TeamYum Caffe (Closed)

🤑 歐陸早餐 $128 🤑 伯爵卷蛋 $42 🤑 抹茶拿鐵 $48🤑 龍眼拿鐵 $48———————————————放假嚟到粉嶺，經過舊粉嶺裁判法院，已經成為一個粉嶺景點。好優閑，建築物好有特色，值得到訪。途中有呢間裝修精美嘅cafe，比佢嘅外型，同舒閒嘅音樂吸引左。🌟 歐陸早餐 $128 🌟歐陸早餐非常豐富，炸物同肉幾juicy，炒蛋炒得好滑，唔會過熟。麵包比較特別，冇配搭任何醬，但麵包本身有味道，淡淡地。🌟 伯爵卷蛋 $42 🌟卷蛋上菜時，外表精美，伯爵茶味香濃，cream好滑，加上少量nuts，值得回購👍🏻🌟 抹茶拿鐵 $48 🌟抹茶味超級濃，茶味比較出，奶味比較淡，同平時飲嘅抹茶拿鐵非常不一樣。整杯拿鐵幾特別，鍾意抹茶味不妨試下😆🌟 龍眼拿鐵 $48 🌟龍眼味係佢地好出名嘅拿鐵，網上都好多呢杯飲品嘅comment。個人覺得，龍眼味好淡，唔太飲得出，可能係sell淡味(?) 似普通latte多啲，唔值得回購😣價錢唔算平，食物味道中規中矩，性價比唔算高。加上價錢寫得唔清晰，雖然大眾知道好多餐廳收加一服務費，但佢地嘅menu冇寫，直至埋單，先見到收加一服務費，有啲唔公平。如果下次經過，因為佢地環境舒適，行到攰，可以去呢間cafe坐低，靜靜地，同朋友傾計，休息下🙈最後提提大家，餐廳要先用WhatsApp預約，就算walk in去到有位，都要WhatsApp留message比佢地，紀錄用餐時間同人數。所以，最穩陣可以同佢地先講聲，去到冇咁狼狽😆———————————————評分🔖 (5⭐️為滿分)味道：⭐️⭐️⭐️環境：⭐️⭐️⭐️⭐️服務：⭐️⭐️⭐️衛生：⭐️⭐️⭐️抵食：⭐️⭐️⭐️回購？會😋✅———————————————🚶🏻‍♀️ #youngcfood_hongkong🚶🏻‍♀️ #youngcfood_fanling🕵🏻‍♀️ #youngcfood_cafe———————————————📍添飲咖啡館📍粉嶺馬會道302號地舖 👣 港鐵粉嶺站 C 出口, 步行約7分鐘 *附加資料from Openrice：預約訂座請於whatsapp 67599141 訊息提供姓名、人數、日期及時段等資料...#hkfoodblogger #hkig #discoverhongkong #hkfoodie #instafollow #foodstagram #bestfoodhongkong #bestfoodfeed #foodphotography #foodporn #topcitybiteshk #openricehk #吃貨 #支持小店 #香港美食 #hkcouple #hk #852 #hkiger #香港人 #香港 #相機食先 #hkfood #hkfoodstagram #粉嶺 #粉嶺美食…Read More

去完粉嶺摘士多啤梨，經過呢間添飲咖啡館，好似話成日都有好多人排隊架！而家暫停晚市，唯有黎食一個early dinner啦！🔸煎鱈魚柳🐟鱈魚柳煎得剛剛好，魚肉一片片有魚汁。煙肉昆布湯好清甜，配上杞子，舞茸菌，海蘆筍，洋薏米，非常清新。好適合我呢啲長期減肥人士😅評分：7.5/10👍🏻價錢：💰$172🔸吉列「未來」肉漢堡🍔配扭扭薯條🍟呢個素食漢堡🥬最吸引我係四個字「零膽固醇」😂不過其實都好好食，佢嘅未來牛肉用豌豆紅菜頭椰子油黎整，個皮好脆😋仲燒烤醬新豬肉，青瓜絲，調味不錯，酸度適中，又係健康之選！👍🏻評分：7.5/10👍🏻價錢：💰$128🔸龍眼拿鐵外觀幾靚，拿鐵幾易入口，咖啡有淡淡嘅桂花香！不過無乜龍眼味，但都好飲！評分：8/10👍🏻價錢：💰$46🔸伯爵茶卷蛋卷蛋好重伯爵茶味，cream亦夠結實，唔會太軟！評分：8/10👍🏻價錢：💰$42招呼都不錯，略嫌價錢貴咗啲。環境也不錯，傘上自己畫咗好多好靚嘅花！btw 請注意⚠️餐廳唔收信用卡，只收現金。…Read More

今天來參觀舊粉嶺裁判法院，就順便來這間cafe試試，因為之前見YouTuber 介紹過都ok。來到既時候係11:50分，當然入面無人，好乖掃完安心出行就入去，點知職員話要Whatapps 預約，要去返門口掃QR code whatapps 佢預約。。。由於入面無人，當然預約完即刻有位，但佢呢個動作真係好趕客。最後安排左坐室外，雖然無室內咁靚但係戶外有戶外既寧靜，室內隔音有問題，之後人多了就變得好嘈。首先叫左個All day breakfast，份量唔算多，味道正正常常，值得一讚係粟米用牛油煮過幾香，整體價錢算少貴。另外叫左個法典熱狗，咸牛肉芝士洋蔥好足料，味道唔錯，配黑松露薯條。呢個唔算貴，又夠飽，唔錯！野飲叫左龍眼拿鐵，上面有桂花味幾香，都幾夾，可一試。仲有呢杯係黑糖拿鐵，味道偏淡又唔夠香，麻麻地。最後埋單，居然無得用信用卡。。。呢個價錢無左用卡真係唔係咁方便。整體黎講野食都ok，不過間餐廳既政策就麻麻。:(…Read More

來到粉嶺區探朋友，特意查一下有甚麼好選擇，便留意到這餐廳環境舒適，好像適合閒談休息用，所以便預先訂枱。可惜餐廳座位不多，限聚下更顯緊張，最後需要到戶外入座，幸好天氣清涼，坐戶外都不覺得太熱，但仍然很多蚊蟲，建議想前來一定要提早訂座。由於是下午茶時段來，我們都不算太肚餓，所以點了全日早餐分享，以及小食-黑松露薯條及魷魚圈，還有兩份甜品。分別是黃糖無花果蛋糕配雪糕及柚子蛋卷。我自己亦點了比較特別的龍眼拿鐵。全日早餐貌相已經知很豐富。麵包不是普通的，是一個合桃無花果小麵包，感覺更特別。另有大啡菇，煙三文魚，火雞肉，玉米，沙律和薯角，配撘很健康，分享用非常適合。魷魚圈和松露薯條都炸得香脆，新鮮夠熱，配他他醬一流，下午茶點這個分享亦恰到好處。留意到餐廳的食評都說卷蛋好吃，但我去的時候最想品嘗的伯爵茶味已經售完，唯有點柚子味，雖然尚算清新的口味，但覺得有少許過甜，幸好蛋卷質感夠鬆軟，都很好吃。而黃糖無花果蛋糕配雪糕就十分驚喜，無花果蛋糕坊間少有，感覺就是純粹用無花果乾來提味，沒有加太多糖，味道清甜，與雲尼拿雪糕一同吃，一冷一熱的配搭很豐富。龍眼拿鐵我覺得桂花味比較突出，味道很特別，就是蜜糖牛奶的感覺，很順滑美味。在戶外有個好處是更自在，可以與知己好友更加舒適地談天，餐廳亦沒有特別催趕客人，所以我們坐到1745才離開，整體來說是個很休閒的用餐體驗。…Read More

久違了的3人聚會，友人想去鶴藪一轉，一於3人郊遊遊散下心，去粉嶺，順便係果頭食埋午餐，上網睇下有咩食，見到呢間文青cafe，前身為粉嶺裁判法院，後活化為香港青年協會領袖學院，而cafe是位於前裁判法院旁的白色建築物。老闆為前Cafe Je T'aime (n年前幫襯過)，上水店結業後來到了粉嶺，成立了這間社區咖啡館，以咖啡聯繫社區生活，不時舉辦工藝創作、導賞團等活動，互動交流。去到先知要預約，幸好剛有3人位，等了一會，登記資料便入坐，如大家有興趣去記得要預約。兩層高的白色房子，內堂裝潢走簡約風格，白色的牆身、木製枱椅，落地玻璃窗，充滿自然光線，感覺舒適，店內還有擺賣水果、果醬及一些小食。餐牌，據聞食材選用本地農場有機菜，同提供素食，不過今日來主要想all day breakfast。龍眼拿鐵，＄48，太好奇，要一試，面層有桂花作點綴，賣相有點詩意，咖啡口感綿密，有淡淡桂花香氣，但唔太覺有龍眼味，清清甜甜之感。友人的咖啡。歐陸早餐，＄108。有焗大燒烤菇、炒蛋、煙三文魚、火雞肉、豬肉腸、辣薯角、牛油粟米粒及合桃無花果黑麥包，份量十足，炒蛋份量較少，味道正常水準，好多薯角，熱騰騰香口惹味。活化古蹟，有意思的cafe，環境寧靜，坐得幾舒服，咖啡不俗，食物正常水準，服務態度正常，係叫人填資料時有點令人迷惘⋯下次有機再來嘆啡。…Read More

位於粉嶺前裁判法院的「添飲咖啡館」，是活化古迹項目之一，提供特色咖啡及健康有機輕食。店內採光度高，枱與枱之間空間充足，基本上坐任何位置都感覺舒適。本想試No 1推介的玫瑰拿鐵，可惜售罄，店員於是推介龍眼拿鐵，龍眼蜜糖和桂花出奇地夾，雖然個人覺得略甜，但也值得一試。歐陸早餐（$108）跟一般cafe吃的差不多，有煙三文魚、火雞肉、豬肉腸、薯條、牛油粟米，比較特別是用了合桃無花果黑麥包，健康感大大提升。…Read More