Hot Pot Land (Yim Po Fong Street)

🍲今次係我第3次幫襯火鍋撚，因為之前食過兩次都覺得好食，值得再encore。我哋6個人叫咗兩個鍋 — 蜂巢豆腐白湯鍋 & 秘製港式香濃沙嗲鍋；逢星期一叫白湯仲有免費追加蜂巢豆腐同鴨血🤩🐮🦪🦑🫔我哋叫咗日本A4特級霜降和牛、美國桶蠔、黑松露墨魚滑、老油條、即炸三秒響鈴卷⋯⋯以上呢幾樣都係好好味😋 特別想推介嘅係食落啖啖墨魚嘅墨魚滑，同埋配咗甜酸醬嘅響鈴，好似炸雲吞嘅味道得嚟又好夾！🍧去過嘅朋友都知道食完會有沙冰送，唔知係賣晒定我哋本身都叫咗 #腐竹糖水沙冰，送嘅變咗係冬瓜沙冰；但我覺得冬瓜沙冰太酸了，都係腐竹糖水好飲啲🫠🌟推介：黑松露墨魚滑、響鈴、腐竹糖水沙冰。…查看更多

地點比較偏，旺角東落好似會方便啲。雖然店舖比較細，但都安排四人枱比二位既食客，唔駛比啲野食逼住食野。鴛鴦鍋（$175）湯底好足料！酸菜白肉鍋，有肉有菜仲有薯粉，份量十足，湯底仲好夠酸，中意酸既人一定要試！沙嗲麻辣鍋，有蜂巢豆腐同鴨血，叫左小辣，唔會覺得好辣，不過就冇乜沙嗲味，但食菜索哂湯就幾辣。麻辣鴨血（$28）唔知鍋入面已經有鴨血所以仲另外點左，鴨血煮好耐都夾唔散，好滑。御用手切肥牛 (小) （$155）牛肉條紋好靚，唔多筋，質感嫩滑。黑豚肉 半份（$66）本身酸菜白肉鍋已經有豬肉，可以唔駛另外叫都得。薄切，爽口有肉香。響鈴卷 半份（$35）即炸響鈴配搭酸甜醬，可以即食，不過都係中意淥一淥，好薄但過一過湯都唔會好淋，有淡淡既豆香。皇帝菜 半份+娃娃菜 半份（各$28）黑松露墨魚滑（$58）爽口彈牙，但可能湯底比較重味，食唔到黑松露味。手工啤 立秋+小滿 （$69+$66）立秋係東方美人茶釀製既手工啤，而小滿就係冬瓜茶釀製既手工啤，唔講未必飲得出係茶味，但就冇一般啤酒既味。唔記得影贈送既腐竹雞蛋湯水沙冰，因為仲有45分鐘先交枱，食得如火如荼既時候送上黎，店員話係送既湯水，我地就擺埋左一邊，到食完想飲既時候已經溶哂好甜。Book位既時候話只可以book 18:15或者20:15，限時兩個鐘，book左18:15，照計應該食到20:15，就算我早左入座都應該照計兩個鐘（早左唔到5分鐘），但店員話我地8點要離座，溝通完，店員check完話可以食到20:15，但到8點又有第二個黎催………查看更多

旺角打邊爐這裏的打邊爐口碑很好，特別來試一試。我們點了：媽媽滋補老火湯鍋：裏面放了瘦肉，紅棗和杞子等廣東滋補養生湯的配料，味道非常鮮甜。而且沒有添加味精和過多的調味料，真的很像媽媽煲的湯一樣，很真材實料。建議先喝了湯才打邊爐。黑豚肉：豚肉肥瘦適中，肉味濃，肉質軟熟，滾大概2分鐘便可以吃。御用手切肥牛：肥牛肉味很濃，脂肪很少，肉質結實。滾大概10秒便可以吃。巧手韭菜餃：韭菜和肉也很新鮮。韭菜餃包得結實，很大一顆。這裏的食物非常優質，而且有半份選擇，很適合少人數來吃。裝修很可愛，staff 也很有禮貌。…查看更多

最近好想打邊爐，膽粗粗就嗌左火鍋撚既火鍋外賣😍點知俾我發現左好野❣️蜂巢豆腐白湯鍋 $129個湯超好飲🤤藥材味幾濃(不喜歡既朋友仔可以先撈起一部分藥材，就唔會越煲越濃) 因為個湯實在太好味，可能預左大家會喪飲，外賣湯底竟然係有兩大兜😱一兜大約就係圖中既煲既份量，加左一次湯都剩左半兜，完全唔需要擔心加水會溝淡曬個湯☺️ 值的一提蜂巢豆腐索左啲湯，超好食💯極品安格斯肥牛(小)$149雖然叫左細份，但份量比我想像中多，叫得極品安格斯，質素無令我失望😍牛肉味好濃，肥瘦適中，一啲筋都無，肉質仲好滑好軟添😋蛋牛包心墨魚丸 (半份) $42 黑松露醬爆牛丸 (半份) $54半份得3粒，所以除番都十幾蚊粒🤑都幾貴，不過原來係粒粒都係手打，值得既😍特別鐘意黑松露醬爆牛丸，黑松露味好濃，牛丸超彈牙😬黑松露墨魚滑 $88手打墨魚滑好彈牙‼️ 仲有墨魚🦑粒，好有咬口😬黑松露味都算濃😍黑松露陣味唔係人人鐘意，我媽話似煤氣味😂利申，我好鐘意嫁!!至尊水餃皇好大隻水餃呀😍一啖真心食唔晒，一咬啲料爭啲爆出嚟!! 好鐘意食水餃既朋友真係不能錯過!! 下次一定要試埋鮮蝦雲吞😍感覺都會好高質🤤滑雞片 $79同極品安格斯肥牛比較有點遜色，顏色望落去好似不太新鮮，不過肉質係爽既🙂可接受!!…查看更多

同朋友一行7人黎打邊爐可以叫得多d款式試揀左蜂巢豆腐白湯鍋用杞子 蔘等等藥膳而成味道濃郁仲好好飲美國桶蠔好新鮮好肥美 入口鮮味十足鴛鴦雙蚌係珊瑚蚌拼桂花蚌同樣好新鮮入口好爽口黑白栢葉拼普通冇特別極品安格斯肥牛同手切肥牛都有牛味 口感不錯即炸魚片頭配甜酸醬不過不失原味炸魚皮必食即食好香脆 浸落火鍋湯到比起平時食開既普通炸魚皮較硬身 唔會浸一兩下就冧到好難食鮮雞件都算嫩滑黑松露墨魚滑必食之選 入口彈牙黑松露味非常重好味程度係忍唔住要再encore最後真係要叫多一客…查看更多

一行五人去食呢間台式火鍋店，一早係openrice 預約，五點半，所以有得賺Asian mile 里數，7點半前埋單仲有折扣優惠，不過只限星期一至四，好可惜，我食個日係星期六。五個人仔去試，諗住都係類似養心殿似嘅火鍋，其實有啲似，不過服務較好，湯底都夠味，我地叫左個紅白湯底，一邊係麻辣，另一邊係店舖招牌冰鎮峰蜜豆腐，叫左本地肥牛，話就話大碟，份量唔多，好味👍🏻有牛味同有𡁻頭！叫左鴨血，都算滑，但味道就不太濃郁。黑白柏葉，其實沒有什麼特別啦，同平時個啲無咩分別魚標⋯ 試下算，無肉，無興趣仲有個 蜂巢豆腐，朋友鍾意食，我個人就一般，感覺似雪左好多日壞左嘅豆腐咁，但朋友就聲稱好味道响鈴，呢個必叫！真係好味，佢唔浸湯點甜酸醬都好正！好脆好有味！仲叫左餃子，一般啦，有啲咸有個 叫龍蝦河牛丸⋯ 都幾難食下⋯⋯完全唔夾陣味⋯⋯黑松露墨魚滑好味！好濃味！雙拼貴妃蚌同珊瑚蚌，都幾新鮮，好好味整體一大班人食都ok嘅，不過呢啲餐廳一次就夠，唔會有動力試第二次不過間餐廳冷氣好大，去嘅時候可以帶件外套…查看更多

最初就是被「撚」字吸睛，留意到呢間火鍋店。又咁岩同事想試，於是就去會一會佢。一行8人，未出發已紅相討揀邊隻湯低好，究竟2鍋都鴛鴦好定一辣一唔辣好。最後係～2煲鴛鴦。要了麻辣+豆腐湯。友人盛讚豆腐湯勁好飲，我試左都覺～讚。可以一邊打辣湯低，一邊飲返個豆腐湯解辣手切牛（大）可能係辣湯，蓋過了牛味。安格斯牛（大）呢個口感好淋，之後再叫都係叫返呢款安格斯牛仔粒原本好怕食牛仔粒，怕好硬，點知出黎又好好食～有番叫😁咸蛋豬肉丸手打豬肉包著咸蛋皇，鐘意食咸蛋既朋友岩晒皇帝菜不是每間火鍋店都有皇帝菜，可能佢本身價格比一般菜為貴。脆鯇腩正～蝦滑裡面有好多蝦炸響玲即炸的，可直接食或灼一灼食牛骨髓～超滑炸魚皮即炸，很香脆…查看更多

次次去台灣都要狂打邊爐,但最近冇時間去,好彩香港都開左間同台灣無老鍋好似既火鍋店,仲係旺角咁方便,一於試試佢!湯底可以揀鴛鴦,揀左一個唔辣既滋潤湯同一個麻辣湯。麻辣湯真係好正啊!小辣既辣度都好夠,佢真係幾麻,但又唔會太油,入面好多花椒,完全唔會偷工減料!仲可以叫個紅薯粉,同麻辣係絕配啦!但點心就有D怪,估唔到D點心會係凍上,要自己再放落鍋度煮,煮完其實會變晒味,就好似呢個水晶奶皇包咁,本身係甜既,放入鹹既湯度煮,完全唔夾!牛肉一塊塊咁掛係度好吸引,呢隻安格斯牛雖然話係肥牛,但又唔係太肥喎!而且牛味夠濃!LIKE!鹹蛋蒸肉餅就食得多,但鹹蛋豬肉丸就第1次食,豬肉丸入面有鹹蛋黃,食起上黎真係幾似鹹蛋蒸肉餅,搞笑得黎又幾好食!食到最後,每個客人都會有杯「毒酒」,次次都唔同,有時係糖水,我地果晚就係五花茶,岩晒打完邊爐清清熱。…查看更多