CHiLL-i

平日嘅日頭觀塘人滿為患，不過放工時間人流得到排解，反而係搵食嘅好時機嚟到駱駝漆大廈，有間西餐都好唔錯晚市set頭盤有沙律、麵包同餐湯，沙律都幾大兜幾新鮮麵包似係手工製，大大嚿似法包，但又好軟熟餐湯係忌廉蘑菇湯，blend到極香菇味麻辣嘅risotto真係第一次食到，顏色冇紅噹噹，反而睇唔出，食落每啖都暗藏麻香。topping嘅餅塊係由一條條小魚乾壓成，營養豐富又香口。仲有大量海鮮如青口、蜆、蝦、帶子、蟹鉗等等，鮮味十足，性價比無敵紐西蘭肉眼扒煎得好靚仔，200g都幾大塊，五成熟啱啱好肉嫩微微帶點筋，啱晒鍾意有啲口感嘅大胃食。伴碟菜蔬煎得好爽口，薯條都炸得幾脆身跟餐加配有甜品，呢個檸檬撻係進化版，非一般，上面有好綿嘅蛋白，加上點點炸杏仁片點綴，襯返酸瞇瞇嘅檸檬味，甜蜜的刺激跟set再加錢可以有特飲，佢地啲飲品都幾靚幾正熱情仲夏好襯呢個季節飲，襯西餐而言，仲可以開胃消膩…Read More

觀塘工廠大廈近年都有唔同餐廳係入面開設，所以的水準絕對唔比門面店差，但反而係性價比高。今次呢間都喺網上見到人哋推介，所以都有提前係OpenRice 訂位，去到就直接入坐。焗意大利雜菜玉米片配牛油果醬 （$68）- 前菜黎講，係開胃，因為雜菜入面有蕃茄，酸酸地再配上牛油果醬，加埋脆卜卜嘅玉米片，絕對唔錯。而且價錢相當實惠。慢煮脆皮豬腩（$138）- 豬腩肉肥瘦均勻，因為慢煮嘅關係，豬腩肉入口即溶，但係雖然肉係入口即溶，但係依然會保持脆皮口感，有兩重不一樣的享受；另外仲配有菠蘿同埋沙律菜去解油膩感麻辣海龍王海鮮意大利飯（$168）- 呢一個意大利飯10分有驚喜，海鮮份量好足，而且都有唔同種類嘅海鮮（蝦、青口、魷魚、蜆、帶子），最特別係佢嘅麻辣味，唔會好辣但你會食到有麻辣嘅味道，算係一個比較特別的意大利飯。呢個價錢絕對可以encore！嘢飲方面就叫咗一杯棉花糖可可同埋蜂蜜柚子梳打，嘢飲就中規中矩，不過勝在價錢合理，食西餐又點可以少咗嘢飲呢。最後值得一題嘅除咗係食物水準唔錯價錢合理之外，服務嘅態度係一流。…Read More

🍽🍽最近鍾意響觀塘工廈試吓唔同嘅小店，今晚上咗去駱駝漆工業大廈，搵到呢間隱世高質餐廳。餐廳裝修簡約時尚，地方唔算太大，但坐得舒服，好適合幾個朋友食飯傾吓偈。餐牌選擇都好多，入面嘅菜式都幾特別，唔係一般西餐廳嗰啲例牌野。🥑🥑揀咗前菜「焗意大利雜菜玉米片配牛油果醬」，賣相靚之餘，雜菜落咗少少辣椒，配上脆卜卜嘅玉米片同牛油果醬，十分開胃醒神。🦐🦐主菜分別要咗「胡椒焗三文魚伴麵豉浸蘿蔔煎玉米餅」同「麻辣海龍王海鮮意大利飯」。先要讚一讚佢嘅擺盤，真係好有心思，完全係酒店級嘅質素。冇諗過觀塘工廈會有咁有誠意，咁高質嘅西餐廳。🌽🌽焗三文魚整得好味之餘，配搭蘿蔔同埋玉米餅，好有特色，味道亦相當夾。另外要讚吓麻辣海鮮意大利飯，勁多海鮮配料，味道好有層次感，淡淡麻辣味道，但唔會太辣。仲好特別咁用咗銀魚仔炸成脆片，好有心思。🍹🍹飲品方面，叫咗杯招牌特飲「熱情仲夏」，入面有熱情果，菠蘿，紅茶同埋梳打。鍾意佢唔會太甜，感覺好清新。另外叫咗杯「Chill-I x Answer 港式凍奶茶」，茶味好香濃，奶好滑，絕對係我鍾意嘅港式奶茶味道。冇諗過食西餐都可以飲到杯咁正嘅港式奶茶，真係有驚喜😋😋…Read More

Chill-i，呢一間店喺觀塘行過去大概10分鐘, 喺駱駝漆個邊～ 呢一度都好多嘢食，呢一間餐廳喺工廈中來講坐得舒服😌 唔會太過狹迫 兩個人食，先叫左一個前菜—脆焗卡宴辣椒墨西哥玉米薄餅配扭扭薯條黑松露醬$58💕 我覺得佢嘅餐牌寫得好細心，基本上可以睇晒所有菜式入邊嘅組成食材，所以就唔怕上到嚟嘅嘢唔啱自己心水啦，扭扭薯條唔會太油，炸得脆身，加埋個畫龍點睛嘅黑松露醬，我朋友仲唔夠喉想嗌多一盤😂 同埋薯條個底好貼心，有一個玉米薄餅組成嘅杯，略帶甜味，又可以自己滅下滅下咁嚟食，口感上唔會好似一盤薯條咁掛，個底仲有少少生菜中和返油炸食物嘅感覺，成個前菜我都幾滿意，雖然佢話係用咗辣椒🌶️，但係整體我覺得係一種煙燻香嘅味道多啲，唔太辣～主食我口左一份鴨胸黑松露雞髀菇黑松露忌廉扁意粉$148，呢個幾有驚喜，鴨胸做得超級出色，開頭以為可能係一啲急凍雪藏貨煎番香，平時食開意粉上面嘅鴨胸咁樣，但係一上到盤，發覺絲絲肉質紋理，唔係合成嘅肉，鴨胸一絲絲肉質細嫩，鴨香超級重，鴨皮係向下煎到焦香過，成個口感同牛扒拍得住！真係唔係急凍肉嘅感覺，伴碟嘅仲有蘆筍同埋雞髀菇，口感好正，略油左少少。黑松露忌廉扁意粉夾雜點點黑松露，食落好香口，麵身質地好鐘意，唔會overcook , 呢一間唔會話好大盆意粉, 然後得少少鴨胸咁，鴨胸嘅份量同質素，呢個價錢絕對係對得住銀包！朋友叫左一個麻辣海龍王海鮮意大利飯$168， 麻辣方面就唔係超級辣，只係一個麻辣嘅香味為主，我覺得就算唔食得辣嘅朋友都可以接受，我雖然知道佢叫海鮮意大利飯，但係我估唔到佢海鮮係有咁多款㗎！最令人驚喜嘅係我以為只係一個普通嘅擺盤，上面有兩塊長方形嘅餅乾咁樣，點知原來係魚仔壓成嘅餅！令我覺得廚師好俾心機煮同擺盤，入邊仲有魷魚帶子蝦，每一樣都有幾隻，完全冇欺場嘅足料海鮮意大利飯， 海鮮每一款都唔腥唔霉，肉質都唔錯❤️每一粒米都浸滿醬汁, 唔係普通餐廳連鎖式係煮好飯然之後先放汁落去焗，呢一間係好傳統嘅西餐，我自己都幾鍾意！嘢飲方便就叫咗一杯蜂蜜柚子梳打$38， 一杯朱古力咖啡$38。蜂蜜柚子梳打好適合配合前菜油炸食品，同埋意粉或者海鮮飯都係以一個忌廉汁做醬汁底，所以梳打好清爽嘅感覺好好味。朱古力咖啡就係打卡必備，擺盤非常靚，三層層次撈勻之後，苦中帶甜，咖啡味為主，係一個好完美嘅晚餐！…Read More