A BOUTEA (Lock Road)

夏日炎炎熱辣辣, 出街一定要飲杯野降溫, 個人對沖調飲品相當挑剔, 好少可會回頭幫襯。而呢間即沖茶飲店絕對係值得回頭其中之一。今日經過都要買返杯飲下。呢間選擇都幾多, 而且都幾多人幫襯, 只係企係度等製作時果幾分鐘, 都聽到唔少apps order。今次揀咗黑糖珍珠厚鮮奶, 虎紋做得好明顯, 挺身掛杯,呢款冇甜度同冰量選擇, 但整體適量, 非常接受。飲之前攪拌平均, 珍珠份量剛剛好, 質感軟糯, 唔係中心為生粒煙韌果隻,選用牛奶公司鮮奶, 入口香滑, 配上陣陣黑糖, 唔會過甜, 值得推介!…Read More

之前好忙行過都無試過呢一間花斑茶社 今次終於有時間整翻杯啦 ！廳一直有飲開嘅朋友講 話花斑茶社 一定要去飲黑糖珍珠厚鮮奶 仲話呢杯飲完翻唔到轉到！我心諗 ：有無咁好飲啊 如事姐 我即刻叫咗杯黑糖珍珠厚鮮奶Try Try 佢 ！一飲 濃濃牛奶味即刻係我口裡面爆出黎啊 好鮮甜 好正啊！再吸多一淡 ！ 一粒又一粒嘅彈牙珍珠入曬我個口裡面 ！真係無推介錯 呢杯野真係飲完翻唔到轉頭 勁好飲啊～！問世間 點解依家先俾我遇到呢杯黑糖珍珠厚鮮奶 我不禁流下兩行男兒淚點解我會咁 ？我唔知 可能係可惜佢太好飲 我一啖就飲曬佢落肚哎～ 唔講啦 我準備去買第二杯黑糖珍珠厚鮮奶啦…Read More

今日就買左杯黑糖珍珠厚鮮奶($30)黎做飯後飲品!首先佢呢杯飲品係固定糖同固定冰既!然後佢杯野應該就係黑糖整既珍珠, 而吾係黑糖糖漿加普通既珍珠!飲品個顏色係奶白色。飲落非常有奶味, 仲要係勁厚奶果種!珍珠煙韌得黎有咬口, 但就點都會有D癡牙!黑糖類既飲品無辦法係咁嫁啦!黑糖加鮮奶一齊飲簡直係絕配! 而且仲要係用4.3 特濃鮮奶!真係好驚會飲肥自己! 雖然都肥肥地! lol另外, 店員姐姐都非常有禮貌!…Read More

現今香港, 台式飲品總會有間在左右。無意中發現左呢間花斑茶社, 主打鮮奶同茶系, 其中有我至愛厚鮮奶同埋芋頭鮮奶, 當然吸引我幫襯啦!店內茶系可自選冰量+甜度, 而因為要keep鮮奶新鮮度, 所以都是固定啊!每杯都是standard size。【黑糖珍珠厚鮮奶】HK$30黑糖幾香, 賣相亦做得唔錯, 飲前搖勻, 飲落亦不覺死甜, 珍珠帶微微煙韌口感, 中心位仲甜甜地, 跟鮮奶一齊飲, 同時滿足埋絲滑口感。【大甲芋頭鮮奶】HK$32幼滑奶香, 間中飲到甜甜地芋泥蓉+少少芋頭幼粒, 似乎沒有額外加糖而影響鮮奶本身甜度。個人很不喜歡死甜之作, 而呢間我選擇了固定冰量+甜度既鮮奶類, 都非常合心水, 以後又多一個好選擇。 …Read More

本身見到無得選擇甜度的時候，都有啲擔心😣，因為我好怕太甜的台式飲品，不過見係招牌之一，無理由唔試下😝。雖然話係固定甜度，但黑糖同鮮奶既比例啱啱好，飲落唔會過份地甜，啱哂平時飲開少甜的我。另外，因為使用明治4.3的特濃鮮奶的關係，所以飲落奶味相對濃厚，配合埋煙煙韌韌的黑糖珍珠，真係非常夾😱。同埋要讚一讚飲品的溫度控制得岩岩好，飲落微溫，好易入口，唔洗攤凍就即刻飲得😋。…Read More

雖然人氣台灣飲品店「鹿X巷」，已經在尖沙咀成為大受食客熱捧，排隊人龍由「北京道」伸延至到主要幹道的「彌敦道」。但是「鹿X巷」熱爆香港，不等於其他人從此不夠膽，在尖沙咀再開台灣飲品店。星期日晚上，我本來準備在尖沙咀「樂道」，上門光顧一間樓上西餐廳。但是在我準備上樓之前，無意之中給我在旁邊，發現又有一檔台灣手調飲品店「花斑茶社」，剛剛在餐廳的旁邊街舖位置開門營業。值得一提的是，「花斑茶社」其實是一間廚房同時能夠製作，和售賣台灣手調黑糖珍珠鮮奶飲品，以及手調奶蓋茶的台灣飲品店。不過我在「花斑茶社」，就沒有嘗試他們製作的「白桃烏龍茶」了。因為我當時正在想，在上樓光顧樓上西餐廳之前，先幫襯「花斑茶社」，飲一杯「花斑茶社」製造的台灣手調黑糖珍珠鮮奶，好讓我之後在西餐廳裡面，能夠食少一點，都能夠獲得飽肚感覺。另一方面，或許是因為「花斑茶社」開業時間，比其他尖沙咀台灣手調飲品都來遲吧，所以憑我肉眼所見，幫襯購買「花斑茶社」手調飲品的食客，其實不算很多。雖然上門幫襯「花斑茶社」的食客不多，但是「花斑茶社」招牌撞奶飲品，「波霸珍珠厚鮮奶」的定價，也沒有因此而儘量減價招徠，仍然賣港幣三十元一杯。我在「花斑茶社」裡面的收銀櫃檯面前順利購票後，一個人站在「花斑茶社」半開放式，窗簾半掩的關閉狀態下，偷偷看着「花斑茶社」廚房裡面的店員，埋頭苦幹製造各種不同味道的台灣手調飲品。由於我幾乎看不清楚，「花斑茶社」廚房裡面實際的製作飲品過程，所以我等到十多分鐘後，收到「花斑茶社」廚房製作的「波霸珍珠厚鮮奶」後，拍照就立刻開始飲。「花斑茶社」的手調飲品「波霸珍珠厚鮮奶」，都屬於可以先飲一口「波霸珍珠厚鮮奶」的原味，然後再攪拌一下，再感受攪拌後的「波霸珍珠厚鮮奶」味道。看來「花斑茶社」廚房早已經製作準備好，製造手調飲品「波霸珍珠厚鮮奶」的黑糖糖漿，以及用黑糖熬煮出來的黑糖珍珠，所以「波霸珍珠厚鮮奶」的黑糖甜味，比我想像之中來得更濃。雖然「花斑茶社」「波霸珍珠厚鮮奶」的黑糖甜味，比我試食之前預計的味道來得更濃更甜，但是黑糖珍珠的實際大小體積，就比我預計的明顯細小。所以我拼命吸啜「花斑茶社」「波霸珍珠厚鮮奶」飲品，而且在不知不覺間，就已經在瞬間吸啜了大量「花斑茶社」熬煮出來，體積尚小的黑糖珍珠。結果「花斑茶社」廚房店員親手製作出來的「波霸珍珠厚鮮奶」，「波霸珍珠厚鮮奶」雖然擁有非常濃厚，味道非常之甜的黑糖甜味，但是黑糖珍珠實際體積偏小，就令「波霸珍珠厚鮮奶」的評價稍為打了折扣。或許「花斑茶社」廚房店員在製作飲品的過程中，沒有吝嗇於加入黑糖粉，亦沒有吝嗇於花時間熬煮黑糖珍珠，可惜就是欠缺足夠時間，去把珍珠煮大一點，和煮腍一點。結果「花斑茶社」的「波霸珍珠厚鮮奶」製成品，雖然已經成功創造出濃厚的黑糖糖漿，亦有嘗試把黑糖適量倒進「波霸珍珠厚鮮奶」的外賣膠杯杯壁，形成啡黑暗的外貌，奈何還未算是漂亮的流蘇拉花圖案。「花斑茶社」廚房煮出來的黑糖糖漿，到最後反而只能夠，以一片一片的塊狀圖案狀態，印在「波霸珍珠厚鮮奶」的外賣飲品膠杯內的杯壁上，形成實際美感只是很一般的飲品拉花圖案。不過，「花斑茶社」「波霸珍珠厚鮮奶」飲品的拉花流蘇圖案，即使沒有預計那麼漂亮，但是卻換來「波霸珍珠厚鮮奶」的實際味道，有非常濃厚的黑糖甜味，以及非常之純的北海道牛乳味道。而且「花斑茶社」的「波霸珍珠厚鮮奶」飲品，以機器方式把飲品的杯蓋密封，亦令飲用「波霸珍珠厚鮮奶」的潛在風險，被「花班茶社」的封蓋機器大大減低了。以封蓋機器負責密封的「花斑茶社」台灣飲品，其實還有一個好處，就是連攪勻「黑糖珍珠厚鮮奶」的過程，都可以在完全密封，滴水不漏的情況下進行。就例如我的情況，我剛剛從「花斑茶社」廚房收到未攪勻前的「黑糖珍珠厚鮮奶」，飲品的黑糖糖漿還是好好的，遺留在外賣膠杯內壁身上。結果我稍為大力搖勻，花紋立刻消失得無影無蹤。但是「黑糖珍珠厚鮮奶」的味道，就由一開始飲用「黑糖珍珠厚鮮奶」的時候，就變成了超濃厚的黑糖甜味，甜得連飲品底層的日本牛奶奶味都被完全掩蓋消失了。搖勻後再飲的「花斑茶社」「黑糖珍珠厚鮮奶」，黑糖甜味已經跟日本牛奶完全融合，飲品大部分的甜味，已經只剩下黑糖的濃厚甜味而已。不過反而覺得沒有所謂，日本的牛奶奶味偏淡，就算直接飲也很難飲到甜味。「花斑茶社」的「黑糖珍珠厚鮮奶」，飲用方法肯定不會像同區大熱人龍店「鹿X巷」一樣，可以在未攪拌的情況下先喝一口，感覺黑糖糖漿的原味了。相反，「花斑茶社」的「黑糖珍珠厚鮮奶」，飲用方法反而是銅鑼灣另一間台灣飲品店「幸X堂」的做法，直接攪勻後享用就可以了。「花斑茶社」搖勻後的「黑糖珍珠厚鮮奶」飲品，甜味的黑糖拉花雖然稍為消減了一點點，已經融入飲品底下的日本鮮牛奶去。但是我再在飲品喝到剩下不到一半的時候挖開杯蓋，就發現原來底層的黑糖糖漿，原來還剩下很多。即是「黑糖珍珠厚鮮奶」在基本上，想完全把黑糖糖漿和它的濃厚甜味，完全跟日本厚鮮奶完全融合，把「黑糖珍珠厚鮮奶」所有部分完全喝清光，根本就是不可能的任務。反而想完全把「黑糖珍珠厚鮮奶」日本厚鮮奶那部分，厚鮮奶裡面前的一點一滴都完全喝清光，難度反而會比較容易掌握。綜合評價「花斑茶社」製作的台灣手調飲品，飲品整體的甜味雖然算是中上程度，但是也不是沒有缺點，「花斑茶社」的缺點就是食用黑糖珍珠煮得不夠大，令珍珠口感變得不夠煙韌，黑糖糖漿剩下份量過剩，才完全遺留在飲品底層。如果「花斑茶社」廚房裡面的人，可以把黑糖珍珠再煮長時間多一點，讓珍珠煮發大多一點點才倒進外賣膠杯裡面的話，就算黑糖糖漿份量稍為減少，也可以讓「黑糖珍珠厚鮮奶」甜味變得更平均。那麼我這個用來購買「花斑茶社」「黑糖珍珠厚鮮奶」飲品的三十元港幣，就應該可以更用得其所了。…Read More

飲料店開完一間又一間，未知新鮮過後，可以留低嘅茶店可以有幾間。喺附近打完邊爐，搜尋過附近茶店，出現呢間位於尖沙咀樂道名為「花斑茶社」嘅新店，即管一試。最初見店名有幾分台味，以為來自台灣，原來係全新品牌，用上台灣茶園嘅四款茗茶，暫時仲未見到大量報導，加上係打風過後嘅晚上，人流唔多。餐牌供應黑糖珍珠系列，包括鮮奶、抹茶、可可、奶茶，另有鮮奶茶、果茶、原茶等，定價$17-34。除左黑糖系列固定冰、糖，其他可自由選擇。配料有蜂蜜珍珠、寒天、紅豆。黑糖珍珠厚鮮奶 $30透明杯裝，每日限定，冰、糖固定，店員盡量做出黑糖掛杯，但由於糖漿唔算多同濃厚，所以紋路下流速度都快。並無伴隨大量黑糖漿喺杯底，所以即使直接飲用都唔會好甜，黑糖未夠濃郁。用上明治奶，確實奶香厚滑，無顆粒感，兩者混合後蓋過黑糖，螞蟻人覺得黑糖可以重手啲。珍珠到手已係常溫，帶黑糖味兼有噍頭鳳梨冰茶 $24/少甜/正常冰揀左綠茶底，用上紙布裝，味道唔錯，接近一芳嘅味道 (對我黎講，係好事)預期鳳梨會甜啲，所以揀少甜剛好。果肉細碎，冇糖漿感。冰量較多，茶味唔明顯，不過呢個價都可以:)茶飲店鼓勵減塑，購買前同店員講聲，自備杯減$2、自備飲管減$1，可以支持下。…Read More

近期通街都係黑糖鮮奶，真係飲到個人都肥幾磅。但一見到路人拎住杯上花紋，又忍唔住行去買杯！今日經過呢間，見佢仲有花籃係門口，應該新開，襯未有人龍唔洗排，即買！店員推介黑糖珍珠厚鮮奶，老虎堂都係呢個名，不過香港個間真係唔及台中飲既味道。講返呢杯花斑茶社既先，店員教插飲管後先飲一啖試試暖既珠，再攪拌均勻飲。第一啖係濃濃又QQ既黑糖珍珠，勁正！攪完係覺得個味mix得勁好，個味道令我諗返上次去台灣飲既一樣！個樣影相打卡又係一流遲d如果多人講，肯定又要排好耐…Read More