TeaDays

來到旺角一定要掃街喝珍奶，那麼多家飲料店，Teadays絕對值得一試，真材實料又多種選擇！黑糖珍珠厚鮮奶 29這家黑糖鮮奶使用奶香最濃郁的明治奶， 黑糖珍珠是大顆的，口感煙韌之餘還能嚼到濃郁黑糖味芝士奶蓋香芋鮮奶 34奶蓋質地厚又濃稠，喝起來很綿密，芝士味鹹中帶甜，芝士味來自於帕馬森芝士，奶味十足底下的滿滿的芋頭塊，切的大大力很有口感，吃到是芋頭天然的香氣，當日點了微甜，喝起來不過膩，配上濃郁的奶蓋很夾，喜歡芋頭的人別錯過！…Read More

我見今日放假又得閒，就緊係去旺角行街。去完信和見攰攰地又口渴，就諗住行去天仁茗茶買杯珍珠鮮奶茶解吓渴。行到一半路程，俾一杯紫色嘅嘢飲吸引住。 原來喺小茶堂嘅烤紫薯鮮奶。 我對紫薯冇特別嘅喜好，所以都冇即刻衝去買。不過，我見杯紫薯咁靚，我諗其他嘅嘢飲都應該唔差，望吓個menu，見到黑糖珍珠厚鮮奶都唔錯，立馬去俾錢，叫左杯半糖嘅（因為次次飲親黑糖嘅飲品，我飲完都會覺得自己會有糖尿）。等左5分鐘，都算好快就有得飲。$29杯黑糖珍珠鮮奶可以話算抵又好飲！平過好多其他黑糖珍珠鮮奶知名店，而且質素可以同嗰啲店比拼過！提提大家，除非真係好鐘意好甜，咁就唔洗少甜。😁😁…Read More

9/10.不知不覺 我不知不覺 慢慢喜歡你❤️經過旺角就等於台式飲品的天堂，緊有一間係左近。但係花多眼亂點揀好？雖然中伏機會好低，要弄一杯難飲的珍珠奶茶真係好難，但要一杯飲一啖之後有😳的表情更難。對，今天我就比佢😳左。門面沒特別，甚至行過都可能唔覺。有點隱藏的teadays 拎我有驚喜。首先，黑糖的飲品我未試過有得選擇甜度，而就因為普遍太甜的關係，我都比較小飲。但店舖姐姐居然同我講可以選擇甜度實在勾起我的興趣，拎我選擇了一杯少糖🥛黑糖珍珠厚鮮奶🥛姐姐再教學話要搖勻先飲🤔飲落第一啖。。厚奶的口感有點杰，啜入個口有滿滿的感覺😳加上鮮奶味同黑糖味覺特出。一齊都是完美的。🤯一句講晒，下次係旺角唔洗諗飲咩。🤤…Read More

最近真係好興黑糖珍珠奶茶，周圍都開左不同茶飲店，旺角的「小茶堂」用天然食材，所以吸引到我，一於買齊幾款口味，同朋友品嚐一下。有齊水果茶、奶茶、鮮奶茶、黑糖珍珠厚鮮奶、芝士奶蓋系列、泡茶....還有粉圓，最正係連黑糖珍奶都可以自選冰量同甜度，咁彈性既選擇，岩哂有要求既客人。最近都凍左，當然少冰，而怕過甜既亦有6個甜度揀。飲品款式多，顏色仲又靚又吸引，受大眾歡迎既紫薯同抹茶都真材實料。我揀左推介的口味，仲有益力多味芝士奶蓋水果茶，夠哂創新同有特式。益力多芝士奶蓋水果茶 $28，仲可以揀紅茶、綠茶或烏龍茶底，我揀左酸酸甜甜水果茶，果然襯返益力多既乳酸味，入口濃郁微咸芝士味，仲有益力多既酸味，奶蓋口感綿密豐盈，再飲埋帶百香果的獨特熱帶水果香，味道清爽輕盈，原來古早味水果茶係咁好飲，甜度亦有酸味中和，所以飲完唔膩。芝士奶蓋烤紫薯鮮奶 $34，等待製作時，眼見用3-4球紫薯蓉加鮮奶打成，用料十足，超濃郁紫薯味，天然味道好健康，配埋濃厚滑溜的芝士奶蓋，味道好香滑，而且好飽肚滿足。小山園抹茶厚鮮奶 $28，使用山政小山園的抹茶，味道十分濃重，茶濃帶甘，混合濃厚鮮奶，中和茶甘味，變得味道溫和的抹茶牛奶，味道比連鎖咖啡店的更好，重點價錢合理。黑糖珍珠厚鮮奶 $29，主角出場，就係人氣大熱的黑糖珍奶，店方教路，倒轉搖勻先好飲，我諗飲慣既朋友都識。少甜少冰真係岩岩好，有濃重黑糖味，香味久久不散，用來自台灣的黑糖燜煮珍珠一小時，所以非常入味，越咬味道越突出，而且珍珠煮的岩岩好，軟滑煙韌不痴牙，台灣南投的茶葉味道香醇與濃厚鮮奶混和，味道更豐富，香濃滑有齊。…Read More

周末到旺角行街幫屋企買野，去到好景商場附近，發現一家開左一排但未有機會飲既臺式飲品點<TeaDays>~~<TeaDays>位於好景商場及馬會中間~~睇完餐牌，同鄰近其他臺式飲品點差異不大，價錢亦都差唔多~~飲品店推薦既飲品主要有<黑糖珍珠厚鮮奶>同<烤紫薯鮮奶>~~<黑糖珍珠厚鮮奶> - 一拿上手，感覺到黑糖微暖，珍珠大小適中，夠Q而帶黑糖味，但佢既黑糖味因爲過重，反而有d將奶味蓋過。追求比例平衡既朋友，可能選擇半甜會適合d~~…Read More

小茶堂位於旺角花園街好景商場， 位置便利。 雖然小店已經開了一段日子， 但一直也沒有時間去嚐新嚐新。這天和朋友經過， 就叫了兩杯小茶堂主打的飲品：黑糖珍珠厚奶和 小山園抹茶厚鮮奶（加珍珠）黑糖珍珠厚鮮奶珍珠係大粒嘅，每一粒都沾滿咗黑糖，非常好味。雖然係甜左少少，但溝埋濃郁的meiji 牛奶，非常滿足，更加唔會越飲越淡tim 小山園抹茶厚鮮奶小山園抹茶鮮奶送到嚟嗰陣一見到，嘩，個漸層真係好鬼死靚， 靚到唔捨得飲。 小山園抹茶質素高係人都知，飲完仲有陣抹茶回甘味。 雖然我係夜晚先嚟買， 但珍珠仍然q彈有咬口。…Read More

台式飲品店愈開愈多，黑糖珍珠亦間間都有。今日同男友食完飯經過見到間新開飲品店就索性試下。小茶堂 - TeaDays因為見到烤紫薯鮮奶賣相幾吸引所以就同男友各買一杯，可惜落單時先知賣哂。最後分別點左另外2杯飲品餐牌上會有部份系列產品明確標示用明治鮮奶。小山園抹茶厚鮮奶因為怕甜關係選擇左半糖，店員介紹如果半糖以下抹茶味道會好出，而入口就會比較澀。不過點抹茶就係鐘意個份苦澀味，抹茶味入口濃烈，且帶有抹茶香。面上Cream可以稍為中和綠茶個種澀味，而有Cream冇Cream分別都只係$1之差。黑糖珍珠厚鮮奶近期另一半比較喜歡既飲品，呢杯都係選擇左半糖，飲落甜度適中。整杯飲品最濃既係當中鮮奶味，鮮奶比較香滑。珍珠口感易咬口，唯獨黑糖味道不太夠(可能係點咗半糖ge關係)整體不錯。店鋪另外備有平價版的黑糖珍珠奶茶，注意係奶茶。下次會再試下烤紫薯鮮奶，希望唔好又賣哂啦。…Read More