Lantern Seafood Restaurant (V Point)

朋友的推介，到酒樓一嚐黑色燒鵝。鎮店之寶黑松露燒鵝當然要點，燒鵝的皮果然脆如玻璃，鵝油之中滲透出淡淡的黑松露香氣，正所謂相得益彰，互相揮影，誰都搶不了誰的風頭！鵝肉柔嫩有緻，啖啖有汁，不愧為名物！豉椒炒蟶子的豉椒非常出色，廚師絕無手軟，味道相當激烈，可以襯托出蟶子的鮮美，而且用來佐飯真是一絕！蟶子肉爽脆，一點也不靭，我們都給讚。小炒王的食材包括有吊片、蝦乾、銀魚、韭菜花、腰果和菜甫，師傅炒得勻稱有鑊氣，突顯出每樣食物的風味。我們最喜歡鹹鹹香香的菜甫，令整碟菜餚直接升呢。黑色燒鵝的確特別。…Read More

朋友話好耐冇食中菜，係銅鑼灣搵到間神燈，我之前食過佐敦店質素都幾好，今次就去銅鑼灣新店試吓菜式選擇都幾多，對於選擇障礙嘅我就點了幾個餐廳嘅招牌菜每枱都有一小碟琥珀合桃作為餐前小吃，味道唔算好甜，香脆又美味✨黑松露玻璃燒鵝本店嘅招牌菜之一，來個中西合璧，燒鵝肥瘦比例均勻，燒鵝皮燒得香脆可口，更有黑松露香味，鵝肉嫩滑，做到外脆內嫩，沾一點酸梅醬汁，酸酸甜甜更美味✨星洲麥皮蝦 麥皮蝦是一道新加坡著名菜式，麥皮蝦炸得金黃香脆，蝦肉爽口搭配鹹蛋黃，面層嘅麥皮散發出煉奶嘅微甜香氣，甜中帶點脆口，味道都唔錯✨即燒伊比利亞叉燒皇 叉燒肥瘦比例均勻，食落軟腍鬆化，配上香甜嘅蜜汁，好味到停唔到口✨豉椒炒蟶子王（4隻）蟶子王好大隻，食落口感爽脆，味道鮮甜，搭配豉椒嘅醬汁，香口又惹味最後更有甜品贈送，可選擇陳皮紅豆沙或3.6牛乳布甸作結尾無論佐敦店或銅鑼灣新店，都仍然保持到水準，值得支持…Read More

窩夫久仰「神燈」的大名，一直沒有機會光顧佐敦店，現在銅鑼灣有分店，便相約好友去吃生日飯。等人期間先吃琥珀合桃，香脆不太甜，叫人吃不停口。一行五人點了一個四人餐「招牌名菜盛宴」($1688)，另加兩道菜。伊比利亞叉燒皇上桌時暖暖的，肥瘦適中，肉質軟腍，肉汁豐富。黑松露玻璃燒鵝(1/4隻$238)乃非一般的燒鵝，很有特色，值得一試。皮超薄超脆，有淡淡的黑松露香味，蘸蘸兩款自家製醬汁令味道更豐富。套餐中的生炸黃油雞皮脆肉香，肉質嫩滑，驚喜之作。神燈小炒皇帶點辣，十分惹味。星洲麥皮蝦的蝦都被大量麥皮淹埋，蝦不算很大隻，但算新鮮。滋補燉靚湯非常好喝，稍嫌雞油略多。正當大家在猜那是什麼湯的時候，湯料上桌，開估了。招牌糯米炒膏蟹的份量十足，蟹膏甘香，糯米飯炒得均勻，充滿鮮味。神燈美點是椰汁桂花糕，服務員多送了一件呢。…Read More

銅鑼灣登龍街係港島好出名嘅食街，佐敦老字號粵菜酒家喺呢條食街開咗新店，等我又帶埋媽媽去試下先呢度設計原來係江南蘇坑風格，我哋坐嗰個位就好似坐緊喺艘船🛶裏面用餐咁，都幾古色古香🪭⭐即燒伊比利亞叉燒皇叉燒用有豬肉界和牛之稱嘅西班牙伊比利亞黑毛豬烤焗，蜜味表面烤得夠焦香，中間嘅肉肥瘦適中肉質鬆軟得嚟夠多汁，真係有入口即溶嘅感覺，我好鍾意食呀⭐黑松露玻璃燒鵝色澤均勻而且烏黑亮麗嘅燒鵝真係第一次見，原來係用黑松露同秘製醬料醃製，經風乾後即叫即燒鵝皮下油脂豐盈，一咬開燒到好脆身嘅鵝皮，鵝油係口腔散發，肉嫩多汁，可蘸两款自家醬汁食用(酸甜黑松露醬、用鵝肉精華製嘅燒鵝汁)⭐蜜汁燒脆鱔遠少少睇好似燒肉🤣，外皮燒得夠脆身，鱔肉爽彈，估唔到蜜汁同鱔都幾夾，唧少少檸檬汁可以調和提鮮⭐ 糯米炒膏蟹呢個份量好足，成隻膏蟹係生炒糯米飯上面，蟹肉鮮味彈牙，蟹膏金黃色口感有少少軟糯好好味，糯米飯吸收晒蟹嘅鮮味，用砂鍋上鎖住鑊氣，鍋底仲有糯米飯焦，味道一流…Read More

朋友準備移民，當然要餞行。獨立房間有最低消費，人多好辦事，輕易便達標。炸油條非常香脆，外層滾滿了金沙十分咸香，內裡的蝦膠緊實有彈性，雖然菜式有點油膩但每人半件無傷大雅。叉燒很大份，性價比不錯，而且瘦中帶少肥，肉又軟中帶嚼勁，加上解膩的醃蘿蔔，實是一道美味的菜式。房間外有大櫃正在風乾多隻燒鵝，相信此燒味是熱賣菜式。燒鵝確實皮脆肉厚而且肥膏不多，絕對是食肉獸之選。阿拉斯加蟹肉厚紮實，以雞油花雕蒸更添鮮味，一大盤蟹腳滿足了所有人的胃口。蝦多士伴以蟹膏甲羅燒出場霸氣十足，蝦蟹共冶一爐，賣相與實力俱佳。焗魚腸是人多才會點的菜式，因為可一起分擔膽固醇，魚腸鉢的蛋皮焗得焦香，魚腸處理得宜，不油也沒有泥味。煎炸及肉類菜式頗多，顧及健康也點了幾款味重的蔬菜，不竟清淡菜蔬未必合適。幾款蔬菜均有咸鮮的配料提味，層次豐富。蒸阿拉斯加蟹剩有不少蟹汁，經理建議以伊麪撈之，可惜伊麫上枱時温温吞吞，蟹味一點乜不突出。牛奶布甸奶香與甜味剛好，小小一樽，恰到好處。…Read More

位於佐敦的神燈海鮮酒家以一道黑松露玻璃燒鵝打響名堂，自開業以來一直有口皆碑，最近終於再下一城於銅鑼灣開設分店，除了蜜燒富貴意米雞、法式蜂蜜芥末蝦球等別出心裁的創意料理之外，更有懷舊蝦多士、古法金錢雞等傳統粵菜，當然亦少不了各式各樣海鮮及小菜。滷水豬生腸 ($158)有別於坊間大部分小食店的滷味，豬生腸上菜時保持溫熱，沒有經過冰鎮所以相對軟腍，鹹度適中並不帶任何腥臊，放涼後質感變得更加可口彈牙，不過份量較少，以此價錢而言性價比不高。黑松露玻璃燒鵝 ($238)鵝皮烏漆墨黑但絕非燒焦所致，據知先以黑松露及秘製醬料醃製再經風乾，皮脆肉嫩之餘肉汁充沛，油脂豐腴並伴隨陣陣黑松露香。配以燒鵝汁及法式松露醬兩款特色醬料，前者彷如鵝肉精華般濃郁提鮮，而後者將黑松露揉合經典酸梅醬，酸甜解膩亦令松露香氣更上一層樓。糯米炒膏蟹 ($588)膏蟹名副其實滿懷蟹膏，甘香濃郁之餘連蟹肉亦鮮美彈牙，膏蟹精華盡收糯米飯底，粒粒分明並帶香脆飯焦，色香味俱全。金湯海皇豆腐 ($138)豆腐質感介乎於嫩豆腐與硬豆腐之間，避免碎散而又不失軟滑，羹湯鹹蛋黃鹹香濃厚，加上小貝柱、蝦仁及草菇佐飯一流。蜜燒無激素紅毛松阪豬 ($168)松阪豬其實亦即豬頸肉，裹上蜜汁燒製有如蜜汁叉燒一樣，肉質爽嫩多汁而邊位焦脆，油脂豐富卻肥而不膩，蘸上酸甜醬汁更加清爽。招牌焗魚腸 ($118)焗魚腸雖然材料簡單但工序繁多，要將魚腸不斷清洗並以鹽刷醋醃去除腥味，而火候亦必須控制得宜以免蛋漿過老，而這份焗魚腸則可謂面面俱圓，魚腸受熱後滲出魚脂令雞蛋更加嫩滑豐腴，加入少量陳皮辟腥但魚腸本已毫無臊臭，加入油炸鬼層次豐富。…Read More

中秋家宴必定少不了傳統中菜，屹立香港超過半世紀的老字號酒樓「神燈海鮮酒家」剛於銅鑼灣開了新分店，新店延續佐敦總店風格，以江南蘇坑古典優雅風格為主，散發東方韻味而不落俗套，設有貴賓房，備有音響及電視，私隱度更高，餐牌主打手工粵菜，選擇繁多，還有多款新店限定獨家菜式，茶錢每位$15，前菜椒鹽白飯魚一碟 $25。糯米炒膏蟹 $588作為招牌菜之一，上枱時砂鍋滋滋作響，一開蓋蒸氣騰騰，從頭吃到底都可保持熱燙溫度，特別選用原隻膏蟹，蟹膏份量極之澎湃，與糯米黏成一起，密不可分，甘香鮮味共冶一爐，坊間少有的生炒糯米飯，餐廳堅持將生米炒成熟飯，在翻炒的過程中，富有綿軟煙韌的咀嚼感，蟹汁滲透飯粒中，盡吸鮮甜精華，底下還有脆而不燶的飯焦。黑松露燒鵝 1/4隻 $238同樣是熱門招牌菜，烏卒卒的賣相與常見的港式燒鵝截然不同，表皮用上黑松露及秘製醬料把鵝醃製，做法中西合璧，燒鵝油香四溢，還可沾上秘製法式松露醬，酸酸甜甜滲出馥郁菌香，開胃之餘又可中和油膩感。金沙鬼馬百花釀油條 $108油條炸得脆卜卜，沾滿金黃色的鹹蛋黃香氣撲鼻，厚切大件甚有飽足感，內裡釀入滿滿的蝦膠，入口緊緻彈牙，帶來外脆內Q的雙重口感。金磚豆腐粒 $78豆腐炸至色澤金黃，一口一個，表層香脆，內裡有如鮮奶般的滑溜，配合炸蒜及辣粉調味，讓豆腐變得微辣惹味。鮮鳳梨咕嚕肉 $138咕嚕肉酸中帶甜的醬汁，令人胃口大開，新鮮菠蘿果肉並非罐頭貨色，令天然果香更加突出，外層粉漿炸至酥脆不過厚，半肥瘦梅肉質地鬆化柔嫩，一口咬下充滿肉汁。香茜蟹味銀絲鍋 $118砂鍋上枱熱辣辣，炒得甚有鑊氣，而且份量驚人，足夠2-3人分享，絲絲蟹肉真材實料，彈牙粉絲夠乾身之餘，吸盡濃郁蟹鮮味，拌入粒粒蟹籽層次感豐富。…Read More

銅鑼灣的登龍街多美食就眾所周知，最近開了一間那裏少有的中式的海鮮酒家，看到菜式選擇很多，而且一些比較傳統經典的菜式都有呢！十分適合和家中的老一輩過來吃飯，我自己也很欣賞這些特色中菜唷，菜式特別又好吃～地面的職員先接待我們，然後扶手電梯下去地庫，就看到以山水畫背景裝潢，紅色的紙燈籠和木簾帶有中式味道。兩對筷子模仿玉，細緻精美，木奏摺是飲品Menu，非常有趣和有心思唷！而且菜式非常的多，都花了一段時間挑選，燉湯很受歡迎，很快就售完，我們也錯過了，想喝的要早點下單啊！.餐前小食$25不是酒樓一貫的花生，是酥脆的炸魚仔，誠意十足呢！.♡糯米炒膏蟹$588 🥢必點🥢上菜時職員都貼心提醒我們小心煲熱。整隻膏蟹配上糯米飯，熱辣辣香噴噴的，糯米飯口感軟糯，蟹膏配糯米飯十分香口，底部還有脆脆的飯焦。♡黑松露玻璃燒鵝$238 🥢必點🥢¼隻賣相非常吸引，黑漆漆的好像玻璃反光的玻璃燒鵝，吃下去有陣陣的黑松露香味，每件燒鵝都皮肉相連，油脂豐富，鵝油味香濃，附上燒鵝汁和梅子醬。♡蜜汁脆燒鱔$278外皮燒得很香脆，跟平常一貫吃的鱔口感味道都很不同，用上蜜汁，吃下甜甜的。♡燒汁芥末大尾魷$138燒汁芥末加洋蔥香炒魷魚的，芥末味帶點香口刺激。♡手拍青瓜$68蒜蓉和芫荽味道很夠，配上清爽的脆青瓜，開胃又惹味。.✔️餐廳設加一服務費 …Read More

銅鑼灣新開業海鮮酒家⚠️極級推薦!!傳統粵菜，就連焗魚腸都有🙆🏻‍♀️黑松露玻璃燒鵝🪿：皮脆肉嫩，黑色燒脆的燒鵝皮充滿黑松露味即燒伊比利亞叉燒皇：肥瘦適中、肉質厚實蜜汁脆燒鱔：外層酥脆，肉質爽口涼拌豬腳筋：爽口煙靭滷水豬生腸：偏向粗身，有咬口，爽口糯米炒膏蟹：蟹膏充斥著整煲糯米飯，帶著濃濃蟹香，糯米飯底形成一層飯焦👍🏻🥹出色..菜色質素高，每道菜即叫即煮，燒鵝即叫即燒，新鮮加了不少分數🫶🏻..地址：神燈海鮮酒家 銅鑼灣登龍街18號V Point地庫..#神燈海鮮酒家 #銅鑼灣美食 #銅鑼灣 #vpoint #中菜 #優質中菜 #懷舊香港 #懷舊小菜 #粵菜 #美食推薦 #美食日記 #美食地圖 #香港必食 #燒鵝 #打卡美食 #instamood #香港好去處＃打卡餐廳＃相機食先 #香港美食指南 ＃香港美食日記#香港美食推介 #香港打卡 #餐廳推介#假日好去處 #香港必吃 #香港美食 #香港好去處 #香港探店 #香港旅遊攻略…Read More

燒汁芥末大尾魷$138涼拌豬腳筋$98黑松露玻璃燒鵝$238蜜椒金薯牛肝連$198好味指數：😋😋😋😋😋抵食指數：💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️💁🏼‍♀️神燈佐敦分店去過數次，食物水準高。有日經過銅鑼灣登龍街，發現新開了分店，就去試試。質素與佐敦分店同樣高。銅鑼灣分店比佐敦分店舒適，檯與檯之間距離較多，而且有卡位。今次就試了4款食物。首次嚐試豬腳筋，Q彈有嚼勁，有點麻香味，微凍，是一個非常好的夏天開胃菜。用甜甜鹹鹹的燒汁及刺激的芥末汁烹調的魷魚🦑鬚鮮嫩又彈牙，送啤酒🍻一流。黑松露玻璃燒鵝皮燒得酥脆。燒鵝不會太肥，肉嫩又沒有羶味。黑松露汁濃郁，和燒鵝出奇地夾！蜜椒金薯牛肝連量多，夠鑊氣。薯仔🥔每粒都沾滿蜜糖和黑椒粒，外面微脆，好香口。牛肝連即封門柳，比起一般的牛柳粒，牛肝連肉質更柔嫩，一點也不鞋口或韌。神燈海鮮酒家，不論那一間分店，食物質素也不會令我失望。…Read More