Golden Captain Restaurant (Closed)

金船長餐廳是我的童年回憶，尤記得中學時代會跟同學一起放學過來，身上還穿著校服呢！今晚帶媽媽來重溫一下我當年的記憶。餐廳佈局和裝修都沒甚麼大變化，是燈光沒有以前那麼藍。餐廳名物黑松露菌醬意式馬斯卡普芝士夾心pizza是必點的，另外還點了一個主菜和特別的湯。鮮橙色的蟹肉素魚翅南瓜湯要散叫才有，媽媽喜歡南瓜就要喝。質感濃稠，有鮮甜蟹味和清甜的南瓜味，素翅又有口感，不錯喔！旁邊的蒜油多士好香脆啊！名物是得獎菜式，一上桌黑松露香氣撲鼻，就如我倆剛進來時聞到的香氣。上面佈滿芝士粉，餅皮外脆內軟，中心的黑松露菌醬味道非常香濃，好正！除了就這樣吃，還可加提子果醋同食，酸酸甜甜的味道帶來清新感。要再豐富一下味道和口感的話，可加沙律菜一起吃，又是另一種感覺。怎樣吃都是好吃~另一款主菜是美國特級肉眼牛扒，配香蒜汁和意粉。牛扒超大塊！！加25元有忌廉燴菠菜，加了忌廉味道較柔和creamy，完全沒有草青味！再加48元有1.5安士的鵝肝，入口酥香，薄薄的外皮破了後立即溶掉，整個口腔都充滿著豐腴的鵝油香！邪惡的東西不能常吃！媽媽不容許五成的牛扒，所以叫了七成。不過，牛扒沒有因為較熟而乾硬，咬下去還是頗軟身，牛味頗重還有肉汁，讓我有驚喜！這裡的香蒜汁超深色，味道好濃，跟牛肉味相輔相成！這裡也有一片剛才的pizza呢，加上意粉和烤蔬菜，吃著開始覺得飽了。吃完主菜，就輪到第二個胃來裝甜品。這裡的選擇頗多，我們一人點一個。先來金船長薑味梳乎里，鬆軟的質感可"動L"擺動！烘得香軟的薄皮底下是綿密的質感，入口滑溜，是香甜的牛奶味帶點薑辣，仿似薑汁撞奶！紅桑子希臘乳酪蛋糕相對少甜，紅桑子mousse和醬加上乳酪的酸味，感覺refreshing!馬卡龍都有紅桑子的味道，而底部的餅甜又 crumbly~小時候跟同學一起分享名物pizza和意粉，現在打工賺錢了，可以跟媽媽享受更多美食呢！…Read More

黑松露菌醬意式馬斯卡普芝士夾心比薩Mascarpone 一般多數都係用於制作 Tiramisu, 可能我自己見識少，從來無見過有餐廳用於制作 Pizza, 估唔到效果出奇咁好，中間 Mascarpone 香軟，表面 Parmesan 香脆，配合黑松露、提子果醋，絕配! 得獎菜色，實至名歸。法式焗田螺香草牛油味超濃郁。邪惡! 但極好食。焗紐西蘭金獅魚柳配西西利番茄汁做法類似 Provencal, 表面香草麵包糠焗至香脆，魚肉足夠厚身，內裏保持嫩滑。金獅魚柳比起一般西餐用魚柳，如鱸魚、龍脷柳、三文魚等，成本較高，以此價錢食到機會相對較低。絕對值得一試。美國 Prime Grade 肉眼扒 (12安士)Medium 做到剛剛好。肉味充足，相對西冷牛扒比較軟諗。Gravy有誠意，沒有用過多 “麵撈”。如果用 Chargrill 代替 Panfry, 肯定更加出色。薑味梳乎厘真係好夠薑!整體非常出色。小店價錢，高級質素。…Read More

其實食靚嘅西餐唔一定要去啲貴價餐廳，今日同大家介紹呢間金船長餐廳位於大角咀經濟又實惠，食物質素仲要very good！餐廳都以航海為主題，四周嘅擺設都同航海有關，幾有特色。呢度嘅特色飲品都幾special，除咗有金船長推介嘅宇治抹茶紅豆奶昔同埋加州牛油果沙冰之外，最特別莫過於懷舊特飲黑牛同白牛，通常呢兩種飲品只係喺啲懷舊冰室先至會飲到，估唔到呢度都有得飲。黑牛其實即係朱古力雪糕溝可樂；而白牛即係雲呢拿雪糕溝雪碧，冰涼嘅雪糕與衝擊味蕾嘅汽水，mix埋一齊，味蕾相當刺激。香煎法國鵝肝 (3安士) 蘋果沙律：鵝肝金黃香脆，內裡粉紅嫩滑，入口即溶，香味慢慢滲透到口腔中，非常美味。而多士入口香脆，沒有因吸收了鵝肝嘅油份而變軟。蘋果沙律味道清新，可以中和番食完鵝肝嘅油膩感。沙律方面加$12可配埋煙鴨胸，加$18可配三文魚，加$30仲可以配埋巴馬火腿添。炸香脆軟殼蟹又香又軟軟，炸粉唔會太厚，唔會太過油膩。老闆果然無介紹錯，佢地嘅得獎作品黑松露菌醬意式馬斯卡普芝士夾心比薩真係必點菜色，好好味，有6吋或者9吋選擇，而且仲有3種唔同食法添：1. 普通就咁食，不點任何醬汁，純粹感受黑松露同埋芝士嘅香味，入口外脆內軟2. 加上自家製提子果醋，酸酸甜甜，味道好特別3. 加上自家製提子果醋，再mix埋有機沙律菜一齊食，味道相當清新。美國特級肉眼扒 (12安士) 超大塊，份量十足，我通常喺唔加任何醬汁下先品嚐肉汁嘅原汁原味先，牛味突出，肉質鮮嫩，唔會有太多筋位，師傳亦做到7成熟。另外，加上醬汁之後又另有一番味道。伴碟薯蓉和脆餅都好香，將脆餅點上薯蓉黎食，牛油味道好香，口感鬆軟。食完主菜點少得甜品呢，即使幾飽，女士都一定有第2個胃食甜品。今次揀左2款甜品，金船長招牌梳乎厘同埋心太軟朱古力布甸。招牌梳乎厘即叫即做，有原味、朱古力味、橙味同埋薑味，不過如果要試真啲好唔好味一定係揀原味。 話明即叫即做 ，製作都需要時間，大概都要等15至20分鐘，如果大家唔想等太耐可以喺差唔多食完主菜嘅時候就已經叫定啦。等左15分鐘，香噴噴嘅梳乎厘終於上檯啦，蛋味香濃，口感鬆軟，食落有輕盈感覺。食盡全港、九、新界心太軟嘅我又點可以唔叫我至愛嘅呢一款甜品呢，師傅用朱古力粉印咗圖案上碟上，好有心思。朱古力味唔會太甜，一切開，朱古力漿馬上好似熔岩咁流出黎，熱騰騰的，仲冒住煙，非常美味。menu 仲有好多嘢都想試，下次一定要叫多啲朋友黎再食過！…Read More

最近在網上看到一間餐廳有一款很有趣很特別的得獎菜式，是款有三種食法的比薩，還要是用上我同男朋友都好喜歡ge黑松露作主調，這足以令我們專誠深入久未踏足的大角咀去找尋這間金船長餐廳~~~ 這餐廳裝潢設計用上海洋風格貫徹了餐廳名「金船長」。這間餐廳的食物包羅萬有，有很多不同西餐餐廳應有的菜式，這裡都有供應，如牛扒，漢堡，意粉，比薩等，首道要點的當然是這個期待已久的得獎作品名為黑松露菌醬意式馬斯卡普芝士夾心比薩!!味道方面黑松露菌醬意式馬斯卡普芝士夾心比薩濃濃的黑松露香味由上菜一刻已深深感受到，比薩中心搽滿黑松露菌醬而上層鋪滿馬斯卡普芝士粉，兩者味道之配合可謂天衣無縫，再配上作為伴碟的有機沙律菜加上他們特製的提子醋作配搭，這樣就令這比薩更具特色。一客白酒忌廉汁燴紐西蘭青口作前菜小食上面仲有garlic brad! 我鐘意~~~~ 青口個汁好好好好味!!!! 如果可以我會叫一客意粉撈個汁!!! 之後一客set dinner- 這裡晚市套餐有三個選擇，我們這次選擇了厚切牛柳配香蒜汁，而套餐包含了餐湯，餐飲和主食。洋蔥湯又再有garlic bread, 好開心.!!! 牛柳方面，雖然落單時沒有熟成度的選擇，但這裡烹調的火候仍能控制得宜，令到牛柳仍然保持內裡透紅的效果，肉汁能緊鎖在牛柳內，肉味是何等的濃香。仲有餐飲~~~再來就係一客香煎老虎蝦配龍蝦汁意大利飯香煎老虎蝦配龍蝦汁意大利飯，完全是意料之外的大份，而他們的龍蝦汁配上茄乾烹調令其帶點酸甜香味，老虎蝦味道鮮味，肉質彈牙可口。好滿意的一餐!!!!…Read More

今日係奧運接男朋友收工，就喺附近搵吓有啲咩好食。見到呢間好似都唔錯咁就入咗去啦！<法式焗田螺，$68>男朋友本身都鐘意食田螺，咁岩見到有又好耐無食所以叫左黎試下。都係重芝士味，田螺都唔細隻。<黑松露菌醬意式馬斯卡普芝士夾心比薩，$108>呢個不愧為得獎菜式，真係好好食好特別亦都好創新！無論創意定味道都做得好好！呢個批有3個食法。第一個係乜都唔加就咁食，呢個食法會比較heavy，比較膩，因為會食到好重既芝士同松露味。我最鐘意呢個食法！第二個係加左少少提子醋，呢個食法就會清少少，男朋友最鐘意呢個食法！第三個係少少菜再加少少提子醋，呢個食法會食到草青味，我地都覺得另外嗰兩食法好食啲。好值得一讚嘅係個批面好似墨西哥包個面，好香脆好好食！<自選黑松露汁意粉，$124>好似係第一次見到有自選意粉，可以自己揀醬汁同埋唔同嘅配料。我哋就揀咗黑松露汁同埋海鮮，有帆立貝、蜆肉同埋白菌。意粉嘅份量好多俾我哋想像中多好多，食落都幾好食不過因為我哋叫咗Parmesan cheese同Mozzarella cheese，個意粉就會好重嘅芝士味。<宇治抹茶紅豆奶昔，$32>呢個奶昔係好似沙冰咁，冰未溶嘅時候幾好味都算夠味，但當啲冰融左之後就會太淡。茶味同奶味都唔算好濃，如果濃郁啲就更好。<黑牛，$30>黑牛香港經典飲品，可樂加朱古力雪糕真係無得輸，最岩夏天飲。<金船長梳乎厘，$58>超級大個疏乎厘，除咗份量大有賣相之餘，食落都幾好食。蛋白焗得夠乾身，唔會太過濕，唔算太甜。整體而言，呢到都幾抵食，又有飲品又有甜品食到好飽都係大約二百幾蚊，而且味道都唔錯！我覺得唯一嘅缺點就係有啲遠，不過食到飽飽地拍拖散下步都幾好。…Read More

之前係網上見到呢間餐廳嘅黑松露菌醬意式馬斯卡普芝士夾心Pizza就已經吸引到我 結果冇令我失望 超好味 不過我個friend就覺得黑松露同芝士味太濃 所以如果唔鍾意重口味嘅可能就唔啱食 黑松露菌芝士Pizza會同佢哋自家製嘅提子醬一齊上 個醬甜甜酸酸都幾好 呢款Pizza仲拎過素食獎㖭 絕對值得推薦另外呢間餐廳有自選車仔意粉 可以自己揀要咩麵, 醬, 配料同餸 我哋就叫咗個卡邦尼扁意粉加巴馬臣芝士, 菠菜同煙三文魚 全部都係我嘅至愛😍 好好味 如果平時係其他地方搵唔到自己最愛嘅意粉配搭可以黎呢到自己揀我哋仲叫咗個香煎吞拿魚田園沙律 味道ok 但係唔係好特別同埋一個肉眼牛排配飯 由於我鍾意食得好生 所以叫咗三成熟 肉質好嫩 正野飲叫咗杯宇治抹茶紅豆奶昔 好好味因為我哋叫咗太多主食 所以食唔落甜品😂總括黎講呢間金船長餐廳好值得推薦 價錢合理 又好味 我到依家都仲掛住個黑松露菌芝士Pizza😌…Read More

這間金船長已放在To eat list上好一段時間，但由於工作及住所遠離大角咀，故一直未有到訪。這次朋友相約到此，正好一嚐新餐廳出品如何。眾所周知餐廳在大角咀是得獎熱店，但到達後見人流不算很多。不用排隊實在不錯。餐廳內畫上店內重點推介的食物，而且還有不少與大海和船相關的裝飾。打開餐牌發現食物種類不少，意粉、飯類、PIZZA、漢堡、小食和甜品，幾本上想到的都應有盡有。法式鴨清湯鴨清湯味道溫和，旁邊有一片香脆的蒜蓉包，不錯吃。黑松露菌醬意式馬斯卡普芝士夾心比薩 ($108)作為餐廳的招牌菜，這個pizza的確十分出色👍🏻。顛覆了一般pizza 🍕的概念，口感鬆軟有點像麵包的質感，外面怖滿芝士粉，中間夾上黑松露醬。芝士加上黑松露的味道配合得很好， 十分好吃😋！旁邊還有提子醋及沙律🥗可一同食用，但草根認為單吃pizza的味道更濃郁突出呢！自選車仔意粉 ($102)Your Choice Pasta(墨汁麵+忌廉香草汁+蒜茸+洋蔥+莫莎莉娜芝士+巴麻臣芝士+香草雞絲+煙三文魚+白菌)這款自選車仔意粉也是金船長另一特色，用上港式車仔麵自由選擇配料的概念。不同的是套用在意粉上，可以自由選擇意粉配搭的醬汁、肉類及配料。由於花多眼亂，最終草根姐妹還是決定不了意粉的配搭，就選了餐牌上的「精選2」🍝。意粉份量不少，墨汁麵麵質煙韌有咬口，忌廉汁充滿濃濃的芝士味🧀，而且Creamy的醬汁能夠掛在每條意粉上，煮得非常有水準！看似平凡，但意粉非常好吃😋！差點走漏眼了👀。唯獨煙三文魚只有2片，份量有點少，好珍貴啊🙊！想不到草根姐妹只是隨機挑選，但竟然意粉如此高質，真有眼光呢哈哈😆！（真夠厚面皮！）美國特級肉眼牛扒12安士 ($298)American Prime Grade Rib-eye Streak 12oz肉食獸草根爸爸與妹妹特別喜歡吃牛扒🥩，於是特別點了這個最貴的12oz牛扒。老實說，以$300元的價格來說草根覺得有點失望，其實廚師👨🏻‍🍳煮得不錯，份量足，而且5成的生熟度剛好，但可能是牛肉選材的問題，牛肉較多筋膜，較難咀嚼，影響了整體的味道。金船長梳乎里 ($58)Golden Caption Soufflé梳乎里需時20分鐘製作，大家要耐心等待⌛️。不過一邊食一邊等，其實又不覺需時很久。梳乎里剛剛焗好，企身飽滿，外觀吸引。選了朱古力味，但其實上面只淋上少許朱古力醬🍫，故朱古力味不突出，但梳乎里充滿空氣感，算是不錯吃👍🏻。另外還點了2杯飲品宇治抹茶紅豆奶昔 ($32)Matcha Red Bean Milkshake抹茶味🍵不突出，若為著抹茶而點會失望，但當作普通的紅豆冰還算不錯。檸檬什飲 ($28)食物真的不錯，特別是意粉及得獎PIZZA，只是牛扒令人有點可惜，但仍然值得一試。…Read More

星期三放假中午來到大角咀, 以前在附近返part time, 好耐無返來這一區!:) 下午一點半來到,午市時間幾乎滿座! 和朋友最想試得獎的黑松露菌醬意式馬斯卡普芝士夾心比薩!!非凡意式黑松露比薩, 香氣逼人, 係絕對要點的小食有三種食法, 1)原味, 2)點提子醋, 3)配沙律菜, 味道都超出色, 一定要order! 香煎鮮吞拿魚田園沙律, 香軟開胃。尖通粉, 配蕃茄醬, 蒜蓉, 青口肉, 中蝦, 海鮮配料新鮮, 通粉爽彈, 醬汁味道醒胃, 沒有搶掉配料鮮味。香煎虎蝦配龍蝦汁意大利飯,嘗第一口已覺驚喜出色, 虎蝦香脆。餐廳咖啡也是亮點我們點了薄荷咖啡, 凍和熱的都好好飲, 薄荷味濃清新, 薄荷和咖啡香融合,超夾!每一口都有平均的薄荷味, 喜歡特色咖啡一定要試!整體餐廳出品質素極高, 每一道菜都用心製作, 給人驚喜和期待, 和朋友食飯一定會再來!…Read More

今晚和朋友在大角咀吃飯，朋友給我這家餐廳，這也是我第一次在金船長餐廳用餐，坐地鐵轉線也比較麻煩，可在奧運站下車，但我選擇在太子站步行約15分鐘即到達。去前已聽聞餐廳的芝士夾心比薩很有名氣，充滿期待呢。晚上接近八點多到達，餐廳已經坐滿3/4客人，不用等便入座，餐廳面積不大，充滿90年代風格，也頗為舒適。翻開餐牌，意式料理應有盡有，例如意粉、漢堡、比薩、意大利飯、甜品等等。點菜不久，即來上得獎作品的黑松露菌醬意式馬斯卡普芝士夾心比薩(6吋)，為晚餐揭開序幕。一份比薩有三種吃法。第一種純粹感受黑松露及芝士的清香，入口後外脆內軟的新奇口感，第二種是配合自家製造提子果醋享用，第三種是加上有機沙律菜和自家提子果醋一起享用， 別有特色， 令人回味。相對有機沙律菜，個人更很喜歡只配提子果醋吃，提子果醋散發誘人果香，味道會較香甜，獨特芝士比薩味也變得更濃郁。芝士比薩感覺上不會太肥膩，吃多一口罪惡感也不多。口感也算結實，焗得香脆，內裏軟綿，小小的一件，也有飽肚的感覺呢。難怪是這間店舖的必點菜式。香煎法國鵝肝(3安士)蘋果沙律香煎法國鵝肝配上蘋果粒和提子乾，酸酸甜甜嘅醬汁中和了鵝肝嘅油膩感，簡直相輔相成。鵝肝表面好香脆，但係入口即溶，質感幼滑，十分惹味，整個口都好有滿足感，很好味！再加上一塊小多士，口感會更加豐富。炸香脆軟殼蟹軟殼蟹入口軟腍，外皮炸得脆脆，吃入口鬆脆，可惜炸粉略厚，肉質也不夠新鮮。 燒紐西蘭羊架(8安士)我倆點選了七成熟的燒紐西蘭羊架，羊架整齊地排列在碟上，肉質呈現嫰紅，香氣撲鼻，入口口感軟軟腍，羊肉香醇，入口軟滑，嚼起來不費吹灰之力。而且羊架的肉汁非常豐盈，比起剛才的鵝肝更為清爽，不會有肥膩的感覺，而且羊的味道更豐富強烈，帶少少騷味，嚼起來很香，讓人回味無窮！比起羊架，我更喜歡薯蓉，應該配搭上淡忌廉打滑，口感非常輕盈、柔軟鬆綿，吃起來軟滑甘甜，在口腔撞擊，實在令人滿意。香煎泰國老虎蝦併日式帆立貝配龍蝦汁天使麵老虎蝦以牛油香煎所以特別爽彈惹味，肉質也不會太鬆散，配合恰到好處的調味，值得一試。帆立貝煎得兩邊金黃，也不會煎得太乾，咬落彈牙，十分滿意。天使麵比較乾身淡口，可配多點調味提升味道。不論小食或主菜都頗為出色，得獎作品的黑松露菌醬意式馬斯卡普芝士夾心比薩實在可以一試。…Read More

友人相約我到大角咀晚飯，話帶我食d 比較特別的Pizza 一坐底她就先發板叫份，黑松露菌醬意式馬斯卡普芝士夾心比薩(6吋) $108經店員講解下原來有三種食法1.原味2.夾上有機沙律菜3.自家製提子醋三種食法我都試過哂，各有不同，最緊要真係好味蜜糖焗雞翼，外面幾脆，有蜜糖味，肉𥚃雞肉嫩滑香煎泰國老虎蝦併日式帆立貝龍蝦汁天使麵 ，帶子、老虎蝦肉質數錯特濃朱古力布朗尼配車厘醬及香草雪糕 ，很香濃的朱古力味，蛋糕幾鬆軟配杯檸檬七喜 一樂也餐廳 岀名的「平民價格下的黑松露」夠貼地…Read More

大角咀呢邊真係比較少黎鍾意黑松露既女友知道呢到既黑松露pizza好出名就黎會一會佢啦==============================模仿船既裝修都幾特別今次都叫左幾多野食因為ｄ野食都真係樣樣都好吸引黑松露菌醬意式馬斯卡普芝士夾心比薩($108)首先當然二話不說叫左佢地既招牌菜先啦侍應哥哥話呢個可以有3種食法:1.就咁食2.加提子醋3.夾埋沙律同提子醋估唔到可以一味三食，而且三種食法都各有特色1既食法就最食到入面既黑松露同面頭既芝士既原汁原味，佢既黑松露份量足得黎又夠晒香，連我呢個唔太鍾意食黑松露既都瘋狂食唔停，而佢既pizza皮就同我地平時食圓碌碌既pizza有d唔同，佢係有少少脆身既2既食法就令味道又多左種層次，更重要係提子醋既提子味道真係好香好清新3既食法就口感多左種清新，又係唔同風味極力推薦！！！蟹肉素魚翅南瓜湯($42)南瓜味香濃，口感都幾幼滑但可能就係因為南瓜味太香濃令蟹肉既鮮味唔係好感覺到而且素魚翅似乎有少少畫蛇添足如冇左會更好香煎鮮吞拿魚田園沙律($88)＋煙三文魚($18)吞拿魚輕輕煎過令佢有唔同層次既口感但又保留到吞拿魚本身既鮮味而且吞拿魚用料夠靚唔會有血腥味，而係有吞拿魚既鮮味煙三文魚就係另外加既三文魚口感煙韌，咀嚼果陣燻香及魚味在口中散發$18就有咁多，非常抵海鮮鮮果沙律配千島汁($98)＋煙鴨胸($12)呢個相比起吞拿魚沙律就略遜一籌啦鮮果真係好鮮，ｄ蘋果咬落去係索索聲，非常爽口而且千島汁都調配得好好，香得黎唔會搶左沙律本身既味但海鮮味道就平平不過好既係佢份量好足三四個人食分分鐘都夠加配既煙鴨胸都好好味煙燻味非常香又係好值得加配既選擇美國特級肉眼牛扒(12安士)($298)好大塊既牛扒叫左七成熟，廚師都煎得唔錯，見到肉汁都保留到只係亦都可見纖維有ｄ粗如果以肉眼黎講，口感相對結實好既係佢牛味都幾香濃金船長芝士漢堡($78)＋煎蛋($10)＋煙肉($12)＋雙重芝士($12)極奢侈既漢堡！但係佢值！見到漢堡扒大大塊，又夠ｊｕｉｃｙ肉味香濃配埋煎蛋、煙肉同雙重芝士每一搭都係大滿足黑牛($30)宇治抹茶紅豆奶昔($32)黑牛即係朱古力雪糕＋可樂冰涼幼滑既雪糕同可刺激既口感形成左獨特既口感宇治抹茶紅豆奶昔就太甜了令抹茶獨有既甘味都被遮蓋左可惜==============================好耐都未試過食到咁滿足唔只係胃口上既滿足而係精神上都因為食到美食而滿足價錢都唔算好貴極力推薦！！！…Read More

昨天去朋友家聊天了一會，她介紹我們到依區附近的一間出名的意大利餐廳，餐廳榮獲開飯網及新城財經台的最優秀獎項，自己在網上也曾聽過，它是得獎的食店，有機會更要品嚐下啦 ~裝修雅致特色，自己猶如置身於船艙𥚃一樣，加上柔和的燈光，令人感到好 relax！我最想點的就是餐廳的得奬作品 : 黑松露菌醬意式馬斯卡普芝士夾心比薩。餐牌上還有很多選擇，扒類、意大利飯、Burger、Pizza、小食、特色甜點及飲品等，款款都好特別，樣樣都想點呢 ~黑松露菌醬意式馬斯卡普芝士夾心比薩   $108外層舖滿芝士碎，中間夾著惹味的黑松露醬，帶少許鹹香味，全片比薩焗得香脆可口，特式的小吃，十分好味。侍應細心地向我們講解三種食法，味道各有不同，美味非凡！美國特級肉眼牛扒  (12安士)     $298加 $96  配 3安士法國鵝肝   超巨大的牛扒，第一次吃 12安士，原來是非常大塊的，熱辣辣的鮮嫩牛扒加上惹味醬汁，肉質軟腍不韌，有少少咬口，牛味豐郁，配合伴碟的脆脆薯條及烤過的蔬菜有南瓜、翠玉瓜、茄子，越吃越起勁，實在太美味啦！如果不是優質鵝肝咬落會有根，不好吃。但這餐廳選用高級食材，法國進口的鵝肝入口即融，濃濃鵝肝香，口感幼滑，吃完真的大滿足呢，享受了極品級的美食！香煎澳洲石斑魚柳配香草忌廉汁    $148加  $96  配 3安士法國鵝肝     加 $25 忌廉燴菠菜     澳洲石斑魚柳表面香脆，肉質嫩滑結實，不會淋淋地，有口感，帶有少少牛油香，配合伴碟的烤蔬菜和脆薯條，很美味。另加錢配法國鵝肝，入口即化，油味濃郁，質感幼滑，十分惹味！香濃的忌廉味與菠菜很匹配，幼滑美味，是不錯的配菜。心太軟朱古力布甸     $58烤焗得外脆內軟的布甸，流出香濃幼滑的朱古力汁，配合冰凍的雲呢拿雪糕，一冷一熱的口感，美味可口。紅桑子希臘乳酪蛋糕配法式蛋白餅      $58賣相精緻，看起來很吸引，酸酸甜甜的紅桑子希臘乳酪蛋糕，吃了完全沒有膩的感覺，配上少許甜的蛋白餅及士多啤梨忌廉脆餅，多重口感，種類各有不同，這甜品很豐富，非常好吃呢！加州牛油果沙冰     $32翠綠色澤，令人胃口大開，加上濃濃的牛油果香，口感柔滑，很快已經給我飲完了！黑牛      $30可樂加朱古力雪糕，冰冰凍凍，口感很爽呀！…Read More

今日去開九龍區返工，順道去試下金船長餐廳..因為呢度係得獎餐廳...咁當然要去試下先...我地當晚19:30去到...已經坐堂滿席了！黑松露菌醬意式馬斯卡普芝士夾心比薩...呢款係得獎菜式，咁當然要試下啦！雖然望落去似一塊夾餅，但餅既上面有一層厚厚的芝士...而中間有黑松露醬...味道都好分明，同埋亦都有幾種食法...可以配上自家制提子果醋同埋有機沙律菜...食多件都唔覺得滯😊香煎老虎蝦配龍蝦汁意大利飯..大大隻虎蝦新鮮彈牙...意大利飯軟硬適中.....:)另一款主菜點在美國豬鞍...肉質鮮嫩..好淋唔會好”鞋”口....👍🏻最後點了甜品紅桑子蛋糕...味道甜而不漏...岩晒唔係太食得太甜既朋友仔...😋…Read More

今日同家姐去大角咀揾我相熟師傅整頭髮，整咗四個鐘頭，終於整完，但我倆已經非常肚餓，相熟師傅介紹我哋去附近既金船長餐廳食晚餐，我倆立刻急急腳前往。餐廳環境唔算大，但勝在有情調，又有梳化位，最重要係無限時間，可以同家姐慢慢品嚐美食，加上餐廳員工誠意款待及有禮貌，令整個食飯過程非常開心。:):)看看餐牌， 一掀開就見有得獎作品 ~ 黑松露菌醬意式馬斯卡普芝士夾心比薩(16吋)($108)，這個係必食作品，即使我不是芝士控，但味道真係一流，pizza個面灑上巴麻臣芝士，外表香脆 ; 中間有馬斯卡普芝士同黑松露菌醬，質感香軟，不沾上任何醬汁，巳齒頰留香 ; 食得多芝士總會有"漏"嘅時候，這時沾上餐廳自家製的提子香醋汁及加上有機蔬菜，另有特色，令人回味。食完得獎作品，再選了兩個主菜:1. 法式焗紐西蘭金獅柳配西西里番茄汁($158)，金獅柳的肉質扎實飽滿，外觀煎得金黃， 口感卻柔軟細緻綿密，配合濃郁蕃茄汁，啖啖回味。2. 香煎泰國老虎蝦併日式帆立貝伴龍蝦汁天使麵($168)， 虎蝦香甜肉身，爽口彈牙 ; 帆立貝雖小但鮮甜; 加上天使麵吸收了濃厚既龍蝦汁，好似食咗海鮮大雜燴一樣，味道太美妙了。另外多加$38有是日餐湯及特色飲品/特色咖啡，是日餐湯係洋蔥番茄湯 ，健康可口，湯頭有著天然嘅蔬菜味，微酸淡香嘅清爽，好開胃。特色飲品係橙汁什飲，酸酸甜甜，不會過甜，唔錯。我的主菜沒有加錢要餐湯及特色飲品，散叫了一杯宇治抹茶紅豆奶昔($32)， 抹茶味道濃厚， 紅豆軟綿，好好味。女人嘛， 第二個胃又出場~甜品1. 金船長梳乎里(薑味)( 跟餐加$38)， 首先賣相相當精緻， 入口每啖都有薑味，軟綿綿的， 瞬間就食晒了。2. 士多啤梨蛋白脆脆拌豆腐竹炭蛋糕($58)， 士多啤梨蛋白脆脆既質感好像以前小時候吃過的花塔餅，勾起童年回憶 ; 豆腐竹炭蛋糕， 黑白穿插嘅色調頗有時尚感，當食入口，有淡淡既黄豆氣味，口感濕潤綿柔， 感覺相當順滑。…Read More

<大角咀>這個舊區除了有個大型商場外，多數都只是民居小店，濃厚的人情味就是特色。:):):)今天在朋友介紹下有幸遇到一位親切的<金船長>。<金船長餐廳>位於大全街，從門外看就是普通的一間西餐廳，但想不到內裏的食物令人驚喜。進店內看見店鋪雖然不大，但是氣氛有情調而且有大量和航海有關的裝飾，佈置非常用心。侍應先生遞上餐牌的時候熱烈的推介我們必定要吃這個得獎pizza，說每一個客人都必定會點，那我們當然要一時真偽啦。車仔麵就吃得多，車仔意粉真的是第一次見！其實原理和車仔麵一樣，都是可以自選醬汁和配料。那很好啊，喜歡吃什麽就自行配搭，可以有無限個mix and match可能！牆身的壁畫還有介紹到剛才那個得獎pizza的吃法，真的畫得很美觀，而且pizza還有三個吃法和層次，很期待呢！雖然叫黑松露pizza，但其實有點像飛碟！外層乾爽香脆，輕輕咬開面層後內裡是軟棉的麵包和香到爆的黑松露夾芯，外層內軟，口感爽快，大讚！！除了即吃外，還可以點上自家制的提子醋。味道有點甜甜的像提子軟糖，果味香濃。起初還怕提子和黑松露夾在一起會古怪，但出奇的是異常配合呢！！伴碟的還有新鮮有機沙律菜，加在pizza上吃很清新。一款pizza有3種吃法，還要這麼好吃，怪不得是得獎作品！另外還有車仔意粉！！我們選了巴馬火腿和煙三文魚，廚房先生把它們扭成玫瑰花型，靚靚重點！！！！！大家看見那層芝士嗎除了有濃濃的芝士在面層烤得香香的外，醬汁也是香濃的洋蔥味，每一啖也濃郁滋味甜品方面我們點了原味的<梳乎厘>，鬆鬆高高的漲得好大喔！梳乎厘外層乾爽有點焦焦的再撒上糖霜。吃進口內<空氣感>滿滿，質感輕盈，暖暖的又軟綿綿，感覺好幸福喔~~最後仲叫咗<黑牛>同埋<宇治抹茶紅豆奶昔>，為這餐甜美的畫上句號。雖然是街坊小店加上街坊價錢（人均只是$169）,但無論食物質素，服務和情調都絕不馬虎！金船長，Nice to meet you ！！我們下次再會…Read More