呢晚同老公放工去食但馬屋，已經幾年無食啦，因為地點唔太方便我地。平日晚上7點前去到可直入。揀左389黑毛和牛+北海道夢之大地豚。菜，得生菜、娃娃菜、羽衣甘藍、日本芽菜。另外都係一般果啲冬瓜、冬菇、蕃茄、南瓜、本菇、金菇、洋蔥之類。order左一個鰹魚昆布湯。一個蕃茄壽喜燒湯底。昆布好淡 無乜味。蕃茄壽喜燒果個係一pat未溶曬既茄汁⋯⋯好甜，甜到有d假，又食唔到壽喜燒醬油味。佢入面仲有羽衣甘藍，超級苦又硬，全部要夾走。頭果兩盤牛肉睇樣都覺得一般般，可能平時食開牛一果種😩 所以同預期有落差。食落都係一般般，無和牛味、又比較鞋。🫠反而豚肉可以，幾鮮甜，唔算滑，又唔算太鞋。之後追加左牛肉（第一次追加）第二次追加：呢碟比較好，有和牛香味第三次追加：肥到傻😡 點放入口😓 白色多過紅色。最後仲追加左一次，無影相，質素同第一二碟差唔多。截單之後，隔離入左兩個客人，佢地都係389個餐，但佢地頭2碟已經好靚⋯⋯見到真係有唔開心。總評： 加埋一每人都要428hkd，本身係會員都優惠，要儲好多好多分先有。以後寧願俾貴d食返牛一好過🫠 一來菜好少選擇，二來呢間d牛，一係無和牛味，一係好肥，一係好瘦+成條白邊，真心唔好食。我已經點好少豉油，但都成晚好口渴。無下次。…Read More
但訂位就只可以訂18:00 / 18:30 / 20:00 三個時間，咁放工後慢慢搭車慢慢行嘅話 20:00 其實差唔多啦！ 訂咗位等2~3分鐘就入得 
但馬屋提供日式火鍋放題，形式同牛涮鍋相同。相差只係湯底，食品質素同埋服務！先講湯底，有5款選擇 - 鰹魚清湯，甜醬油（Sukiyaki ），藥膳麻辣鍋，膠原蛋白鍋，蕃茄濃湯鍋。 隨個人喜好揀咗藥膳麻辣鍋底，湯底藥膳味道幾濃，但麻辣味就欠奉，咁以一間日式火鍋嚟講，麻辣湯應該唔係咁拿手啦！明嘅！肉類方面有唔同等級嘅牛肉，豚肉（豬肉），今次就揀咗最貴嘅黑毛和牛，黑毛豚肉套餐！湯底以9秒9速度上枱，趁啲湯未滾、肉未到就去自助醬料bar、配菜小食區、飲品櫃攞齊所有“裝備”準備。配菜區有雞件，牛肉粒，粉麵烏冬，各式丸類，菇菌類，蔬菜，樣樣蔬菜都幾新鮮 
。醬料區有基本嘅辣椒，生熟蒜蓉，蔥花，醬油，日本酸醋汁，燒肉汁，款式唔多，但款款啱用！飲品櫃有各式汽水，綠茶，烏龍茶，亦有一碴碴嘅橙汁，雜果賓治，滿足各食客口味！一切準備就緒，主角黑毛和牛，豚肉就上枱喇！和牛肉質嫰滑味濃，一碟有十幾塊，豚肉切到紙咁薄，同樣嫰到不得了，入口即溶！encore 再叫黑和牛同樣靚到不得了！唔會好似牛X鍋咁 - 第一碟就好靚，再叫就俾啲肥肉，全瘦肉俾你！但馬屋保證肉質碟碟一樣 
有多款晚市套餐放題，價格由179-329不等，用餐時間為90 分鐘湯底亦有6 款之多，一人一鍋，自己可以揀選喜愛湯底
黑毛和牛，薄薄一片，油脂分佈平均，賣相唔錯
魚蛋彈牙，鮮味，唔粉，好好味，忍不住要encore 
。本身滿懷希望去試新嘢，咁多人等位一定有返少少水準。一坐低急不及待嗌咗3款湯底（因在門口等112分鐘時已睇定）。等到上主角「黑毛和牛」時滿懷希望即變滿懷失望，超薄加上濕透（放耐解凍雪水）似濕水紙巾，一夾起以蓉蓉爛爛不成一片。滾3～5秒可食，但薄到冇口感及有少少‘鞋’。完全食唔到所謂黑毛和牛價值所在
店員服務很好見到鍋少水，就主動加湯。及Order黑毛和牛上得快。環境舒適乾淨座位夠寬敞。
