Pepper Power

放工去油尖旺搵食，唔係下下都得逞，到處都冇位容得下大胃，於是乎走去隔離個紅磡度，平民啲又多餐廳選擇，今次就去一間茶記，但竟然係賣南洋菜海南雞飯一定走唔甩㗎喇，皮光肉滑，芫荽嘅點綴下，鮮味出眾油飯永遠都係海南雞嘅好拍檔，嗰陣油香令人難以忘懷可以點唔同嘅醬，食出唔同風味嘢飲都大大地杯龍眼冰龍眼多過啲冰，但飲落唔會太甜沙嗲燒得火候啱啱好，點埋沙嗲醬，錦上添花仲有老火湯，湯渣充滿骨膠原喇沙用金邊粉都幾得意，更加吸收到味晒而且真係啖啖都係海鮮，十分足料外表係普通茶記，原來係南洋餐廳…查看更多

雖然黃埔線開通咗好耐，但慣性問題，都喺較少過嚟紅磡、黃埔呢區食嘢。而呢一晚因為有個安息禮拜要出席，而且，又結束得早，所以，同友人打算食埋飯先返歸。自問對呢區認識淺，故此，今晚幫襯「紅椒力量」都喺友人帶路，因其工作關係，食勻港九新界:)。雖然店名有紅辣兩個字，但店內環境除咗紅色牆身之外，就唔喺太多相關嘅裝飾，反而遠處位有個大樹樹枝嘅裝飾，一路撐到上天花板喺較突出嘅設計，否則，格局就似喺慣常所見嘅茶記，但卡位闊落算好坐。睇門面，因為貼咗好多星馬泰菜式嘅圖片及套餐，以為喺賣星馬菜，其實，睇埋佢嘅餐牌，就知帶着茶記精神，乜都有，但就以東南亞為住，中西式為副，散點、套餐都有，普遍嚟講，定價都街坊，飲品又有加配優惠，所以，真喺有唔少街坊光顧。雜錦拼盤 $98餐牌寫到明有蝦餅、雞翼、春卷、豬牛雞沙嗲各一串，有得幾個嚟叫拼盤就最好不過。幾款食物炸又好，燒又好，外觀就金黃靚仔，不過，中間位加多幾片青瓜、蕃茄就好睇啲。蝦餅做得彈牙，亦有蝦鮮味；雞翼同春卷就叫做穩打穩紥，算香口惹味，沙嗲就隨手揀咗串牛，睇樣就唔多分得出雞牛豬，不過，牛肉軟腍有肉香，啲沙嗲醬亦好好味。泰式鹵豬脾飯 $62見佢喺廚師推介，就增加興趣一試，而個飯就送埋老火例湯（青紅蘿蔔煲豬骨）。其實個飯都幾抵食，因為豬脾俾得唔少，味道方面都幾入味，個滷水都算香，加上去晒骨，啖啖豬皮（骨膠原？）、啖啖肉，伴有少少酸菜俾客人去消減吓點點油膩。香茅豬扒撈檬 $50香茅豬扒一向喺越南菜嘅特色食物，天口熱，食撈檬就更合適，尤其加埋啲甘筍絲、青瓜絲及銀芽，再淋上魚露，鹹鹹鮮鮮，口感清爽，寧舍啱胃口；而豬扒煎得香脆，更充滿香茅嘅香味，肉質鬆化，又喺一道有水準嘅越式粉麵。馬拉盞炒通菜 $62搭多一道淨菜，而蔬菜類都有好幾款選擇，做法亦有得揀，如馬拉盞、泰式、清炒、蒜蓓、鹹魚。啲通菜好嫩口吓，炒得仲喺爽爽哋，加上超惹味嘅馬拉盞，簡單而美味。菠蘿沙冰 +$19近排天氣實在熱爆，所以，就點咗杯沙冰降吓溫，有菠蘿味就啱晒我喇。雖然大大杯，但菠蘿味稍嫌未夠強，而且，冰感比較重，飲落有好多大冰粒，意思即喺成份中，水量佔多數所做成嘅效果。龍眼冰 +$10友人就喜歡龍眼冰，其實，呢個都喺我心水。大大杯嘅龍眼冰，望落去裡面唔算好多龍眼肉，友人就話OK啦，至少可以消吓暑。飲品一環就普通啦，但幾款食物都真喺做得唔錯，份量又十足，全日仲免加一（所以，我視佢為茶記大於一家東南亞菜館），食咁多嘢都喺三百頭，可謂平靚正啦:)！…查看更多

之前在紅磡參加工作坊活動，完成後到了附近尋找我們合適的食店。行經東南亞菜的紅椒力量，看見價錢大眾化，餐廳是泰國和新加坡的菜式，感覺不錯，就入去品嚐一下這裡的美食。餐廳環境簡約時尚，整潔明亮，地方寬濶，不會有壓迫感，感覺舒適寫意。我們到來的時候是中午，餐牌上有多款中西式午餐外，另有很多單點選擇，海鮮、小菜、炒粉麵、喇沙湯麵、小食、飲品等的泰國和新加坡菜式，應有盡有，真的很不錯。鐡板孖頭牛柳     $87熱辣辣的鐵板，盛載著滿滿的材料  ;  大大塊的孖頭牛柳，厚身肉嫩，牛味濃郁，我選了黑椒汁，淋在牛柳面，味道更濃更香。配合脆脆的炸薯條及鮮味的蔬果，很美味呀！牛柳餐配備餐湯和麵包，很多蔬菜的羅宋湯，酸酸甜甜，很開胃  ;  暖暖的麵包沾上牛油一起吃，用來配搭羅宋湯就最適合。    餐飲加錢揀特飲的龍眼冰，龍眼肉清甜爽口，飲品只是少少甜，冰冰涼涼，好滋潤，好讚！雜錦併盤      $98併盤材料包括魚餅、蝦餅、雞翼、春卷、豬牛雞沙嗲各一客，炸物香脆可口，味道鮮美  ;  各款沙嗲肉質嫩滑，併盤備有三款醬汁，酸甜汁、沙嗲醬和醬油，沾了令食物更提升，美味無比！新加坡海南雞 (例牌)    $68我們點了例牌，份量算幾多，而且賣相吸引。雞肉肉味香濃，肉質嫩滑，鮮美可口，配有三種醬，姜蓉、黑豉油和酸甜汁，還有鹹香脆花生伴碟，脆脆的，滋味無窮！馬拉盞芥蘭炒 (牛肉)     $60份量頗多的炒芥蘭牛肉，牛肉很嫩很濃味，芥蘭新鮮爽脆，加入我非常喜歡的馬拉盞來調味，用來炒菜肉都很香口，很惹味。馬來沙嗲 (半打)     $65我們選了半打牛肉串燒，牛味濃厚，肉嫩多汁，沾了特製的沙嗲醬，有花生粒，惹味有口感，不錯。馬來海鮮喇沙     $68喇沙湯底濃郁，椰香味重的馬來風味，好飲。我點了金邊粉，滑嘟嘟  ;  海鮮料有大蝦、墨魚、青口、魚片等，蝦肉鮮甜，爽口彈牙，其他海鮮味道鮮甜，現在想起都令人回味無窮。珍多冰     $26這裡珍多冰的椰香味特別濃，加上綠色粉條，口感爽滑，香香甜甜，冰冰涼涼，好飲。…查看更多