Rakuraku Ramen (Lee Tung Avenue)

已半年了....一等再等，等什麼？咪等肥哥，終於等到今晚和他吃飯。跟肥哥吃飯最少有兩個條件，一是要夜食；二是要在灣仔。兩個條件都不合我心水，但為了一聚，唔緊要啦！來到灣仔，當然由肥哥決定食乜。他帶我來到紅燈籠下的拉麵店，原來整條利東街都掛上大大個紅燈籠，已滿有過年的氣氛。一入門就見到一排吧枱座，站起便看到師傅們的製作過程。另一邊就有張六人枱，走入一點還有幾多二至四人枱。而最吸引我就是牆上的設計，幾隻勤力的貓貓，每隻都有名字，色彩繽紛，很搶眼啊!店子除供應拉麵外，還有飯類、小食、追加配料、沙律、甜品和飲品，算多選擇。******************************拉麵有六款，我點了特濃櫻花蝦蝦湯叉燒拉麵 Sakura Shrimp and Broth Ramen w/BBQ Pork ($88)，揀選適中軟硬度和要蔥花。熱辣辣上枱，香氣四溢，仲放滿配料，有溏心蛋、爽口的海帶和木耳絲、清香的京蔥和香脆可口的炸蓮藕片，挺豐富。湯底是拉麵的靈魂，馬上趁熱呷一口，啖啖鮮香蝦味，味道相當濃郁，加上有大量櫻花蝦，更添鹹鮮。講明食拉麵，麵條當然是另一重點，幼身麵條索湯汁力強，很入味，每吃一口都掛有香濃的湯汁和夾雜着一些鹹鮮的櫻花蝦，配搭更美味。叉燒共有兩薄片，肥瘦比例平均，肉質相當腍嫩入味，吃落不覺油膩，正! 溏心蛋睇落算不上流心狀，雖有點失望，但吃落都幾黏滑和富蛋香，喜歡! ******************************肥哥就揀了黑麻油豚骨叉燒拉麵 Black Sesame Tonkotsu Ramen w/BBQ Pork ($88)+上等豚腩叉燒 BBQ Pork 2 Slices ($28)，麵料相同，但就散發陣陣芝麻香，同樣吸引！湯身泛油光，試呷一口，味道非常香濃，帶有芝麻香，不錯！不過，我還是喜歡我碗櫻花蝦蝦湯。上等豚腩叉燒 BBQ Pork 2 Slices ($28)一客兩件，挺厚身，肥膏和瘦肉雙間，咬出絲絲的肉絲，加上經稍稍火炙，迫出油份，吃起來更甘香油潤，亦帶些焦香，味道香濃。******************************叫得肥哥，單單一碗麵又點會夠？再加些小食吧！枝豆 Edamame ($28)一客份量幾足，豆身飽滿，簡簡單單灑上一些幼鹽調味，更能嚐出啖啖豆香，煮至偏腍身，好吃！******************************還有炸芝士蝦球 Deep-fried Shrimp Cheese Balls ($42)一客五粒，一粒一口，粒粒金黃，香脆可口，沒有油淋淋之感，加上伴了大量菜絲，可清新一下。咬一口，滿載鹹香的芝士溶，芝味滿分，味道香濃，可惜蝦球不夠厚身，蝦味就變得有點失色......******************************而我當然不會錯過抹茶雪糕 Green Tea Ice Cream ($22)，大大球，好滿足！雪糕入口冰凍，內存碎冰，慢慢滲出抹茶的甘香，味道雖不算很濃，但亦不甜膩。------------------------------本以為肥哥帶我來到樂拉麵可一起快樂吃拉麵，但....看着哥哥一臉疲態，還不時說「很累」、「很眼瞓」.....其實工作做得如此辛苦，你快樂嗎？…Read More

香港的拉麵戰場好像永不飽和似的，越開越有，如最近落戶灣仔利東街、主打博多風拉麵的 Rakurkau Ramen 便是當中的一員。全店用貓咪作為主題，踏進大門便見一幅以貓將軍「鼻鼻」吃拉麵為題的壁畫。右邊是開放式廚房及一列Bar 枱，左邊置有一張六人餐桌及兩張古董美女海報。再往入走是另一用餐區域，牆上的貓咪吃麵/賣麵百態圖趣緻得緊！幾鐘意餐牌的封面設計 - 微躬著身，以雙手為客奉上拉麵；傳遞出對食物的珍視及以客為尊的態度。點餐紙是大家早已熟悉的Format，不僅可選麵條的軟硬度、是否走蔥；諸如其它配菜也可遂樣添加。黑麻油豚骨叉燒拉麵$78~重口味、最啱我。配菜有滑中帶脆的黑木耳、脆藕片、溏心蛋和蔥花。淺嚐一口呈深褐色的湯底，麻香濃醇；有板有眼。叉燒是最討人歡心的五花腩位，每片也經火炙處理，脂香之餘更添焦香！脆藕片也是另一亮點秘製香葱塩味叉燒拉麵$78~老婆這碗和我的大同小異，只是湯底有別。聽說麵粉和雞蛋均從日本直送，麵條是典型的博多直麵，爽彈、易於吸附湯汁。橙紅色的蛋黃呈流心狀態，蛋味香濃；個人認為這是一碗有質素拉麵不可或缺的一環。迷你叉燒飯$32~一碗拉麵又怎能滿足我呢！叉燒腔再來一碗飯，切成粒狀的肉肉很入味，把虚空的部分也填上了。黑胡椒味自家製炸雞(5件)$45~酥脆的外層裹著嫩滑的肉身，沾少許黑胡椒醬汁，已覺滋味。波子汽水$22 x 2~味道不過甜，懷舊款式；配合氛圍。抹茶雪糕$22~吃抹茶最忌是那陣苦澀味，還好這雪糕帶微茶香及奶香；不錯吃。聖誕將至，利東街是其中一個拍照及打卡地；這裡是一個不錯的醫肚之選。…Read More

好快就到聖誕節，港九多個地臨已掛起聖誕裝飾，灣仔「利東街」自從經歷蛻變後，不時都有啲大型裝置，之前就曾經有「月球」、「巨兔」，今回就喺「天使」。其實，小弟就唔喺嚟睇燈飾，只喺順路影張相，目的喺約咗剛去完青森返嚟嘅夏總同夏太一齊食飯。短短一條「利東街」堆滿人，人人都為個「天使」嚟打卡，因而帶動附近嘅餐廳都好多客人。是夜就揀咗佢哋好喜歡食嘅拉麵，選址新開無耐嘅「樂拉麵」，因為見Openrice個版面喺咁介紹：「特意請來日本隱世拉麵店主擔任顧問，確保不論湯底、麵條及配菜都能保持日本傳統做法」。剛踏入店內，以為地方唔大，原來，屈個彎仲有另一邊用餐區。最搶眼喺啲牆畫，近門口將整幅牆畫有一隻貓將軍「鼻鼻」，畫風甚具日本特色。而裡面亦有，仲喺好多隻貓貓添，「溫子」、「牛奶」……，喜歡貓嘅客人一定打晒卡。此外，部份牆上又掛起一啲舊式啤酒海報。廚房採用半開放式，睇到師傅煮麵，但又唔喺乜都睇晒。而廚房前就設置一列吧位，適合一、兩個人嘅組合。其實，裝修都算幾骨子，簡約式嘅和風。而最貼心喺櫈下可以放袋、放背囊，唔使擺晌地下，或櫈背阻住坐。枱上已經放有湯匙、筷子、紙巾及少少調味料，自由取用，唔使下下煩店員嘛。既然叫「樂拉麵」，拉麵喺主打啦，翻一轉餐牌，拉麵一共有6款，正所謂有辣、有唔辣，定價由$68-$88，以拉麵而言，定價親民。而麵條有軟硬度選擇，可揀要唔要蔥花，更可追加額外配菜，彈性大。而拉麵以外，竟然仲有飯類，不過，喺迷你版本，只有3款，估計志在俾啲人試吓。小食就必然預咗會有供應，因為，喺好多拉麵店嘅指定動作，但喺，佢哋嘅小食都算多，唔喺淨得餃子咁單一。不過，沙律及甜品就只喺各得1款，飲品就有多少少選擇，唯可惜店員話未有酒牌，飲品中嘅果汁汽酒就暫時未有供應。波子汽水 $22未有機會試啲果汁汽酒，退而求其次就要支元袓波子汽水，純粹貪佢有股汽，哈哈！順帶一提，店家都有支持「走塑」行動，唔會主動提供飲管，但如有需要，都可以向店員索取。日式炸豆腐 $36一客有三小件，件件都炸得金黃，色澤均勻，咬落老套啲講句都喺咁話架喇，外脆內嫩，裡面嘅豆腐仲喺好嫩滑，而且好有豆香。海老餃子 $42平常餃子都喺豬肉餡多，但呢度就多加一款鮮蝦餡。一客有5隻，隻隻包得飽滿又煎得靚仔，入口皮薄而香脆，餡料鮮且富肉汁，水準不賴。黑麻油豚骨叉燒拉麵 $78小弟對拉麵嘅口味未特色心水，但就有少少偏向黑蒜呀，黑麻油啲重口味類，而麵條就較喜歡硬麵，因為咬口啲。每碗拉麵都配有兩三片叉燒、溏心蛋、蔥花、黑木耳、海苔、高麗菜、炸藕片，所以，外觀睇落非常豐富。先呷口湯，夠晒濃郁且富麻油香；啲叉燒好鬆化，有油香卻唔覺得膩，而且，更火炙過而添多一份焦香味；溏心蛋睇樣你就知對辦啦，而配菜都好好食，有特色；講到麵條，雖然唔算好掛湯，但柔韌有咬口，瀡瀡聲啜入口，且夠耐浸，食到尾都唔會出現過腍嘅情況。特濃櫻花蝦蝦湯叉燒拉麵 $88夏太晌門口見到大大個介紹牌，就話已經選定好喺呢一款拉麵，其實喺鍾意櫻海老就真。基本上，叉燒及配料跟我碗「黑麻油豚骨」無咩分別，主要喺個湯底用上特濃蝦湯，更撒上大量櫻花蝦。小弟亦好奇有幾特濃，瀡咗一口，堅濃喎，陣蝦味真喺幾突出，亦都幾鮮，無豬骨湯嗰種咁杰、咁漿口嘅感覺。秘製香蔥塩味叉燒拉麵 $78夏總成日話自己乜都食，其實就好多嘢都唔食，佢個人就喜歡原味多啲，所以，就簡單揀「香蔥塩味」。佢讚個湯底好正，唔會太濃，帶陣陣鹹鮮味，好對佢嘅口胃，而麵條、叉燒，佢都覺得具水準，加上份量十足，只賣七十幾蚊，抵食。迷你石鍋特濃龍蝦湯海鮮泡飯 $42見隔離枱點咗呢個泡飯，細細鍋，覺得大家幫吓手一定食得晒，所以，追加一客一齊「些牙」。唔講得笑，送到嚟已感受到嗰份熱氣騰騰，色澤深沉橙紅，入口勁蝦味，極之濃郁，飯粒煙糯，並且吸收晒啲湯汁味，感覺有少少似食意大利飯咁；而海鮮料都喺啲鮮蝦、帶子、魷魚圈、蜆肉，都算鮮甜，但就喺迷你版本。因為我哋坐近門口嘅枱，睇住越食越多人等位，「利東街」有一定嘅號召力架，加上有啲巨型燈飾。其實，「樂拉麵」嘅拉麵本身都做得有水準，定價相宜，喺食得過嘅拉麵店。…Read More