MEN WAH BING TENG (NINA MALL 2)

其實從來未幫襯過敏華，因為look Threads見到黯然銷魂飯做緊堂食優惠$35（原價成$7X），所以就決定去試吓叉燒有5片，3片係半肥瘦，另外兩片偏瘦，加兩隻半熟蛋。份量唔算多，味道中規中矩，都唔錯。反而我想讚下班員工，唔知關唔關做緊優惠事，下午未到三點，門口都要排隊，食客一個接一個出出入入，下午茶時段都算忙，但由門口帶位到送餐每個員工態度都好好。會主動幫食客搵地方放大件物品，亦會幫推BB車嘅食客指引路線。到最後我埋單時，收銀姐姐做緊野，帶位姐姐怕我等都有主動幫我用自助收銀機付款。感覺呢間鋪啲員工應該做得幾開心，個個態度都唔似香港飲食業嘅員工😂😂😂…Read More

每次經過都好多人排隊，對於一間茶餐廳，再加上係連鎖茶餐廳黎講，的確唔尋常。門面買面包同蛋撻，店內就一般冰廳，無碟頭飯，有既係常餐、特餐，最特別既係有個Mon show住下一輪蛋撻幾時出爐～💁🏻‍♀️黯然銷魂飯 $65招牌黯然銷魂飯，身為香港人無理由唔知黯然銷魂飯既出處😁！食落就無家燕姐咁浮誇，少左生洋蔥帶黎既傷感🤣，但自家製既叉燒屬厚叉燒，肥瘦適中，燒完出黎有陣烤肉既味道，好嫩滑，唔肥膩，反而有少少咬口，醬汁有甜甜既蜜糖味，十分下飯😍！煎蛋有一隻係流心蛋一隻熟左，配豉油＋飯，成碗飯（配流心蛋）絕了！如果煎蛋可以再有少少濃邊，會更脆口，加上係兩隻都係流心蛋，咁成個飯就係可以上天堂❤️～ 但只係舊叉燒就一定其他茶餐廳搵唔到，所以呢個價錢都值得比呀～👌沙茶牛肉公仔麵拼💁🏻‍♀️炒滑蛋雙腸及歐式軟多士 $53先黎講個沙滑蛋（常餐既精髓），有蛋香，都十分嫩滑，bubu就最喜歡將隻蛋放上去多士一齊食🙋🏻‍♀️!? 另外，佢既多士都好出色😮！多士屬厚多士，外層烘到十分脆，但成個面包都唔會乾身，仲係軟綿綿。至於沙茶牛肉公仔麵，就好令人失望🙈好食既公仔麵最重要係軟硬度，一過左時間就會太腍，失去口感。所以茶餐廳既廚一般唔會煮太耐，公仔麵仲係偏硬既時候上枱。原因就係上到客人枱，甚至食左幾啖，麵都仲未腍晒呀～好可惜幫襯當日員工太少人太忙啦，bubu見住自己個麵係出餐口到無上枱好耐，確實好心痛😭。而且沙茶味唔算好濃郁，雖然牛肉份量都好多，都腍既～哎呀呀～但估唔到遲來既公仔麵係敗筆。💁🏻‍♀️酥皮蛋撻 $13 @2單價一個要成7蚊一個！bubu細細個個時自2蚊渣😭～佢既酥皮係屬於硬身既，但又未去到曲奇皮既硬，但同時佢又好鬆化❤️～中間既蛋好有蛋香，甜度岩岩好，再加上排隊等出爐（雖然坐住餐廳食住等），熱辣辣既蛋撻真係好難輸，更何況佢既酥皮同蛋漿都好出色👍！…Read More