Mackie Kitchen

是日又來到最愛的阿麥廚房，沿著利苑方向直走，走進加路連山道便找到她！是日星期日來到，座無虛席，還是先訂位較好！例牌叫set，頭盤前菜一定要加錢升級，因為性比價高！而且主菜選擇多，最便宜$200多元就有一個dinner set頭盤先來這個煙三文魚黑魚子蛋白沙律，沙律菜新鮮爽脆，蛋白沙律加上特制醬汁非常濃郁，配上微咸煙三文魚味道好夾！另一個千層蟹肉牛油果醬伴鮮海膽都好高質！擺盤非常加分，滿滿的蟹肉加上牛油果醬，好creamy！加上鮮海膽新鮮清甜！好岩夏天食！黑松露菌忌廉湯同樣每次必點，芳香黑松露油加上濃郁忌廉湯，真的好好味！龍蝦湯蝦味十足，加上彈牙蝦肉，配蒜蓉包一流！主菜蒜蓉牛油焗虎蝦配香草龍蝦意粉，虎蝦非常大隻，用上惹味蒜蓉牛油焗，好開胃！意粉有咬口，加上濃郁龍蝦汁，整個配搭好出色！另外德國燒豬手則好大份！足夠2-3人享用！豬手經改良，沒有傳統豬手的咸。外皮好脆，肉難得保持嫩滑！另外薯條要讚，因為比外間的更脆更香口！是我吃過最好食的薯條🍟餐飲點了一杯熱朱古力，想不到還有拉花，果然誠意滿分！好滿意！…查看更多

朋友生日，又要食好西了。今次壽星選了位於銅鑼灣的阿麥廚房。餐廳氣氛浪漫🌹，係情侶談心的好地方。我們點了兩個set dinner,先來兩片牛油蒜蓉多士，味道濃郁又脆口。海膽鮮甜，夾著一絲絲的蟹肉，鮮味十足，加上牛油果，有營度升級。煙三文魚味道正常，沙律菜新鮮爽脆，黑魚子食落又唔覺得腥，挺不錯。餐湯濃稠度適中，味道香濃，不枉我加了錢升級，忌廉龍蝦湯鮮甜，黑松露蘑菇令人一試難忘，縈繞舌尖，久久不散。飯粒粒分明，蝦肉新鮮彈牙，青口大隻爽甜，加上檸檬汁，味道清新。這個豬扒比平時吃的薄一些，我個人就喜歡厚一點的，口感豐富點嘛薯仔配菜炸至金黃香脆，裡面口感軟糯點了一杯朱古力，竟然會有拉花，好得意呀，真不捨得把它喝掉呢！朱古力味濃郁，不會太甜，啱晒我。傾傾下又一晚，壽星很滿意這餐飯…查看更多

印象中阿麥廚房已在加路連山道䇄立多年，舖面以深啡色為主 ，大半身玻璃窗配以白色紗簾 ， 門口位置設有玄關位 ，室內柔和燈光投射在紫色牆身上，感覺甚有舊英倫味道，直覺認為一間可以係同一位置經營了咁多年嘅餐廳應該出品都不錯吧，否則老早被淘汰啦，所以今日同朋友路經此地，又剛剛是晚餐時間，我當然要把握機會試一試里間餐廳。我們七時左右入座 ，客人未算太多 ，不過接近八時許 ，餐廳已有八九成滿。餐廳供應晚市套餐  :包括前菜、餐湯、主菜及附送一杯品；主菜有十一道，定價介乎$198至$328不等；而前菜及餐湯除有基本選項，亦可加錢升級指定菜式，任君選擇。見升級版菜式都幾吸引 ，故此便由是日前菜及餐湯加錢轉了升級版。煙三文魚黑魚子蛋白沙律（加$58 升級）整體味道好夾，煙三文魚下面全是黑魚子，不單賣相高貴，配以蛋白及律菜同吃，口感更有層次蟹肉牛油果伴鮮海膽（加$58 升級）海膽非常新鮮，仍留有淡淡海水味，肥美清甜，超好食；下層有很多蟹肉並混入牛油果蓉，味道濃郁，與沙律菜同吃剛好平衡到味道。黑松露菌忌廉湯（跟餐加$48升級 ）幸好升級了黑松露菌忌廉湯，入面十分之多野菌碎粒及留有幾片體積略大菇菌豐富了湯的質感，另外還有黒松露及忌廉在中，香味濃郁，口感幼滑，鍾意飲雜菌湯的人真的不可錯過。龍蝦湯 （跟餐加$48升級）味道獨特，飲落有少少煙燻的香味，不過原來係我錯覺，其實餐廳只是在湯中加了一種酒，而非煙燻味 ，亦提昇了龍蝦湯的味道。燒西班牙黑毛豬配蜜糖芥末汁 $298好欣賞個蜜糖芥末汁， 甜甜地 ，好好味 ，芥未加酒混入蜜糖當中令人產生錯覺 ，以為係果漿加蜜糖的味道 ，十分神奇 ，兩大塊黑毛豬相當厚，燒得剛剛好  ，肉嫩又有咬口。配菜薯仔粒烤的非常可口。蒜蓉牛油虎蝦意粉 $188原隻虎蝦劏開一半平鋪在意粉上，蝦肉潔白  咬落爽口 ，帶有淡淡蒜蓉牛油味 ，意粉份量頗大 。跟餐的drink list 有十個選項 ，另外餐廳尚有另一獨立 drink menue 可供選擇，只要補少少錢便轉其他飲品。朋友跟餐就叫Twinings 苿莉花綠茶 ，整壺送上 ，好抵飲。我就從獨立drink menue 當中揀了杯薄荷咖啡 ，上面的樹熊拉花實在太可愛 ，當然要影相留念先 ；咖啡當中早已加了糖 ，不太甜 ，帶點淡淡薄荷味 ，非常非常好喝。加路連山道一帶畀人既感覺係一個舊樓林立、寧靜、休閒的小社區，近十年被慢慢打造成一個飲食集中地。吸引很多富特式小店進註。從阿麥廚房惹大的玻璃窗望出去街外的景物，令人很易忘懷原來一街之隔已經是繁嚣的銅纙灣商業區。若然要求食物質素 ，座得舒服 ，職員服務態度佳 ，阿麥廚房是個不錯的選擇。…查看更多

某日同個同事傾開野，知我鐘意去銅鑼灣行街就忽然問我有無去過銅鑼灣食一間餐廳叫"啊麥廚房"，一聽個名我以為食中餐既店黎，跟手佢就勁激動咁話未試過一定要試下，仲話食西餐一流，講到咁堅就決定搵日去試下今日係銅鑼灣醒起，就搵返個同事俾個地址，嘩，原來都幾遠，去到南華會咁滯，不過唔過黎由自可，一黎到，原來都幾多野食多時多，目標得一個⋯⋯阿麥廚房 啊嘛七點零鐘黎到又唔多人，個場好大，或者可以用"長"黎形容，都好濶落，我地揀佐靠門口玻璃牆一張枱，氣氛都幾正望下餐牌，我地照慣例都無揀到SET DINNER ，因為覺得可以自由D，自己想食咩飯咩就點，所以一般連SET都無睇佢地都幾多特式野，個名都好勁下，結果我同朋友各點佐一個湯、一個沙律同埋一個主菜，樣樣個名都幾正，睇下係咪真係同事講到咁堅先先黎係餐湯我點既係龍蝦湯 - 48蚊每個湯都跟蒜蓉包，個湯好濃好香，偏傑身，入面仲要有蝦，真係好少飲龍蝦湯會有蝦係入面，仲要幾新鮮，都幾得意。朋友就點佐個黑松露菌忌廉湯，都係48蚊，我自己就一定唔會點呢個，因為個人唔係太頂得順黑松露個味朋友就唔同啦，佢係黑松露控，連食薯條都要揀黑松露個隻我飲佐啖，勁，真係勁濃我最頂唔順個種味，但朋友就話超正，超濃味，同龍蝦湯差唔多傑身，我諗鐘意黑松露個D應該都必須試下啦再黎就係我最期待既沙律，因為個名都幾正。煙三文魚黑魚子蛋白沙律 - 58蚊，呢個我點既點講好呢，呢個真心正到離曬浦，先唔講個賣相可以將咁難砌既野砌到朶花咁靚先，個黑魚子好鮮味帶D咸，再配埋個蛋白醬原來可以咁好食呢碟58蚊真係有D想叫多碟咁滯﹗超抵食朋友就點佐個千層蟹肉牛油果伴鮮海膽 - 都係58蚊賣想一樣咁靚，我其實有D唔明，點解58蚊可以有咁多蟹肉，如果我唔係真係好似朋友咁鐘意食蟹，我會決定成晚淨係不斷點呢兩個沙律食LOR佢用兩層蟹肉夾住牛油果黎做三文治呢個效果都幾得意，仲要都堆得幾實淨，口感一流﹗再黎就到主菜啦講佐朋友點呢個西班牙海鮮燉飯先，238蚊，算係正常價啦。其實食呢個飯好多人都會俾面頭個D海鮮吸引，但其實我想講個飯先係主角，因為其本個飯係係個鑊度生煮，煮既過程其本上所有海鮮既鮮味都帶曬入D飯入面。而呢個飯真係煮得好好，好鮮好濃，最緊要係軟硬適用，時間岩岩好。佢用佐好多蝦同青口，其本上味道全部流曬入飯度，所以個飯真係超級正﹗所有海鮮變曬配角再黎梗係我呢個食肉獸點既德式咸豬手啦，本來食西餐我都好想食下牛扒，但黎到一見到有呢個豬手又真係好耐未食過就二話不說點佐268 蚊，都算係正常價，唔貴黎到眼都突埋呢，好大盤﹗自炸薯條好正，卜卜脆熱辣辣再黎試下隻豬手，嘩，D肉好嫩，肥瘦適中，最緊要係個皮一D都唔硬啊，同樣整得好脆，呢個豬手真係整得好過好多專做德國菜既餐廳估唔到點佐2個SET係可以飽到爭D食唔曬咁滯，如果唔係真係咁好食，我應該好快就放棄佐。結果成功清曬，埋尾仲點佐杯凍PEACH TEA黎消下滯。同事今次真係無介紹錯﹗間餐廳真係無得頂，下次黎開可以再試下其他菜，同翻食個沙律…查看更多

今日放左工，就相約姊妹黎番銅鑼灣呢間阿麥廚房～呢間我地成日都架 有質素同氣氛環境保證！同姊妹黎就梗係食好啲～ 每人加 $58 upgarde 左個前菜由凱撒沙律變下面：煙三文魚黑魚子蛋白沙律：清爽口感，是一款清新怡人的頭盤。大蝦占米多：切粒彈牙的蝦肉和菇菌粒混合一起，再淋上用蝦膏煮成的濃郁醬汁，令整體蝦味無比濃烈。最加分係個汁！！餐湯都同樣加$48 upgrade! 黑松露菌忌廉湯：散發著濃郁的黑松露香味，而每吃一口都能吃到滿滿的菇菌蓉。食得出好足料！蟹肉南瓜忌廉湯：南瓜清甜，蟹肉鮮甜，口感綿密。好喇 試完前菜餐湯 就黎到主菜喇～西班牙海鮮燉飯$238 ：餐廳用上平鐵鍋令其保持溫度，飯粒硬度適中，飯中混合了不少海鮮配料，而飯面上的蝦肉亦是新鮮彈牙，藍青口飽滿，令人整體都非常滿意。德國式燒咸豬手$258：大大份的豬手，豬手跟其他餐廳更皮脆肉嫩，薯條亦熱騰騰新鮮炸起，而醬汁用上較酸甜的燒烤醬，令整道豬手食落時油感頓時銳減。…查看更多

向來喜愛到加路連山道一帶覓食，那邊有很多小店可以坐得舒舒服服。今天試了這阿麥廚房，這𥚃的晚餐大概二百塊左右，而且有挺多選擇前菜我們加了$58要了在普通西餐廳比較難吃到的大蝦占米多及煙三文魚墨魚子蛋白沙律大蝦占米多由大大隻的虎蝦蝦肉餡料置蝦殼內跟洋蔥及蘑菇等烤焗而成，惹味非常煙三文魚墨魚子蛋白沙律的墨魚子混合蛋白入口爽滑煙韌，清新之選餐湯也加$48升級做黑松露菌忌廉湯及龍蝦湯！一上枱已香氣四溢！尤其是那忌廉湯，每一口也有大量的菌粒主菜要了西班牙海鮮燉飯及德國式燒咸豬手！那個咸豬手真的份量十足！而且燒得十分香脆，即使再飽也忍不住吃個清光象餐飲有很多選擇，飲飽食醉的我們要了熱咖啡及伯爵茶作結尾…查看更多

今天和朋友來到阿麥廚房，餐廳已經裝飾好預備聖誕節！玻璃窗前貼滿雪花。餐廳燈光令人感覺放鬆，是朋友/情人來吃飯的好地方。剛座下店員就很貼心為我們送上暖水！！！因爲今日天氣好凍。一坐低有一杯溫暖的水實在令人感動。店員的服務十分貼心。 餐廳内外都佈置好聖誕裝飾，很有節日的氣氛。 我們兩個人各點了一個Dinner Set ，前菜方面我們分別揀左煙三文魚黑魚子蛋白沙律和香煎法國鵝肝配焦糖酒醋藍莓。香煎法國鵝肝配焦糖酒醋藍莓：鵝肝肥美嫩滑、入口即化，加上獨特的酒醋藍莓醬汁襯托了鵝肝的甘香，加上脆脆的多士，令人一試難忘。煙三文魚黑魚子蛋白沙律：煙三文魚和黑魚子都很鮮味，由其是黑魚子！ 鮮而不腥，咸而不膩配搭埋蛋白沙律令到口感很豐富。黑松露菌忌廉湯：黑松露和野菌的味道都十分濃郁！而且口感creamy，令人一扣接一口。是我喝過最好味的餐湯。 蟹肉南瓜忌廉湯：忌廉湯味道香濃，有甜甜的南瓜味和淡淡的鮮味，裏面還有蟹肉！德國式燒咸豬手：這個豬手很大份，上菜的時候都嚇左一跳！不過餐廳好貼心豬手已經切好，我地可以唔使自己切。豬手的醬汁是有點酸酸的可以減低豬手的咸味。不得不提的是薯條即使過了很久都依然很脆，好好食！！豬手皮脆肉嫩，外皮燒得好脆口有一刻我以爲自己在吃燒乳豬，裏面的肉嫩滑爽口。香煎帶子黑松露野菌扁意粉：黑松露的味道很出，基本上每一啖的意粉都能品嘗到濃濃的黑松露味，帶子鮮味而且很厚身。最後飲品我們叫左兩杯朱古力，想不到的是朱古力都會有拉花，而且有不同的圖案聖誕樹和雪人的拉花很有節日的氣氛，令人很開心。阿麥廚房無論服務還是食物都令人有很深的印象，是值得令人一在光顧的餐廳。…查看更多

朋友準備結婚,所以去佢屋企準備婚禮上既用品,做下做下,由早上做到黃昏,我們都開始肚餓,所以佢帶我去佢話水準好高餐廳慰勞一下我!!餐廳雖然在鬧市附近,但位於比較寧靜的街道,令人有一種遠離繁囂,舒適悠閒的感覺!餐廳內裡暗暗地既燈光,浪漫又有氣氛!餐廳主推Setdinner,各種肉類,海鮮,飯或意粉都有!主菜選擇很多,諗左一陣決定升級前菜和餐湯,主菜就選擇<香煎帶子配黑松露忌廉野菌扁意粉>和<德國式燒咸豬手>!<香煎法國鵝肝配焦糖酒醋藍莓>鵝肝外層煎得很甘香,內裡好像牛油一樣在口中溶化,有著外脆內軟的雙重口感,焦糖酒醋藍莓和薄薄的脆包一齊食,味道一流!!<大蝦占米多>我一直都估唔到占米多係咩,原來係將大蝦起肉後,放上菇同洋蔥粒,再加忌廉汁整成的!!蝦肉好大粒,肉質爽口彈牙,蝦頭的蝦膏仲好多!!真係食到津津有味!!<黑松露菌忌廉湯>湯上的黑松露醬好多,十分搶眼!撈埋一齊令味道更香濃!!而且每一啖都食到好多菇粒!口感和味道都不錯!<蟹肉南瓜忌廉湯>煮得濃稠,入口香滑濃郁,味道亦鮮甜清新!!湯裡有好多蟹肉和南瓜蓉,唔係一絲絲而係一執執!!真的不能錯過!<香脆麵包> 餐湯配上香脆麵包,外脆內軟,好味道!!<香煎帶子配黑松露忌廉野菌扁意粉>飯上有2粒大大帶子!!鮮甜嫩滑,微微煎香更好味道!黑松露和忌廉汁配搭好好,食得多都沒有膩感!!<德國式燒咸豬手> 份量超大!!大大隻咸豬手整得好入味,但又唔會好咸,而且燒得皮脆肉嫩,沒有好多肥膏,配上香脆薯條,非常惹味!!最後飲埋凍檸茶和蜜桃茶,十分滿足!!整體來講,餐廳環境和食物質素都很高!!朋友真係無介紹錯!!…查看更多

同事話公司附近有間西餐廳好好食，於是今晚就帶左我去試一試!阿麥廚房位於加路連山道，呢條街其實都好多唔同既好食餐廳，而這間餐廳淨係門口已經俾人一種好浪漫既感覺。同同事兩個人大概6點半左右到達餐廳，已經有一枱客人享用緊晚餐了，記得大概7點幾已經有好多人到餐廳食晚飯，絕對唔係少人食!我們二人安排坐4人枱，餐廳不算好大，燈光柔和，每枱都有一個小蠟燭點綴，而且佈置令人有置身於外國的感覺，很舒服!我們點了兩個set dinner，還加錢升級食鵝肝、大蝦同飲靚湯!加$58升級了前菜香煎法國鵝肝配焦糖酒醋藍莓，鵝肝煎過後味道很出，多士脆卜卜，兩者配埋一齊食好有口感，再配埋焦糖酒醋藍莓汁醬一齊食，油膩感即時減少!而且還有配了黑醋既沙律菜，頓時感覺清新!加$58升級了第二份前菜大蝦占米多，上菜時見到個樣已經覺得好好食!大蝦已經整開了殼，蝦肉已切成粒狀，再加埋蘑菇、洋蔥同埋應該係用蝦膏整既醬汁，非常爽口彈牙而且惹味!這個前菜一樣有黑醋沙律菜食，很健康呢!兩個餐湯都各加$48升級，先有黑松露菌忌廉湯。黑松露味非常濃郁，湯裡面仲有打碎左既蘑菇粒，好有口感，味道層次豐富!另一個湯係蟹肉南瓜忌廉湯，南瓜好濃，蟹肉亦都不少，而且食到係新鮮蟹肉，個湯好creamy，好滑!還有蒜蓉多士跟湯，多士脆卜卜，蒜蓉香味很出！主菜先黎黑松露麵包蟹意大利飯，上菜時已經好驚喜，因為係用左麵包蟹個殼盛著D飯。個飯不會太稀，很creamy，蟹肉食得出係新鮮蟹肉，因為有少少殼，不過個飯應該有焗過或者燒過，有D蟹肉燒到有D脆脆地，仲有少許蘑菇，配埋黑松露一齊食，好有層次，好好味呀!德國式燒咸豬手，外皮燒到脆卜卜，而且同係出面食既唔同，D皮唔會食落已經覺得好油膩。豬手D肉好juicy，唔會太咸或者太淡，再配埋佢附有既BBQ醬一齊食，味道更上一層次。而薯條炸得外脆內軟，非常惹味!set dinner還有飲品，我們二人揀選了Peach Ice Tea，不會太甜，還會飲到茶既甘味!總括黎講，餐廳俾人既感覺好舒服，很適合情侶或者同朋友黎食，而且侍應亦會主動加水收碟。雖然係小店，但係食物好高質，份量亦不小，值得再次光顧!…查看更多

今日妹妹生日，要我同佢食生日大餐！佢係銅鑼灣返工，所以我都係附近搵返間餐廳同佢慶祝下啦。加路連山道呢間阿麥廚房都算係比較傳統西餐餐廳，裝修都幾精緻。我地叫左2個set dinner，因為都好豐富下，有湯有頭盤，主菜仲有野飲跟，方便唔洗慢慢諗呀嘛，同埋可以share黎食！生日嘅野，都要食好d，所以就都升級左個前菜同湯，等妹妹有個滿足生日，開開心心！首先前菜，我地叫左個香煎法國鵝肝配焦糖酒醋藍莓(+$58 升級)同大蝦占米多 (+$58 升級)先講香煎法國鵝肝配焦糖酒醋藍莓，一黎到已聞到陣陣油氣，食落口麵包非常香脆，加上鵝肝嘅外脆內軟口感，一軟一硬，非常match！雖然鵝肝油感比較重，食一啖都好有罪惡感，但焦糖酒醋藍莓，陳醋嘅香同微酸，剛好中和左油感，不會肥膩！再講大蝦占米多，呢個蝦都幾有趣，將蝦起肉，留個殼托底。蝦肉切到一粒粒，加上洋蔥同蘑菇去炒，都幾香口呀。蝦肉都算彈牙，味道算清新，淡淡地都幾岩做前菜。之後就黎個餐湯，我地兩個湯都加$48升級左，包括黑松露菌忌廉湯同蟹肉南瓜忌廉湯。因為妹妹係黑松露fans，所以黑松露菌忌廉湯就讓比妹妹啦，不過我都有偷飲左2口試下味。黑松露菌忌廉湯口感非常濃郁，黑松味濃唔在講，但佢尾韻係好豐富嘅蘑菇味道，而且咬落仲有好多蘑菇粒，好rich，愛菇人士相信好難抗拒，妹妹就好鐘意啦。至於蟹肉南瓜忌廉湯，呢個口感比較清新，味道偏甜，而且南瓜料足，每啖都好重南瓜味。南瓜嘅甜剛好吊起蟹肉嘅鮮，令蟹味同樣突出。蟹肉份亦算多，一梳梳咁，非常好味。終於到主菜，我地叫左徳國式燒咸豬手($248)同香煎帶子配黑松露野菌意大利飯($218)。徳國式燒咸豬手份量真係好大，黎到隻碟大過我塊面，嚇死寶寶！豬手已經切好晒，唔洗自己落手慢慢切，非常方便。豬手表皮金黃香脆，皮下脂肪少，反而食落骨膠原感覺好豐富，食落完全唔會油膩呀！豬手味道唔會太咸，肉質表面結實，但咬落又非常嫩滑，裹面仲係軟淋有肉汁。至於配菜嘅薯條炸得好脆，乾身但不油，亦好好味！香煎帶子配黑松露野菌意大利飯，又係黑松露呀！帶子煎得香口，但又唔會乾身，咬落仲係軟身。至於個飯都唔錯呀，露荀爽口，配上意大利飯個種綿身口感，幾夾呀。呢個飯清清地，食得肥野多，中和下都幾好。總括黎講，阿麥廚房質素都幾高，係銅鑼灣用到呢個價錢食到高水準之作，都非常超值，兩個人都係7百幾！豬手係必試，真係好好味呀！…查看更多

今日出銅鑼灣阿麥廚房試下個晚市套餐。前菜升級左大蝦占米多，全因名字好特別，好吸引。湯即升級黑松露菌忌廉湯，而主菜就選了德國式燒咸豬手。先係大蝦占米多，雖然唔知「占米多」係代表甚麼，但廚師起左全隻蝦肉切粒，加上磨菇粒及洋蔥粒一齊煮熟後，放回蝦殼上，擺盤精美，味道濃而且爽口彈牙。而黑松露菌忌廉湯，黑松露好香，加上有細細粒磨菇粒，令濃郁忌廉湯中帶有鮮甜香味。德國式燒咸豬手，份量很大，外皮脆卜卜，但肉質鮮嫩又唔會乾，炸薯條更是有驚喜，好脆好鬆化，簡直食唔停口！最後選了凍蜜桃茶，好香好甜蜜桃味，滿足的一餐！…查看更多

好姊妹聽聞ㄧ間位於銅鑼灣的餐廳環境消静舒適, 食品質素不錯, 邀約到那裏聚聚。 那我一定應約銅鑼灣一向熱鬧, 但一到加路連山道, 環境已截然不同, 走到不遠已見到一間外觀雅致的餐廳---Mackie Kitchen。 一走進去, 職員即時上前招呼我們, 並安排座位。晚餐套餐包括前菜丶湯丶主菜和飲品。 我們習慣分享, 那就可以嘗到不同種類的食物前菜 (+$58 可升級至): 香煎法國鵝肝配焦糖酒醋藍莓, 或大蝦占米多香煎法國鵝肝配焦糖酒醋藍莓: 侍應放在我面前時已聞到鵝肝香氣。 鵝肝煎得表面有點脆脆的, 內裏卻是軟綿綿的, 做得好之處是不會令人有滿口油膩的感覺。 而焦糖酒醋藍莓汁帶清香的甜味, 但又不會搶去囗內鵝肝的餘韻大蝦占米多: 把整隻的蝦肉取出, 切成大大粒, 以鮮磨菇粒和洋蔥粒伴煮, 再放回蝦殼上, 蝦肉「彈牙」, 賣相不錯。 餐湯 (+$48 可升級至): 黑松露菌忌廉湯, 或蟹肉南瓜忌亷湯黑松露菌忌廉湯: 湯內有很多新鮮菇菌粒, 加上黑松露的微香, 整個湯散發着微微的菇菌清香。蟹肉南瓜忌亷湯: 非常出色 湯內除了有南瓜粒之外, 亦有蟹肉。 湯的質感非常幼滑, 濃厚適中, 兼且有鮮味, 南瓜香氣突出和味道香甜, 真的非常美味主菜 (9項選擇): 黑松露麵包蟹意大利飯德國式燒咸豬手黑松露麵包蟹意大利飯: 把蟹肉與意大利飯釀在蟹殼内。 這個意大利飯較乾身, 配以黑松露, 啖啖滋味。德國式燒咸豬手: 份量非常大, 足夠四人分享 豬手已切開一件件, 方便客人享用 豬手皮脆脆的, 肉身不過鹹。 配上附上的醬汁, 不會感到油膩。 好奇之下詢問店員, 原來此店的咸豬手需經特別處理後才烤製, 再配上此店自家用五種配料製成的醬汁, 怪不得與其他食肆不同。 而薯條外層炸得鬆脆而內軟。 我十分喜愛這款食物飲品 (10項選擇)Peach Iced Tea: 自家紅茶, 加入桃糖漿。 清涼Cappuccino: 3D拉花真的很有趣, 忍不住要多拍照。 咖啡味亦濃滑。好滿足的晚餐…查看更多

今日興起西餐那種味道，就想起朋友講過有間響加路連山道有間特式店😋我地揀左dinner set，都幾豐富！上菜時間都幾合時，店員見到食完一味餸再上另一味，呢個好重要，如果唔係就凍曬！田園雜菜沙律配陳年醋汁菜鮮，最特別係對陳年醋汁都印象深，估唔到咁香（點小小醋最好）！升級+$58香煎法國鵝肝入口有慢慢溶既口感，連埋麵包小脆，好配合，再食落就有鵝肝香滲出，好想再食，都係小食多滋味啦😝甜甜酸酸的配上焦糖酒醋藍莓！必要點呢個：多肉大蝦占多米，味道較creamy，味夠濃！是日餐湯升級+$48最期待黑松露菌忌廉湯，有留意開我既食評，我係一個磨菇湯控😆 粒粒磨菇，質感小creamy果種，配埋黑松露一定提香！蟹肉南瓜忌廉湯，南瓜偏多，可以用麵包沾點濃濃湯，滋味好多！德國式燒咸豬手，肉質嫩口外皮脆得黎又唔會咬唔開，味道原汁原味！沾點醬料就帶點bbq風味🍢香煎帶子黑松露野菌意大利飯帶子大大粒唔輸蝕，咬落唔會好老口感，爽爽滑滑！黑松露mix意大利飯，提鮮提香，配菜都細也，露荀爽，最喜歡炒香既蒜都原粒☺️銅鑼灣西餐$800唔駛，幾好划算丫！…查看更多

上年黎過食Set dinner，食過翻尋味，美味幸福嘅感覺仲歷歷在目，於是再黎歎多次晚餐！南瓜味道香濃，同時忌廉好香滑，只可以講超好飲！黑松露香氣撲鼻，有一湯匙咁多，蘑菇份量好多好細粒，基本上可以唔洗咀嚼可以就咁飲，好好味。蝦膏多到成隻蝦都係，太好味了！酒醋好特別又醒胃，配肥美嘅鵝肝，食落絕不肥膩，仲好開胃添！餐廳一啲都唔吝嗇黑松露，呢個意大利飯又俾又好多我地，蟹肉亦都好鮮甜。豬手好大隻，外皮夠哂脆！熱朱古力香滑，仲有個好靚嘅拉花！冇同侍應講凍檸檬茶個糖漿都另外上，好貼心，可以自己調較甜度。…查看更多

係YouTube見到都幾多人排隊食依間阿麥廚房，一於試下先。可能由於星期一同天雨關係，當日店外就無出現人龍情況。店內裝潢都幾舒服雅致，而且樓底高，唔會感覺侷促同太嘈吵。餐牌上主要為肉扒類同各式意大利飯。我地就先叫左小食醫醫肚，大蝦占米多幾特別，配搭獨特，蝦味菇味新鮮香濃。鵝肝我本人唔係特別鍾愛，不過都覺得佢整得好食，熱辣辣入口即溶，非常甘香！對於餐湯，本來並無抱住特別期望，因為一般西餐廳餐湯都幾乎係一樣，唔會有特別。不過依兩個餐湯就非常驚喜，因為唔係一般忌廉罐頭湯咁膩濟，南瓜湯亦無乜腥氣，反而有蟹肉甜味係其中。黑松露湯落足料，一飲已經嚐到黑松露獨特香油味道，無得彈！黑松露意大利飯，帶子大大粒，啖啖都有黑松露香氣，黑松露Fans一定啱曬！咸豬手個Size好大，兩個人食唔曬，燒到好香脆但又唔會乾曬身無曬肉汁，咸度適中，唔會太重口味，就算唔食Sauce都食到風味。另外值得一讚係薯條好好食，條條都好金黃香口，唔會好似部分坊間餐廳伴碟就hea上咁。最後上埋餐飲就圓滿結束一頓晚餐啦！整體上都好滿意，店員落單、招呼、上菜都好迅速熟練，食物飲品都高水準，不過就無乜大檯，所以傾向適合二人世界。仲俾我巧遇返個中學同學陪佢老婆撐檯腳！…查看更多