Hachi Sawa (Sharp Street East)

位於銅鑼灣嘅八沢 餐廳位置唔難搵就喺正時代廣場後面💡之前經過一直都以為係拉麵店 睇真啲原來先至係食日式烏冬🍜-首先講吓餐廳環境：裝修企企理理、少許日本特色、座位並唔逼夾💯-NANA與友人一人叫咗一碗烏冬：黑蒜炙燒極濃黑豚肉烏冬🐽、雙重芝士豬扒掛烏冬🧀原本諗住叫多一個小食 但睇來睇去都睇唔啱 餐廳小食並不太吸引（個人意見）所以最後都冇選擇到🙃-黑蒜炙燒極濃黑豚肉烏冬 $87呢碗烏冬應該係餐廳嘅人氣之作！食落非常有驚喜💯豬骨湯底濃郁而且又陣陣嘅奶香味 但唯獨黑蒜味不太突出 但因濃郁奶香搭救 NANA都忍唔住飲多幾啖湯！黑豚肉肉質非常淋 如果可以少啲肥肉嘅話就更好😽但整體來講呢碗烏冬都非常滿意呢！-雙重芝士豬扒掛烏冬 $75一開頭見到掛烏冬（撈烏冬）係有啲卻步 因為總會覺得好乾身！但呢碗掛烏冬又冇呢個問題 因為芝士非常搶鏡 豬扒上面黃色嘅芝士味道非常濃郁 好有芝味🧀而白色的芝士汁就較為清淡同稀身 係另掛烏冬唔乾身嘅重大功臣！豬扒炸粉適中 豬肉亦相當淋身 係會令人食完一舊又想食另一舊嗰種🤣整體來講呢個掛烏冬令我覺得撈烏冬都可以好好味💯✨-呢一餐正正就係我講嘅食完之後會感到幸福 可以開心一日嘅「好東西」🍜兩碗烏冬都十分滿意絕對係有下次😚（叫咗嘢食之後先見到餐廳嘅代表之作係黑松露忌廉烏冬 唯有下次再去再試啦😙）…Read More

其中一個銅鑼灣飯堂，食左咁多次都無失望過真係好欣賞佢哋嘅黑蒜湯底，同出前一丁黑蒜油或者其他出面餐廳嘅黑蒜油湯底真係好唔同！佢有好香濃嘅黑蒜味，個湯底好奶好重豬骨味，但又唔會覺得濟！豚肉火候控制得啱啱好，肉質唔會乾唔會實😋滑蛋叉燒飯係男朋友嘅最愛，事緣有次外賣返屋企事隔一個多小時嘅車程之後都依然咁好食！蛋同叉燒嘅份量都算多…Read More

八沢喺銅鑼灣時代廣場附近，地點非常好找，交通方便！小店座位不多，於繁忙時間經常爆滿，是一間頗受歡迎的小店！店內有多幅很具特色的壁畫，增添不少日式的風情！咸檸7 $18順滑潤喉又好喝的咸檸7，而且價錢唔貴，值得一試！芥辣八爪魚 $36爽口刺激的芥辣八爪魚，是不錯的日式開胃小吃！牛乳忌廉餅 $32炸得很香脆的忌廉餅，內裡是流質的牛乳饀，真正外脆內軟！黑松露忌廉海鮮烏冬 $98香噴濆熱辣辣的一碗，上菜時傳來陣陣黑松露的香氣！烏冬入口順滑味香甜，不愧為主打菜！除了有三塊大三魚文柳，還有兩片熟帶子，份量一啲都唔惹少！黑蒜炙燒極濃黑豚肉烏冬 $87用有柄煲上菜的烏冬，配料排列得很美觀！叉燒肥瘦適中，還用火輕輕炙過，格外香口惹味！豐富的一餐，兩個人埋單也才二百多元，都幾抵食！…Read More

每一日行返工的時候都會經過呢間餐廳，成日都話想去試，lunch又好多人食，所以今晚就相約友人放工陪我黎食!我們大概7點半左右黎到餐廳，已經要等位了!不過等左唔係好耐就可以入座!一進餐廳便看到牆上畫了一個穿和服的少女，很摩登的感覺!餐牌上有多款不同湯底的烏冬，也有其他飯類及小食!黑松露忌廉三文魚腩帶子烏冬，這款烏冬湯底是奶白色的忌廉湯，唔會好傑，稀稀地，所以唔會有好漏的感覺!黑松露沒有先混入湯中，等你自行拌勻，拌勻後聞到好香的黑松露味，湯底入落都有陣陣的黑松露香味!三文魚腩很大塊，魚肉唔會整得過火，所以肉質嫩滑唔會好乾!帶子共有3大粒，新鮮彈牙!至於烏冬煙韌彈牙，吸收了黑松露忌廉湯的味道，特別惹味!黑蒜炙燒極濃黑豚肉烏冬，這款烏冬用上小煲上，食的時候要小心燙口!一上枱已經聞到陣陣的黑蒜油味，令人流哂口水!食落湯底味道濃郁，有好濃的黑蒜味，而且更配有炸蒜於湯底中!烏冬吸了湯底特別入味，非常刺激味蕾!黑豚肉表面有稍稍燒過，更能帶出豚肉的味道，還有真.流心蛋，感覺順滑!牛乳忌廉餅，忌廉餅外脆內軟，唔會炸得太燶，內裡的忌廉會慢慢流出，幾吸睛!咸檸七，食熱烏冬點可以唔飲野呢!這裡的咸檸七味道剛剛好，酸酸咸咸，而且七喜是罐上，大概可以飲到1.5杯!這間餐廳的烏冬味道不錯，下次再黎試下其他湯底的烏冬!…Read More