Double Bubble

黑糖珍珠鮮奶 中杯 $28只有一個中size，有朋友曾經同我講過呢間珍珠奶茶店 話佢呢間既黑糖珍珠鮮奶好好飲，但一路未去過。有日要去西九龍， 咁岩經過見到 就買左杯黎試下。佢一拎上手啲黑糖係底 係會辣手😨 證明真係一路熱住炒緊咁 上面係鮮奶 顏色非常鮮明。😛飲之前一定要搖暈 咁樣會好飲好多 搖暈個冰度都岩岩好 唔會變成常溫😁。珍珠屬於非常煙韌既珍珠 好有口感！ 啲珍珠你一路食一路有陣黑糖既香味 唔算太甜👍🏻 但我可以揀的話喜歡少甜多啲🤣 佢既鮮奶係真係用鮮奶沖既！ 啲鮮奶好濃郁 😚。 …Read More

大熱天時行過冇乜大型商場嘅深水埗，見到有班人攞住杯珍珠奶茶，但又唔見係啲好出名嘅包裝噃。之後上網搜尋附近嘅台式奶茶店發現Double Bubble，據說奶茶店係由台灣人開嘅，亦都堅持不加添加劑，所以就一於去試吓！鋪頭細細間但係超級多人排隊，我叫咗杯黑糖珍珠鮮奶，都等左我成五分鐘。但係係值得嘅，好好飲！一拎上手杯嘢飲係熱嘅，以為整錯咗，但之後店員同我講要搖勻先好飲，又真係變返凍😅濃濃既黑糖味，甜到係固定冇得選擇既，但係飲落甜度岩岩好，珍珠口感軟硬度做得好好，唔使咬好耐先吞得落肚。…Read More

雖然黑糖珍珠奶茶熱潮過咗一排，今日經過深水埗口痕，諗起呢間圓圓坊間評價都幾高，買杯試吓。黑糖珍珠鮮奶等3分鐘左右就有，一上手，係咁多杯以來最燙手嘅一杯！好熱呀啲黑糖漿，搞到用上面嘅凍奶冰敷左一陣先再拎上手影🥵🥶上下搖勻咗黎飲，黑糖味都幾足料，又唔算太甜。可惜珍珠硬硬地，要咬一段時間，扣左少少分（但媽媽又覺得OK喎，it depends啦🤪）。飲完之後個口亦都唔會好似鹿_巷個d咁頸渴，整體中上，小店來講好出色😼另外，側身牆有一幅獨角獸畫，打卡一流呀🦄️♥️-黑糖珍珠鮮奶 | $28-…Read More

依家周圍都賣緊黑糖珍珠鮮奶，真係間間都咁好飲咩？梗係唔係啦，CWB同TST個兩間排隊排到傻既都有賣，但兩間都唔好飲🤮深水埗依間算係咁，奶味夠，唔死甜，珍珠咬落夠煙韌，而且有黑糖味，唔似個啲咬落完全無味既膠珠😂烏龍茶味夠濃，唔苦澀👍🏻👍🏻而且，包裝好靚，岩晒打卡。…Read More

雖然我早已經知道，知道鹹鴨蛋系食品成為了一股熱潮，很多食品包括炸雞在內，很多韓國炸雞連鎖餐廳都已經引入了以鹹鴨蛋去調味，成功製造出一系列的「黃金鹹蛋」炸雞，而且味道也都很重鹹蛋的鹹甜味。另一方面，我在深水埗的台灣外賣飲品店「圓圓」裡面，發現到「圓圓」的手調台灣飲品裡面，居然可以容許食客選擇以鹹鴨蛋製造出來的「黃金珍珠」取代傳統的珍珠，作為飲品裡面的配料。可是我最後也沒有選擇「圓圓」的鹹鴨蛋「黃金珍珠」，作為「黑糖珍珠鮮奶」飲品裡面的珍珠口味，因為也還只是剛剛路過，找上了這一檔台灣手調飲品店而已。我無心插柳幫襯「圓圓」，結果店員最後亦跟我說，該店因為缺貨，所以暫時提供不了鹹鴨蛋「黃金珍珠」，我最後只能夠選擇，一般黑糖甜味的「黑糖珍珠鮮奶」飲品。我也還只是抱着一試無妨的心態去幫襯「圓圓」，所以亦無興趣立刻去嘗試，「圓圓」鹹鴨蛋製造的「黃金珍珠」鹹甜味道了，反而我比較想嚐試「圓圓」的黑糖甜味跟鮮奶味道。由於我當時遺憾與鹹鴨蛋「黃金珍珠」緣慳一面，所以我連「圓圓」價目表裡面，其他有三層味道的手調飲品也欠缺興趣，求其飲杯「黑糖珍珠鮮奶」算數好了。我發現「圓圓」廚房店員製作出來的手調飲品，飲品裡面的調味料配料看似都很多，但是偏偏欠缺了富美感的拉花流蘇圖案，結果一堆黑糖糖漿堆在一起，沉澱在外賣飲品膠杯的底層。例如「圓圓」另一款的手調飲品，「黑糖珍珠可可鮮奶」正正就是有三種材料，三種材料以層次分明的狀態，排列放外賣膠杯裡面，飲品外表形成了「啡白黑」三層顏色。我因為發現「圓圓」裡面的鹹鴨蛋「黃金珍珠」材料暫時缺貨，所以最後未能嚐試到，鹹鴨蛋加進黑糖珍珠撞奶之後變成的味道，只能喝到一般尋常的黑糖甜味而已。另一方面，我因為未能嚐試到「圓圓」的鹹鴨蛋珍珠甜味，所以發現自己只能喝到「圓圓」的「黑糖珍珠鮮奶」後，對「圓圓」的期望立刻褪色，失去了本來興致勃勃的感覺。加上「圓圓」廚房裡面的店員，在製作「黑糖珍珠鮮奶」飲品，為「黑糖珍珠鮮奶」製作拉花時的手勢，和技術都不夠細緻，導致「黑糖珍珠鮮奶」飲品最後的花紋欠缺流蘇效果，反而變成了斑紋效果。現在我回想起「圓圓」廚房裡面的店員，在製作「黑糖珍珠鮮奶」的過程期間，店員倒黑糖糖漿進入外賣膠杯裡面，手勢其實不是很純熟，所以實際上製造出來的拉花效果不明顯，是意料中事。所以「圓圓」的手調「黑糖珍珠鮮奶」飲品，飲品的黑糖甜味無疑是十分充足，可惜「圓圓」廚房店員製作飲品拉花圖案的技巧不夠純熟，導致「圓圓」味道夠甜，甜味甚至變得有點過火。「圓圓」「黑糖珍珠鮮奶」又再次以反面教材，說明了何謂「過猶不及」。雖然「圓圓」廚房店員製作「黑糖珍珠鮮奶」，使用黑糖糖漿份量沒有吝嗇材料。可是技巧上的不足，使「圓圓」「黑糖珍珠鮮奶」欠缺了理想的拉花花紋圖案效果，即使黑糖甜味味道對辦，欠缺了台灣手調飲品應有賣相，就會令「圓圓」手調飲品扣分收場。而且「圓圓」「黑糖珍珠鮮奶」的售賣尚算正常，只賣港幣二十八元。食客只需花港幣二十八元，就可以喝到有豐富黑糖甜味的手調撞奶飲品，即使欠缺了漂亮拉花花紋，也是無傷大的小事。「圓圓」「黑糖珍珠鮮奶」實際上的味道，的而且確是有了豐富黑糖甜味，即使日本純牛奶的奶味，會因為黑糖甜味偏濃而稍微被遮蔽了，但是飲品有了黑糖甜味，很難為這樣的飲品給負評。至於珍珠的黑糖甜味，也因為珍珠還未完全吸收黑糖甜味，引致珍珠發得未夠大的同時，也欠缺了黑糖的濃厚甜味，是「圓圓」「黑糖珍珠鮮奶」稍微要扣分的地方。而且「圓圓」最令我感到掃興的地方，是以鹹鴨蛋製作而成的「黃金珍珠」，因為鹹鴨蛋缺貨而無法提供，試不到鹹鴨蛋珍珠的鹹甜味，是稍為令我感到失望的原因。跟某種我喜歡的食材食品有緣無分，是人生其中一件痛苦難過的事情，我在「圓圓」又再次領教到這種滋味了。…Read More

難得經過深水埗 竟然有一飲品小店有很長的人龍 當然要嘗嘗黑糖珍珠鮮奶黑糖珍珠剛拿上手時熱騰騰 口感煙韌剛好 不會太淋太硬 黑糖味濃雖然甜度固定 但也不會過甜 可以接受 不會是那種死甜的感覺奶味沒有被黑糖味蓋過 頗香 比例調較得很不錯圓圓珍珠炭焙烏龍奶茶(少糖)一入口 濃濃炭焙香味 烏龍茶底岀 奶茶順滑珍珠有兩款 黑糖珍珠 黃金珍珠 同樣煙韌甜度更供選擇 不過少糖也有點甜 半糖應該會更適合這間小店質素的確不錯 如果下次人流少一點 一定會再嘗嘗…Read More

平時經過見圓圓好多人捧場，聽聞口碑亦好好，但我最怕就係有排等，所以之前都冇機會幫襯到。今日經過見到人少少，就即管試吓啦！諗來諗去，最後都係決定買咗黑糖珍珠鮮奶。飲過好多間飲料店嘅珍珠奶茶或鮮奶，都未試過一間係覺得非常好食嘅，圓圓嘅珍珠充滿住黑糖味，超級香，口感又好Q，甜甜的好好食，可以話係我食過之中最正嘅珍珠呀。此外，整杯黑糖及鮮奶比例適中，搖勻後唔會太甜，飲落真係非常滿意！不過呢間等待時間就耐少少喇，大家要有啲耐性呢～…Read More

又黎黑糖乜乜乜，你唔攰我都攰呀，真係飲到感知疲勞🤣但呢間又真係專登去飲既，點解？人人都讚好，咁都要試下先知嫁🤨黑糖珍珠鮮奶 $28佢呢度勝在大部分飲品都可以做熱飲，無懼寒冬呀🥶🥶呢杯黑糖都無令人失望，特別愛佢黑糖珍珠既味道同口感，有黑糖香唔會過稔😚給了一個Encore的理由圓圓炭焙烏龍奶茶 $23鍾意炭焙香既朋友仔會愛❤️一入口就好香，烏龍茶味都好出，珍珠都好食👍🏻無出現中心過硬或太稔既問題綠豆牛奶沙冰 $35呢杯野就係綠豆沙雪到起冰咁🤭綠豆沙囉！同埋啲冰可以做返細粒啲，令杯野可以再滑啲就好好味指數（5粒最高）：…Read More

唔知呢解香港突然有一股黑糖珍珠同埋黑糖珍珠鮮奶既風 四為唔同地方都開始賣 平時旺角尖沙咀銅鑼灣就一定排長龍啦......😭幾個月前去深水埗個陣見到呢間黑糖珍珠鮮奶就想試下係咪真係咁好飲啦.... 但條龍... 同旺角個啲都係有得揮.... 咁就放棄左無排😔第次再去深水埗經過諗住睇下會唔會少啲人 點知都係好多人... 可能真係星期六日. 咁去問下要排幾耐 店員話20-30分鐘...😓到第三次 見到條龍貌似少啲人 我就排啦 都問下佢幾耐 佢話等5分鐘就得 咁心諗正啦！ 就買左.. 點知最後都係等左15分鐘😂😂不過黑糖珍珠鮮奶 影相係唔錯既 珍珠既軟硬情度很好 好有咬口！ 黑糖呢就都真心幾特別 配鮮奶（佢地係用日本鮮奶） 都幾好 不過個人就覺得整體係偏甜 因為佢地唔建議少糖/其他...Overall其實係值得一試既 但如果要排半個鐘/45分鐘 值唔值得呢就見仁見智啦😂😂 早啲去係會少人啲... 到6 7點又開始多人番...…Read More

平常做完GYM搭車返屋企 都會經過深水埗呢一帶 係巴士經過都望到呢一間台式飲品店隔離兩個鋪位有另一間 往往呢間都係較多人等候 加上有住呢一區既朋友都推介呢間圓圓好飲所以趁今日難得係呢區食完飯 時間尚早 可以買杯飲下當甜品第一次當然要試下傳統正常飲 先知同其他相比 呢間台飲功力如何同朋友分享一杯黑糖珍珠鮮奶 女仔始終怕肥呀未搖之前都感覺到底啲珍珠係熱既 所以要靠冰面整返凍佢 而冰係大大粒係面既黑糖虎紋做得無熱門果幾間台飲咁靚之後搖混佢啦 先似黑糖奶 發現黑糖味唔夠濃 只係飲到奶味 而奶味都只係好甜既奶味 無鮮牛奶果種鮮咩再啜多啖加埋珍珠 咁就有返黑糖味珍珠咬落偏淋但就好重黑糖味飲到最後冰係未溶晒既 可能兩個人飲 飲得快可以叫少冰下次雖然呢間無兩間動物台飲店咁好飲但相比連鎖台飲店已略勝一籌 係SSP無咩選擇黎講 都值得行去買既…Read More

食完飯見有啲口渴，走左去飲我最愛既台灣野飲😍行過呢頭發覺未飲過呢間，朋友又有講過呢間都唔錯。本住一試無妨就去買啦。餐牌睇落無啲出名店咁貴，就試下個黑糖珍珠鮮奶啦！睇下佢好啲定鹿角巷好味啲！等緊既時候發覺，側面冷巷油左幅幾可愛既獨角馬。打咭都可以對住個背景來影。黎到飲品啦，飲落都幾好味既。不過係飲落黑糖味唔夠重，啲珍珠獨立既黑糖味就夠。珍珠較軟身。奶味都重，但又個奶唔係好Cream果隻🤔。總括來講，未夠鹿角巷好味。不過朋友話好味過老虎堂。…Read More

小編時不時都會路過深水埗 今日咁啱去開深水埗做嘢 就靈機一觸醒起「圓圓」就二話不說向Double Bubble出發٩(˃̶͈̀௰˂̶͈́)و深水埗地鐵站c1出口向左直行到長沙灣政府合署方向 係馬路口左手邊 隔離仲有間sharetea 平時去都要等10至20分鐘 今日去可能啱啱好放完晏又未夠鐘放學放工 所以唔駛等好耐 由落柯打到拎上手 都只不過係大約5分鐘時間👍🏻 嚟到圓圓其實都係一如以往買黑糖珍珠鮮奶😂 有分熱同凍 但就無分size都係中杯 熱$29 凍$28 （通常凍飲貴過熱飲 佢就調返轉🤔）甜度無得改 而冰度就有得要少冰走冰 但個份量亦會因為無冰墊底而相對少7成（店員都會事先講明）我就order原汁原味正常冰🤞🏻等咗3 4個就到我 店員一如以往細心提醒返 要倒勻先飲用 ！飲！咗！4！次！依然keep得住個水準 果然好野 真係飲到黑糖味 而唔係庶糖唔係死甜唔係焦糖味 你要知道依家出面好多所謂嘅黑糖珍珠鮮奶 就係庶糖珍珠鮮奶 又或者係焦糖珍珠鮮奶 但係個名就用黑糖珍珠鮮奶 完全係違反商品說明條例🙄🙄 啲珍珠都好好咬 煙煙韌韌 不過有幾粒未熟透 之但係整體而言已經夠攞99分(˶‾᷄ ⁻̫ ‾᷅˵) 有下次 絕對有下次👻飲晒成杯野都仲有好多珍珠🤤🤤🤤…Read More

之前已經聽聞有一間係台灣人妻開的黑糖珍珠鮮奶，連台灣人飲過都讚好，今日路經深水埗點可以唔試下，抱著要排長龍的心態去，可能當時係7.8點既晚飯時間，沒有幾多人排，正👍🏻👍🏻👍🏻等咗應該幾分鐘就有，剛拿到下層珍珠係暖的，同冰塊融合後，冷凍度係剛好，一飲之下，珍珠係好重黑糖味，而係入晒味果種，一路咬珍珠都有黑糖味，同珍珠係好Q果種，奶係用明治奶，都係我飲開的，很好，唔似有啲用淡奶溝，不倫不類噤…Read More

之前係深水埗太熱先會揀Share tea/ 貢茶，今日終於等到新嘅珍珠奶茶店話說我地下午3點幾先去，已經少上班一族，而個個都叫黑糖珍珠鮮奶，無理由唔叫個招牌菜架嘛，所以㨂左呢個另外叫炭培烏龍鮮奶茶✔️接待員溫馨提示等20分鐘，係烈日當空之下，我無辦法企係度咁耐，所以「醒目」較timer 25分鐘，係附近行下先攞。25分鐘之後係仲有6杯先到我😱店舖側邊有把大太陽傘，但等下等下，過左10分鐘先到：total 35分鐘回正題，黑糖珍珠暖暖地，shake 1 shake d花紋先出黎。配埋凍鮮奶係香甜，味道相比其他舖頭嘅黑糖系列，double bubbe似乎入味好多，亦比較「溝得埋」👏🏻而就有d飽肚，飲到一半我已經覺得好濟，建議飲之前/後不用食太多另一杯炭培就，不過不失😝回頭率：80%（如果咁啱去深水埗會去，而會㨂d時間冇咁多學生/放暑假嘅青年）…Read More

深水埗又開咗間新嘅手搖飲料店，我當然要來試一試！離遠已經見到人潮洶湧！排隊唔算耐，只排咗10分鐘度，但原來等飲品佢話要30分鐘😱有冇咁誇張，我只好過對面西九龍中心逛下。我點嘅係黑糖珍珠鮮奶，＄28價錢正常，重點係好唔好飲，鮮奶正常有奶味，唔會似飲奶水，珍珠煮得夠林身，咬落亦夠煙韌！黑糖味非常足夠，不會和珍珠分隔開，愈咬珍珠味道愈出，甜度亦都正常👍整杯黑糖珍珠鮮奶嘅比例同埋甜度我都算滿意！難怪開張短短時間已經成為網紅店！值得一試😝______________________________店名: 圓圓 環境：7/10服務：7/10 價錢：7/10食物質素： 8/10 整體：7.5/10 地址:深水埗欽州街74A號地下3號舖…Read More