Tower 18 Doggie's Noodle

狗仔粉作為一種香港低下階層的食品，出現的背景大都與香港所經歷的經濟困境有關。其中一個說法是戰後初期的香港仍是一個發展中地區，大部分居民的收入都處於低下水平，貧苦階層便以熱水混合粘米粉搓成條狀，再煮滾後進食。另一種說法認為狗仔粉是“救濟粉”而來，是抗日戰爭的時候，香港出現物資短缺，人們沒什麼東西可吃，故有救濟機構就把這些粉派發給民眾。今晚今日想食狗仔粉，十八座狗仔粉可能係最好或者叫做唯一的選擇。狗仔粉的麵條約有半隻手指粗，由於粉條尖頭尖尾，像唐狗的尾巴，故稱為“狗仔粉”，又簡稱“粉仔”。麵條製作完成後，先放入熱水煮滾，再把水分隔去。之後麵條會放入另一鍋已煮好的麵湯再次煮滾。麵湯的主要材料包括洋蔥、蝦米、冬菇及豬油渣。煮滾後便可以碗盛放，然後加上蔥花、菜脯等配菜。湯非常濃郁，又濃又香。面條同湯頭的配味有種好樸素又係好厚實的感覺。可能，呢個就係上一代人的味道，可以感受得到。不得不提既係台面上可以自己加的勁辣菜脯。基本上一啖滿滿的狗仔粉只可以放一粒，因為真係好辣，但係辣得黎香味出哂黎，真係好正！又要辣又要好食，真係夠哂矛盾。鴨肉翅加上鴨下脾真係好邪惡又好好食。鴨肉翅用四隻鴨煲左超過6小時，加上木耳等多種材料，味道又濃又"結"，加少少辣菜脯更加惹味。下脾熱辣辣，鴨皮脆卜卜好多油脂，而鴨肉好鮮嫩又多汁，食落口啖啖都係鴨油香同埋鴨既脂肪香味，真係超級超級好食！黑白炸丸包括豬肉丸丶牛丸丶貢丸同埋墨丸。當中以豬肉丸同埋墨丸最好味。豬肉丸夠哂多汁，豬肉味好香。墨魚就好新鮮好彈牙，墨魚味十足。…Read More

之前在佐敦全日上堂，剛巧朋友亦來到附近，相請不如偶遇，就一起吃頓午餐吧！在大家周圍搵食之際，行經一間米芝蓮街頭小店，放著甚有“風味”的戶外小座，雖然正值大熱天時，我們仍是二話不說坐低決定試一下。狗仔粉，還記得第一次聽得一頭霧水，以為是自己聽錯這道小食的名字，在今次坐低之前筆者是完全不知為何物。此店主打狗仔粉及火鴨翅，以路邊檔形式經營，枱椅放在檔側邊的後巷中，以屏風間隔開，感覺地道得來還算整潔衛生。餐牌全部貼在牆身，圖文並茂全部列出，一坐下店員即主動推介狗仔粉和火鴨翅，目測周圍每枱皆見其踪影，既然是主打，狗仔粉、火鴨翅當然唔少得，我們還點了黑白炸丸、勁辣魚蛋和魚皮餃。當店員將狗仔粉端上來時，淡淡的蝦米蒜香已即時飄過來，原來狗仔粉是一款有點像剪短了的烏冬粉條，每條約一吋多長，大小粗幼差不多，但口感較烏冬軟綿。湯底偏濃，在蝦米、冬菇絲及葱花等配料襯托下頗有鮮味。而枱上放有兩樽菜甫供佐粉同吃的, 有辣有唔辣，筆者一向是貪吃好辣之徒，當然兩樣都試，菜甫鹹香脆口，辣菜甫辣度頗高，惹火之極。食落原來菜脯才是真正重點，加入了之後整碗粉的層次立即提升了，香辣惹味兼而有之，雖則湯身糊糊有點怪怪的，但一啖啖連湯帶粉的送進口中，那份懷舊鹹香就是無法抗拒的濃香惹味，不知不覺間已吃去過半了。粉撈火鴨翅，湯汁質地有點童年時街邊的碗仔翅，添上濃郁的鴨肉香，一絲絲的鴨肉絲加上木耳絲，口感軟滑爽脆，十分足料，伴著狗仔粉同吃軟綿可口，粉條遇上火鴨翅就是有着另有一番滋味，很有街頭小吃風味。入座時店員推介這裡的魚蛋超級辣，說如果我們喜歡吃辣的話一定不能錯過，既然說得那麼吸引，筆者又怎會錯過呢？魚蛋端上來是細細粒的品種，坦白說一向對街邊檔的魚蛋品質沒有太大的期望，因大都是取行貨，沒有多大分別，這店的也是一樣，肉質尚可，仍算彈牙，而整道小食靈魂在於那辣汁，果然是辛辣惹味，惹火度高，吃落辣得過癮，讚！黑白炸丸，即叫即炸，店員提醒要等幾分鐘。炸丸分別是貢丸，墨魚丸和牛丸，上枱熱辣辣，炸得外脆肉彈，丸子雖然都是普通貨式，但凡是炸物只要是新鮮即炸，口感味道都必然誘人，一定不會太差。筆者一向鍾情魚皮餃，喜歡它的煙韌外皮及充滿肉汁的Q彈內餡，而這裡的魚皮餃配上沙爹辣汁，添上了一份濃香刺激，又是另一種風味。這店雖然聞名已久，但一直未有機會一試，今天終於學懂了什麼叫做狗仔粉了，味道亦算不錯，加上店家的裝潢很有地道街頭風味，出品亦頗有特色，確是值得一試，而是否合格成為你們心目中的米芝蓮小食，相信這問題就有待大家品評了。…Read More

下班後往恆豐中心看點東西，就在附近先吃點東西，記得朋友想試18座狗仔粉，就趁這機會一試。一個路邊檔形式，比想像中衛生，而且天氣不算太熱，現在還可以接受到。點了 火鴨翅 $20（小）、 十八座狗仔粉 $27（大）、香辣魚蛋 $10火鴨翅有濃郁的鴨肉香味，而且質地不會太厚杰，連我平時不喜歡吃碗仔翅那些食物也吃得津津有味。狗仔粉原來是一條條麵粉幼條，湯頗清，有冬菇、菜脯等，不算太多配料，整體味道不過不失，但如果伴火鴨翅一起吃就更美味。魚蛋的確是超辣，肉質尚可，幸好辣味很快散去。最後來的黑白炸丸 $13，要等候5mins，除了豬肉丸炸得過火，外皮非常韌，其他的墨魚丸、牛丸、冬菇貢丸也不錯，彈牙入味。…Read More

狗仔粉聽人講得多，食就未食過，究竟同其他粉有咩分別??終於有機會試下啦!!其實間野都真係幾細，好彩都叫有個位坐下咁，個feel有d似大排檔。一坐低唔洗諗緊係叫個狗仔粉($20)先諗諗下，試埋個火鴨翅($20)同大雜燴($30)狗仔粉黎講，個湯底好似唔係好夠味，不過你知啦，重點係要落菜脯嘛！D菜脯勁正，落完又落………真係想買返樽返屋企。火鴨翅其實同碗仔翅冇咩分別咁…個大雜燴其他都係同出面既牛雜差唔多味，呢兩個真係有d唔抵叫。最後，有d唔夠喉，所以叫左個黑白炸丸($12)食下…諗住幾粒丸，純粹飽下肚姐。不過佢出期意料地好食！個皮炸到脆卜卜，咬入去仲係熱辣辣，粒丸好夠味，呢個認真ok！雖然野食都唔算好差，但其實唔係好特別，冇咩意慾想特登過去食………Read More