Sun Cheong

聽講大圍特色美食小店比較多，而今日想食下佬味野🙈google下就搵左呢頭比較岀名的打冷鋪試試。位置距離大圍市中心有段距離，由火車站行大約20分鐘左右就到。餐廳有室外室內位置選擇，好有傳統大排檔味道，怕熱既我一定揀室內啦。兩個人尼食，比左張四人枱我，而冷氣都幾夠👍🏻⭐️我recommend 。鹽焗烏頭 ($178)魚肉唔會太老，咸味好夠，但唔會太咸。旁邊的sauce少少咸，感覺似淡口溝咗水嘅腐乳味😂但同魚配合，成另一個風味。千島燒豬仔骨(例 $108)⭐️有大約15條豬仔骨，份量勁多，而且肉好鬆軟😍唔會怕肉黐住牙十分掛汁，千島醬味道好夠👍🏻值得試一試。胡椒鹹菜豬肚湯(例 $118)材料充足，好多鹹菜，可能胡椒太多，所以唔會太辣。 藍妹 ($30)回頭指數: ⭐️⭐️⭐️食物質素: 🌮🌮🌮服務質素: ☺️☺️☺️消費指數: 💰💰(人均消費$255)環境質素: ☘️☘️同類餐廳 #cocofood_潮州菜 #cocofood_港味道同區餐廳 #cocofood大圍…Read More

來之前都睇好其他食評，拼盤和鹽焗烏頭都是必點的！亦都做了點功課：1）這種無訂座（如訂座是必須叫SET餐的，看餐單是不化算的，散叫會開心點）2）無限時今日是父親節前一天，5:45PM到達都人流滿滿！因天氣都悶熱隨時有微雨，一心想坐室內冷氣位，成功！真係差幾步就無位^^中拼盤$328  相片影不出實物之大呀  大大碟很有氣派！但這拼盤等了很久，吹都吹了3，4次！職員解釋因外賣多，做不切～大腸好吃，生腸很爽，鵝肉偏韌味道都不錯，豆腐硬身⋯⋯整體都OK鹽焗烏頭$148好好食，真係必叫，黃油都出晒黎，時間做得剛剛好！推介推介！！！蠔仔粥（細）$6X原來有細 餐牌無寫！餐牌寫$138一窩，太大了細幾好，可試試味！蠔餅一般，厚粉 沙茶豬油渣黃金麵兩位男士睇到餐牌都有興趣，來到覺得同幻想中有出入！本人就聽過名都覺得麻麻，反而覺得無想像中咁油膩！最後想講坐室內真係好嘈，嘈到有點受罪待天氣涼點坐室外比較好，氣氛都好點！…Read More

多年前同朋友來過生昌打冷，覺得食物味道不錯～～今次我就向另外幾位朋友提議來這裡打冷啊！星期六6:30pm左右來到，不用等位就能入座，7時多後才開始多客人。4個人吃，叫了5道菜式，每道的份量大大碟，夠晒飽肚！鹽焗烏頭，烏頭魚肥嘟嘟，啖啖肉，帶微微鹹香，魚肉結實，重點是充滿黃油，令魚肉更香，完全沒有泥腥味！沙茶韮菜豬紅，豬紅份量多又大粒，質感軟滑，不易散開。以沙茶醬調味，味道幾香又不會過鹹，味道不會太單調。翅湯蠔仔粥，用料充足，除了有大量蠔仔，還有肉碎，有不少蠔仔都好飽滿，鮮甜不腥！粥以魚湯熬煮，除了肉香，還有蔥﹑芫茜與冬菜的香氣，整鍋粥鮮甜味美！潮州煎蠔餅，蠔餅大大份，同樣的足料，分到的每一件蠔餅都充滿著蠔仔肉！脆脆的咬口又不會太油膩，蘸魚露來吃，鹹香味十足～～鹵水拼盤 (三併)，選了鵝翼﹑墨魚與紅腸，豆腐及大豆芽墊底，個人比較喜歡吃墨魚和豆腐，墨魚爽脆，豆腐入味又香。鵝翼同樣入味，肉質軟嫩易咬。略嫌醬汁味道稍微鹹了一點，蘸醋來吃，可中和一下。整體的食物味道不錯，大家都飽得捧腹而回！…Read More

難得姪仔過嚟玩，晚餐就帶佢去食潮州菜。呢間餐廳喺屋企附近，行路就到。姪仔話冇正式食過潮州嘢，咁就一於俾佢見識一番。一坐低就嗌咗條烏頭，姪仔從來冇試過咁嘅食法，覺得好新奇，當然亦都大贊好味。因為張枱接近廚房出菜位，幾乎每碟餸都睇到流晒口水。參考完餐牌，決定要鍋蠔仔粥，煎蠔餅，花枝蝦棗，椒鹽蒜香蝦。本來想要個潮州小炒皇，但係問落之下覺得冇乜特別，於是就轉咗要糖醋麵。生昌花枝蝦棗一碟有十粒，比起其他潮州菜館，呢度的蝦棗算係大粒，食落亦都彈牙，食得出係新鮮食材。椒鹽蒜香蝦我就覺得一般般。啲蝦係新鮮嘅，亦都炒得香口，甚至乎蝦殼都可以食埋。但係我嫌佢太油膩，而且好多第啲餐館做得比佢好，個人唔覺得有乜特別。蠔仔粥一向係我嘅至愛，凡睇到餐牌上有佢就必定會嗌。叫得做翅湯蠔仔粥，湯底當然鮮甜，蠔肉亦都非常之多，今晚嗌咁多樣嘢，我對佢最滿意，我一個人就食咗五、六碗咁多！✌️嚟得食潮州菜，煎蠔餅一定係必食之一。呢度嘅蠔餅煎得卜卜脆，食落去唔油膩，仲係啖啖都食到蠔肉，算係貨真價實，一啲冇欺場。最後上嘅係潮州糖醋麵。呢個麵係幾得意，煎麵上面落咗啲糖，食嘅時候再沾啲醋，食落酸酸甜甜都幾開胃。食物味道我覺得唔差，不過佢啲衛生環境就非常之唔掂。食具摸落非常油膩，應該係洗得唔乾淨。張枱亦都「黐黐lup lup」，加上枱與枱之間非常之逼夾，坐響度覺得周身唔舒服，似係隨時有老鼠曱甴捐出嚟嗰隻。個人來講，試一次就夠，應該唔會再幫襯。…Read More

🥳適逢爸爸生日，帶佢去大圍老字號打冷慶祝！我哋揸車去生昌隔離就有爛地停車場，仲有埋食飯泊車優惠好方便。🥰去到門口，姐姐就好親切帶我哋入房坐，環境舒適無咁嘈。我哋太耐冇食出街食打冷，🤩一拎到Menu就起勢咁嗌，姐姐仲叫我哋唔好嗌咁多夠食㗎啦🤣🤣一開始煎炸野好快上枱，🤪熱辣辣好香口。花枝蝦棗好彈牙，點埋酸甜醬好開胃。我最中意食蠔，蠔餅蠔仔粥一定係打冷必點！👏🏼呢度既蠔餅係我中意食既style，厚實多料，啲蠔鋪滿哂，唔會薄到得啲脆炸粉底，包保分件一定唔會無蠔，調味亦唔會過鹹。🙈但我地食得太慢，好快比冷氣凍左😭😭解議大家蠔餅一到就要快快食😲椒鹽九肚魚勁大份，😍食極都仲有唔怪得知姐姐叫我哋唔好再嗌🤣平時出面街食例牌得幾條，呢度真係好抵食。最有驚喜係鹽焗烏頭，魚肉鮮嫩多汁。🤤作為潮洲人媽媽都非常大讚無泥味，☺️肉質結實，非常喜歡，睇返原來條尾有個牌仔認證。😲魚肉流出黃油+魚汁，入口好香濃😋蠔仔粥好多蠔仔，好足料👍🏼👍🏼👍🏼一鍋可以分到十幾碗🤤終於嚟到打冷重頭戲：滷水拼盤，入面有滷水鵝肉、大腸、豬頭肉、豬耳、墨魚、生腸、鵝腸、紅腸、滷水蛋.......另外，仲叫左春菜同豉椒炒蜆，不過冇影相📸️最後甜品食左冰鎮菠蘿同潮洲大四喜🤭，菠蘿有成半個喺冰下面，好甜又多汁。炎炎夏日食落好爽！😇😇至於大四喜，🧐我都係第一次食。原來係潮洲傳統甜品入面係姜薯、白果、、綠豆、清心丸。糖水偏甜，但可以清熱解暑，而且清心丸口感好獨特，😳煙煙韌韌咁，好搞笑，大家不妨一試！👍🏼👍🏼最後真係好多都食唔哂，😂姐姐仲好好人咁幫我地打包，仲提我地下次再去，可以打電話book枱😆呢到又真係幾適合一家人聚餐，大碟夾抵食，係性價比極高既打冷，下次一定會再去！🥰…Read More

在大围胡乱的逛找地方吃晚饭，最近走到云叠花园附近，在消防局对面找到这家潮州食店。晚上颇为旺场，有超过九成入坐率。刚有人埋单，很幸运地拿到桌子。店内有宣传说是得到食神比赛的奖项，估计不少人慕名而来的。餐牌上的东西也不少，价钱不算便宜。跟传统的打冷店一样，店前放了不少潮州美食，先走过去看看再下单。较为瞩目的是盐焗烏头，鱼身铺着粗盐，每条都不小，听说这菜式是得过奖的。其余的还有鹅肾、鹅翼、乳鸽、鸡脚等等，都是典型的潮式食品。选了一条148元的乌头，大大条的，不用沾潮州豆酱已够咸。而且肉质鲜美，很适合下饭。韮菜猪红就一般般，只有很少韮菜，猪红也不怎么样。乌头实在好味，最后全部吃完，反而猪红还剩下一点。看到不少人点卤水鹅，估计味道不错，留待下次再吃。…Read More

話說老豆蠃馬，請食飯。近近地起食潮洲野。呢間餐廳長期多人，有室外同室內。好多人專登渣車黎食，因為隔黎有露天停車場。四人，兩男兩女，叫左照片既菜，本來叫左一隻鵝翼，但侍應姐姐話今日個啲好細隻，唔抵食，取消左。鵝片超正，必叫，好入味！仲有，呀姐姐介紹個甜品，芋泥，真係好味！下次要再去，夜晚都多人， 早啲去拎位…Read More

沙田大圍只去過一次，都是探病而去。今趟因大家興緻勃勃，遊車河順路吃勻港九新界。開店二十年，盡是街坊或單車友，比起離島海鮮更風味十足。蠔餅、韭菜豬紅、蠔仔粥、雙併鵝肝鵝腸及白灼螄蚶等等都非常有水準，鵝肝卻是少見，連九龍城聞名的潮式酒家都未曾見過。但有幾款一定要詳細推介！糯米蒸大腸我認為只有車水馬龍的人流，也有本事駕馭得著。大腸皮薄、饀料充斥每一個地方，配上醬汁一絕。這道菜式極考師傅手藝，也是真正呈現到潮式食品的根本。鹽焗烏頭魚尾有元朗養殖場的記認，吃得特別放心。每一口都充滿黃油，肥美又肉厚。而且近魚肚附近也沒有腥味。酸甜咕嚕肉主打新鮮菠蘿，連我平日不愛吃都一試愛上，沒有難以形容的酸澀，只有一陣又一陣的菠蘿酸甜。今生無悔白果芋泥一開始倒是名字較吸引，但由於店員吹捧限量發售，就作為晚餐的尾站。糖漿較多、芋泥不算是滑身。 地方很多，但不算太整潔。洗手間一男一女廁。但款式實在多樣化，基本上你想吃店內都有，而且又有簡單小炒，滿足不同人的需要。如果想一試再試不同的潮州菜式，這間卻是不錯，偶有驚喜。…Read More

直接的士駛到大門口，落車即開飯，嘆到不得了。食客不太多，大量座位任君選擇，都係坐係室內較為乾淨企理，不用吸二手煙呢。熱鹽焗烏頭，阿嬸話烏頭仲蒸緊未出爐，所以無得自己出去揀烏頭呢。有人鍾意凍食，都有人鍾意熱食。我即時滴汗，唔係掛？雖然都有食檸檬蒸、泰式明爐、潮州半煎煮、等等。食左十幾年潮州鹽焗烏頭梗係凍魚飯最好味，您唔好呃我啦。新鮮熱辣剛出爐，味道怪怪的，朋友仔同我都覺有陣強勁泥味！魚肉勁濕滴水，溝稀黃油甘香味道。熱熱烏頭既黃油仍是液態，剪開魚皮已經令部份黃油即時流走，極度難食！專登荃灣飛的士過黎食烏頭，平時鹽焗烏頭已經完全放涼，魚肉乾爽嫩滑，結實多汁，黃油澎湃一滴滴，甘甜非常！無需要任何調味料，點天然黃油已經美味登天。潮州醉香蝦，蝦殼蝦頭炸得透徹完全脆卜卜，連殼都唔晒剝，成隻食持別冶味！炒得鑊氣十足，蝦肉保持爽甜嫩滑，仍然帶點肉汁。蝦身沒有酒香，而蝦頭酒味芬芳飄送，好香口惹味好味道！辣汁田螺，味道豐富濃郁，微辣醒神，依個汁用黎浸豬紅必定好味超合襯！美妙辣汁好味至極，調配神秘出色，其實因為個汁，所以才田螺食，對唔住喇田螺。田螺肉嚥韌，已被美味辣汁完全滲透，惹味刺激一粒接一粒食唔停口。我最喜歡食螺類尾部，甘香軟綿，最衰田螺尾全部都係蛋，想食都食唔到！白灼鮮墨魚，經常未到晚市就沽清，機會黎喇飛雲！竟然仲有最後一碟，免強無幸福，食得到也未必好。師傅們發生咩事？兩款人氣招牌菜都先後失手。朋友仔都嬲嬲豬投訴，依碟野十足隔夜餸，乾爭爭硬掘掘，無鮮味無甜味，我都好有同感。口感死實，不香不嫩，半點肉汁也沒有，連墨汁都乾晒。肚裡面既墨魚卵變得硬實一舊舊，極度地獄劣質料理！鹽焗烏頭，強調她來至元朗，仲有出世紙扣住添喎。一定要凍食，讓多餘水份蒸發，原汁原味連黃油通通一滴不漏鎖在魚皮之內。招牌菜穩陣無得頂，可能係全港最爆油最好食既烏頭。爆黃油閃令令，魚味特濃甜美，鮮嫩無敵失控搶住食！黃油斑斑肉汁發晒光，質地結實啖啖肉嬌嫩多汁。成條都係寶，頭下面的魚肝程圓錐形，爽爽的索索聲，超強鮮魚味道。魚春卵巢藏係魚肚內，黏黏肥美油潤滑滑，極鮮甘甜。每吋肌膚都被我啜得乾乾淨淨，最後只剩低光禿禿的一條骨及塊魚皮。生昌花枝蝦棗，新鮮出爐金黃香脆乾爽彈牙，不濕不腍，陣陣鮮蝦味濃烈，脆脆花枝粒在內增加情趣，原味不點汁好味道。金不換炒蜆，老闆極力推薦，最敝完全唔掂！蜆出過水沒半點鮮味，跟蜆甜味海水咸味一齊全部流失，變得縮水細細粒。求其撈個汁兜兩兜就上碟出貨，無鑊氣可言，仲要過熟勁韌似橡膠！醬汁沒有金不換味道，激似花生醬，非常難食，中伏！金湯華腿雞煲翅，鯊魚骨湯？有翅邊肉、雞件、豬腳、紹菜，味道似菜膽雲吞雞。無特別感覺，賣相靚仔討好，大量食材足料，翅針爽爽翅肉滑滑，雞皮滑雞肉鞋，紹菜爽甜吸湯，湯汁清甜平庸簡單。豉油皇炒肥鵝腸，極度肥美，甘甜鵝油半溶滲透鵝腸中格外可口。咬掉肥膏品嚐，爽脆的態度使我不能自拔，熱騰騰不停吸啜，濃郁香醇豉油味，停不了的節奏。成抽大注突入，勁脆勁爽，豉油清新芬芳，味道滿意無投訴。搭上芽菜齊吃，爆水不腥嗅，味道口感都更豐富。潮州凍蟹，提供不少蟹種選擇，麵包蟹、加菲蟹、泥蟹、花蟹、等等，就食最大隻既紅蟹啦。室溫紅蟹肉鮮甜無比，淨食可口，沾上浙醋酸咪咪更添風味。沙田紅燒乳鴿，剛剛炸起熱騰騰，雖然有點油光，幸運地皮脆肉嫩，香口啖啖肉不乾不鞋滴出肉汁，食得津津有味損手指。生昌滷水鵝例牌，多年前食過完全低於水平，我向來好相與，比多次機會。我隻髀呢？消失的鵝髀，去那裡啊？例牌就沒有髀的嗎？非常肥美滑溜溜，比當年更高質更好味。生昌長進很多，大躍住的演繹。濃郁芳香，滷水味滲入每吋肌膚，鵝皮黏滑，鵝肉彈嫩。有一點點肥膏可以接受，咬掉算數。每趙都充滿鵝汁與滷水，味道撞得精采出色。試試酸醋，甜味太強不喜歡，多點酸多點蒜就更醒神啊。滷水併盤，鵝翼巨形一開四，厚厚鵝皮超級黏嘴，包著結實美味嫩肉，特級好食。生腸還以為橙色生腸，竟然係白色似牛柏葉，爽脆無比有著淺淺滷水味道。墨魚半嚥韌半爽彈的質地，十分得意，天然墨魚甜味突出，沾上辣椒油更加滿足。大豆芽當然不會續條續條地嘆啦，大大注大大注地塞入口才夠豪氣，掛上大量滷水汁一咬爆水，不腥不嗅甜甜的啊。一心想食鵝肝，賣晒使我情緒低落。椒絲腐乳炒通菜，我至愛的水通無可替代，無懈可擊。翠綠明亮的顏色，大大碌爽脆鮮甜，腐乳醬抱得通菜緊緊必要共赴五贜廟，來吧﹗乳香微辣不停地吸啜，暢快無比天堂的味道。白灼螄蚶，跟金不煥同烚，其實完全無色無味喎，裝飾一下可以。打開螄蚶，發現蚶肉已不再血紅燦爛，血紅素遇熱微啡，都照樣狠狠地啜啦﹗在過熟邊緣，幸好並無大外，依然爽彈肥美帶鮮甜，真係有點安慰。試試那個醬汁什麼料子，太甜喇麻，完全都唔夾，比跟鵝旳酸醋更差，都係淨食原味可口得多。滷水鵝肝併鵝腎鴨掌，價錢非比尋常的高昂。鵝肝滷味清香，不過熟仍保有嫩滑質感及甘甜味道，處理得宜。鵝腎完全被鵝肝比了下去，平平凡凡，偏硬不爽，一般唔難食。鵝掌沽清只剩鴨掌，照食可也。鴨掌瘦猛猛無肉食，無奈地齋損腳指，陰功。椒鹽蒜香蝦，我要潮州醉香蝦喎，淨係睇外表已經知道錯啦﹗蒜香出眾惹味著辣椒微辣，醒神醒腦使得渾身是勁﹗炸到全身脆卜卜，連肉連殼一齊食，蝦味更鮮更濃更多汁。砵酒焗蠔仔，阿嬸仲讚我地識食，好野黎架！但食到我滿口粉滿口油呢。蠔仔細細粒，厚厚麵粉包著，粉比肉還要多，油淋淋受不了﹗配碟青椒紅椒更好味。潮式辣酒煮螄蚶花螺，唔夠螄蚶用花螺搭夠，無所謂。潮式辣酒白色的嗎？第一次見喎。辣就不太食到，有少少酒味，味道太淡。反而食到花螺及螄蚶的純天然鮮味海水味，肥美飽滿爆汁水潤，非常難得。翅湯蠔仔粥全走，翅湯感受不到有咩唔同，都係差不多乍喎。蠔仔偏瘦，湯汁味淡，粥底清爽，加胡椒粉及豉油更可口。將所有螄蚶去殼備用，要二次創作。極淡口的蠔仔粥混入螄蚶肉及螄蚶汁，鮮味即時爆燈﹗每啖有蠔仔有螄蚶有湯有粥，百花齊放，無敵大滿貫。冰鎮大菠蘿，冰凍甜甜不酸透心涼。最初時阿嬸力推，我地都話唔要架啦，阿嬸又話得兩舊，黎到係四舊。仲話我地浪費唔食晒又唔帶走，係咪有病呀﹗…Read More

聽聞大圍呢間打冷好出名，今日有幸黎會一會。一入去都幾開心，淋郎滿目擺滿唔同既菜式，咁先飲打冷，生熟既野佢分開左兩邊，擺得好乾淨衛生，仲好吸引，特別條烏頭，勁大條好似好好味咁。呢度仲有比較少見既獅蚶，我都係第一次食，鮮紅色既汁，半生狀態唔係人人接受到，但配埋個汁真係幾鮮味，仲叫左個鳳梨蝦，啲鳳梨仲好食過隻蝦，啲蝦好大隻又爽脆，仲有胡椒豬肚湯，呢個唔夠胡椒，唔夠熱，冬天食應該正啲。個鹽焗烏頭真係好正，原條上碟，上枱時侍應一手打開層皮，條魚仲好熱，新鮮魚簡單鹽焗就好好味，仲掛住元朗烏頭呢個牌，淨買呢條魚都唔平啦，非常值呀！…Read More

生昌潮州海鮮酒家 (大圍).⚜️蠔餅，蠔仔粥⚜️.非常大嘅蠔餅入邊有超級多蠔仔，炸得非常香脆，蠔餅之外仲有蠔仔粥，都係非常之鮮甜！有海量嘅蠔仔，一大班人食打冷真係唔可以唔食呢兩樣野啊！(⁎⁍̴̛ᴗ⁍̴̛⁎).⚜️鹽焗烏頭⚜️.鹽焗烏頭相信好多人都食個啦！凍嘅魚會令到魚質更加厚實，魚🐟層皮就會比粗鹽包圍着，但係呢個人覺得個醬汁超級鹹啊！因為魚肉有事再加埋粗鹽已經好鹹，加埋個醬汁哇勁鹹(；´Д`A.⚜️潮州凍蟹⚜️唔知係咪因為我哋放得太耐個凍蟹，一路無人食識得點樣分來食，我喺食到中後段先可以食，可能前面嘅餸菜太過惹味，令到我覺得個蟹係冇乜味道(｡ ́︿ ̀｡).⚜️滷水拼盤⚜️呢個拼盤呢不論賣相定味道都相當之吸引，佢有鵝腸，墨魚片， 紅腸，五花肉，花生🥜等，個外牆非常之爽口，好食！—————————————————————-環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌生昌潮州海鮮酒家 (大圍)大圍下徑口村151號地下 (田心警署對面)—————————————————————- #hkig#hkigfood#hkfoodie#foodie#food#food#foodstagram#hkfoodlover#hkdaily#吃貨#大圍美食#打卡好去處#相機食先#foodiehk#foodig#foodlife#hkfood#foodblogger#hkfoodblogger#hkgirl #hkdessert#foodporn #hkfoodblogger#instafood …Read More

本身唔係成日打冷,所以跟住朋友黎食我都無say~一坐低就叫左碟鹵味鹵水自選百搭裡面有好多款鹵味,我其實只食紅腸蛋同魷魚,朋友話鵝腸其實都好爽好好咬我就話魷魚夠曬口感,紅腸仲好夠味,有得追加滷蛋的話我應該會無限追加,因為隻蛋有鹹香但蛋黃仲keep到原味,蛋白同其他食材一樣夠咬口,唔怪得個個都要食滷味,而且佢一碟份量超大!4-5女仔食的話要最細size都得我地每個人揀自己喜歡嘅小菜,打冷當然要食潮D!潮州煎蠔餅 $88佢個顏色偏深,雖然話係煎,但都有D炸嘅酥脆感~最抵讚係蠔仔超多,入口啖啖都有蠔,鹹香滿瀉,一D都唔油膩,係我食過的蠔餅top 3!蠔仔粥食粥的朋友就一定要呢碗粥try try!!!湯底海鮮味爆發~~但一D都唔腥,新鮮蠔超大粒,粒粒都好滑無沙,仲有蔥花減膩,飽肚又滋味作為菠蘿控嘅我,見到鮮菠蘿三個字即刻雙眼發光鮮菠蘿糖醋果肉 $88D菠蘿真係新鮮嘅菠蘿,無罐頭菠蘿嘅味道,唔會死甜.D肉外層炸得好酥脆一D都唔油,配埋爽到爆嘅三色椒,送飯一流!食食下鋪頭姐姐強烈推薦我地食條魚,所以叫左鹽焗烏頭,阿姐果然無介紹錯首先魚皮順利一秒剝落,完全不留痕,魚肉好有煙熏感覺,因為係鹽焗所以鹹味分布均勻,魚肉仲keep到滑滑質地~男仔frd 唔使5分鐘已經KO了條魚~下次唔知吃甚麼不妨聽聽阿姐推介…Read More

前幾天因為朋友突然興起想吃潮州菜，於是有人提議生昌，說是出名的潮州菜，於是一行6 人放就立即趕來，因為星期五晚，而且還說這日裏很旺又不能訂位，所以唯有如此。我們叫了鹽焗烏頭，這個不錯，因為烏頭算靚，黃油的。然後有炸蝦蟹棗，這個據說是潮州出名的菜，但因為不是每間店做得好，所以不是每一間都有提供，然後我因爲上次那家潮州菜弄這個菜真的出色，所以今次再叫，怎知是失望，真心似炸墨魚丸的感覺。菲菜豬紅，得咸字。滷水拼盤，但滷水味不濃。滷水鵝片，同樣滷水味不出，但鵝片質數尙算ok。炸蠔餅，不過不失，也是偏咸，而且蠔唔係好食到。糖醋麵，麵炸得脆口，糖及醋因爲叫另上的關係，自己調味，所以ok。總括來說，價錢是相宜的，因為叫了5支啤酒，每人也是180，但質數真的是一般，沒有傳聞說的那麼好。…Read More

由住大圍的朋友推介大圍出名的食店，果然有信心保証。鹽焗烏頭 $128大大條夠多肉，魚肉夠乾身得來又多黃油，簡直冇得頂，怪不知每枱客都必食。每一條烏頭都附有標籤，保證是元朗烏頭。蠔仔粥 $58不太似潮州粥，這個會明顯似湯飯，用吃湯飯的心態來食，這個我一試難忘，細細粒蠔仔夠鮮夠肥美，配上用柴魚跟香蔥煮的湯底，食不出蠔腥味之餘，更見湯底份外香甜入味！腐乳通菜 $68兩個人食，原以為份量一般，所以想點多個菜，怎料原來這裡的餸菜碟碟大份，連這碟通菜都份量十足~…Read More

已聽聞呢間嘅打冷好正，今日約埋行山友上完獅子山順路行過去大圍試下6點去到無乜人等位好入味嘅鹵水鵝片，而且仲有陣好重嘅八角味豬肚湯有加埋粉腸，不過咸左少少 黃油烏頭，肉質嫰滑鹽味適中 生腸和墨魚都好爽口但無乜鹵水味 好厚炸粉，蠔嘅size和數量都可以 比預期嘅上湯好得多，有冬菇配料，好香鑊氣嘅浸菜 …Read More