花朝.駿宮 (Closed)

個人都好喜歡飲茶，有時有朋友星期六都要上班，自己岀開去會搵佢地食個午餐，佢就話有時Lunch會成班同事嚟呢到食，今日就帶我嚟食。環境位於酒店之下，環境安靜，餐廳亦不算大，但可能冷氣唔夠，較多小蚊滋。有機鮮茄野菌魚湯浸唐生菜 $45份量都可以，價錢就貴少少，岀街食得多少食菜所以叫碟食下，都幾新鮮清甜。花雕酒原隻鮑魚(二隻起) $48落單有誤會，由於兩隻起叫，咁就點餐紙寫左個2字，即係要2隻，但係嚟左4隻要就話落左我2份，師傅以為2隻為1份，收我$48x4隻既錢，話岀咗食物唔收得返，好無奈地2隻變4隻。但鮑魚醃得幾好食，十分重陳皮香又帶點花雕酒味，而且煙韌彈牙，可一試。原隻鮑魚燒賣 $38/2粒細粒鮑魚，鮑魚腍身少少，而燒賣係蝦燒賣幾彈牙。金湯小籠包 $30有3個，比起上嚟好似比較抵食，好貼心地個底有塊紅蘿蔔墊住，等你夾起時帶承托力唔會咁易穿。入面都幾多湯汁，肉應該本身加入薑，所以醬油冇薑絲都食到有薑味，皮厚度可接受。黑金流沙包 $30成日見人地打卡影相食黑色既流沙包，自己未試過，見到呢到有就叫嚟試下。估計係竹炭整成黑色，食落冇特別既味，可惜包身比較硬，而流心餡就做得不錯，有沙沙口感。沙律

上星期六兩老來我家執整，忙了大半天，午餐只是吃外賣點心和蒸包，雖然他們都很喜歡，但我總是覺得有點兒那個.....為了好好感謝兩老，就陪他們做最喜歡的事情。老人家多數喜歡什麼？嘆茶啦！趁自己還是放假中，今日帶兩老走遠一點，去上環飲茶，如果只是他們自己的話，兩老就不會去咁遠。環境高貴優雅，雲石枱、石器擺設、吊燈、鮮花等，還有半落地大玻璃窗，感覺舒適開揚，有別於一般的茶樓的裝潢。地方不少，共有兩層，還分內外兩區，設有一張大圓枱、幾張二至四人枱，靠窗有排沙發椅配二至四人枱。***********************午巿時段有精選套餐 Lunch Set Menu由11:30-14:15，共四道菜，有湯、點心、精選小炒和飯麵，$68起，我們點了兩份。是日原盅花朝燉湯 FDD Soup 是老黃瓜赤小豆豬骨，熱辣辣，最滋味。味道香濃，入口順喉，老黃瓜相當腍嫩多汁，好有家的味道，岩晒一直缺湯水的我。四款點心Dim-Sum 中揀了嶺南燒賣和出爐叉燒酥，每客兩件。嶺南燒賣Cantonese Steamed Minced Pork Dumpling 熱辣辣，大大粒又紮實，一睇就知好足料。肉鮮香，仲有彈牙

上星期已想約姨姨飲茶，不過姨姨剛巧有約，建議改為復活節假期，也好，今個假期我亦沒有特別事情幹。雖然今天雨下過不停，亦無損我們飲茶的雅興。花朝·駿宮雖位於上環酒店，但點心，小菜價錢卻意想不到大眾化，大部份比連鎖酒店的便宜，甚具質素，我們都說值得再次回頭光顧。剛才被些許雨淋濕，此刻喝上原盅花朝燉湯，正好暖身也暖胃。原盅花朝燉湯原來是白菜乾豬肉湯，天然的白菜乾經熬煮後逼出其甘甜，順口美味，補充營養。簡約的帶子賽螃蟹為舌尖帶來不一樣的風味，蛋白注入鮮奶炒，創造出柔和爽滑感，再放入鮮嫩的帶子拌炒，混合蛋黃，陳醋品嚐，餘韻陣陣，再三回味。面對這有型有格的黑金流沙包，很難不「相機食先」。當我一撕開流沙包，黃澄澄的蛋黃奶黃流沙沿著包子皮潺潺流出，超燙口，但又忍不住把它快速送進口裡。黑金流湯包十分鬆軟，配上香濃的流沙內餡，絕對沒人能受得了。鹹鹹甜甜的蛋黃奶黃流沙很涮嘴，若叫我再吃上半打的話，我一定樂意奉陪。韭菜鮮蝦春卷令我們愛不釋口，春卷個頭不少，外皮一嚼脆不可擋，韭菜，鮮蝦餡料愈嚼愈香，香味四溢，融入唇齒，絕對不能錯過。對於蝦的點心我完全沒抵抗力，又點上一籠翡翠菜苗餃。半透明的餃皮包裹著翠綠的菠菜和滿