Wing Lai Yuen Sichuan Noodles

好少黎紅磡食飯，第一次嚟到個美食坊食lunch。見到川菜加一個咁嘅門面就衝咗入去。兩個人總共嗌咗兩個擔擔麵，一個小籠包，一碟菜都食得曬。份量偏少，但係平價，可以食多幾樣野麻辣擔擔麵麻辣味好香，麵質都啱啱好，唔會太硬。改良版擔擔麵上好足料，好多肉碎，麻醬味好濃。小籠包皮唔會太厚，但係一夾起都唔會穿窿，入面好多汁，超好食腐乳通菜都煮得啱啱好。有時好驚食通菜會有好多框/葉，兩者份量啱啱好。一坐低就有包茶位，應該無得揀，係普洱茶。一定會再黎食…Read More

缸瓦指數：4分 杯碗碟羹都係陶瓷紅磡美食坊嘅詠藜園，由鑽石山食到紅磡，招牌食品擔擔麵保持水準，麵有咬口，湯底味濃，好食。仲有老闆願意維持使用陶瓷器皿，同埋洗碗阿姐要愛錫餐具，唔會同老闆過唔去，鍾意打爛碗碟玩發洩！中午一個人只能點一碗麵，多又食唔晒，想少少地點碟前菜，全部都要三四十元，食晏唔捨得！茶錢、加一總共$46，唔算平，不過食得安心，有自己一張檯，坐得舒服，食完碗麵個侍應小姐仲攞咗兩張餐紙過來，貴D嘅理由都係租貴，俾緊嘅係支付和黃嘅租金！…Read More

本來情人節諗住去吃蠔/意粉, 總之西餐啦~ 本來揀左一間冇得BOOK位的地方, 點知超級多人等, 咁就行下行下, 去黃埔食~求求奇就去左葵蘭美食坊, 就去左食詠藜園~中式菜在情人節, 生意實係冇咁好, 完全唔洗等位~都仲叫做新年, 仲係播緊"歡樂年年"~ 情人節聽住, 真係好搞笑~ 其實即係小籠包, 不過真係比一般的小籠包多湯, 但略太多肉~ 呢個價錢, 真係算好味架喇~ 詠藜園最出名梗係擔擔麵啦~ 實要叫碗來吃, 我們又偏愛吃少辣, 所以叫左麻辣擔擔麵~湯底濃如汁, 有少許麻辣味, 湯底是一流, 但麵就普普通通~ 併盤是失敗~ 燻魚太林: 鬆散, 太濕~ 醉轉彎: 完全不是正統的轉彎, 雞所有的彎位都做了轉彎?? 到底識唔識咩叫"轉彎"?? 只是雞中翼與雞翼尖之間的轉彎位, 先會用來做"醉轉彎", 唔該真係要認真的做菜, 唔好騙人吧~ 雞不夠滑, 不夠酒味, 失望~滷水豆腐: 我吃了一片, 普通的豆腐~ 但老公吃了兩片, 感覺到好似有D膠味~ 怪怪地~紅湯抄手: 其實都OK, 不過似屋企烚雲吞, D湯加多些辣油而已~ 津白透明, 夠林, 夾埋咸肉一齊吃, 好正~ 總括服務很好, 但食物就......... 真係只得招牌最受歡迎的幾樣好吃, 其他就麻麻地................…Read More