Wing's Cuisine (Old Main Street)

難得去一去香港仔，一直有人同我推介榮式雞扒。今天就試一試！我叫了一個雞藕天成飯，加一杯荔枝梳打。碟飯嚟到，已好吸引，飯會跟一些酸菜譜和疆蓉，配飯可以開胃啲，又可以解雞扒和蓮藕的油。講到主角了，到底點整，可以整得咁好食架！塊雞扒皮是脆的！兩塊蓮藕都好香好好食呀！ 我都想學識點整，咁我就可以天天自己整嚟食啦！荔枝梳打都好好飲，梳打水是自己加的，所以加到尾時便開始無曬梳打味了！整體我仍是覺得好好味！滿足的一個午餐…Read More

港島人對榮式雞扒相信應該唔會陌生，但作為九龍人，第一次食嘅時候仍然會覺得驚為天人。雞扒當然係榮式嘅王牌，自己其實好少選擇雞/雞扒飯，因為只要餐廳稍為失手，雞肉就會變得乾爭爭，白白浪費咗個主菜。眼見只係普通茶記，當然擔心水準，但既然識食同事大力推介，所以都試咗。既然唔放心，就當然揀兩個主菜㗎啦，所以揀咗藕餅，因為都比較少喺街食到（當然可能只係因為我大鄉里）。結果上菜嘅時候，一見到塊雞扒就知道唔會令人失望，肉質非常之鮮嫩，而且非常juicy，而藕餅亦都爽脆，配合薑蔥，整體味道非常有驚喜。影相當日就叫咗跟飯，及後再幫襯嘅時候就嘗試過出前一丁，坦白講以咁普材料計，味道真係算中上，但其實價格亦都比一般茶餐廳高，坐得又唔係好舒服，所以之後都少去咗。而且諗深一層，其實調味都幾重手，而且多數都係煎炸食物，要確保自己有足夠quota / 運動先至好食。…Read More

今日同男朋友黎香港仔行南朗山，行完就是但入左榮式食晚飯。我都好耐冇食榮式，黎榮式通常都叫雞藕天成，今次都唔例外。佢同以前唔同，仲有火鍋，烏冬，撈檬食。男朋友就叫左鱆魚蓮藕餅稻庭鮮烏冬。我印象中以前塊雞扒比較厚身，依家薄左好多，但個味都係好食既，用左黑椒調味，平時唔食雞皮既我都食埋。鱆魚蓮藕餅即叫即炸，勁熱辣辣，餡料飽滿，好食。白飯偏淋身，但我鐘意偏硬個種，有蔥油俾你撈飯。烏冬口感滑嘟嘟，有豆卜同椰菜。呢間有得用支付寶同微信支付。…Read More