Tsuen Lane (Closed)

店舖主打串燒同紙包雞、紙包魚🐟食完雞/魚後仲可以打邊爐！再食串燒！一次滿足三個願望呢～舖頭入面座位唔算多但都唔會有壓迫感而且裝修非常本地化！🫡———————————————🌶麻辣紙包爐魚 ($268) 紙包魚用錫紙包住，店員會等佢帳起時再剪開，爐火亦會一直開住，所以魚肉會越煮越入味，爐魚非常大條，係炸過後再煮，兩面都係金黃色✨肉質嫩滑，麻辣味十足。配料有雲耳、蓮藕、豆卜、豆芽等等，豆芽係當中最入味～🥥椰汁流心球（$48）💘呢款炸物非要有驚喜！啱啱炸好時，外層香脆金黃，包裹住一層炸過嘅西米，入面係流心而濃郁嘅椰汁西米露，鹹鹹甜甜非常惹味！🥠黄金炸豆腐（$28）份量不少，味道剛好唔會太鹹，略嫌唔夠香脆～🍢串燒汁燒盡魚咀（$28）燒韭菜（$13）鹽燒牛舌（$38）爆膏豬大腸（$18）台灣墨魚腸（$18）雞軟骨串（$16）魷魚鬚串（$19）七款串燒嘅孜然味/燒汁味都非常入味，當中比較驚喜嘅係墨魚咀同豬大腸，墨魚嘴一咬就爆汁，有咬口又煙韌；大腸都燒得頗為酥脆而入味；墨魚腸肉汁多！———————————————☺︎ 環境: 7.5/10 ☺︎ 服務: 8/10☺︎ 會想再食：8/10———————————————…Read More

呢間串燒店既位置真係好隱蔽✨記得之前係樓上食過麻辣風雲，所以先有留意到👀餐廳係用QR code落單，即叫即燒🤩-🎈邪惡串里秘製雞皮 $48我最鍾意就係呢個🫶🏻足足有三大塊，食落脆卜卜咁，又唔會話太油膩～-🎈牛油蒜泥雜菇 $48牛油x蒜泥真係好香好吸引！而且用錫紙包住咁燒，令到啲雜菇仲可以鎖住水份～-🎈鹽燒牛舌 $38厚切牛舌有驚喜！！燒得剛好，食落好爽口😎而且用鹽燒簡單咁調味就可以帶出食材原本的味道～-🎈爆膏豬大腸 $18外脆內軟！十級邪惡🤤不過略嫌啲豬大腸真係好細粒🥹-🎈燒茄子 $48原條茄子，面頭鋪滿哂蒜蓉，如果可以再辣啲就好了～-🎈汁燒牛仔餅 $28唔講唔知原來係牛仔餅😂食落都幾多肉汁🥰-🎈汁燒牛肉串 $28🎈勁串花枝丸 $16🎈鹽燒黑豚腩 $18-🎈黃金芝士年糕 $38-🎈極多春魚 $28🎈汁燒牛仔骨 $58-至於其他串燒就正常發揮🙌🏻但呢度係幾適合同朋友黎嗌啲串燒食下，飲返杯啤酒咁🍺-🔸串里📍荃灣海壩街108-114號荃碧大廈地舖…Read More

好耐無食過串燒，之前經過附近見到呢間個名好盞鬼😂，見佢性價比幾高所以bookmark左，約埋男朋友放工去試。店內坐位唔算好多，但坐得幾舒服。串燒可自己scan qr code落單好方便。串燒即叫即燒，大約15-20min左右有得食🤤。🔅鹽燒牛舌 ($38)🔅鹽燒豬頸肉 ($18) 牛舌同豬頸肉都好爽口🔅安格斯牛肉粒 ($58) 安格斯牛肉粒無筋都幾嫩。🔅勁串花枝丸 ($16) 花枝丸有花枝粒好有咬口，醬汁好入味👍🏻。🔅燒豆卜 ($12) 豆卜燒完都唔會好乾，加埋醬汁無得彈😳。🔅台灣腸 ($18)🔅汁燒翠玉瓜 ($9)🔅燒杏鮑菇 ($12) 翠玉瓜同杏鮑菇都幾大塊😯，燒完仲好juicy一啲都唔乾🥺。🔅燒飯團 ($18)🔅特選雞中翼 ($18)雞翼辣辣地超正，層皮燒得好香，入面仲好嫩滑，$18蚊有咁高質既燒雞翼真係好抵🤤，食完唔夠喉忍唔住叫多串😂。🔅雞腎仔 ($16)🔅爆油三文魚鮫 ($38)三文魚鮫好正😍，皮夠晒香脆，好香三文魚油味。🔅鵝肝多士燒 ($58)鵝肝好肥美🤤，好香濃既鵝肝味，多士好脆🥖。🔅邪惡串里秘製雞皮 ($48)雞皮好新奇🥺，薄薄地超脆，食落唔油膩，係脂肪既甜味啊哈利🤤。連埋乾冰上，打卡一流。💬呢到既醬汁好香好惹味，好香孜然味😋。鐘意辣既朋友仔推薦自己再加少少辣椒粉，幾辣🤣，但加少少惹味好多🥺。串燒黎講呢間性價比相當高，絕對會encore！…Read More