」食完嘢，咁就順道去埋Mikiki行吓，落「一田」睇睇有無咩新奇貨品、或者補補貨。路經發現有間小店「TC Bistro」，主打扒類、意粉，再上網睇睇風評幾好。當時都喺睇完就算，估唔到事隔個幾月，友人約食飯選址黃大仙，我就話不如過新蒲崗啦，有間嘢唔錯，都想試吓。踏進餐廳，感覺都幾有氣氛，漆黑嘅牆身，畫有唔少跟食物相關嘅圖畫，或掛上食物圖片，整體嚟講可以話喺帶有少輕工業風。除咗環境唔錯，餐具都擺放得有規有矩，而餐碟就最有特色喇，因為將牛嘅多個主要部位分割開，等客人對牛嘅唔同部位有多一點了解。門口嘅招牌都講明佢哋主打賣扒類、意粉，但點都順手介紹吓確實有啲咩揀。散點餐牌嘅款式包括前菜、湯品、沙律、兒童餐、主菜、飲品及甜品，而主菜類加$50就成為套餐，多加咗是日沙律、餐湯及基本餐飲，可額外加錢轉為沙冰或特飲。故此，我哋點咗兩個主菜，並同樣轉為套餐。飲品方面就頗多選擇，紅白餐酒、啤酒、汽水、沙冰、特飲、花茶、特色咖啡，甚至手工啤都有。無花果牛油果沙律由於我哋兩個餐，是日沙律就做成一大份，外觀更有睇頭，而且，唔喺啲田園沙律、雜菜沙律普通嘢，而喺無花果牛油果沙律，仲要喺有唔少無花果及牛油果，兩者都非常好食，此外，個沙律菜底好爽脆，淋上嘅醋汁一食就知煮過，因為濃香啲、杰身啲，好有誠意嘅出品。蕃茄忌廉湯餐湯都好出色，咪睇佢好似平平無奇，入口蕃茄味都好清爽，又唔會太酸，口感滑溜細緻。伴上意大利香草包，喺小弟其中一款好心水嘅麵包，軟綿富香草味，真想問佢哋可唔可以添食嘅。慢煮法式豬鞍扒 $188睇見「慢煮」就要加分，因為慢煮嘅菜式，好多時喺唔衰得去邊，而呢一道慢煮豬鞍扒，賣相堅靚仔，一來件豬鞍裁得大大件，好有睇頭，二來煎得帶點焦香，外觀吸引，再伴有好多薯仔、粟米及西蘭花。件豬鞍雖然厚身，但切落好輕易，肉質軟腍而有種爽爽哋嘅感覺，淋上燒汁，再沾少少芥末，的確好食。龍蝦忌廉汁海鮮意大利飯 $168我成日都話，試一家餐廳，意大利飯喺其中一道最易試到師傅功夫嘅菜式，單睇碟飯嘅外觀，感覺就好對辦，食落去，飯粒既做到濕潤，又有種煙韌咬口嘅口感，帶微微蝦鮮味，煮得恰到好處；而飯內亦有唔少海鮮料，如大蝦、魷魚、蜆，夠晒足料，唯挑剔位喺啲蝦質感唔算好爽彈啫。芒果煎茶花茶 +$12友人喜歡花茶，所以加錢配一款混合芒果、綠茶、矢車菊、金盞花嘅花茶，原來都喺以一個茶包沖泡，茶色及味道都比較淡，友人話OK啦。榛子鮮奶咖啡 +$12小弟見轉特色咖啡都只喺加$12，飲得過就試試，不過，一睇啲奶泡及嗰兩點咖啡印，就知喺完全機沖，就知唔喺期望嗰啲，再呷一口，似意大利泡沫咖啡多過喺杯鮮奶咖啡，只可以講啲豆唔差，當普通嘅咖啡咁飲喺唔錯嘅。食物方面就覺得好有水準，服務方面亦留下深刻印象，上菜嘅節奏好平均，不急不緩，而落單時會問我哋主菜喺咪一齊食，所以，上主菜時會額外放多兩隻餐碟，呢啲細節位都睇在眼裡，相信侍應嘅付出，喺有客人會知！…Read More

今日係同男朋友拍拖紀念日，緊係要好好慶祝下～佢揀左依間o係mikiki 附近嘅餐廳～之前冇黎依區一段時間，原來開左間咁高質素嘅西廳！餐廳裝修好有格調，適合情侶談心，同時都適合一大班人黎聚會野食方面選擇都幾豐富加$50 轉套餐包湯、沙律同飲品印有餐廳名嘅碟，好有心思男朋友提前一日已經預訂左一人份量嘅威靈頓牛柳好期待啊～我地另外叫左個risotto，前菜，同兩樣甜品～牛油果沙冰好大杯～ 好香牛油果味，好柔滑，唔會太甜比坊間嘅做得好是日沙律好新鮮，醬汁好味，唔係好酸嘅醋味草莓荔枝綠茶好清甜是日餐湯＆焗大啡菇配蟹肉忌廉是日餐湯係蕃茄忌廉湯個湯好濃郁，配埋個包沾黎食好味道～焗大啡菇配蟹肉忌廉依個大力推薦～真係好好味啊～前菜都做得好出色，好多蟹肉，好足料超級惹味！威靈頓牛柳（一人份）重頭戲黎喇～ 係威靈頓牛柳！！酥皮好鬆化，好香牛油味熟得好平均，火侯控制得好好有少少血水唔會過熟，牛柳軟腍腍好味道！伴碟嘅薯蓉都好出色，食落會有薯仔粒，好滑炸洋蔥圈好厚肉，好味道，食落夠脆～龍蝦忌廉汁海鮮意大利飯兩隻大蝦係切開左一半，唔使剝蝦殼，好細心！ 隻蝦好重蔥香同鹽味，有特別烹調過好欣賞～另外唔好以為凈係得兩隻蝦，仲有好多海鮮o係risotto 入面，有蜆肉，墨魚，蟹肉同魚，絕對係好足料，又滋味Cream Brûlée 當食完好好味嘅正餐，店員話今日會送甜品！係Cream Brulee 啊!!!好開心！！焦糖燒得薄脆金黃，燉蛋質感幼滑細嫩，滿口蛋香水準唔錯～食埋甜品真係超級滿足！總結黎講依度價錢相對係比較貴少少不過食物質素有保證，性價比好高！好滿足～ 值得再度光顧！如果要訂威靈頓牛柳記得要提前預訂啊！…Read More

今日收工黎到新蒲崗覓食, 之前經過見到呢頭有好多餐廳都好吸引今次就試下西餐先!行到門口俾隻牛吸引左我要据扒~~入面既裝潢都好令人relax幾適合一班朋友黎食下野傾下計至於座位係咁既, 坐得好舒服隻碟好靚呀, 我好鍾意薄荷檸檬水~我地叫左兩個套餐, 仲另外叫左多個沙律添西蘭花忌廉湯個湯好有驚喜呀! 煮得唔會太稠覺比一般忌廉濃湯新清!配埋塊多士套餐沙律有煙三文魚牛油果帶子沙律我承認我地over左少少, 套餐明明有沙律, 仲叫多份但係我真係好想試呢個沙律呀嘛酸酸甜甜好清新!帶子好鮮甜! 仲有我好愛既牛油果威靈頓牛柳黎到呢個重頭戲, 我期待左好耐喇呢個二人份量都唔惹少架! 切開左係咁架酥皮好鬆脆好香, 中間啡色個d 係磨菇蓉, 入面就係啖啖juicy的牛柳唔好睇個牛柳咁大舊以為食落好麻煩, 但佢其實好淋好易入口!肉質鮮嫩, 好耐未食過咁正既牛喇龍蝦忌廉汁海鮮意大利飯店員一送上呢個意大利飯, 我地就聞到滿滿既海鮮味入面仲有蜆、魷魚, 好豐富!餐飲 (凍奶茶+巨蜂乳酸梳打)朱古力MousseBonus!仲有甜品送呀! 雖然好飽, 但係叫我點抗拒呢Overall d 野食都好有驚喜, 非常高質!威靈頓牛柳令我好難忘好想再食多次不得不提呢度既店員既服務態度都好好!!有禮貌又好主動幫我地收碟換碟,其中一位女店員笑容好好, 服務殷勤, 令我印象好深刻…Read More