HOLLYWOOD CAFE (Shanghai Street)

荷里活有間茶餐廳～～～喺朗豪坊隔住條馬路都見到呢個燈火閃爍既招牌，好有舊式戲棚既味道，非常吸睛。以旺角區黎講價錢中等，一個粉麵飯五十左右，小菜類八十至一百，有唔少獲氣小炒。最中意嗌餸食飯，同友人分別點左車打芝士燒雞柳焗西蘭花、冰梅陳皮骨、黑椒安格斯牛柳粒伴蜂蜜脆薯。豬扒以冰糖同酸梅煮成，酸甜適中，惹味好送飯，豬扒幾厚實無乜筋，反而陳皮味未覺突出。西蘭花夠稔身，濃滑既忌廉汁落左唔少洋蔥，令整體creamy得黎唔膩，加埋芝士鋪面烤焗增添唔少鹹香。抵食之選，係咪安格斯就唔知，但肉質稔軟又夠咬口，生熟恰到好處，粒粒都係冰粒大細，有口感，唔會咬兩下就碎哂估唔到妹仔大過主人婆，個脆薯幾出色~加左勁多蜜糖，味道蜜甜，外層香脆，內裡綿密嫩滑，口感好豐富。建議想食小菜可以五點半後入座，晚餐優惠$290可揀四個特選小菜，超抵食呀…Read More

同個fd一行完朗豪坊見到對面開佐間好大間既冰室，好大招牌寫住荷里活～就諗住去試下.金磚脆豆腐 $58試佐必食我地就點黎試下，點知咁大碟好抵咪之😳 熱辣辣之餘每粒都炸到金黃色😍 連埋啲炸蒜一齊食好有小炒風味🤤 食極唔停口～.芝士紅茄焗豬扒飯 $59勁多蕃茄同芝士鋪係面🙈 仲有蘑菇～ 豬扒係已經切好上 個飯仲要係炒飯底 好有誠意.黑椒安格斯牛柳粒伴蜂蜜脆薯 $98個脆薯好有驚喜🤤 真係舊舊都充滿蜂蜜～ 雖然好邪惡但真係好正 直程會牽絲😍 個牛柳粒炒得都好有鑊氣 唔會話un同埋好juicy .地寶魚湯鮮腐竹浸時蔬 $78勁大盆貪佢又有菜食又有湯飲，d湯飲落有啖啖魚味，平時係屋企好少可以咁食🙆🏼‍♀️原來油麥菜浸佐湯都幾鮮甜😚 我地瘋狂咁食菜～.我地兩個人嗌佐四碟小菜，飽到癡線😱 因爲估唔到份量咁大碟而且味道好唔錯，環境又舒服，我地食飽都坐係度吹佐好耐水😂 …Read More