Oyster Cove (Kimberley Road)

📌 蠔灣 (金巴利道) - 尖沙咀金巴利道73號新業廣商業大廈地下A舖🗓(18/5) 星期四 ⏰ 晚上7點左右 💈特式：我好鐘意食蠔，尤其是生蠔，因為新鮮生蠔比起焗蠔/炸蠔更鮮甜好食，但香港真係食蠔出色嘅餐廳唔多，上網搵到呢間蠔灣，佢有尖沙咀同天后兩間分店，我今日就去左試佢尖沙咀嘅分店。🥩🍔🌭🌮🥗🥯🥘🍲🍝🍣🥟🍤🍱食物：店員介紹左幾款生蠔係今日推介，所以我都係散叫左一個拼盤，另外仲叫左一個活蜆湯同一個龍蝦意粉，而家等我同大家講下🦪味道先。海鮮拼盤 total$520 - 我散叫左3款生蠔各2隻，法國藍蝦2隻，車厘蜆2隻，北海道帶子1粒。Cocollos size No.2 ($43/隻）Tia Maraa ($44/隻）Gillardeau size No.1 ($58/隻）店員有好細心講解食嘅次序，由淡至濃，每隻都好新鮮，不過講真佢地嘅口感/味道分別就唔大，但當中要揀一款最好食的話，就係Gillardeau，除左佢係最大隻之外，亦都係海水味最強，而且少少咸嘅海水味中亦出到鮮甜嘅味道。法國藍蝦 ($48/隻）法國藍蝦食落個口感唔似一般日式甜蝦或者牡丹蝦，肉質好實淨同爽脆，味道就無牡丹蝦咁重蝦味。車厘蜆 ($48/隻）車厘蜆就非常新鮮，又無沙。北海道帶子 ($38/粒）帶子size好大粒，應該係3XL級數以上，味道鮮甜爽口，一粒開半都仲有成粒擦膠咁大粒。清酒蒜蓉煮活蜆湯 $238 - 呢個活蜆湯我上網見好多人都叫，所以都叫嚟試下，湯入面有大約15~6隻蜆，隻隻都有成兩個5蚊銀咁大，同埋隻隻都極之甜，個湯入面就有d芹粒/蒜粒/黑椒，好香，我一滴不留咁飲晒。龍蝦忌廉意粉 $198 - 個意粉上枱好靚，同埋係用我鐘意嘅扁意粉，掛滿杰身嘅醬汁，味道好香濃，龍蝦肉亦好爽口彈牙。☕️🍵🥤🧋🍺🍷🥃🍹🧉🍾🍶🥛飲品 : 始終都係主力食海鮮嘅餐廳，紅白酒種類一d都唔少，另外仲有汽酒/Cocktail/啤酒等等，非酒精飲品就比較普通。🍽環境：餐廳佔地就唔算好大，牆身就用水泥風格裝飾 ，坐位就一邊係長卡位，另一邊就有幾張4人枱，佢地d櫈都幾好坐，枱面又闊落，整體感覺都好舒服。如果你有order生蠔/海鮮盆嘅話，枱面會放個架用嚟托起盆海鮮，唔知有咩用，不過就一定會影相靚d🤣。🤵🏻🤵🏻‍♀️🤵🏻‍♂️服務：餐廳職員態度非常好，因為佢地生蠔嘅選擇十分多，所以店員會詳細講解唔同產地來源會有咩唔同口感/味道之類，當中都學到唔少同蠔有關嘅智識。💰💸價錢：今日主力食生蠔同新鮮海鮮，所以都預左要返咁上下價錢，埋單就係$1,000左右，係尖沙咀食一餐咁嘅海鮮，呢個價錢都屬正常檔位。🐲💬總結：我覺得佢地d生蠔真係好新鮮，店員有提過佢地對生蠔嘅品質控制好嚴格，只會選取最時令最優質嘅蠔，以免影響餐廳聲譽。我覺得呢點我都好欣賞，期待下次唔同季節會再嚟食佢地其他唔同品種嘅生蠔啦。推薦指數：❤️❤️❤️❤️🤍…Read More

今晚慶祝公司出雙糧，要食餐好豪一豪😍尖沙咀金巴利道除咗韓國菜林立之外，仲有一間高質西餐廳鶴立雞群，呢間西餐主打生蠔🦪海鮮，刺身。主打新鮮活海鮮，所以價位相對中上。兩個人叫左三款生蠔，價錢有貴有平，仲可以自選海鮮組合。另外再加左北海道帶子、牡丹蝦、活赤貝，全部即叫即開。呢個季節生蠔最肥美，職員先介紹由淡味開始⭕️Cocollos no.3 開始，雖然係small size ，但拎上手唔會太細，入口肥美。⭕️跟接Tarbourlech Oyster(Pinky)No.2 來自法國🇫🇷自家蠔場，鬆脆的肉質和柔軟粉紅色的蠔肉在口中完美平衡，生蠔味濃郁。⭕️La Reserve No.1 係拼盤中最大尺寸，肉質飽滿，海水味濃，爽口帶鮮。拼盤中間嘅刺身，由北海道直送，新鮮到不得了🥹首推北海道帶子，厚肉鮮甜，入口大滿足，$76 有兩大片，性價比超高👍海鮮拼盤當然點能夠滿足到我哋嘅胃口，所以額外再點左清酒蒜蓉煮活蜆湯暖一暖胃。大量肥美活蜆，煮成清酒湯，一下子清晒😋😋最後嘅主菜係龍蝦忌廉意粉，濃稠嘅忌廉汁包住每條意粉，啖啖Creamy香濃，一碟有半隻龍蝦🦞，食唔停口。💯整體用餐體驗好滿足😌…Read More

餐廳喺尖沙咀中心地帶，非常方便，之前已經試過一次外賣生蠔去朋友屋企聚會，覺得啲生蠔好得，所以今次專登黎堂食，整頓飯都令人非常滿意。叫咗5款生蠔:Tia Maraa Pearl ($36)、Speciales Lambert No. 2 ($42)、Krystale No.2 ($42)、La Perie Noire ($42)及Tarbouriech Oyster (Pinky) No.2 ($45)，隻隻蠔都肥美飽滿，食時依照味道從淡至濃順序食，我就比較喜愛Speciales Lambert 同La Perie Noire，充滿海水味同豐富礦物味，餘韻留在口腔令人回味。Tia Maraa PearlSpeciales Lambert No. 2 Krystale No.2La Perie NoireTarbouriech Oyster (Pinky) No.2刺生叫咗3款:車厘蜆，肉質感爽彈而且非常鮮甜。北海道帶子肉厚軟綿，亦都係非常鮮甜。北海道赤貝肉質超爽同勁彈牙，証明真係好新鮮。法式鵝肝多士鵝肝多士整得好好食，鵝肝甘香入口即溶而且多士香脆，比較特別既係鵝肝底下舖咗一層果醬，而果醬的酸甜味減少了鵝肝的油膩感，一絕! 龍蝦忌廉意粉意粉軟硬度適中，龍蝦鮮甜肉質彈牙，忌廉汁味道調較得非常好，高質既一道熱盆。…Read More

返工咁辛苦終於捱到星期六放假😫要食餐「蠔」既慶祝下‼️🥳✨生蠔刺身拼盤 生蠔即叫即開, 由淡味至濃味順時針排列🦪擺盤好有心思, 每一隻仲好大隻, 打卡一流📸‼️🦪1. Tia Maraa Pearl ($36/pcs)海水味最淡既, 口感爽脆, 第一隻食佢做熱身最岩😝🦪2. Krystale - No.2 ($42/pcs)海水味適中, 食落幼滑鮮甜, 質感爽口, 口感豐富😉🦪3. Speciales Lambert - No.2 ($42/pcs)比較厚身肥美, 肉質比之前兩隻結實海水同礦物味都好濃郁, 我幾中意而款😚🦪4. La Perle Noire ($42/pcs)又名法國黑珍珠, 海水味好突出, 肉質飽滿結實‼️仲要勁大隻, 好鮮甜, 餘韻悠長😋🦞紐西蘭深海龍蝦仔 ($128/pcs)好少見用龍蝦仔做刺身, 好特別😉個樣似虎蝦, 晶瑩剔透, 肉質厚實而爽口彈牙👍🏻比普通牡丹蝦鮮甜好多😚🫧北海道帶子 ($39/pcs)非常厚身, 切開一半都好飽滿‼️食落有彈性, 軟嫩鮮甜😙✨清酒蒜蓉煮活蜆湯 ($238)食完冷盤就要食番D熱野♨️ 上碟果陣我擘大對眼🤩 蜆超級大隻‼️清酒蒜蓉湯底帶有微微酒香同牛油香加上蜆又大隻厚肉又新鮮, 配上粒粒芹菜成個湯好鮮甜好好味😍✨龍蝦忌廉意粉 ($198)好香濃既龍蝦香味🦞 龍蝦仲拆曬肉, 食落啖啖肉😋意粉好掛汁, 每一條都沾有龍蝦膏同忌廉, 好惹味好正😚食物質素非常高, 選材新鮮, 物有所值👍🏻 間唔時來食餐「蠔」既都ok😙評分: ⭐️⭐️⭐️⭐️…Read More

自從疫情之後都好耐無食過生蠔🥲🥲因為平時通常都係食自助餐嘅時候先會食到蠔😛今次發掘咗間食蠔專門店，終於可以一飽口福😋😋😋🦪 生蠔拼盤一見到呢個擺盤，心入面”嘩”咗一聲😍📸 一共有七款生蠔加一款車厘蜆，排到好靚☺️ 店員為我哋逐一介紹生蠔，建議由淡味到濃味順時針咁品嚐😋 食蠔最怕腥，但今次一啲都唔洗怕，因為全部都好新鮮，大大隻好甜好肥美🥰🥰🍲 清酒蒜蓉煮活蜆湯 ($238)食完咁多生蠔，最啱飲返個湯暖一暖胃😌超級大隻嘅蜆，個湯好鮮甜，仲有有芹菜同炒香嘅蒜蓉洋蔥粒，feel到啖啖都係蜆嘅精華🤤🤤🦞 龍蝦忌廉意粉 ($198)去咗殼嘅龍蝦，最啱懶人🤣口感結實爽口彈牙😍 意粉好creamy😋濃濃嘅忌廉汁佈滿晒成個意粉🤤好滿意呢餐海鮮大餐，蠔嘅種類好多好新鮮🦪好啱各位生蠔愛好者😋期間留意到隔離枱嘅情侶係專程過嚟品嚐幾款喜歡嘅蠔，感覺好有生活態度😆👍🏻我哋都好應該學習吓😌…Read More

早排好想食過生蠔🦪🤤 約埋舊同事一齊去專食生蠔 嘅 蠔灣，果然有水準，鮮味滿滿，零舍不同👍好彩提早預約，今日又爆場。 打開個Menu， 已經心花怒放🤩 勁多款式， 款款都想試🤤最後點左。。。 ✅ 生蠔海鮮刺身拼盤🦪一大盤生蠔刺身拼盤🤩🤩仲有小燈泡做打光💡 打卡📸打卡📸再打卡📸 盤底放左個碟專放蠔殼 設計慳地方，成個造型好靚 生活小智慧💕 店員用心介紹生蠔🦪的來源及食法先由 ✅ Nabimia 西非生蠔 食起，順序到✅specials Lambert最後✅krystale 相對地西非蠔比較清淡反而中間的 Lambert 就 #鮮甜而帶有海水香氣的味道 🏝少少咸，又最肥美， 超讚👍krystrale 就重海水味，creamy滑滑流。再加上少少檸檬汁🍋及醬汁。完美 🥰✅ 北海道帶子粒：充滿色澤，鮮嫩，有點回甘味。 ✅ 北海道赤貝：鮮艷的橙紅色、爽口彈牙。 仲叫左少少熟食✅ 清酒蒜香刀貝蜆湯：🦪🥣第一次見拳頭咁大嘅蜆，同包裝紙巾差不多大，超誇張。5隻已經放滿左隻碗，厚身又滑流，香噴噴嘅蒜香，一啖熱湯溫暖我們的心。 ✅ 龍蝦忌廉意粉：🦞🍝龍蝦質感結實香口，好多龍蝦子，加上濃濃忌廉醬汁，沾滿每條意粉，充斥味蕾舌尖的美好滋味😋😋😋 …Read More

一向都鍾意食生蠔，今日俾我搵咗一間環境和氣氛都不錯的Oyster Cove 蠔灣要了兩隻北海道帶子，兩隻紐西蘭深海龍蝦仔，2隻由西非來的Namibia, 2隻由蘇格蘭來的Scottish Rock, 2隻Tia Mara Pearl, 2隻Krystale。餐廳把4款生蠔由淡至濃味排好，放便客人慢慢品嚐。上枱時，經理還提醒我們先吃帶子，再吃龍蝦仔，最後才吃生蠔，由淡至濃，超級貼心的服務。所有帶子、龍蝦仔和生蠔都新鮮到震。帶子厚身細密，味道鮮甜；龍蝦仔晶瑩剔透，肉質細嫩鮮甜；4款生蠔都充滿海水味，飽滿鮮嫩，超滋味。清酒蒜蓉煮活蜆湯活蜆本身已經非常鮮甜，用清酒蒜蓉煮更能提鮮，而且湯汁滲透清酒的獨特香味。龍蝦忌廉意粉意粉煮得恰到好處彈牙爽口，龍蝦忌廉汁鮮味滑溜又Creamy, 而且還有超多龍蝦肉，真像好好味。…Read More