Xing Fu Tang (Closed)

晚上和女友行過又新街見幸福堂唔多人排隊，就決定買杯黑糖珍珠鮮奶試下，等了大概10分鐘飲品就到手，時間尚可接受。店員友善地提醒要攪勻18下先飲，攪勻後個pattern 又真係幾靚 即刻試飲一下先，幾滑有淡淡奶味，黑糖珍珠好煙靱，甜度適中，好飲 。下次唔排長龍嘅話我會試埋佢嘅黑糖珍珠奶茶，因為我都係鍾意茶味濃多啲 …Read More

筆者「戒甜」已有一段時間 (在烏托邦的世界)，今天Cheat Meal 就一嘗經常排滿人龍的「幸福堂」。老實說，如果要我花一個多小時去排一杯黑糖珍珠鮮奶，我想，就算再好飲都不值。再者，筆者都嘗過不少珍珠奶茶等的飲品，只有喜茶我覺得的確是好飲(然而喜茶設有手機點單等技術，大大有利節省排隊時間)。今天見到幸福堂沒有滿滿的人龍，就一嘗它的Signature Drinks - 黑糖珍珠鮮奶 - 初嘗一口已經感覺到分別，濃濃的奶味卻沒有過份甜的味道，反之然，每粒珍珠都有著濃濃的黑糖味，但同樣地不會過份的甜，恰到好處的配合，筆者誠意推薦給怕甜的您您您。(後記: 重申如果要花上個多小時排隊，就不了。)先謝過。…Read More

見無人排隊所以先試下🤔之後一開既時候，見d 人排隊最少排半粒中😂夏天我就無咁好心機黎排😂所以今日行過係完全無人龍😆Okay 點都要自己試過先知岩唔岩自己口味🧐☝🏻等叫number!唔洗5分鐘杯野就ready 了外表黎講係高打卡指數既🤔☝🏻店員提我飲之前記得攪左先🧐本身係想叫黑糖奶茶但一問之下！奶茶唔係用鮮奶就兩選一之下問左鮮奶！黑糖味偏淡，有點失望既，因為佢最出名就係黑糖😅😅😅😅珍珠好煙un 既🤨總結就係一杯好一般普通既珍珠牛奶😰如果要排隊就未必考慮了🤣🤣🤣等緊杯野飲佢地門口有巨型既簽筒🤔可以一抽，幾搞笑開心下😆☝🏻…Read More

工作中午餐，見到呢間人氣奶茶店開幕，門口大排長龍，店面細，只做外賣，講真個招牌似涼茶店多啲，我哋派出一個唔食飯嘅隊員去買，本來想上其他飲品，結果除了珍珠鮮奶之外都無，咁唯有飲下個皇牌喇攞到時透明膠杯，設計簡約，最攪笑係有張籤焰遇幸福珍珠鮮奶（$30）自己對珍珠同鮮奶都一般，之前都飲過其他品牌嘅珍珠鮮奶，呢杯攪勻飲，第一反應係珍珠好彈牙煙韌，又唔會太硬，好味（店員真係在店內即炒嘅）鮮奶幾滑，有奶香，因為黑糖關係，所以甜係無辦法的，幸好都接受到！以我對珍珠同鮮都一般嘅人來講，幾好味！因為唔係我買，所以唔知店員態度！唔使排隊都飲到人氣飲品！正…Read More

平時都有飲開珍珠奶茶 所以對佢要求都幾高下不過今次都忍唔住要讚下杯野佢黑糖珍珠有鮮奶同奶茶 想飲最正宗的點左杯黑糖珍珠鮮奶因為飲過好幾間都算出名嘅 例如🦌🦌同🐅🐅一開始都冇話太期待佢會俾到咩驚喜我買之前 個收銀哥哥同我講要等20-25分鐘 不過好唔好彩 前我十幾杯嗰陣煲黑糖用哂 佢廚房d黑糖珍珠跟唔上速度 令我要等多20分鐘係等嘅時候 望住另外一位哥哥好努力咁炒黑糖粉 就咁望都覺得攰 真係辛苦唒當杯黑糖珍珠鮮奶到手嗰陣 試第一啖𣊬間瞪大左雙眼 佢係一杯咁多間中黑糖味最重嘅一杯！甜度來說 我覺得啱啱好 黑糖黎講唔會話好甜 不過珍珠 我始終都會係中意🦌🦌嘅珍珠 我飲個杯嘅珍珠 有咬口 但係就硬左少少美中不足嘅係 當我第一下攞係杯野嘅時候 我成手都係黑糖漿 服務員嘅態度唔係差 只不過反應冇咁快 我都問你要攞紙巾 show埋你睇我手上d漿 又將杯野放返係枱 正常都知咩事 最後都係要我親自出聲 叫d staff幫我抹多次個杯 不過整體黎講 我都滿意…Read More

台灣黑糖咩咩咩🐑的飲品真的在香港風行許久 這次試了在元朗剛開張不久的幸福堂 自開張以來每次見到都是一條長長的人龍今次也不例外 為了一杯黑糖珍珠鮮奶你會去到幾盡？((´д｀)) 我就等了45分鐘😓好少為一杯飲品等咁耐好在成條街都有不少美食分散注意力飲品攞上手上面冰涼 下面溫熱 均勻的攪拌18下後 喝一口 很甜 珍珠也很甜且不是每一粒都煮得平均 有的口感Q彈 有的頗硬 性價比很低 😣ಠ_ಠ 😣可能是人多的緣故吧 質量有點參差 等遲些人少一點再試一試！ …Read More

元朗開左幸福堂，於是今日專程過嚟試下佢嘅主打「黑糖珍珠鮮奶」，味道幾好，鮮奶同黑糖嘅比例各佔一半，黑糖就冇我想像中咁甜，珍珠比較有咬口，但就偏甜左少少，整體嚟講都算好飲。俾錢買就唔駛點排隊，但輪候時間就比較長，起碼要等15-25分鐘先有得攞野飲，不過可能係新開同埋好多人想試新野嘅關係，相信平時人流會比較平均。以$30一杯嘅珍珠鮮奶，個人覺得稍貴，但平均嚟講價錢尚可接受。有機會的話，可以再試其他野飲。…Read More