TONKICHI TONKATSU SEAFOOD (YOHO MALL I)

👁‍🗨 丼吉日式吉列豬排專門店📍元朗元龍街9號形點一期1樓1078號舖@——————————————-無得去日本旅行，唯有食日本美食止吓癮，依間吉列豬排店出名排長龍，試吓問餐廳有冇得訂位，竟然可以訂位！ 😍準時入座，環境不算大，日式木系裝修，枱上有3款醬料（紫菜醬/西柚汁/豬排醬），另放上加濕器同消毒噴霧供食客使用，咁貼心抵讚👍🏻Menu有晚市定食套餐，可以選主打吉列豬排定食，仲有各款肉類海鮮類，唔鍾意配飯又可以選擇烏冬，或者其他小食，另外可以加錢追加/升級飲品、湯、前菜、刺身、小食好食度：✔️✔️✔️✔️✔️➰ 吉列豬柳定食 $188 ☜豬柳有4件，鐵網墊底能隔油，令豬柳底不會潮濕，表皮炸得金黃，比豬排更厚切，咬落皮薄鬆脆唔會成口粉，肉質鬆化軟嫩，充滿肉汁多汁豬排附有3款調味：1. 即磨芝蔴豬排醬點餐後店員會送上一碗芝蔴俾食客自己親手磨，再倒入豬排醬混合即成。豬排醬偏甜，加入即磨芝蔴，用來沾豬排，濃香芝蔴油令豬排嘅鮮味更有層次2.芥末：碟上附有感覺膩時可以沾芥末，攻鼻嘅辛辣可以幫助解膩但會掩蓋咗豬排嘅原汁原味3.檸檬汁：碟上附有一片檸檬汁配炸物果然喺最住配搭，微酸能中和油膩感又開胃，食完依然清爽麵豉湯表現中規中矩，白飯細細碗（無限添加），配上車厘茄同一大坨椰菜絲（無限添加），淋上西柚汁，酸酸甜甜十分開胃解膩➰ 吉列豬排定食 $178 ☜豬排份量都唔惹少，大大塊預先切好都分到5件，厚度都唔弱，只比豬柳薄少少，肉質依然鬆化多汁，最大分別喺比豬柳彈牙扎實，各有千秋➰ 黑蒜油咖哩吉列豬排湯烏冬 $178烏冬彈牙滑溜，份量亦相當足夠，咖哩湯底較稀味道偏淡，缺少黑蒜油香味➰ 香蔥溫泉蛋鰻魚定食 $144香蔥鋪滿飯面，鰻魚份量夠但不算肥美，灑上芝蔴，非常香口，無汁食咗比較慷，如果有配鰻魚汁就更美好➰ 荔枝梳打 < 加配飲品 $20 > ☜非常解渴，甜度適中，飲完感覺清爽➰ 葡萄梳打 < 加配飲品 $20 >加入乳酸，葡萄味稍為假➰ 套餐附送熱茶、水果是令水果喺冰涼西瓜🍉 💬 食物質素保持水準，份量十足，價錢合理，性價比高👍🏻小缺點：之前曾經嚟食過，店員主動友善，服務貼心，今次表現就稍為退步，事關有一位店員（可能是新來報到？🤔）幫我哋落單時，多次聽錯要點嘅菜式同數量，不主動也不算有禮貌，不過我哋基本上無特別要求，就無咩影響，純粹反映吓••#laisik_yuenlong#laisik_japanese#laisik_dinner••#foodie #foodblogger #foodstragram #foodieofinstagram #instafoodporn #foodporn #foodshare #foodofinstagram #foodlover #foodiehk #hkfoodie #hongkongfoodie #hkigfood #hkeats #hkfoodlover #hkfoodstagram #hkfoodblog #hkfood #hkfoodblogger #香港美食•#pork #deepfried #吉列豬…查看更多

孤身在家上海呆等 1 小時都未能入座，朋友們都到齊咯，立即轉場不想繼續浪費時間，青春可貴 ﹗路過豬扒屋有位唔洗等，大家亦都唔洗諗就進入，肚仔餓了﹗跨過重重障礙，終於跟朋友仔相約共膳。黃金時間晚市前幾分鐘到逹，佔據卡位最有利位置，好采好采 ﹗後面排住隊進場呢。不愛吉列的愛都來湊湊熱鬧試一試，見餐廳都有刺身、烏冬、咖哩、等等，都是我喜歡的食品。突然有件豬扒大嬸襲來，正傾得如火如荼、興高采烈，我兩完全察覺不到亦無留意。豬扒山婆一臉囂張嘴妙妙，態度嚷著個袋係咪您架！其男伴默不作聲，扮聽唔到，完全僵直。朋友仔已經有禮地說不好意思，立即將袋放好。件豬扒山婆還要用凌厲的眼神斜視，連我都抑壓不住怒火回敬兩野，她媽的可惡！其兩位施主突然中途離場轉檯，似乎忍受不了我倆風花雪月、周遊列國的愉快話題，而且檯上的放滿佳餚美饌，您地收隊罷啦！夠鐘飲藥水，醫生話一定要準時飲藥，免得情緒失控，才能藥到病除 ﹗五神奈良純米酒，高一級的要六百幾，不太捨得，抱歉抱歉，飲住次一等先啦 ﹗初嚐清淡陣陣幽香，最敝有點我不喜歡的蜂蝗精餘韻，大口大口杯杯清還可以。大吟釀生貯藏酒，獨飲要細支已好足夠咯，還要去下場酒局。滑滑清新輕甜，夠肥不削。萬歲樂加賀梅酒，我真的不懂欣賞，硬覺得一股兒時飲的蜂蝗精味道。日式醋番茄，酸酸凍凍涼浸浸，鮮茄多汁多水，食慾全開。上級刺身盛合，甜蝦爆汁滑溜溜，甜味非凡損筷子。帶子綿綿滑滑，陣陣帶子鮮味，絕頂隱陣。油甘魚嫩滑無比，魚脂甜甜豐富，我的最愛。三文魚軟腍綿滑，泛著少許鮮魚甜味，還可以的。牡丹蝦雜錦刺身盛盒，牡丹蝦黏彈爽甜兼備新鮮度爆燈，蝦頭還塞滿甘香蝦膏添呢。八爪魚咸鮮濃厚，嚥韌半爽，沒雪味處理恰當。特上刺身盛合，吞拿魚，赤身質素也絕不馬虎，食得到的魚鮮魚甜味道。八爪魚隱若食到有雪藏味，幸好還有少少咸鮮補償一下。泥膠青芥辣，賣相都的非常差，這盤刺身價值不非，何解不能給我好一點的即磨鮮山葵呢？自家製泡菜，很吸引的菜名，自家製標簽您。鮮爽多汁卜卜的，趙到索索聲悅耳萬分 ﹗醬汁厚厚黏黏，微微的酸，微微的辣，多多的甜。這個濃郁味道、冰凍溫度、濕濕的口感，很想很想來碗白飯併一併﹗熱熱的飯、凍凍的菜，冰火落差好暢快美味﹗日式蒸蛋，燙著手送到，打開茶壼蓋，白煙輕飄，聞到到高湯蒸蛋的香氣。鋪面的魚蛋片蒸到豆皮乾爭爭，不是即蒸的嗎？已經預早蒸好放係蒸櫃內備用？只食到鮮冬菇粒，沒有蝦仁、沒有蟹柳、沒有白果，剩下嫩滑湯甜的蒸蛋使人感到味道單調。撈開有條癮，而且此碗日本米白飯飽滿有質素，飯香吸引，軟硬度及乾濕度夠平均。剛才搭冰涼泡菜，現在搭熱烘蒸蛋，貪吃的我有福了﹗蒸水蛋撈飯非常有廣東感覺，不過日式高湯甜味重，廣東就咸味稍強。麵豉湯，熱到出煙燙著嘴仔灌入，濃味重手，黏厚不水汪汪，足料夠份量。吉列大蝦，沒有味道的雪藏蝦，去掉炸粉較可口。吉列日本生蠔，先乾後濕，陣陣鮮蠔味，沒半點腥嗅。脆炸軟殼蟹，炸功非凡，脆漿調得出色，並非池中物，新鮮出爐熱騰騰，灑上鮮檸汁預備開動 ﹗鬆化乾爽的脆粉如雲霚般薄薄一層，像輕紗一樣黏在軟殼蟹上。香脆軟殼包著嫩嫩蟹肉、咸鮮蟹膏，沾點酸甜果醋同吃，可遇不可求的佳作。滑蛋吉列豬柳飯，滑蛋太少不開心，就算比例不是半蛋半份量，都起碼要將所有豬柳掩蓋吧。壽喜燒芝士牛肉鐵鍋定食，掛住食忘記影低三文魚刺身及薯仔沙律啊。我真的不喜歡薯仔呢，淡嚐一口就丟掉。牛肉、小棠菜、豆腐、金菇浮沉在甜甜甜醬油湯之中，耐心等候烚得全熟透徹吸汁，才斯斯然地享用。極甜醬油肉味的牛肉、超嫩的豆腐、鮮爽無水味的小棠菜、爽甜的金菇，除偏甜外，色香味都不錯。自磨芝麻成品，再混合檯上的豉油醬或淡豉油。豬柳併豉油醬味道太濃不喜歡，併淡豉油較清爽提味，鮮磨芝麻粉非常香口帶油脂，別有一翻風味。吉列鹿兒島特等厚切，比普通豬扒貴 $100 大元，意思係更高質嗎？極嫩極彈的口感，鮮甜味霸道，值回票價。吉列豬柳稻庭冷烏冬，新鮮出爐剛炸起，攤一攤降降溫滴滴油才上檯，暖暖的送到，色香味遠遠已感受得到。先來原味，鬆化脆脆麵包糠，不硬不油不刮嘴，高質炸技無投訴。比豬扒軟塾而甜味突出，肉汁濕濕好舒服。朋友仔問點解不將醬汁倒落去撈黎食？奇怪的思路，您估依家食撈麵咩，真係匪夷所思。而且張竹蓆通窿，所有汁會漏晒落檯面喎，正確應像沾麵般續啖點汁食。什麼醬汁來的？過份偏甜膩滯，就算混入薑蓉蔥花山葵都未能提鮮多少。如用鰹魚醬油稀釋，味道更清爽醒神。溫度不夠冰冷，常溫水一樣。嚥韌異常，雖然我愛食硬拉麵，雖有米香，但係怪怪的。吉列豬扒咖哩飯，一向不愛吉列食品的我，依塊豬扒質素比預期嫩嫩多汁甜甜。日式咖哩香噴噴微辣帶果香，開胃醒腦 ﹗比豬柳更有嚼勁，豬味更濃。咖哩撈珍珠米搭舊豬扒無得頂，忍不住口幾乎將所有飯清晒。椰菜絲，不是沙律來的？還以為生菜絲，原來椰菜絲混洋蔥絲，而且無限加量任食的，就連白飯都任裝架喎，一定讓您飽。菜絲好甜好脆，朋友仔話好有可疑，有機會浸過糖水喎。淋下紫菜豉油，味道更香濃更可口。黑墨咖哩豬扒飯，好奇心驅使，立即飲啖黑咖哩試試。味道十分香郁，咸中帶甜散發咖哩餘韻。濃稠重重的味道，撈飯一流，如果溫度再熱一點，厚薄再清爽點，會更加美味。讓吉烈豬扒來個全情投入的黑咖哩浴，黑蚊蚊的掉到嘴仔內，脆脆鬆化的外層，裡面軟綿多汁的豬肉，真心秘製食得過。我較為喜歡清淡的沾上自磨芝汁加醬油，感覺豬甜味更突出。全部佳餚食得乾乾淨淨，清酒亦飲到一滴不漏，開心的晚餐享受價 $1500 大元。…查看更多

🇯🇵吉列豬扒配大蝦🍤定食🥢晚餐• 豬扒定蝦一樣咁好食，兩款炸物都大大件；• 椰菜絲新鮮爽口，可無限任加；• 醬汁配菜款式多，而且全部都同炸物好夾；• 炸品水準高，外層鬆脆無油膱味，原全唔影響肉質之餘，豬扒同蝦肉保持原來口感；• 枱面有三款醬汁：西柚汁、豬扒汁、紫菜汁，其中西柚同紫菜兩款汁係配椰菜絲食，勁好味。• 芝麻加豬扒汁係配吉列豬扒食，芝麻需要自己落手壓碎，不過芝麻香唔突出。• 跟餐麵豉湯，值得一讚係有粒花甲喺湯度。• 兩份定食可按照要求放喺同一個碟。• 炸物外層薄薄地，食落鬆脆，啱啱好。• 炸蝦會有多三款醬：沙律醬、芥末醬、海鹽。個人比較推薦海鹽同沙律醬，海鹽增加鮮味，沙律醬增加口感；芥末醬就搶走咗蝦味。• 巨峰提子特飲，不過不失，但食吉列定食又需要有一杯旁身喎。• 最後仲每人送咗個消暑生果，夠甜又多汁。🎎 店內環境偏柔和日系，坐得舒服。💁🏻‍♀️ 店員服務友善，會耐心講邊款醬汁配邊款食物，而且會問埋走唔走飲筒、需唔需要將兩個定食合併放埋同一碟，值得一讚。…查看更多