Tim Fook (Closed)

上月添福火燭,損毀嚴重,全店休業重新裝修更換器材.事隔一個月哩幾日終於重新開張~街坊我更係要黎支持下啦.影個餐牌比我老細睇下食乜先~一個要巨無霸,一個要雞扒包,另一個要黑椒牛堡,我就要食佢地既照牌炸雞脾同菠蘿梳打啦~哩度既漢堡飽冇鬼佬漢堡咁大個,細個d,食完仲食得落薯條架.簡簡單單,就係自家製黑椒漢堡肉同茄汁,哩個留返男人宵夜食既,佢仲招積到焗返熱個包,係雪櫃搵埋酸瓜一齊食XDD添福巨無霸都唔係真係好大巨.女仔都食得曬既, 有生菜蕃茄同車打芝士, 細食既老細a話夠飽.雞扒包超多汁,係千島沙律醬,連埋d 雞扒一啖咬落去,超好食,我老細b係咁話正,叫我再去買,我老細屋企做飲食.個咀都幾奄尖架.到我既大大隻炸脾啦,雖然拎到返公司再等到食都有D 時間,但炸脾仍然香脆,有汁,而且調味恰到好處.配埋菠蘿梳打,唔太甜,仲有D 粒粒係入面.顏色靚又好味,感覺好似細個飲既雜果賓治咁,好似放緊假咁,好RELAX....…Read More

去開太子想食d野就走左去呢間小食店, 六點幾都仲有人排隊. 落完單即叫即整, 本來想試埋個芝士薯條但食唔晒. 單叫左個黑椒牛肉漢堡, 拎上手熱辣辣, 包係軟身, 手打牛肉有厚度, 整得啱啱好唔會un, 咬落去有d汁. 溝埋d洋蔥粒係牛肉入面,出面仲有番茄汁, 好快就食晒成個, 正…Read More

頭盔：食嗰陣好肚餓，Hunger is the best sauce 😋牛肉漢堡：由長沙灣買外賣返到大角咀，竟然溫度仲可以係暖粒粒，我自己將塊芝士擺落去，仲可以係溶到嫁😍 值得讚嘅位係，牛肉其實都有返咁上下厚度，但係咬落去見到裏面都係熟得啱啱好（tender pink :) )唔會太乾身，有肉汁ga!炸雞全翼：外皮揸得金黃食唔再講，裏面啲肉都唔會乾身，食落好香。好少何會搵到鍾意食嘅炸雞翼😋蜂蜜柚子茶：味道配埋上面兩樣食物，都唔會太甜，飲完感覺都清新嘅😌 同埋真係夠大枝🙃👍🏻…Read More

<黑椒牛肉🥩漢堡🍔>雖然擺左一陣，麵包🍔仍然保持住佢既溫度🔅👍🏻 包裝紙做得好精美🥰 味道方面麵包🍔同牛肉🥩好軟腍😳 牛肉🥩充滿肉汁之餘仲要好厚身🤤 (據聞牛肉🥩係自家手打製作😳) 間唔中滲出黑椒既香口味道👃🏻p.s. 添福呢款港式漢堡🍔唔似西人🦸🏻‍♂️既漢堡🍔咁有生菜🥬 番茄🍅等等既配料，純粹係用自家手打牛肉🥩、番茄醬🍅同漢堡取勝🏆👍🏻<炸魚肉🐟燒賣(8pcs)>聽朋友講炸燒賣經常賣曬😱 遇上實在太幸運😊 同樣擺左一陣都仲係熱辣辣😮👍🏻 外層灑上椒鹽🧂 略嫌鹹左少少🤏 不過外層炸得幾脆💥 份量足足有8️⃣粒 性價比算幾高📈…Read More

嚟到楓樹街遊樂場，一定要懲罰附近的良心小店，從網站翻查紀錄，添福小食一直深受食家愛戴，近月亦成為良心小店，一定要去懲罰一下！近年想找回有香港特式的快餐越多越少，多是東主年老無後人承繼，或是舊區重建找不到新地方開業。炸薯條、生炸雞髀、炸手子魚柳同漢堡飽往往是小型快餐店的招牌菜。 添福小食也不例外而最出名的黑椒牛肉漢堡及添福巨無霸，今次就叫一個黑椒漢堡、炸薯條配茄汁、雙檸可樂及菠蘿梳打，的確由排隊到落單至少等了15分鐘，原來每樣食品都是即叫即整，確保每樣食品都是熱辣辣。先試黑椒漢堡，黑椒汁杰又夠多，有適當的辣道，塗在漢堡扒同烘香的麵包上，整個配搭相當合宜。薯條是扁身的，依種薯條一定要襯熱吃，添福就烹調得非常好，每條炸起是金黃色，皮脆內軟，相當吸引。飲品方面，兩檸可樂是我至愛，鮮檸再上鹹檸，吃完那麼豐富的食物，飲兩檸可樂就最消滯。另外菠蘿梳打有菠蘿肉外亦加上Q彈椰果。再懲罰指數：高…Read More

我細佬的才能跟我不同，他個人喜好彈電結他樂器，偏好搖滾音樂，偏好唱歌。雖然細佬讀書不是很優秀，但是偏偏有了一個我沒有的天賦才能，就是能在公眾場合，公開唱歌和表演。不久之前，他有份參與一個團體，在深水埗某個運動場進行的音樂表演。這音樂表演其實是該團體舉辦盆菜夜宴，在日間的表演環節之一，「T電視臺」某些合約藝員也要把握合約規定，全年唯一外出工作的機會，在日間的音樂表演之中亮相。細佬本想叫我下午去到運動場，替他表演進行拍照，結果我遇上塞車阻滯，珊珊來遲去到深水埗的運動場，他已經表演完了很久。我坐在運動場看台，百無聊賴，唯有看看附近有什麼食店可以幫襯。結果真的給我找到，運動場旁邊有間「添福小食」。如果不是有「添福小食」和它的漢堡包，我也未必能支撐得住，在運動場百無聊賴的那兩小時左右時間。「添福小食」的樓面比我預期來得更大更闊，店舖設置了廚房，旁邊還剩下大量空位。「添福小食」索性不放置任何檯櫈，留下位置安放一大部雪櫃，用來售賣飲品。換句話說，「添福小食」所有食品都是以外賣自取的方式出售。今次我對「添福小食」的安排沒有所謂，乾脆直接買下食品，外賣自取拿到運動場看台。然後一邊看表演，一邊享用「添福小食」的手製漢堡包。「添福小食」跟坊間小食店的最大分別，就是「添福小食」有賣的不同肉類餡料的漢堡包食品，豬牛雞通通有齊，任君選擇。對我來說，當時看不到細佬的結他表演，完全沒有感到可惜。事後孔明，如果我沒有幫襯，食過「添福小食」的漢堡包和千島醬雞扒包的話，才是真真正正的「可惜」。於是我決定了，先買一個「添福小食」的招牌「漢堡包」試食看看，之後才想想吃不吃「千島醬雞扒包」也不遲，因為當時我一直也看不到細佬的蹤影（其實細佬表演完後一直在後台的位置）。「添福小食」店員收下了我的款項後，立刻在廚房開始製作我的招牌漢堡包。「添福小食」的廚房近乎完全公開，對手機鏡頭沒有太大反應，我可以用手機完全拍下，煎漢堡包和炸雞扒的過程。現實永遠都是殘酷，我在「添福小食」再一次看到有部「光波爐」，一部之前我在何文田愛民街市「珊X點心居」都看得到的光波爐。當然，我在「添福小食」吃到的漢堡包和雞扒包，都跟光波爐沒有直接的關係。我的漢堡包味道精華都在於那塊漢堡扒，店員把一塊漢堡扒從雪櫃拿出來，放上煎爐上慢慢煎烤就行了。光波爐的其中一個用途，會不會是為漢堡麵包進行加熱呢？我對小食店這一行完全外行人，純粹靠估，大家不要再懷疑我好了。我等待了十餘分鐘之後，我的「添福小食」招牌漢堡包就率先被店員製作完成。我把漢堡包拿到手之後，立刻拿着漢堡包，回到運動場看台上慢慢享用了。我已經記不起，「添福小食」店員有否問我需要什麼醬料。對我來說，食漢堡包的話什麼醬料都沒有所謂，沙律醬又可以，蕃茄醬又可以，黑椒汁沙爹汁也沒有所謂。「添福小食」漢堡包真的賣點不在醬汁，而是在於漢堡扒屬於比較厚實的形狀，厚得幾乎變成了何文田「天X快餐」「米高漢堡包」的球狀漢堡扒。「添福小食」漢堡包醬汁不算很多，偏好大量重口味的人或許會不喜歡，但是我沒有太大所謂，「添福小食」漢堡扒夠大份夠厚實多肉汁就行，我吃完後感覺很滿足，我完完全全收貨了。「添福小食」一個招牌牛肉漢堡包，只需要港幣十八元左右，就吃到一大塊有質感的牛肉漢堡扒。對於我這種不能光明正大地食牛肉的人來說，在「添福小食」買漢堡包的過程，亦千載難逢，難得一遇的黃金機會。當時我吃完「添福小食」的招牌漢堡包後，一直都看不到細佬的出現。我最後還是意猶未盡，再一次徒步離開觀眾席，走到「添福小食」面前，買了一個有加了千島醬醬汁的「千島醬雞扒包」。跟「添福小食」的招牌漢堡包一樣，「千島醬雞扒包」重要只在於餡料的雞扒身上，醬料反而顯得非常微不足道。雖然「千島醬雞扒包」千島醬醬汁不算多，但是對比之下，「千島醬雞扒包」的雞扒厚度，都比我平日食的雞扒都為之大。「添福小食」的雞扒肉又厚，肉質也算很嫩滑，配上少許的甜味千島醬，整體評價已屬於可以收貨水平。而且「添福小食」的「千島醬雞扒包」，價錢跟招牌「漢堡包」一模一樣，都是賣港幣十八元一個。以「千島醬雞扒包」的雞扒厚度而言，「千島醬雞扒包」也算很抵食，是我必食之選。在下午運動場的大約三小時內，我只是用上了港幣四十多元，包括「漢堡包」加「千島醬雞扒包」，再加一支蒸餾水，就可以安座於運動場的公眾看台上，不用再擔心會浪費時間。我最應該慶幸的是，「添福小食」位置剛剛好開在運動場旁邊，前往食店交通途徑尚算方便。我亦慶幸「添福小食」「漢堡包」和「雞扒包」價錢不算很昂貴，隨時支持到我，跟我對細佬的工作。等到細佬最後完成最後的大合唱表演之後，我跟細佬離開運動場，徒步走到「西九龍中心」的美食廣場，是時候開始享用，我今次「星期日拉麵時間」的拉麵了………Read More

一早已經有聽過深水埗添福小食既漢堡包好好味，但由於地點唔係好就腳，比較近太子又唔近地鐵，一路都的唔起心肝去試。琴晚去買完野行翻屋企時咁岩經過，當然就要去試下啦！ 添福係無任何枱俾大家坐低慢慢嘆既，只做外賣！添福主要賣既都係一d香港人常食既小食，例如炸雞脾、炸燒賣、熱狗等等，附近仲有個足球場，應該做好多街坊同運動完既人既生意。添福係一間自家經營小店，店內面積唔大，人手亦唔多，食物製作需時，大家要比d耐性丫！等左大約15分鐘，熱辣辣漢堡包🍔終於到手😈 添福漢堡包唔似西餐廳個d又有番茄又有生菜，佢真係只得2片包夾住塊牛，所以一食就會見真章！一咬落去，牛肉超級juicy，一d都唔乾，牛味好濃好香，佢無好濃既汁同任何配菜反而肉味更出，以$18漢堡包黎講，性價比極高又好味！推介叫多左個薯條配芝士醬，個醬芝士味偏淡，薯條就普普通通正正常常，唔想淨係食burger咁dry想配下薯條都可以叫。總括黎講，好推介大家去支持下自家製作既平民漢堡色，懷愐一下小時候既情懷🤣…Read More

深水埗小店 小小心意 小小心思 誠懇的服務親切的招呼 即使立食都有搵佢既原因街角的過路處 傳來陣陣香牛肉味同咖啡味街坊小店就是一手一腳堆砌出黎 就來一客牛肉漢堡吧?!望住佢整 一小一小咁砌出黎 細心問我要唔要切一半 唔洗食得咁狼狽 黑椒牛肉配搭實無問題 加上茄汁 甜酸味令我更開胃牛肉手打自家制 無味精無不良添加 很有家的感覺牛肉味濃 黑椒味只作點綴 包身夠軟 又有烘底 脆底包軟就係最好既口感 邊走邊食 洋洋得意 滿足!!走遠少少 黃昏日霞 雖然景緻有煙霞 但知足常樂!! 回家吃飯囉 …Read More

我認為一間不起眼的食店，可以稱得上為「隱世」。這間小店在火路邊，以為只賣魚蛋燒賣既小食，點知主打竟然係賣漢堡包。黑椒牛肉漢堡 $16即叫即做，要等！熱辣辣咁係手上出曬煙，漢堡扒似紅磡時X，d肉有d散，好有肉味，有筋，有口感，個包好香。食到我成手汁！差d食埋自己d手指。…Read More

今曰，我自己好肚餓搵嘢食。黃竹街附近得一間有漢堡包食。就叫左黑椒牛肉漢堡包。等左個幾字，就整到個包俾我。我好欣賞個牛肉，成吋厚。成落去啖啖肉。啲肉又juicy.用蕃茄汁做調味，令到個包有少少酸酸甜甜的感覺。…Read More

世侄女介紹，話上網睇到深水土埗有嘢好食，叫uncle做下白老鼠行開可以試下。第一次行過裝修緊，餓住個肚無奈咁走左。第二次終於有開，雖然未裝修好，不過都有嘢賣。一眼睇到牛肉就忍唔住要試下~等左陣，就有一個新鮮熱辣嘅黑堡：麵包：外脆內軟? 應該是小煎或烘過，外面少少脆，內裡仲好軟綿綿，真心驚喜！牛肉：免治牛，雖然食唔出佢有冇加豬肉，但都真係煎得幾香，仲要咬落有啲肉汁，正! 不過有少許改進空間，最好將啲筋挑干淨，以免影響口感，有少扣分。醬汁：普通蕃茄醬，沒什麼特別整體：一個有小驚喜的漢堡，值門票價。個人偏好漢堡要多汁啲，唔知下次有冇得加鮮蕃茄片或生菜呢~ps. 而家應該裝修好，不過招牌未上，行過留意下就會搵到，响轉角位。…Read More

香港開了越來越多的西式漢堡包店，每一間都各有特式，這些食店大多能吸引到很多的食客品嚐，因為漢堡包多數能吸引到大部份的人，某間大型連鎖的快餐店能維持這樣多年都是這種食物，但其實「港式」的漢堡包都有一定的吸引力，只是近年這些的快餐店少了，令這種港式美食也越來越少，今次就是介紹其中一間的港式快餐店「添福小食」。「添福小食」是在深水埗長沙灣道80-82號地下，就在黃竹街和長沙灣道的交界，就在楓樹街球場的對面，地點上就在太子和深水埗的中間，地點上有少許的不便。食店是以外賣型式來經營，店不是太大間，一望入面已經是廚房了，工作的人數都是三至四人，看來都是處理一些快餐類的食物，旁邊都是放了一些的飲品，去到時剛剛十二時多一些，店子剛剛開了門，但已經有了一些的人客在等待中，看來這店都有一定的客路。餐牌寫在牆上都是招牌包類食物，三種的包類和雞脾雞翼就是這店的主力，當然還有一些的小食例如燒賣、魚蛋和一些的中式點心，也一般的港式小食差不多，但店外還有一個燉湯供應，這個就有一些的特別，因為很少快餐店會有這種湯類供應的。去這店當然是叫它們的招牌食物，就叫了黑椒牛肉漢堡、雞扒包、雞脾和雞全翼。黑椒牛肉漢堡($15) 看來這店的招牌食物中的最多人叫的，因為排隊等待中時看見大部分客人都是叫這一個食物，回到家中品嚐時看見包的份量不太大，但中間的漢堡牛肉厚度十足，和西式漢堡中有生菜、芝士、蕃茄等等配料不同，港式的漢堡包就沒有這些東西，令注意力集中在中間的漢堡牛肉的處理，食落漢堡牛肉的牛肉味和黑椒味十足，絕不比現在西式漢堡的肉味差，反而口感上多了一些牛筋在內的感覺，令人食落時感到更重的口感和質感，港式漢堡包來說這包的水準甚好，食一個也不會像食西式這一種已經非常飽肚的感覺，份量剛剛好，平衡性做得很好。雞扒包($15) 其實想叫的是豬扒包，但店員說沒有只好叫了雞扒包，這個雞扒包是用千島醬做醬料，中間的雞扒比漢堡包的牛肉更加厚身，中間切開了兩份的雞扒煎得外皮十分脆身，中間的肉質也不會老身，食落質感還有一些的滑，味道也有很重的醬料香味，份量比漢堡包大了一些，雖然中間都是沒有任何其他的蔬菜或芝士配料但對於細食的人來說都是一個挑戰，原因當然是中間的雞扒真是太厚身了，口感和飽肚感十足。雞脾($15) 這些都是以前快餐店常見的食物，現在這些的食物已經越來越少，而做得好的食店更加之少，這店的雞脾水準可以，食雞脾當然要外皮酥脆，金黃的外皮雞油的香味十足，下面的雞肉仍然十分之滑身，雞味仍存，而食雞脾最怕食到雞肉滑但中間見血的情形沒有出現，炸的時間剛剛好才能做到這種狀態。雞全翼($13) 這種食物也比較多在香港出現，而這店的炸物都做得剛剛好，微濃的外表表示外皮都是十分脆口，而入面的肉都是滑身的，這店處理雞肉的水準可以。這店選擇的雞全翼都不是一些很多肉的這一種，大小剛剛好的雞全翼反面不會覺得中間的肉太多，感覺可以。在排隊時也看到除了很多香港人時，還看見很多南亞藉的人士來排隊，証明不同國藉的人士都喜歡這店的包類。而很多人都是主力叫這店的包類食物，看來大家都覺得這店的招牌食物就是包類。這種的小食店在以前的香港十分之多，現在已經越來越少出現，而水準做得好而價錢相宜的更加碩果僅存，這店的食物都做到價廉物美， 間中想食雞脾漢堡包時絕對會令我想起這間的小店。價廉物美的快餐店，舊區中的小店「添福小食」。…Read More

有時間特登行過去, 買番兩個包食下其實之前黎過一次, 不過星期日冇開門, 今次睇清楚先黎到訪其實呢度唔難揾, 不過對我黎講真係幾遠下, 坐順路嘅巴士, 落車都要行5分鐘黎得呢度當然係試其他舖頭比較少有嘅漢堡啦, 不過買返去同細佬一齊試所以冇新鮮即食咁靚咁熱辣辣睇住店員烘好麵包, 底落一層醬, 放塊即整嘅涵, 夾埋頂果層, 細心咁包好張紙入袋, 即叫即整雞扒包 ($15)雞扒係普通出面食到嘅雞扒, 個邊有小小燶, 不過食落去口感唔錯, 雞扒有小小汁鎖住係入面(even放左係度一陣), 加埋千島醬簡直一流黑椒牛肉漢堡 ($15)睇落好似扁晒係因為運輸問題, 即食應該唔會咁😂手打牛肉食落口感唔差, 易咬口, 加上有茄汁, 唔會話韌到食唔到呢類漢堡包簡簡單單, 又可以醫下肚, 絕對可以返轉頭…Read More

深水埗係攝影勝地,舊式建築物已可以令人一次一次按下快門,加上小店林立,係醫肚既好地方~太陽已下山,獨自在長沙灣道唐樓中,看見一張掛住黑椒牛肉漢堡價值15蚊既宣傳牌,價錢已很吸引~向店員點了一個黑椒牛肉漢堡( $15 ),漢堡牛肉係手打,咬落略帶肉筋而且黑椒味都幾濃雖然煎得略燶,但可接受;另外茄汁份量算多,令到漢堡唔會乾。呢個價錢食到唔錯既漢堡已經難得,繼利口福出品既沙嗲牛肉漢堡後又多一個食港式漢堡既好地方~由於自己唔算特別肚餓,一個漢堡都已經滿足,唯有下次品嚐炸雞睥熱狗等,繼續我夜攝之旅了~…Read More