J-City

提早1日慶祝母親節，為左想試北極光海膽柸而黎，所以Book左丼瀛食晚飯，好可惜佢唔推出了😭。場內勁full叫左個龍蝦刺身爆丼($218) ，um🤔好似同相片不太相符，連唐心蛋都冇左。味道都ok清酒煮蜆，好重酒味，蜆就正常siZe ，同勁多菜同昆布。再叫多個Set dinner($298)丼瀛特上壽司柸+什錦天婦羅+熱稻庭烏冬，個餐都算ok抵。有7個壽司柸，刺身都好新鮮，烏冬用左豬骨做湯底。另外見到既海膽雜錦刺身丼，其實係佢地落錯左，我地等左成大半鐘吹左幾次，佢地先知落錯單，即刻出番個Set dinner比我地🙈佢地都不停道歉，但餓屎我女女了😢…Read More

朋友在觀塘上班，約了在觀塘食日本野，在工廈的，叫丼瀛。觀塘的放工時間人多得有點恐怖，五分鐘的路程也要花上雙倍時間。清酒煮大蜆 $78，入口嚐到好濃的清酒味，蜆大大隻，間中一兩隻有沙。串燒點了厚燒玉子$24，蛋味好香，還有一口和牛 $38，肉嫰。串燒即叫即燒，熱烘烘的，不會放到微溫才上枱。北極光海膽杯 $168，裡面有海膽、松葉蟹、海葡萄、黑魚，最底部是紫薯，好特別的配搭。築地壽司杯 $138，壽司以杯上，先來視覺享受，再以味蕾品嚐，壽司沒有冷藏味，但不算很鮮味。龍蝦刺身爆丼 $218，非常吸睛之選，龍蝦拆肉拌以沙律醬，刺身有不同款式的魚，還有配上溏心蛋。…Read More

❣️呢一日約左係觀塘既朋友食飯，因為我收得早d，就去觀塘join佢啦。同埋一直都聽人講，觀塘工廈有好多正野食，一於叫朋友帶路啦。📍位置朋友叫我係搭地鐵，話驚收工時候會塞車。我地係觀塘站A2出口會合左，穿過APM，黎到巧明街，右轉，榮昌工業大廈，5樓A，離地鐵站10分鐘路程，都幾方便喎。❣️環境&座位呢度除左有室內座位，仲有outdoor座位架。雖然依家係冬天，但其實outdoor都加哂膠簾，阻擋左9成9既風啦，都見到餐廳係outdoor座位裝埋冷氣機，就算夏天黎，都唔洗怕熱既。❣️Menu 晚市冇set既，以散叫為主。可以留意下牆上既告示牌，會有時令海鮮推介。✨龍蝦刺身爆丼 ($218)造型十分震撼，除左有原隻熟龍蝦、仲有多款不同既白身、紅身魚刺身，塊塊新鮮厚切，2個人share食都好滿足。✨清酒煮大蜆 ($78)大蜆粒粒飽滿，肉質爽口，食落有清酒味，又冇沙。✨築地壽司杯 ($168)有6款壽司，分別係甜蝦、吞拿魚蓉、魷魚、海膽、三文魚，造型精美。海膽同吞拿魚蓉最深得我心，海膽size夠大夠creamy，吞拿魚蓉拌埋蔥一齊食，好香好好味。✨北極光海膽杯 ($138)一層疊一層，顏色鮮豔奪目，真係好似北極光咁震撼。有黑松露、海葡萄、三文魚籽、蟹肉、紫薯，每一層都有驚喜。✨一口炸芝士 ($34)炸既時間掌握得幾好，粒粒色澤金黃，冇過多既油份。咬落口，d芝士多到滿瀉，好治癒啊。✨一口和牛 ($38)有濃濃既牛味，食得出係上乘既牛肉，好juicy。✨厚燒玉子 ($24)甜甜既厚燒玉子，配埋餐廳既特製醬汁，食唔停啊！❣️總結呢間餐廳情調幾好，暗暗地，又有足夠空間，幾岩收工之後黎輕鬆下。而室外座位都掛滿左星星燈，好岩打卡。…Read More

以往去觀塘，只懂得在地鐡站連接的商場，但自從知道附近的工廠大厦隱藏了不少跟大商埸內的連鎖食肆有別的餐廳，令我更想去試試尋寶，發掘一些臥虎藏龍的地方。這是我第一次去觀塘工厦吃日本菜，所以都滿心期待，入到店內，地方寛敞開揚，最特別是店內竟然有室外有蓋的用餐區，兩種不同格調，各適其適。香桃蟹子沙律（$78）👍👍👍👍👍沙律用了蘋果和青瓜，並切成幼絲，再加上蟹子和香桃。蘋果絲入口芳香清甜，跟清新爽脆的青瓜絲味道互補，加上爆脆的蟹子和香甜的香桃，整個沙律十分討好，亦為我們的晚餐作一個甜美的開始。龍蝦刺身爆丼（$218）👍👍👍👍👍原隻的龍蝦放在丼飯的正中央，除此之外還有多款時令刺身，有帶子、三文魚、劍魚腩、三文鱼子、北寄貝等等，各款刺身都很鮮甜，上面還有一隻流心蛋。再説丼飯裏的主角，原隻龍蝦 - 龍蝦尾已起肉，並切成丁方狀，配合了沙律醬和蟹子，就是一個美味的龍蝦沙律；巨型的龍蝦㟛，去殻後，肉質鮮嫩多汁；最後龍蝦頭𥚃面的蝦膏，可以拌以白飯放在紫菜上，自製一個龍蝦膏手卷。築地壽司杯 （$138）👍👍👍👍👍這個築地壽司杯既可獨食亦十分適合和朋友分享，每杯壽司杯都放了不同的材料，有海膽、牡丹蝦、蟹子魷魚、拖羅蓉、三文魚子三文魚、拖羅蓉小卷。細細杯壽司杯，吃完都很飽肚。安格斯牛肉壽喜鍋（$118）👍👍👍👍安格斯牛肉壽喜鍋材料十分豐富，有牛肉和雞蛋，下面更有金菇、冬菇、大蔥、洋蔥、小棠菜、旺菜、粉絲和豆腐，十分健康。鹽燒雞翼（$36）👍👍👍👍雞皮燒至香脆，雞肉仍保持細嫩，一人一隻，份量剛剛好。牛舌（$38）👍👍👍👍牛舌一串有三件，厚切的牛切入口彈牙多汁亦不會靱。簡單以鹽調味，已能夠帶出其美味。一口和牛（$38）👍👍👍👍一口和牛入口軟滑並帶有油香，一口一粒，吃得盡情。大蔥燒白鱔（$38）👍👍👍👍新鮮的白鱔，魚皮燒至香脆甘香，跟大葱一起吃更能夠帶起白鱔的鮮甜，亦可平衡鱔肉的甘膩。門面內在環境室內用餐區室外用餐區餐牌…Read More

今日收早無咩野做就係𝕒𝕡𝕞行下街，順便約埋朋友食下飯聚一聚👭朋友係觀塘既地膽，她知道我想食日本野🇯🇵就簡左食丼瀛～位於榮昌工業大廈好近amp果邊店內既環境都好寧靜💕龍蝦刺身爆丼$218這個爆丼好吸睛呀👀有原隻龍仲有三文魚、帶子、油甘魚、三文魚籽等刺身新鮮美味😗糖心蛋都煮得剛剛好又好好味，夠晒流心既效果😻龍蝦🦞超大隻又超鮮甜，龍蝦每個位置都有野食到，龍蝦頭入面有膏，可以撈飯食🍚兩隻龍蝦鉗大大隻，折埋食仲有好多肉係入面，而且食到咸咸地好重海水味👍🏽🌊龍蝦身既肉已經切好了一粒粒，有沙律醬和蟹籽係面，肉質鮮甜彈牙~鍋燒烏冬 $98由於朋友夜晚唔想食咁多飯，所以叫左個烏冬俾她食....有個生蛋係中間，烏冬軟軟的 。炸雞肉浸住個湯，都唔會太冧築地壽司杯 $138很精緻吧😻有7個杯裝著壽司，除左第一個係壽司薑片，其餘果6杯是舖滿了各種不同的刺身，刺身下就是壽司飯，分別是三文魚三文魚籽、魷魚、甜蝦、海膽、吞拿魚、拖羅蓉手卷。海膽食落去好肥美鮮甜，溶係口度🤤刺身好新鮮啲飯既份量岩岩好，一口就食到串燒點了牛舌$38、一口和牛$38、日本蕃薯$16、大蔥燒黑豚肉24，整體燒出黎唔會燒到好乾身，鎖到🔒肉汁🤤，肉質仲好嫩~平時小胖子見到有大蔥係唔會食的，見到呢個大蔥燒黑豚肉燒得好靚就連埋豚肉一齊食啦，哇...好多汁🙊大蔥味好重但燒過既味道好味過平時就咁食牛油果藜芴沙律🥗 $88用牛油果做沙律係能最直接吸收到營養的，加上又有藜麥岩曬減肥人士，又可以無咁罪疚感。菜既份量都很多，牛油果🥑和汁係底，所以食之前要撈好啲。汁係酸酸底好開胃~…Read More

觀塘工廈一直都是小弟的飯堂，唔單止選擇種類多，而且食物也不錯。今次來到這家日本餐廳丼瀛，想必這裡主要以丼飯為主。餐廳的裝修以居酒屋和棕色木系為主題，也充滿和風，令人感覺舒適。油甘魚牛油果海膽沙律 油甘魚味道新鮮，份量都很多，反而牛油果太少，牛油果香濃細膩，吃起来口感嫩滑。海膽甘甜軟綿，帶些少海水鹹香，也算鮮甜。而蔬菜為整碟沙律添了幾分清新，食多也不覺油膩。築地壽司杯一共有7個壽司杯，除了第一個是壽司薑片，基本上每款個壽司杯上面舖滿各種不同的刺身，而下面則是壽司米飯。其餘6款壽司杯分別是拖羅蓉手卷、蟹籽帶子、海膽、吞拿魚、三文魚和三文魚籽、甜蝦。海膽同樣甘甜軟綿、肥美鮮甜。三文魚籽晶瑩飽滿，咬下去口腔充斥住鹹鮮！拖羅蓉入口軟滑脂香，細緻滑溜，非常豐富，十分滿足！龍蝦刺身爆丼很精緻的賣相，最吸睛莫過於是龍蝦了，色澤橙紅。而色彩繽紛的刺身鋪砌到滿一滿，幾乎放不下。有龍蝦、三文魚、帶子、油甘魚、八爪魚、希靈魚、糖心蛋等，但我個人就不喜歡希靈魚，其他的都非常新鮮美味。而主角龍蝦刺身亦不令人失望，龍蝦肉已挑出並與蟹籽製成沙律，蝦肉肉質鮮甜彈牙，沙律帶甜而不失原有之龍蝦味，很不錯。而龍蝦鉗肉有很重的海水味，齒頰生香。芝士飛魚子軍艦牛油炒大蜆 牛油的香氣非常香，一上碟已不自覺就垂涎三尺了！蜆肉很多，亦都算肥美，配上白飯一流！今次的丼飯和壽司杯最為深印象，賣相吸睛，食物質素也不錯，可謂色香味俱全！…Read More

之前見到openrice有好多人話呢間唔錯，同埋見到佢既龍蝦丼都幾吸引,所以就來左呢間同朋友慶生~丼瀛門口掛上了2個日式紅燈籠門口擺放了餐牌餐牌上的食物種類都算多樣化,有沙律,主食,爐端燒,蔬菜類....仲有人氣推介既海膽杯,築地壽司杯和龍蝦刺身爆丼入面已佈置了聖誕裝飾餐廳地方很寬敞，有Indoor也有Outdoor龍蝦刺身爆丼賣相好美呀，色彩繽紛的龍蝦刺身爆丼除左有龍蝦刺身外，仲有帶子，吞拿魚，鱆紅魚和北寄貝刺身再加埋粒糖心蛋和飛魚子粒，真係非常足料龍蝦刺身好好食，大約有5粒龍蝦刺身咁上下，食到龍蝦既鮮味，味道咸咸鮮鮮撈埋d沙律醬食，正呀糖心蛋都好好味，夠晒流心築地壽司杯這個用壽司杯上都幾特別，賣相也不錯~佢有7個壽司杯，其中一個係紫薑，其餘6個壽司杯分別有海膽，甘蝦，帶子，吞拿魚，拖羅紫菜圈同三文魚壽司杯~甘蝦同帶子都幾鮮甜海膽有少許苦苦地其它都正正常常安格斯牛肉壽喜鍋壽喜燒係本人至愛，湯底甜甜的正呀，加埋粒蛋，冇得輸呀牛肉又唔會韌配料還有豆腐，金菇，冬菇，菜等等。。紐西蘭羊架呢個又係冇得輸，羊架好香香草味熱吃又唔so芝士雞翼這個芝士味不太出，但都幾好食，雞翼外層脆口味道咸咸的，雞肉肉質都好嫩新鮮熱辣，食個時仲係出煙的油甘魚頭連鮫這個整得好香口，外層都好脆魚肉肉質都可以吱埋d檸檬汁食都唔錯員工都好有禮貌整體食物，環境，服務都可以…Read More

好友今晚約食飯， 就大家放工地點選擇觀塘區。 同事較早前介紹近觀塘巧明街 又有 抵食日本料理推介。放工時間由地鐵站去巧明街真是一大挑戰， 從人群中逆流而上， 好不容易擠到 餐廳所處嘅大廈。 日式料理店個餐廳有簡單裝修。Menu 選擇繁多, 日式料理壽司串燒每款都想試。等人嘅期間我先點了一客"烤雞泡魚乾"。 熱辣辣好香嘅魚乾味， 咬落唔係乾凈淨有魷魚絲既口感。蘸沙律醬 一流!人氣之選絕對是"龍蝦刺身爆丼" $228 (試食價)料理上枱後絕不比圖片遜色， 龍蝦 霸佔著整個丼嘅位置， 好搶眼好霸氣。 龍蝦肉用沙律做法， 好清新亦估唔到能帶出龍蝦肉嘅鮮甜。龍蝦鉗超級大隻， 新鮮結實冇欺場。另外還 有油甘魚刺身三文魚 金目鯛 帶子刺身。 款款都鮮甜， 油甘魚亦鮮甜無比，結實柔潤， 非常高質素。還有兩隻味付玉子分開上， 可能個饭已經超載了。 很流心， 唔會好鹹並好有蛋香。龍蝦刺身飯份量相當之大， 一個人冇可能食得曬。嫌刺身唔夠喉， 留意到仲有飛機貨嘅刺身。 問問店員， 今晚會有"深海池魚"$50。正呀， 好鍾意佢嘅質感夠彈性， 有魚味但唔腥。 今晚這款"深海池魚"魚皮部分色澤鮮豔反出銀光， 新鮮貨色， 肉質細緻嫩滑。九點過後 宵夜時段大部分 小食 飛機貨刺身都有半價， 好抵食。今晚還試了雞翼釀明太子2隻($30)。辣辣地嘅明太子好惹味， 配上烤得脆卜卜嘅外皮和已起骨嘅雞鋷肉， 味道和手工都冇得頂。 非常推介而且價錢只是30元有2隻。餐牌還做午市和下午茶， 價錢又會再優惠一些。 真係要mark低 經過呢邊約friend食飯都有聚腳點。總括來說食物質素唔錯， 店內還有一間vip 區 大概可容納6至8人， 啱曬一大班人 一路傾一路食。…Read More

返工咁忙咁辛苦，呢個星期放大假，一定要搵好野食，對自己好d啦！朋友介紹我去呢間餐廳食，話d燒物好好食Openrice一下，見到勁多人推薦龍蝦爆丼同埋海膽杯，我就已經流哂口水喇急不及待同老公去搵食，打電話約左19:00去到門口，侍應叔叔已經好好禮貌咁招呼真係要為餐廳服務員平反，見幾篇文都話佢地服務差，但我食足全晚服務都好好，斟茶收拾碗筷，樣樣做足講返正題先，餐廳既環境好舒服我地被安排坐係邊邊既位置，好安靜，私隱度好高！環境佈置得好有日本居酒屋既感覺！講左咁耐，睇下餐牌先本來以為丼瀛係食丼飯為主，但係原來食物種類都好多，真係花多眼亂價錢都好實惠，樣樣都好吸引老公話要獎勵下我咁努力工作，所以要食得豐富d我地叫左築地壽司杯！賣相非常吸引，總共有6個杯，連同薑片有7個杯！侍應好細心咁提我地要食左紫菜先，如果放得耐紫菜會唔好食最吸引我既當然係海膽杯啦海膽非常新鮮，好厚身，一淡食落去非常鮮甜，配合埋一口飯，好match！仲有就係呑拿魚蓉，亦都鮮甜美味每款刺身配合一口飯，岩岩好 Wa!!!!重點黎啦龍蝦刺身爆丼！上菜就已經好爆喇！新鮮既龍蝦肉配合小小沙律配菜，仲有小小芥末味，仲可以省返唔少剝蟹肉既功夫但係仲有兩個新鮮蟹鉗，當然留返比老公剝啦，哈哈龍蝦好新鮮，平時如果唔新鮮既龍蝦我食完會喉嚨痕，今次就完全無喇！不過呢，我地比隻龍蝦吸引左，食到7788先見到仲有好多飯同刺身所以提議大家，龍蝦記得同埋d飯一齊食呀呢個丼飯份量好夠，男士一定夠食啦！第二個重頭戲又黎啦: 海膽杯我地食到呢到已經飽左5成，呢個杯份量岩岩好，唔會好大杯！但就食到7種層次！侍應好細心咁介紹左7層，記憶力好好！我就盡力記啦！首次上面塊銀雪魚乾卜卜脆，好好食之後仲有海膽，海葡萄(同我係沖繩食既一樣咁好食)，魚子，海膽布甸(口感特別)，蟹肉，雞蛋，仲有我最鍾意既紫薯呢碟菜真係食到好多層既口味係龍蝦爆丼食剩左既飯，送埋海膽杯，就一流啦真心，呢2款真係必食推介，性價比高呀！最後，朋友介紹既燒物唔可以唔試啦！十勝豚肉質好爽味道剛剛好，唔會太喊！老公叫既牛舌我就唔敢食喇！但老公話燒得剛剛好，唔會太熟配合埋檸檬汁就一流喇仲有呢個油甘魚頭燒物中的最愛食到後期已經好飽喇呢個魚頭燒得岩岩好，d皮好脆，又唔會太油膩！好香口！本來想叫三文魚頭，但侍應介紹油甘魚頭，真係無介紹錯最後一碟，因為我係玉子控，所以叫埋厚燒玉子果然無令我失望啊！好滑，甜甜地，好好味食到呢到，真係好滿足呀！好感謝老公陪我放縱一晚！有時工作辛苦，真係要間唔中獎勵下自己架！仲比我無意間發現，呢到有戶外架！戶外有冷氣，好有風味，又唔會熱如果叫燒海鮮，仲可以即場燒可惜我地太飽了惟有下次再叫整體黎講，呢到真係好正服務食物環境都無得輸！真係要推薦比朋友同比大家啦…Read More

早前，有好姊妹建議到觀塘區食飯，不一定要走到大商場 APM！我們一行4 人走到觀塘工廠區，隱身工廈的日式餐廳 <丼瀛>！來這裡的一星期前，放工走來觀塘買護膚品，順便探路，APM 經港貿中心出，沿右手邊行，行到見到大約對面有阿信屋就到嘞！ 當晚，沿著這路線行過來，大約 5 分鐘便到達！沿途，我仲留意到觀塘工廠區工作的上班一族，絕大部份人的衣著總離不開白色、灰色、黑色；很沉悶呢！相反！我們就著得又橙又紅，色彩奪目，充滿朝氣！這間樓上小店 <丼瀛>，佐敦也有分店，驟眼看觀塘分店尚算細，另有室外空間！ 簡約的和風裝潢，以配合木餐桌椅，舒適自然！除了主打丼飯之外，還有刺身、串燒、卷物、燒物、...等！ 對於受不了生嘢的我來說，自不然少了選擇！人手不足的關係，令人覺得服務稍欠！當晚，多謝她們很禮讓，是熟食的食物都盡量讓給我食，令我好感動！ 丼的底部是飯，我也食了不少飯！BBQ  北海道海鮮拼盤 $138 (原價 $238) *送 Corona Cocktail包括：甲羅燒、扇貝、生蠔、松葉蟹腳及新鮮冬菇，這個拼盤幾划算！ 以迷你烤爐烤熟！最正當然是甲羅燒，蟹膏味道甘香濃郁，帶有蟹肉！松葉蟹腳未煮本身已見較乾，食落又淡口！生蠔烤熟後大縮水，即是無啖好食！扇貝烤熟後，味道鮮甜味美無得輸！龍蝦刺身爆丼 $228令大家期待的招牌菜送到！ 滿載豐盛的海鮮刺身：三文魚、吞拿魚、油甘魚、北寄貝、帶子、八爪魚、蝦...等，賣相非常吸引！叫得「爆丼」，果然不欺客，沒有令大家失望，見到也令人興奮又流口水呀！ 我只好食龍蝦及飯吧！原隻龍蝦肉質結實，蝦膏頗多！雪白的蝦肉與鮮橙的蝦膏形成強烈對比！ 略嫌味道比預期淡！刺身下的珍珠飯粒粒飽滿，份量也有大半碗呢！大家似乎意猶未盡！點了好幾款串燒一齊開心 share！脆皮白鱔 $38火候恰到好處！白鱔皮脆肉嫩！肉質肥美！油脂豐腴！芝士翠肉瓜 $22溶化的芝士與爽脆多汁的翠肉瓜，這個配搭口味清新，而且尚算夾得來！日本南瓜 $24由於店員落漏單，追單後，急急補上！ 一串三件，比我預期細件，看似微焦，卻傳來誘人的焦香，入口粉糯甜美！纖維豐富！…Read More

與無飯不歡的朋友在想想吃些甚麼，即時想到近期好爆的丼灜龍蝦刺身爆丼，一定能夠滿足我倆。不過，最吸睛的，我覺得是北極光海膽杯$198 ，一共有10層，層層鮮味無窮，黑魚子、加拿大海膽、海葡萄、三文魚籽、松葉蟹和紫薯、特別自家配方製造蟹膏豆腐及海膽豆腐。那肥美的海膽，甜甜的帶點甘味；juicy的松葉蟹肉，好味到停不到口﹗丼灜龍蝦刺身爆丼$228，非常震撼的爆丼﹗原隻龍蝦爆多蝦膏，雖然略欠鮮甜，但肉質夠爽彈；爆多刺身，4款魚生、帶子、北寄貝等，再加上流心蛋，飯餸比例一樣多，而飯粒本身也加入了少許壽司醋，我好像吃了十幾件壽司似的，飽到上心口﹗ 再來，是築地壽司杯$148，以杯裝代替手握壽司，可以吃得更優雅﹗每款都是我至愛，黑魚子海膽、蟹籽墨魚、三文魚籽三文魚、蔥粒吞拿魚蓉、甜蝦、吞拿魚手卷，鮮甜美味﹗ 想不到這裡也有浜燒，不過就要自己燒了﹗這裡的甲羅燒沒有鵪鶉蛋，但反而更能吃出蟹膏與蟹鮮；廣島蠔與扇貝都清洗得乾淨，賣相討好，而蠔味也較重，不過不失啦﹗…Read More