Shan Cheng Noodle (Wai Yan Street)

菜式種類算多 價錢好實惠 本身想散叫麵 + 小食  感覺大份D~但姐姐話叫餐 小食份量都一樣~所以就叫餐! 份量真係一樣多 正!燃惜刀削麵 (乾撈) 一人餐$56有一堆秘製拌料碗底鋪咗幾塊生菜刀削麵本身冇味醬料可以多啲 多D肉碎~撈勻成碗麵先會好食~跟餐小食 麻辣手撕雞 (另+$4 )麻辣汁好正 又麻又辣 但又唔會太辣若雞肉再多D肉位就好啦~蒜泥白肉 (朋友跟餐小食) 肥瘦都幾均勻不過我覺得肉係偏少哈哈! 如果多肉D 會開心D~不過 !! 蒜泥真係好正!!!紅油抄手(10粒) $42呢個真係唔多好食個皮唔多ok 偏厚同硬 同埋唔入味 可以話無味NONONO~仲有豆漿/ 紅糖冰粉 (跟餐)又想飲野又想食糖水 可散叫豆漿 $8 整體呢到真係抵食 一人餐份量多 好飽! 仲有好多選擇~…Read More

屋企隻肥野突然想食川菜，係openrice搵野食就見到呢間，原來有分店@@平日經過都無咩留意佢，今次一試又特別~叫左2個單人餐，佢價錢計到同散叫一樣價，不過送飲品。一個燃情刀削面加排骨($30+8)小辣，大大碗，有生菜墊底，佢麻味好出，唔太辣，唔似其他川菜咁，得個辣字，欣賞！一字排3條，唔太濃味，鍾意清d既朋友可以加8試下~山城牛肉麵($37)粗面，佢d粗面同平時上海幼麵既粗幼差唔多，不過佢好爽！真係幾得意，侍應呀姐話呢隻叫台灣麵，不過我就未聽過~總之佢粗麵如餐牌寫，係爽既牛肉係牛腩粒，正常肉量，多d更好~蒜泥白肉($26)同出面一樣，不過麻味好勁，好好味，有青瓜絲墊底，麻辣手撕雞($30)個汁同蒜泥白肉一樣，都係麻味出，有青瓜絲墊底，懷疑同一麻辣汁整唔同小食荳漿無得揀，得一款，正常甜度，黑糖薑母茶就粒裝沖水，正常野。鍾意食麻辣既朋友唔好錯過~…Read More

我有時候都會黎大埔食下野，因為呢區真係好多唔起眼又好味既小店😁要慢慢發掘呢度有單人餐，有主食+小食+飲品/糖水，都係$5x-$6x，都算平😋下午茶都係$33，仲包杯飲品/糖水我地叫左2個單人餐，加個紅油抄手🥟我叫左<山城牛肉麵🍜>+<麻辣手撕雞🐔>+<紅糖冰粉>牛肉🐂好香肉味而且幾淋，本身都調左味幾好食👍🏻呢間既小麵湯底係相對上冇咁油，唔駛驚太油有時會易胃痛(小麵都有好多唔同款式，我食過其他小店有d係成碗紅油咁既，各有特色)辣度可以簡既，簡左少辣所以睇落清d，鐘意辣d既朋友可以由中辣簡起麻辣手撕雞好大碟，雞肉滑而且佢有埋細細塊既雞皮喺中間，一齊食既時候多左份𡁻口，又香辣👍🏻如果重d麻味就100分啦🙈冰粉係自家制既，爽滑清涼，個紅糖水又唔會太甜，感覺好清新😌幾特別既就係佢加左小小山楂喺上面，成碗糖口酸酸甜甜咁，好正👍🏻🙎🏻‍♂️叫左<渝港擔擔麵🍜>+<黃金皮蛋🥚>+<養生銀耳羹>擔擔麵有正宗應有既基本材料，肉碎、紅辣椒油🌶、辣椒碎、葱花同蒜末等，麵質都彈牙，冇過淋或糊糊地既問題👍🏻辣度都好夠(叫左中辣)，比小辣更香我都係第一次食黃金皮蛋🥚(原來黃金皮蛋係用天然草木灰醃製同醃得耐好多既，唔係度度都食到)黃金皮蛋好晶瑩剔透，入面蛋黃係流心架😍，好特別食落幾香，味道冇平時食既黑皮蛋咁濃烈，冇左陣化學味清淡好多唔食黑皮蛋既朋友我諗都可以試下呢款架紅油抄手有6粒，脹卜卜係四川版雲吞。皮薄、餡料咬落有汁，點d花辣椒油🌶好正😋總括黎講我覺得呢間小店都幾抵食，價錢平，每人$6x已經食到好飽😁，食物又好味👍🏻 …Read More

舊街市附近既一間小鋪，同朋友一行三人，點左個二人餐再加幾個小食share. 最推介皮蛋、手撕雞、青瓜，同埋冰粉皮蛋係黃色底，好香手撕雞，配重慶既辣味，睇見都流口水🤤冰粉真係好好食！食完辣野之後，一定要點黎食酸辣粉同牛肉麵都唔錯，價錢比出面d連鎖店仲平tim 份份食物都量很大，三個人share都係每人幾十蚊而且平價面鋪黎講，店內環境算係唔錯，約朋友一齊都唔失禮。如果放假想一個人落街hea食，小食單點都係價錢合理，抵食之選。…Read More

📍大埔📍正宗重慶麵店🍜超麻超辣🤤極辣魔鬼椒🌶麻辣手撕雞其實大埔真係有好多好嘢食🙈我真係要繼續發掘下🤣前幾日又唔知食咩好，又上openrice搵下😎見到呢間有辣麵就去試下😏一點幾去到都唔係好full，可能位置唔係大街，所以無咩人知🤫而且間舖都唔算大，應該都係做街坊生意😉------------------------------本身諗住單點，但之後見到套餐都幾抵😍$59包一碗麵+小食+飲品🍜要咗五香雞翼麵(粗麵&小辣)+麻辣手撕雞(+$4)+豆漿🤤------------------------------個湯底好正，一定要撈勻啲秘製辣椒油🤤用咗3種辣椒，其中一種係極辣魔鬼椒🔥🔥所以要小辣就夠🤣超麻超辣🔥🤤同埋想讚下個麵真係好滑‼️‼️一定要粗麵嚟試下😏食過就知，無介紹錯😎反而雞翼就普通水準👌🏻------------------------------個麻辣手撕雞都好入味😏同樣勁多辣椒🌶️不過啲雞唔算太嫩，如果嫩啲會更加正😝另一個套餐就叫咗鮮湯抄手麵(米線&清湯)+黃金皮蛋(+$4)+蜂蜜柚子茶❤️------------------------------個米線都係比較滑，但我都係推薦叫翻粗麵😉清湯仲以為偏淡，點知都好入味😎而且抄手真係Jumbo size好大粒🤩‼️勁多餡💕黃金皮蛋都幾好食，出面比較少見😆------------------------------最後單點兩個糖水，食完辣嘢整翻碗紅糖冰粉😝配埋山楂乾同糖水，好甜🥰仲有個養生銀耳羹，不過味道偏淡，唔太suggest🙈埋單個陣都係around $140🤩🤩好抵食❤️睇完唔好share出去🤫我怕遲啲好多人排隊，無得食啊🤣…Read More

紅糖冰粉推介！記得記得叫紅糖冰粉❄️，可以用來解辣。上邊仲耍左一啲切碎山楂餅，可以用來開胃、消滯！冰粉滑脫脫， $10一碗，平時行過都可以當甜品食！正！麻辣手撕雞$28$28 ，都叫到大盤麻辣手撕雞！好滿足！手撕雞，唔係一啲浸左好耐，針刀霖晒嘅手撕雞。每一舊雞肉依然可以清楚食到雞油香味，以及灑上蒜頭粉、辣椒碎，層次分明黃金皮蛋$28記得升級做流心黃金皮蛋！半透明的蛋白，啫喱般的蛋黃，賣相已經非常吸引。識開又如何呢？咬下去蛋白即鮮明地分開，蛋黃非常香濃，小小川辣味，伴菜、送麵極品！山城牛肉麵🍜🥩凊湯牛肉麵，真係唔食得太辣嘅救星！湯麵有大大嚿紅燒牛肉，吃得非常滿足。買單，$200有找，相當抵！…Read More

朋友自從有咗BB後，飲食習慣完全改變。 之前是大飯桶，現在見到飯不想食只想食麵。 約吃晚餐知道她喜歡吃麵，就一早在OpenRice 找定資料。 看見＂山城小麵＂有很多正面評價，而且價錢大眾化，距離大埔墟站不太遠，位置也方便。遠遠已看見這光猛招牌廚房掛上橫布，有精緻麵屋感覺。價錢十分大眾化，好抵食。老麻紅油抄手 （6粒)，雲吞皮薄餡鮮加上秘製乾撈辣辣油，好好味。麻辣手撕雞，份量多味道辣中帶雞肉鮮甜味，不過雞肉較瘦及撕得細粒。手拍青瓜，青瓜好新鮮好爽脆及juicy 口水雞翼，雞翼皮爽肉嫩，切成單邊雞翼，令內裏雞肉可以沾上辣油，而且更方便進食。蒜泥白肉夠爽口尖椒黃金流心皮蛋，晶瑩黃金皮蛋好吸引渝港擔擔麵似清湯加肉碎，再配上秘製麻辣醬，也幾特別。山城牛肉麵牛肉粒夠稔又好味，不過牛肉粒份量略少紅糖冰粉，味道好清新，加上紅糖及山渣粒，令味道帶少少甜酸味，吃完口腔辣味全消，好掂。養生銀耳羹雪耳煮至湯底稠，好養顏雖然每碟小食看似差不多，但是完全不同風味。 可以嚐到肉質鮮味之餘，配上五重辣椒秘製辣油更可增添層次感。…Read More

今日和太太往大埔山城小面食重慶菜, 我們點了秘製排骨米線配煎蛋, 麻醬雞絲涼面、灼生菜、麻辣手撕雞、蒜泥白肉、鮮香清湯炒手、凍豆漿和紅糖冰粉。秘製排骨米線配煎蛋。秘製排骨米線配煎蛋, 我選了微辣, 湯底辣度適中,排骨食落軟腍, 咬落啖啖肉, 入口即熔, 煎蛋連湯底一起食, 食落惹味, 很有蛋香, 米線食落爽口美味, 整碗秘製排骨米線配煎蛋食落足料, 口感美味；麻醬雞絲涼面花生醬醬食落開胃, 雞絲食落爽口, 青瓜絲和蔥花帶出雞絲涼面的美味, 涼面食落爽口美味；灼生菜食落新鮮爽口；麻辣手撕雞麻辣味道十足, 手撕機食落爽口；蒜泥白肉蒜蓉味道香濃, 炸蒜食落惹味, 白肉食落肉質鮮度, 辣度十足；鮮香清湯炒手湯底清甜, 抄手皮薄餡靚, 肉質鮮甜；凍豆漿豆味香濃,甜度適中；最後紅糖冰粉紅糖甜度適中, 陳皮味道甘香, 冰粉食落爽滑, 口感一流；餐店食物美味有特色, 而且辣度適中, 很有重慶風味, 尤其是秘製排骨米線配煎蛋, 鮮香清湯炒手紅糖冰粉, 口感十足, 食物美味, 而且價錢合理, 我和太太食了一頓高質美味重慶菜…Read More