N&S Noodle

深水埗好多特色小食店，而且有唔少係卧虎藏龍，今日我呢隻餓虎就嚟到呢間「北料南麵」尋龍。 我最鍾意呢啲點餐牌，可以循環再用，非常環保！第一次嚟食，一於叫個招牌嘅麻辣狂牛麵，佢有牛腩、牛𦟌、肥牛、牛柏葉，身為一隻又想食辣但又怕辣嘅淆底獸，就揀咗微辣走麻，果然辣度啱啱好，啱晒我口味。牛腩同牛𦟌都用秘製醬汁醃製過，非常入味，而且肉質都淋身，入口有融化嘅感覺，肥牛本身是白灼再加入湯麵底，沾上湯底有食火鍋嘅效果。牛柏葉就非常爽脆，麵質都彈牙，總括而言呢碗麵令我一試愛上🥰…Read More

呢日跟同事去順豐寄嘢，順便喺附近搵嘢食，同樣係深水埗，但近嘉頓嗰邊少人勁多，我自己都比較鍾意喺依頭覓食。之前已經有留意過呢間「北料南麵」，但一直無想去食嘅衝動，直至最近愛上咗試辣🙈。餐廳比想像中大，而且環境都算幾光猛，乾淨企理。食物選擇幾多，如果唔食得辣，其實都可以揀豬骨湯。不過一場嚟到，同事都被我感染咗，一齊食辣，無事嘅，最多一齊喊嘅啫🤣。只要嗌正餐(飯麵)或者大份小食，就可以用優惠價加配飲品，都幾抵。由於只係加幾蚊，眼見大部份客人都有課金😉。我想食辣，但又唔係好食得，於是寫咗微微微辣😅，而店員呀姐係有睬我㗎，我嗰個係「微微辣」；同事維持係「微辣」，哈哈。不過一上菜，我哋都有啲心寒，因為兩樣睇落都好辣咁🌶🌶🌶。主角出場喇，麻辣手撕雞撈麵(細)($34)，微微辣走蔥。本身我誤會咗係涼麵，原來係熱嘅拌麵，又係另一種風味。未食之前，知係熱麵後，即刻驚會再辣啲，而且見到每條麵條都上哂色😰，啲辣撈得好均勻咁。另外，即使呢份撈麵係細份，份量已經好夠我食，啱啱好。不過一食我就發現隻辣仲係可接受範圍，雖然我都曾經一度咽喉過🥵。呢隻麻辣味好好食啊😋，夠麻夠鹹，幾特別，暫時未喺其他餐廳食過。但食到尾段我就覺得重口味咗少少，而且比較多花椒定胡椒屑黏住。至於雞絲🐔，撕得好幼細，同麵條好夾；麵條口感亦都唔錯，唔會太淋或太硬。同事要咗麻辣狂牛麵($59)，呢個麵比起其他貴，皆因好足料，全部都係牛🐮，包括秘製牛腩、秘製牛展、肥牛片、牛柏葉同時菜。同事要咗微辣走麻走蔥，轉米線(佢驚薯粉太索湯會GG😆)，但湯底個樣又係非常驚嚇，勁深色。不過食落個辣味比起我個撈麵更弱，撈麵好食啲；但啲牛牛幾好食，特別係牛柏葉🤤。跟餐我無要飲品，反而配咗四川冰粉(+$8)(原價$15)，可以解辣嘛！但佢呢餐未稱得上大派用場，我未需要用到佢救命🆘，哈哈。依個冰粉味道就麻麻地，因為隻黑糖味怪怪的，唔知點解偏酸，好似落咗醋咁。我喺其他地方食過嘅好味好多。同事就加$6要咗豆漿，大大杯，抵！總括嚟講，呢餐對於我來説係有驚喜，我唔係驚難食，而係驚唔啱食。點知個麻辣撈麵好正，好惹味，我好喜歡😍；雖然食完都幾大浸味，但值得。餐廳食物味道好、份量多、價錢合理，整體性價比高！我下次嚟會試下其他麵同小食😊。題外話，店員得一個阿姐做樓面，好忙，但佢都幾好禮貌👍。…Read More

深水埗確係多美食，今日試一間食重慶小麵既小店！餐廳內外裝修企理乾淨，光線充足，座位都唔算太密集，唔怕食辣野岀汗覺得辛苦唔舒服。餐牌小碗$27都有交易，價錢夠親民，主打麻辣湯，但都可叫無辣，仲有多款小食，特價小食仲$10就食到。麻辣狂牛麵 $59只有大碗Size，包括秘製牛腩、秘製牛展、肥牛片、牛柏葉、時菜，揀左小辣。一望落去真係好大碗！料十分多，除左牛展，每款都起碼有5件，以麻辣湯底黎講唔算好紅，偏深色，湯底好惹味，小小辣，辣唔係辛苦辣，而係香口同食落帶甜甜地，食完唔會覺得唔舒服，牛腩肥牛正常、牛展入味有咬口、牛柏葉比較韌，麵掛到少少湯，如果食得辣之人不妨再嗌高少少辣度。麻辣牛展麵 $49呢碗就嗌左微辣，同樣只供應大碗size，淨牛展有5-6塊，份量足夠，朋友唔係好食辣都指微辣好岩佢食，好惹味。麻辣手撕雞 $26(細份)揀左微辣，有用辣椒粉、花椒油，再灑白芝麻係面，辣椒粉好香，入味，食完一口接一口。麻辣海哲 $18(細份)同樣揀微辣，對我黎講就辣度欠奉，正正常常。自家製豆漿/凍奶茶  各$6(跟餐)$6跟餐價抵飲，豆漿唔太甜，佐食辣野一流！每人$80左右，抵食～～Remark！尤其是我呢啲嗜辣之人，色、香、味俱全，連視覺都唔差，第一次食試水溫就食小辣，下次黎會食平時食到既辣度中辣！仲見到有個挑戰牆，20分鐘食完一碗重慶麻辣小麵連湯可以免費，難不到我下次就黎挑戰。…Read More

餐廳主打麻辣美食，麻辣麵做得出色，牛腩更加係超好味。有麻辣湯麵、撈麵、飯......十多款選擇，連小食都有十四款之多，樣樣都好吸引，而且唔會同一個味，小食辣得黎會有唔同既味。麻辣黃金皮蛋（小）$15，黃金皮蛋製作特別，有三層完美比例，糖心蛋黃好滑溜、蛋黃味道軟滑香濃、蛋白嫩彈，配埋麻辣醬油，微辣帶香，少少醬油咸味同麻感，好正。麻辣手撕雞（小）$26，份量都幾多，拌麻辣醬汁，但唔會太濕。雞肉幾彈，吸哂麻辣味，仲加左孜然粉，好惹味，有點似土匪雞翼版既手撕雞，味道夾到。麻辣狂牛麵 $59，超大碗超豐富，有秘製牛腩、秘製牛展、牛柏葉、肥牛等，滿滿一大碗，十分抵食。辣度亦可選擇微辣、小辣、中辣、大辣等等。秘製牛腩真係超級讚，炆到入味之餘，仲入口鬆化既肉質，腩位油脂好香好嫩，少少辣真係更加香更加食唔停口。秘製牛展都好入味，牛味突出，質感最有咬口，有彈性得黎，嫩肉感亦有少少，而且厚切增加咬口，好滿足。牛柏葉好爽口，吸哂麻辣湯汁味。肥牛都有三大片，肉味幾重，脂肪唔算好多，有辣味中和膩感。可配麵或米線或薯粉，麵都保持質感，好咬無糊開，亦掛到麻辣湯汁，份量幾多。跟餐配大大杯豆漿，估唔到咁平都無hea整，豆腐唔太甜，仲好有豆味，真材實料…Read More

今年愛上左吃辣, 近期可以叫冇辣不歡, 平時多時返大陸食辣野, 食到變左個辣妹...見到LEE 間主要食重慶小麵, 聽到都知道辣我地都叫左好多野食, 因為都成個星期冇食辣野, 所以要頂一頂引....我地一定要食正宗麻辣..先開心架..1)麻辣牛腩大腸薯粉---個麻辣湯底真係好香, 香港好難搵到一D麻辣得來又咁香既麻辣麵, 另外, 個牛腩非常驚喜, 好"林"好入味, 加埋係個麻辣湯到, 真係勁勁勁正, 仲要牛腩唔係得幾粒, 我食左勁多仲未食哂, 而大腸就入味, 好"林"2)麻辣狂牛麵--這個麵要用過分來形容, 一來到見到就知大件事, 點解咁大碗架?一個人點食呀?仲要勁多料, 真係好飽呀..但又真係好好味..3)口水雞---我以為係例牌,點知係半隻?$45半隻雞??????仲要咁好味?麻辣得來又雞滑..我唔玩啦...4)麻辣海蜇----要比較的話, 只可以講海蜇係最普通, 因為我地叫左小份, 冇一來就俾個份量赫塞, 海蜇好爽5)黃金皮蛋---皮蛋都係小份, 嘩..平時我朋友都唔係皮蛋架, 但今次LEE個皮蛋真係俾我朋友差不多食哂, 流心皮蛋+個麻麻辣辣的醬, 其實好想叫多一碟, 但真係食唔哂, 只好下次再吃...6)自家制豆漿--唔太甜, 豆味濃7)凍檸檬茶--茶味夠..我估奶茶都好好飲..下次要飲下..8)四川冰粉---解辣神器, 我自己最愛食冰粉, 香港真係好少有, 冰粉真係有佢就唔洗怕食辣..…Read More

去開深水埗，理所當然又係想食麻辣麵，係開飯網見到呢間近近地又係專食麻辣，即時過去試一試。我叫左個麻辣牛腩大腸麵，老公叫左麻辣狂牛麵(有牛腩，牛展，牛柏葉及肥牛)，大家都係叫中辣。一上場，好震撼，滿滿的紅油，色香味全。牛腩炆得好霖好入味， 肥瘦均勻 。滷大腸切大件， 應該有稍稍去掉一點中間的肥膏，不會很硬Q,正正是我喜歡我軟諗口感，好香。老公嗰一碗麵好大碗，有菜有大量牛啱曬佢呢個牛魔王。我們另外叫了口水雞，小份黃金皮蛋，及韭菜豬紅。 冇辦法因為佢呢度小食嘅價錢好吸引。 好似韭菜豬紅都只係十八蚊，去平常的川菜店，要大約38，豬紅質地滑身，冇癡牙，又入味口感佳。黃金皮蛋不同廣式皮蛋的墨綠色，有金黃色溏心及半透明金色蛋白部份，店員話係由四川空運而來。口感方面蛋香味比一般皮蛋重，蛋白滑，加上大量蔥蒜，椒麻，愛吃香口麻辣的人必要試。口水雞雞肉彈牙，加了花生，芝麻，香蔥，花椒等，係我食川菜必叫的一款涼盤，貪其色香味全。滿足一餐，又平又抵食…Read More