Ciuzauese (Closed)

回看上一篇潮州人的食評，原來已經過了一年。這一年，我的工作換了，喜歡的偶像換了，喜歡的漫畫完結了，但潮州人依然好食:)潮州人距離我家只有5分鐘路程，近水樓台，經常會光顧。一個人的胃容量有限，通常也只會點招牌花膠撈米，碰巧兩位朋友這天有空聚餐，可以多試幾款潮州人的小食。因為地利優勢，我是第一位到達。星期日下午一點黃金時段，小店仍有很多空位等候朋友期間看到有新品D24榴槤雪糕，還標明是香港製造，當然要支持一下。榴槤雪糕單球$23，雙球$38，和朋友分享雙球更抵，可惜我的朋友不喜歡榴槤 TT.TT榴槤味濃，每一口也吃到一絲絲的榴槤肉，好味3人同行，終於可以多試幾款美食。招牌花膠撈米是必點的，大塊花膠很足料，米粉爽口，非常適合不喜歡夏天吃熱湯麵的我加上撈米良伴辣椒油，惹味又好吃！朋友點的肥牛米，望落材料豐富，朋友說味道很好，牛肉亦不會韌。大蜆真的每隻都大大隻，煮蜆的湯清酒味濃，亦有蜆的鮮味，忍不住飲了好幾啖蜆肉新鮮又入味醉雞翼亦非常入味，每咬一口也有花雕酒味，好吃。溏心蛋有香濃花雕酒味，味道很好，如果蛋黃能再流心一點點會更開心。跟餐$8的凍豆漿，不會太甜，有豆味。跟餐$12的龍眼花旗蔘蜜，朋友說清熱消暑，不錯。總括而言，潮州人的花膠撈米依舊出色，醉系列小食亦有驚喜，值得一試。會繼續支持這家CP值高的小店，下次想試醉雞腎…Read More

雞湯底既米粉好多時都會令人即時聯想到有層層雞油響面，令粉麵更加香口但唔健康既感覺 - 今晚小編所介紹既小店「潮州人」就會令大家有多個雞湯底米粉既好去處。潮州人雖然位於太子，但如果前往既話可以於太子D出口，之後轉左沿彌敦道直行到天橋前既公園仔，再之後轉左沿界限街直行大約3分鐘就會見到間鋪頭喇。基本上潮州人既食物絕大部分都係由雞湯底配合食材而成既米粉，既然咁著重於粉麵類產品就梗係要試試啦! 不過小編一行2人今次以試食為主，所以就選擇左2人餐，下次再有機會試試其他呢! 2人餐 ($168)包括2款米粉﹑火雞腎﹑燙菜﹑以及2支龍眼花旗蔘蜜。見到附近既食客都試招牌花膠米粉，小編都忍唔住叫黎試下，另外朋友就叫左清酒大蜆米粉，睇下雞湯同清酒既製品夾唔夾：1) 招牌花膠米粉：好好味! 花膠本身有少少汁，由於花膠本身都係屬於偏向清淡既食品，所以同雞湯既清新味道非常夾! 雞湯係屬於濃郁而少油既味道；而花膠係屬於軟身個款花膠，整個賣相又健康又夠味，好好食!2) 清酒大蜆米粉：好好味! 大蜆有4隻，未完全浸落米粉前食既話，會食到有少少清酒味，浸左落去雞湯後雖然會令大蜆得返本身既蜆甜味，但雞湯感覺上好似因為清酒而香左。本身大蜆都唔係屬於濃既食品，令到食完後都唔會覺得有任何既油膩感。3) 酒糟火雞腎：好味! 份量非常足夠，本身酒浸既情況應該都有段時間，所以如果鍾意酒既朋友不妨直接夾底部連酒既火雞腎一齊食。火雞腎既味道都幾爽口，所以響清淡既米粉以外獲得刺激感都係好選擇。4) 雞油燙菜：好味! 雖然感覺都係一般既燙菜但份量都算足夠既。5) 龍眼花旗蔘蜜：好好飲! 花旗蔘味都幾濃! 飲落去絕對無糖水既感覺，用黎滋潤既話絕對岩哂!綜觀黎講潮州人既食物都係以健康清淡為主，份量上，尤其米粉係會比較少既，所以男士都會建議加$8將米粉加大，或者叫多個灼海鮮等等既小食試下啦!…Read More

太好了，有二人餐🥰（包二碗米粉+雞油燙菜+龍眼花旗蔘蜜二支）湯底真係無味精，我全部飲晒，回程途中完全沒有口渴👍👍抵讚～招牌花膠米粉：湯底清香而不膩，花膠夠淋，米粉偏幼身，不過，唔會勁快"索"晒d湯，可以留返最後一次過飲d 湯😘清酒大蜆米粉：湯底較清，大蜆無沙☺️酒味唔算太濃～雞油燙菜：今日有娃娃菜，菜唔老，真係有少少雞油香（但絕對唔會好肥膩）配埋d 豉油，我覺得好好味😍龍眼花旗蔘蜜：呢支勁好飲💋🧡💕非常推薦～雖然係花旗蔘，但完全無苦澀味，飲完喉嚨好舒服，正野😚P.S. 店舖乾淨企理，雖然主打湯米粉、潮州食物，但唔會有老土嘅感覺😂😂…Read More

真材實料！一試難忘！花膠湯米首先見到塊大花膠已經好開心飲啖湯，一飲就知有料到係真花膠雞湯！超甜！好幸福😍塊花膠都好入味，而且唔韌！（以前食過第二度ge花膠車仔麵，真係成塊無味膠咁）手切肥牛湯米牛肉新鮮，而且湯底係真牛湯朋友全碗飲曬 lol雞油燙菜菜本身無咩特別，但蘸碟底D雞油汁就超正！👍🏻👍🏻海中寶即係雜錦貝類同樣都係好鮮甜，尤其係個蜆，連少少湯食超好味！龍眼花旗蔘蜜甘甜潤喉，唔似假味，略顯太細樽唔夠喉咁足料埋單都係二百幾蚊，抵到爛…Read More

1. 蠔皇花膠撈米（＄68)花膠又長又厚，本身已經燘得好入味又軟腍😍加埋蠔油同細滑嘅新竹米粉真係好惹味，隔天個湯又冇味精之餘又濃味👍🏻👍🏻👍🏻彤樂評分：8.5/102. 鮮牛頸脊湯米（＄53)牛頸脊係出面真係好少食到，食落好爽口，唔會韌，湯底好鮮甜，不過個人更愛撈米😂😂😂彤樂評分：8/103. 甘香醉蝦（＄48)用湯燙熟蝦，已經令蝦肉更鮮甜，不過加埋酒，就再多一層香味😋彤樂評分：7/104. 酒釀糖心蛋（＄18)糖心蛋做到半漏黃，用酒釀過令多係鹹味當中慢慢慘出甘苦味道，幾特別😁彤樂評分：7.5/105. 龍眼花旗蔘蜜（＄16)一向怕飲苦嘅花旗蔘蜜，估唔到加左龍眼，本身嘅甜份中和左，先有甜，黎有甘，再加上冰涼嘅關係，好舒服☺️彤樂評分：8.5/10…Read More