Rich Pot Shabu Shabu

今日係石門放工後就到隔離商場食好西。見到呢間火鍋店裝修幾好，價錢合理又係任食，就一於試下佢。座位舒適，環境乾淨，見到職員連櫈都抹就食得安心。我地揀咗$228套餐，有特選牛肉同黑豚肉，一上菜就已經見到d肉質超靚，配上蕃茄濃湯，鮮味有所提升，肉質嫩滑，一個人都可以食5碟牛同豬！朋友揀咗日式豚骨鍋，味道較普通，不濃不淡。至於其他食材如丸類，麵，蔬菜都係自行到外面選取，值得推介魚腐、芝士魚棒、芋頭。其他食材都十分新鮮，菜類更有冰菜和羽衣甘藍，十分特別。飲品方面，大部份都是樽裝健康飲品，例如：橙汁、雪梨蜂蜜、馬蹄竹蔗及無糖菜。當然不少得汽水及啤酒。甜品方面真係有驚喜，咁嘅價錢可以任食movenpick雪糕，雖然只有朱古力及雲呢拿味，但有其他甜品搭夠，如糖水及軟糖。總括然而，我一定會再幫襯，屬於高質火鍋！…Read More

天氣凍凍地，今晚決定食火鍋，揀了位於石門的豐鍋日式涮涮鍋，晚市牛肉+黑豚肉放題，成人價錢由$188至$438不等，二人均點了$228米國Prime 特選牛肉，黑豚肉放題套餐，選了美肌豆乳鍋和日式豚骨鍋，全部食物和飲品都係任食任飲，超抵食！特選牛肉和黑豚肉都好優質，又腍又有肉味，鍋底幾足料，侍應生不時主動幫忙加湯，非常親切有禮，肉類方面，仲有雞肉，嫩滑中帶鮮味。肉類質素固然突出，蔬菜方面也不遑多讓，有娃娃菜、菠菜、冬菇、栗米、雲耳、冰菜、羽衣甘藍、冬菇、萵筍、日本南瓜，全部都非常新鮮，除此之外，還有即食麵、烏冬、午餐肉、爽彈白魚蛋、芝士小籠包、傳統炸魚腐、芝士腸、濃湯貢丸一些比較飽肚的食物，食量再大也必定能滿載而歸，個人比較喜歡充滿豆味的豆腐和鮮甜的大崎蟹柳。飲品方面，有多款啤酒、汽水和茶，仲有糖水，WOVENPICK雪糕任食，兩百多元真係值回票價。餐廳雖然開業不久，但生意非常好，環境乾淨整潔，員工服務不錯，而且價錢合理，值得推薦！…Read More