KABO BURGER

黑松露芝士牛堡 $50套餐+$15 跟 飲品＆小食轉蕃薯薯條+5Total $70▪▪▪▪▪▪▪▪▪▪▪▪▪▪▪▪麵包非常出色 脆中帶軟🍞見到來貨寫明不添加豬油食得夠健康 生菜🥬超爽脆 sharpsharp聲 好驚喜👍 ▪▪▪▪▪▪▪▪▪▪▪▪▪▪▪▪漢堡扒🍔應該用攪拌機攪過口感好似手撕豬仔骨🍖 見到一絲絲唔係平時顆粒感既手剁肉餅 ▪▪▪▪▪▪▪▪▪▪▪▪▪▪▪▪黑松露醬應該溝左蛋黃醬 傑身少甜黑松露味不重 ▪▪▪▪▪▪▪▪▪▪▪▪▪▪▪▪蕃薯薯條🍟 即叫即炸 份量多薯條表面撒上粗身海鹽🧂調味適中 亦食到蕃薯本身的甜 ＊小食亦可轉 炸燒賣/原味燒賣 薯格或+$5轉Caesar salad/蕃薯薯條 ▪▪▪▪▪▪▪▪▪▪▪▪▪▪▪▪飲品🍻可選汽水、 茶（伯爵茶/茉莉花茶etc.）或+$5 轉支裝茶/椰青水 +$10 啤酒 ▪▪▪▪▪▪▪▪▪▪▪▪▪▪▪▪總結：嘉寶的漢堡非常出色👍細節上也很注重選擇空間很大份量超足 女生吃一個包已經飽得不行Σ( ° △ ° )︴一定會再來!! ig : jw.step…Read More

一直都想試左好耐既漢堡 終於試到啦 價錢好平民 因為店內既位子唔多 所以都等左15-20分鐘先有位 今次叫左個最classic 既芝士牛堡 $39🍔個牛都幾有驚喜 唔係普通既牛肉 係有少少洋蔥秘製既牛肉 食落同其他漢堡唔同 都幾特別 而且成個包唔會乾 都好juicy 唔錯 而另一個係黑松露芝士牛堡$50 🍔黑松露比左好多！ 一啲都唔孤寒 中意黑松露既話就岩哂！ 但係稍嫌蓋過左牛既味道 不過$50性價比真係好高呀😋另外都跟餐加左$15 一個小食同飲品 小食揀左薯條同薯格 炸物就正正常常 成個餐加埋都只係60-70都算係平民價 經過絕對值得一試！ …Read More

原來呢間burger名店開左尖沙咀分店，太好啦，一直都冇時間去葵涌試，今日出開去尖沙咀，就買返去做晚餐。淨係burger已經好多選擇，牛豬雞羊蝦，牛就一定要試ga la, 另外叫左個wasabi蝦，2個都轉左set, 有小食有野飲。 本來想試既炸燒賣賣晒，咁唯有食薯條同沙律， 仲加多左個炸芝士。-個蝦堡好彈牙，個汁都好夾，正！-牛堡個黑松露味好勁，見到係落左好多😍，不過因為佢個味太出，蓋過左牛既味道，牛肉感覺比較鬆散d, 冇平時d burger咁實-薯條新鮮炸起熱辣辣，脆卜卜-Caesar salad可能因為最後先食，d麵包粒林左-炸芝士好正，拉絲的，味道香濃…Read More

1️⃣ 黑松露芝士牛堡🐮再戰嘉寶之日⚔️ 決定要試下呢款極受熱棒、以芝士牛堡為藍本再大幅強化、即叫即製熱辣辣嘅黑松露芝士牛堡🍔😎麵包依舊鬆軟, 牛肉仍然厚身, 肉質保持軟腍亦夠Juicy, 當然繼續仲有半融芝士搭配生菜🥬同番茄🍅啦黑松露味道好香, 搽滿左喺麵包同非常Juicy嘅牛肉之間😳 份量真係唔惹少👍🏻 啖啖都會有黑松露充斥住成個口控🤤 真係有黑松露又得~ 無黑松露亦得~ 得左XDDD下次三刷嘉寶嘅時候揀咩好呢🤤🤤 期待~~…Read More

呢間家寶漢堡好出名，其實想食好耐㗎啦，不過有幾次經過見到都好多人排隊，就放棄咗哈哈。難得今日早收工，就專程去食啦，好好彩完全唔使排隊。嗌咗個黑松露芝士牛堡($50)，加$15呢就可以有小食同飲品。小食就揀咗炸燒賣同埋炸薯格。睇相都可以見到勁多汁，其實好好味㗎不過就真係食就有啲麻煩。我覺得個炸燒賣真係冇得頂，外脆內軟好好食，其實佢仲加咗少少蛋黃醬，但係其實我覺得唔加已經好夠味。至於炸薯格都好香口，不過如果同炸燒賣比都係鍾意炸燒賣多啲。當我同友人食完嘅時候係6:30左右，出面排晒長龍，即刻好慶幸自己今日早咗過嚟食。我覺得呢間餐廳係好食嘅，不過坐得唔係咁舒服，所以唔想等嘅話都係嗌外賣啦。…Read More

-{黃店💛性價比極高漢堡🍔}嘉寶應該個個都識~上次試唔倒蕃薯條 今次終於食倒喇😍🤤黑松露芝士牛堡🤤 ($50)就係多左pat黑松露醬令到成個包錦上添花😍加11蚊係值得嘅🥰漢堡牛都好juicy😋👖褲評: 8.3/10🤤蕃薯條🤤 (+$5)本喺上面灑左d鹽 鹹鹹甜甜嘅感覺都ok嘅🤓但係唔鐘意食又鹹又甜嘅朋友就要叫佢走鹽喇👖褲評: 7.8/10🤤炸芝士🤤 (+$10)拉絲勁長!芝士好濃郁😋炸皮好脆又唔油 就算中間拉咁長嘅絲食到尾都有芝士！啱曬芝士控😎👖褲評: 8.6/10超級抵食！但係比個營業時間呃左 同埋野食都等得耐左d👀性價比: 8.4/10服務: 7/10環境: 6.8/10 (葵涌店環境較好)🚩嘉寶漢堡🚩地址: 尖沙咀金巴利道78號金輝閣地下A號舖葵涌青山公路葵涌段499號嘉寶大廈地下A&B號舖🔔小tips: 有得揀嘅話去葵涌店 位置闊好多同埋多好多堂食位！ #fuudjai #fuudjai黃店 #fuudjai漢堡 #fuudjai尖沙咀 #fuudjai葵芳 #fuudjai小食…Read More

🍴《嘉寶漢堡》I▪️🅘🅝🅣🅡🅞嘉寶永遠都係好多人排隊等入座食嘅一間小食店， 原來有得外賣，所以大家見到長長人龍都可以轉下買外賣返去食❗️今次係我第2️⃣次幫襯了，不用多說，依舊好味😋，連身邊那位都說下次會再光顧❗️I▪️🅟🅡🅘🅒🅔黑松露芝士牛堡➕薯格➕柚子蜜🔹HKD 65芝士牛堡加煙肉➕薯條➕可樂 🔹HKD 61I▪️🅐🅓🅓🅡🅔🅢🅢📌尖沙咀📍 尖沙咀金巴利道78號金輝閣地下A號舖…Read More

我諗呢間黃店都好出名架啦！但我今次先第一次食😹店舖好細 位置唔多 所以係星期日晚餐時間嚟嘅我係等咗好耐🥵仲要好鬼熱 不過食完個堡同睇埋個價錢🤓值嘅值嘅 黑松露芝士牛堡 $50 ＋$15套餐(小食＋汽水）呢個價錢已經係好難得見到 講緊牛堡仲要黑松露 醬汁好足夠 食哂成個包都唔會厭乾 食到咁上下仲會多到漏出嚟 夠哂多料呀🤪牛肉軟身易咬 而且好香有肉汁唔乾身 加埋好fresh嘅蕃茄生菜 好吃到哭出嚟小食 - 炸燒賣好少地方見有呢個小食啦 竟然可以配餐揀😍😍外脆內軟呀 加埋啲醬點綴下 仲冇咁乾👍🏻 汽水 - Mountain Dew 又係稀有之選 市面極少見dew 呢到有!又一加分位!! …Read More

🐻上次同𡃁妹做完facial ，覺得幾靚靚🥰，買左個course，以後每個月都會去尖沙咀一趟，勤力啲做面扮靚靚。📌做完面去到6，7點，正直食飯時間，緊係孖埋樹熊去食好西喇。📌今次試下係尖沙咀區出名的平民漢堡小食店《嘉寶漢堡》，地點有點偏遠尖沙咀中心，熊妹睇地圖📍唸左好耐應該點行，不過由樹熊帶路就無有怕。原來由美麗華商場出發一直沿著金巴利道一直行一直行到尾去到漆咸圍就見到《嘉寶》喇。📌店鋪小小，幾個bar枱位，一張四人枱，一張二人枱，地方有點淺窄。📌大概7點到達，正直晚餐時段，所以都等左起碼45分鐘先有得入坐，要堂食真係要早啲黎排隊。📌以豬、牛、雞、蝦、羊做漢堡饀料，任君選擇，價錢$36-$60，加套餐$15，包一款小食及飲品，小食可揀薯條、薯格、燒賣或者炸燒賣，另加$5可選炸番薯條，都幾抵食。黑松露芝士牛堡，$50📌一望個餐牌，黑松露牛堡一定係熊妹的囊中物🤩。滿滿的黑松露醬澎湃的湧出來，接都接唔住，真係要小心翼翼咁食，如果唔係會浪費哂咁美味的食材。牛肉漢堡排煎得香香的，肉質係超軟淋，夾埋一片溶溶的芝士🧀，一片新鮮蕃茄🍅同一片生菜🥬，仲有塗上少少沙律醬係包面，各種口感的配撘就係漢堡包🍔的滋味喇！芝士牛堡，$39加煙肉，$7樹熊揀左最簡單的芝士牛堡再另加煙肉，咁先食哂自己想食的野。同樣地牛肉漢堡有齊牛肉漢堡排、芝士、蕃茄、生菜，而家加埋煙肉脆脆地又咸咸地，多一層調味。蕃薯條，薯格跟餐小食揀左蕃薯條，另加$5，同薯格。蕃薯條好惹味，蕃薯肉淋淋的，肉質甜甜地又夾埋鹽份，又甜又咸，唔點任何醬汁已經好滋味。薯格炸得幾脆喎！放耐左唔會變淋，點茄汁真係好味！炸燒賣，$14另外再額外點埋炸燒賣，本身熊妹已經好鐘意食炸燒賣，估唔到《嘉寶》都有做呢款小食，當然要試下喇。本身魚肉燒賣炸得變得香口，更顯肉質的煙韌，再灑上椒鹽，堅係正呀，另外配上少少沙律醬，不過熊妹覺得就咁食已經好夠味，加上沙律醬就有點多餘了。炸芝士條，$10跟餐可追加$10有兩條炸芝士條。呢款小食就遜色了點，外表係炸得好脆的，但炸皮比較厚，食落一扁扁炸粉團，內裡的芝士相信係mozzarella cheese，無咩芝士味的，要做到拉絲的效果係要用上mozzarella cheese，但要芝味特出就係cheddar cheese，所以一般都會兩者兼用先能做出拉絲芝味的效果。不過價錢咁平，都不能要求太多。雞翼（BBQ)，$10大食樹熊不嬲都鐘意食雞翼，見到十蚊兩隻點都要食埋喇。雞翼本身炸起，雞肉都好嫩滑。揀左BBQ味，原來係雞翼撈上BBQ醬，醬汁味道太濃烈，而且成隻雞翼都係浸滿醬汁，蓋過了雞翼的味道，成口都係BBQ醬汁，早知點原味簡單啲。BBQ菠蘿雞排堡，$39加芝士，$6📌大食樹熊食一個堡又點會夠飽呢？點都要食多個雞排先塞得飽佢個肥肚。試完牛咪試下雞囉，樹熊話雞排一定要跟芝士先好味，所以另加芝士，$6。揀呢個雞堡吸引之處係塊厚厚的菠蘿片，超多汁又甜又厚肉又清新，可以解解漢堡的油膩。雞排煎得香香，肉質新嫩，加埋蕃茄，生菜，又另一番風味。不過又係味道濃烈的BBQ醬，食到漏哂醬汁出黎，亦搶了不少雞堡本身的味道，樹熊同熊妹都提議點原味沙律醬或者走BBQ醬比較好。罐裝汽水，跟餐價，$0跟餐汽水，樹熊點了最愛的可口可樂，本身好怕飲肥仔水的熊妹都不得不點返一罐零系可口可樂送漢堡薯條，因為食呢啲炸物肥膩餐真係要飲返啲有汽飲品gur一gur去。📌整體來講，各款漢堡小食都做得幾出色，以咁平民的價錢食到燒鵝的味道，仲要係尖沙咀地段，簡直係街坊生意，不過地方窄左小小，可以外賣🥡拎走返屋企慢慢歎。…Read More

小編對「嘉寶漢堡」嘅印象，係以前成日夜晚六七點就會喺社交平台出post話啲食材賣晒，要提早收舖😂 同埋成日都大排長龍，搞到小編今次都係第一次食。今次揀咗去尖沙咀店，餐廳size比葵涌嗰間細，但就同個廚房近啲😏 😋 黑松露芝士牛堡 $50😋 漢堡套餐：薯條+汽水 +$15落完單坐低，過幾分鐘個餐就整好，侍應將個擺低個餐嗰一刻已經聞到好大陣黑松露味，底面兩層包係黑松露醬、芝士、牛肉、蕃茄同埋一塊大生菜。兩層包都係有烘過，塊牛係手打牛肉，食落口好juicy同埋比較軟身，仲食得出啲牛筋，原來嘉寶嘅漢堡扒係用牛肋條整，再用慢煮方法烹調。黑松露醬嘅份量都好多，每啖都會咬到黑松露入口。漢堡扒下面嘅蕃茄生菜無畀啲醬污染，令個包好fresh～ 薯條方面係用咗粗薯條，茄汁要自己出去按自己需要撳。薯條係即炸，所以由第一條食到食完個包再食最後一條薯條，條條都係熱嘅，入啲啲薯仔好香馬鈴薯味，唔太鹹，份量都幾多～食完嘉寶，小編真心唔明點解咁多人仲係戒唔甩金拱門。就算金記唔係中資背景，其實都好值得搵替代。由環境到食物質素，由塊包到塊漢堡扒再到塊生菜，金記都無一樣係好過嘉寶，金記塊包就直接用塊凍嘅嘉頓包，芝士得半塊仲要唔溶嘅，牛肉就算係足三両都係硬掘掘嘅，無肉汁仲要係榎口，塊菜都通常切晒絲同索晒啲汁。到包薯條，金記唯一出色係多到食唔晒，但又幼又有一半係炸到硬晒。講到價錢，原來安格斯磨菇牛堡餐都要40幾蚊，咁喺多方面都輸畀其他漢堡小店嘅情況下，希望大家諗諗係咪真係要繼續食金記啦🥺 ⭐️評分⭐️（5⭐️為滿分）味道 ⭐️⭐️⭐️⭐️⭐️環境 ⭐️⭐️⭐️⭐️抵食 ⭐️⭐️⭐️⭐️⭐️…Read More

正品本地漢堡系列，嘉寶漢堡🍔好彩當日去到唔係太多人，好快就可以入去點餐，點樣之後返座位等，同老公一人一個餐，試咗好多人推介嘅黑松露芝士牛堡，果然名不虛傳！—————👉🏻必點系列：黑松露芝士牛堡，超級多嘅黑松露醬，配上即煎嘅牛肉，芝士同埋菜，一點也不dry!!!!👉🏻黑松露醬簡直係成個包嘅靈魂，一啲都唔吝嗇！滿滿嘅黑松露醬真係好滿足，同個漢堡又好夾。👉🏻+$15 可以配番薯條或者薯條及飲品，同老公揀咗一個番薯條同一個薯條，兩隻薯條🍟都粗切，超級正！個人比較鍾意番薯條，因為比較少地方食到，即叫即炸，仲係熱辣辣㗎👉🏻很滿足的說😻😻😻😻————-$50+$15性價比高嘉寶漢堡—————-…Read More

黃店 💛 #嘉寶漢堡 #尖沙咀 #葵芳#最愛漢堡 #沒有之一🟡 多次表明立場🟡 多次罷市🟡 分享文宣🟡 有yellcard、參與「和你包」活動#五一黃金週 第三日，今日去咗尖沙咀順便幫襯一間黃色小店先🐷 我揀咗呢間喺尖沙咀同佐敦之間嘅嘉寶漢堡。其實我已經食過三四次，真係次次都好食到感動🤤🍔 B2 黑松露芝士牛堡 （$50）因為今日一個人出黎就唔嗌餐啦，淨係叫咗一個burger，咁就揀個貴少少嘅啦🤪 之前都係食開三十幾蚊嘅雞扒堡加錢做一個餐，今次就單叫咗個$50嘅牛堡，不過其實比起其他burger店都已經平好多。金拱門都唔少包要呢個價啦～講返個包，黑松露味超級香超好味，醬汁份量好多，食到有少少狼狽（開心嘅！）牛肉應該係手打，超級軟淋，好好味！真心係我食過最好食嘅漢堡，而且夠飽又平。唔關黃藍事我都會繼續食，我愛嘉寶😘…Read More

今日係尖沙咀係咁食黃店，香港貴價漢堡有好多而平價嘅除咗金拱門等連鎖店，以家都有個好熱門嘅選擇就係嘉寶漢堡啦呢度有少少僻，位於佐敦尖沙咀紅磡三角中心但為咗嚟支持下都行陣啦呢度之前長期排晒長龍，以家少咗人出街我地終於唔洗排咁耐我本身想食烤布利芝士牛堡，聽落特別D，點知佢話冇晒......唯有叫個黑松露味啦，+$15可配埋小食同汽水/茶點知佢柚子蜜呀紙包飲品都冇晒😅咁就要咗支汽水同再+$5配蕃薯條個麵包皮呢係新鮮熱辣非常香脆，好抵讚黑松露醬同芝士都俾好多，香口得嚟又唔會搶走個牛味，夠juicy嫩口但塊牛唔算大塊就唔多夠喉，$50如果就咁食呢個包一定唔飽不過+$20套餐，$70一set野都可以接受啦，主要係個蕃薯條算大份，鍾意呢隻粗身薯條夠晒脆後尾發現我個FD叫咗個 BBQ菠蘿雞扒堡(含烤洋蔥)，只需要$39佢個包睇落吸引好多，塊雞扒勁大塊勁厚身仲要係慢煮雞嚟，食落完全唔鞋菠蘿又係厚身大大塊，好足料下次我都係試下雞堡先最後講下個環境，舖仔細細坐唔到幾多人，位置都好窄逼平時唔太care嘅，不過以家疫情咁嚴重，大家手臂疊手臂咁食就各方面都好大壓力...而且呢度係唔洗度體溫同消毒都入得如果可以都係外賣返屋企食啦…Read More

行到金巴利道韓國街最入面轉角位有間賣漢堡包嘅小店，離遠已經見到有唔少人排緊隊，再行到入面睇先知，原來已經滿座。睇睇menu都幾多種類，最後我叫咗B2黑松露芝士牛堡$50（可另加$15 加配薯條、汽水）-新鮮即整，不時聽到煎肉嘅咋咋聲。包面同底都有輕輕焗一焗，入面夾住滿滿黑松露醬、芝士、手打牛肉、蕃茄同生菜。勉強地嘗試一口過，但一啖係咬唔曬-見人地食薯條食得好滋味，下次我又試下先因為店內位置有限，店員會問介唔介意外賣，以免客人因等位時間較長而不耐煩。趕時間/唔想等位嘅朋友就可以選擇外賣拎走…Read More

朋友話想試呢個漢堡店好耐 所以個次我地就去試呢個漢堡店🥰黑松露芝士牛堡 $50 + 漢堡套餐 $15 （薯格）我地個日兩日都係叫黑松露芝士牛堡 🥰我就叫薯格 佢就叫（番薯條 + $5）。 首先講下佢地既漢堡 漢堡包皮有煎過亦有小小牛油香 🙈但個牛肉就煎到過左龍 🤦🏻‍♀️我同朋友一齊叫同一樣食品 但佢個個食落反而好多肉汁 而且嫰口 但我個個肉就好乾好”鞋”。😨我就覺得間餐廳呢樣做得唔係幾好 食主菜都要睇下好唔好彩🤨 做得漢堡包店既餐廳應該做好佢既主菜 應該改善下😪 黑松露汁係香既食落都算濃郁 唔錯🙂 而佢既薯格就普普通通正正常常。👌🏼但值得一提既係佢地既番薯條 😍非常好味 炸得岩岩好之餘 佢仲好有番薯味好甜👍🏻 所以我覺得值得加$5！🤣總括，餐廳店舖較細 座位迫 😔建議夏天黎 冬天啲大褸都唔知可以擺係邊 食得幾辛苦🤣 而且可以改善下煎牛肉既時間 保持水準會更好！ 番薯條可以叫黎食下 唔錯！…Read More