EXP

最近人變得很懶散, 雖然仍有四周找吃, 但偏偏沒有意欲寫食評, 已記不清上次的食評是何時何日了, 實在有點慚愧。 始終自己太愛將自己吃過的與別人分享, 實在不願就此放棄。平時甚少踏足又一城, 還記得上一次已是畢業禮那天, 事後大家到exp慶祝。直到今回到醫院探過親人後, 又再次選中這裡, 果真湊巧。 下午時段除供應tea set外, 亦有散叫, 但一來不想想太多, 二來餓得要命, 所以快手選好三個茶餐, 再多加一客小食好了。 爸爸本身口味頗為獨特, 不如我這樣多元化, 真怕沒有東西合他意呢! 幸好有味較為飽肚的咖喱牛肉椰香飯 ($40), 偷試了一口, 椰味頗濃, 不覺很辣, 聽說牛肉有點韌。 至於媽媽, 則選了意大利什腸薄餅拼咖喱角 ($36), 其實是我選才對, 皆因我每次問她意見, 她都會反問我:「是共同吃的嗎? 那你拿主意好了。」 見到英文譯名samosa, 真以為會是印式那種, 但原來是想多了, 只是港式以春卷皮包裹。 嚐到淡淡的喱香, 但沒有太多辣味, 包著牛肉和薯蓉, 也不錯。 pizza是薄批底, 批邊較硬脆, 咬落卜卜聲, 像餅乾一樣, 配上零星的黑橄欖、茄醬、芝士、蘑菇、洋蔥和肉腸, 芝士份量當然未能滿足到我。 一直都很想試試exp的甜點, 想不到茶餐也有兩款價錢相宜而又吸引的。 蜜桃玉桂西多士 ($26) 聽起來挺新奇啊! 長條形狀取代了常見的三角形, 我覺得像炸麵包多一點, 中間心完全沒有吸收到蛋漿, 還是乾乾的, 要靠那個帶有玉桂味的糖漿吊味。 基本上一人一個餐已經足夠, 但未知是太開心所以胃口好, 還是越來越為食的關係, 要多點一客鹽燒牛舌 ($29)才肯罷休。 見到牛舌是切得很厚身的粒狀, 面頭灑上大量蒜片, 胃口立即大開。 肉質有點腍, 但未至於膏狀, 簡單以鹽調味, 嚐到輕微的羶香, 輕而易舉便吞下一串。 以這個價錢來說, 算很划算了吧! 飲品方面, 分別要了荔枝凍茶、熱咖啡和凍檸茶, 只試了自己那杯, 茶味頗突出, 嚐到陣陣荔枝味, 甜度剛好, 不會有種糖漿溝水的感覺。綜合來說, 今趟食物的質素只屬平庸, 相信散叫應該精彩得多吧! 後記: 可能太久沒寫,腦筋有點不靈活, 但相信我還是會堅持下去的。 盡量每日都出post, 每天都要問自己一句:「你今日寫了食評沒有?」…Read More

男朋友就快生日~ 今年為左俾suprise佢一直都唔講俾佢知我會同佢去邊食... 一早諗定左好多自助餐同餐廳~ 不過佢講左唔想食得太貴同埋想簡簡單單... 所以就帶左佢黎同事介紹我去既EXP~同事一早就同我講左要早少少到... 晏D就會出現人龍~ 我六點幾就到左... 咁就可以慢慢食~ 服務唔錯... 侍應們既動作同態度都係快同友善~ 餐牌上既食物唔算太多... 但係基於第一次黎食~ 所以都諗左一陣先決定食咩... 烏卒卒帶子麵: 個麵OK~ 不過D帶子就好鹹... 未至於唔好食 鹽燒牛舌: 我無食到... 因為一直對哩類食物唔太喜好~ 但係嗅覺器官講我知係好食... 好香~ EXP拼盆: 包括庶蝦、墨魚餅、軟殼蟹卷、串燒和豆腐。除左個豆腐我無食同軟殼蟹卷唔係太理想其他OK。 墨魚餅仲好彈牙~ 尋找咖喱雞: 個名太得意~ 而且熱食仲幾好食... 加埋提子乾真係幾刺激食慾~當我地食食下就見到門外出現人龍... 但係在場侍應無趕食客既現象~ 感覺食得比較輕鬆...由於太飽~ 今次無食到甜品... 下次一定要再食^^…Read More

是夜放工后,去咗食呢间fusion西餐,因为见到它人气爆灯,所以蠢蠢一试....估唔到真係好掂!!.....超赞!!......虽然一抵步,就见到长长嘅人龙(有点想转场地),最后都决定排一排....好彩唔使等好耐,不过如果有得派筹,可能会好点!!...D环境,服务,都okay....仲可以一边食,一边睇人溜冰添....D嘢食都好okay...款式多,又特别....味道都唔错,价钱又唔贵.....可以讲係"色香味俱全"之外,又"价廉物美".....绝对值得一试!!....…Read More

EXP（又一城）是我們第一次光顧、印象不錯;　無論食物質素、食物款式設計、環境位置、服務招呼、都達較高水平。＃8304 西柚大蝦喬麥麵 賣相非常吸引!　在夏天吃這道菜式真是身心都涼快!以沙律菜拌上喬麥麵、淋上有點酸酸的和風沙律汁,　配搭芒果和西柚入口很清新,芒果厚肉鮮甜,　西柚也帶著酸酸甜甜,　凍蝦也爽口!配搭得非常好的一道菜!　　必食!＃8215　海鮮+檬粉米紙卷拼盆很特別的一道菜,　樣子似壽司、其實是粉皮包檬粉、上面有五款不同的海鮮、煙三文魚、辣味魷魚、爽蝦蟹子、鮮味帶子、沙律醬蟹肉入口清新、加上醮一點越式醬汁很不錯!　　必食!＃8209 鹽燒牛舌 厚厚的牛舌分了3串上碟,上面灑上蒜粒、每件都切得四四方方細細件,非常易入口、牛舌入口鬆化,　只有少少牛臊味,　非常可ロ!　必食!＜脆軟殼蟹薄餅＞　香、脆、多料＃8208蒜味牛柳粒 :　蒜片大而香、牛柳粒鬆軟有少少趙ロ、配以OK汁味道、OK。＃8806 三色焦糖布丁:　細細杯、甜度適中、有三款味道選擇、適合餐後甜品、令人有甜絲絲的感覺。飲品都各有特式、全部價錢合理。待應個個年青有活力、順眼、人手多、値得推介!…Read More

不到兩周，今天跟另一幫朋友再訪EXP拿著上回吃飯送贈的HKD15優惠卷沒有AE 咭的價惠，還是為了美食而來囉！晚上7點多一行三人到EXP聚餐除了有日本伴手之外，還有美食同行，呵呵！因為易小姐長唇瘡，不能吃辣也不能吃太硬的東西所以沒有點薄餅這回點了跟去回很不一樣的菜式：蒜香牛柳粒鹽燒牛舌錫紙焗鮮雜菇雞湯浸娃娃菜香草鮮茄雞肉長通粉龍蝦汁焗鱸魚飯點品是：自家製芝士餅三色焦糖布丁想安哥上次的辣椒膏炒蟶子誰知道兩周後的今天炒蟶子沒了！！！！換上的是炒螺肉，嗚嗚嗚這次的菜色好像有點小改變因為上次來也好像沒有那個雞湯浸娃娃菜的這裏的服務生跟廚房動作都很快下單後不消五分鐘所有菜都來了！第一道是蒜香牛柳粒一碟約６小粒燒的超香的牛柳粒（HKD38）再加上炸蒜片牛柳粒軟腍入味，不用多咬巳經溶化在口腔裏口感跟鐵板燒的牛柳有的比！讚咧！錫紙焗鮮雜菇（HKD32）以錫紙包上桌就像我們BBQ的烤奶油金針菇以為打開會是一股牛油香錯錯錯錯錯！！！醬汁像是棕色的蘑菇汁，沒有奶油的油膩菇類有金針菇、蘑菇、雞脾菇、香菇等因為烤的關係，特別的香特別的惹味！香草鮮茄雞肉長通粉（HKD53）就是簡單的蕃茄醬配上雞肉跟長通粉清淡怡人，味道未見驚喜鹽燒牛舌（HKD29）是另一驚喜之作一盤三串，每串有三小粒有厚度卻軟腍的不得了外皮有點硬硬的，裏面卻軟的像棉花糖有那麼一點點的牛膻味，太太太好吃了！！沒期待總是會有驚喜，再來的龍蝦汁焗鱸魚飯（HKD64）也是一個字，讚！鱸魚用奶油煎的外皮香香的，肉質結實，沒有冰鮮味配以龍蝦汁製成的白汁，再加上點紅椒及蘑菇焗烤飯底沒有先炒過純白米飯配上這個龍蝦汁巳經很好吃！不太吃米飯的我因為這個香香的白汁，還有那煎得可口，每口都是無骨魚肉的情況下把這個焗飯吃了三分之一！雞湯浸娃娃菜（HKD29）灑上點瑤柱絲馬上覺得菜式變高檔了！嚐一口雞湯，真的是純度很高的雞上湯娃娃菜也絶不欺場滿滿一盤耶！起碼有10小顆左右上次去稻香吃同一道菜，價格差不多，但才幾小顆而巳！吃完正餐，一起欣賞易小姐的大阪之旅看完她每天吃的大餐，豐富的回程伴手我們點甜品為是晚的終結自家製芝士餅（HKD23）不算很札實，起司味也未算很重對我這種愛吃紐約起司餅的人覺得這個不怎麼樣但美觀度也值80分！三色焦糖布丁（HKD26）一小盤有三小杯分別是黑芝麻、香草及巧克力黑芝麻布丁裏有著整顆的胡麻更添香度及口感香草明明明就是焦糖布丁嘛…很滑順最後的巧克力布丁雖然不是黑巧克力就像一般的巧克力慕絲甜度更低，更能突顯巧克力香~~~~埋單扣掉HKD15優惠卷三人才HKD312，服務好環境好，上菜快，價格又親民還再送上HKD15優惠卷一張我巳經迷上你了~~~~~詳細食評及更多照片請看：http://hk.myblog.yahoo.com/foodiebarbie/article?mid=1524…Read More

很久都沒來過又一城, 之前都有溜過冰,現在都沒有這個勇氣去溜一溜冰,不同的年紀做不同的事情.服務生帶我去坐最貼近溜冰場的位置,可以更加一目了然溜冰場既環境.鹽燒牛舌 - 老實講,我從來都未食過牛舌,都有點擔心,單睇外表都不似牛舌,比較似牛肉,肉味不太重,但係肉質好軟,不會韌,亦消除我的擔心.海鮮檬粉米紙卷 - 賣相跟餐牌真係好相似,又夠精緻,排第4件帶子好鮮甜,三文魚好新鮮,主要味道都係海鮮,檬粉都係陪襯.巴馬火腿Pizza - 巴馬火腿好香肉味有有一點點鹹味,正呀~~~每一份都有一塊,而且擺放得好,pizza底脆卜卜,非常配合.一邊食一邊望住溜冰場內既小朋友學習溜冰,感覺到好舒服.…Read More

從來都覺得又一城所有o野食都好貴, 所以就成日只係去foodcourt or Super Sandwich, 雖然知道有EXP, 但感覺上係貴價o野, 所以都冇試過, 但原來係casual dining o黎ga wor~~鹽燒牛舌: 見有好多食家都介紹, 應該有保証掛, 好彩平日不吃牛舌的友人都願意犠牲一試.雖不至於外脆內軟, 但係係好夠淋, 似是肉質細密的牛腩, 配上香口的炸蒜, 是很惹味的小吃呢~~~和風鰻魚比薩: 都係友人知我心, 心話冇所謂其實最想食至愛的鰻魚.Um~~~食一啖就知我找到了最愛的pizza組合了. 香甜的照燒汁, 配上惹味的"郁郁"木耳, 最重要係那一片錦上添花的鰻魚, 超肥美, 且外脆內嫩, 絶不是一般的頹鰻魚ar, 還燒得很香呢! 那幾條甜椒反而有點多餘, haha. 如果上面好似八爪魚丸咁有沙拉醬同芥未醬就正la.至於普通批都不用多讚了, 脆脆的邊, 鬆軟的批身好似麵包一樣, 不過正如友人所說鰻魚同pizza好似兩個分開的個體户, haha.以後係又一城有選擇了~~~~…Read More

昨天是魚生的生日, 我們兩小口子去了九龍塘又一城的 EXP 食 dinner, 因為之前在 openrice 找到此間餐廳的 comment, 知道什麼是必試 or 什麼唔駛試...........有少少怕他效率太過快, 我們叫了4樣野, 不到1分鐘已到了第1樣.........2分鍾見到第2樣.......唔駛5分鐘已經到齊我們叫的所有野..........攪到檯到差些放不下 首先到步是這個五色粉卷, 賣相一流, 味道 ok, 小食來講, 淡口一些加上酸酸甜甜的汁.........好味鹽燒牛舌........雖然上檯時是熱的, 但仍欠了些被燒過的感覺, 不過, 它入口軟屬, 不太咸, 都 ok 啦白酒汁大蜆意粉 - 上檯時只是暖暖地, 雖然知道白酒汁是淡味一些, 但因為佢真係得暖暖地的溫度, 令它有點失色, 要扣 D 分了人人都講食 pizza 要叫大蝦 pizza, 無錯, 它的賣相真的吸引..........不過, 不到5分鐘就到步的 pizza, 好食極都是有限的.........因為, 批底是一早做好了, 上檯時只是暖暖地, 你見到靚靚的大蝦是後加上去 (身仍是冷), 試問一個不是即做的 pizza, 好味極都是有極.......是嗎 因為他的效率太快, 我們不到半句種就已經食晒所有野, 最後, 仍需加少少東西...........加了個甜品 "小凍糕", 有3種口味 - 香芋, 柚子, 咖啡 + 棷子雪糕. 香芋味都算香濃, 但柚子味就十足十超市買到的柚子蜜一樣, 只是加了大菜糕做, 至於咖啡味就......正啞.........有奶咖啡同走奶咖啡一層層咁樣, 而且味十分香濃........掂啞, 再加上個香濃有極重棷汁味的雪糕球............這個甜品幫佢加番唔少分Total 食了5樣野, 找數 $244, 都算滿意了............不過一定要7點前入座, 否則, 我們見到條人龍就咩 mood 都會無晒了…Read More