一排冇黎千両食，見到有新嘅千両限定餐目又黎試吓先。時令活蠔風雅 $58 另加一時令活蠔一客一大隻，每隻蠔殼都釘住張紙仔寫明岩手縣，好震撼。隻蠔肉質非常實在，食落啖啖肉，非常新鮮。不過蠔味略為唔夠重，都冇乜海水味，我就鍾意佢唔會太鹹。配有蘿蔔蓉蔥花柚子醋調味。不過第二轉再叫有隻蠔就細隻左好多。活象拔蚌刺身 一份 $118 另加一活象拔蚌刺身寫明係愛知縣，係期間限定。呢碟已經係兩份，份量超少，一共有3條，每條切開2份。不過質素緊正，又爽脆又鮮甜又實在，好似食緊新鮮蟶子，不過當然好貴。炙燒皮剝配鮟鱇魚肝 $32 另加一炙燒皮剝配鮟鱇魚肝一客一件，餐牌寫明係岩手縣皮剝，質素正常，不過完全冇炙燒味。片魚上面有一小塊鮟鱇魚肝，味道唔太突出，上面再加左少少蔥花。螢光魷魚軍艦 $28 另加一螢光魷魚軍艦一客兩件，魷魚上面加左少少滑溜芥末醬，所以味道帶少少酸，不過完全蓋過魷魚嘅味道。雖然話係兵庫縣魷魚，都係普通料啫。士多啤梨焦糖奶凍 $48 另加一北海道士多啤梨焦糖奶凍一客兩件，明顯未融哂雪就俾客，唔多掂。味道方面，奶凍好滑溜，似雪糕，唔太甜，冇乜焦糖味，上面一層薄薄士多啤梨果醬，主要食到冰，冇乜味，仲有半粒冰左嘅士多啤梨。一如既往，主餐牌有好多野食揀，有刺身，多款壽司，軍艦，卷物，手卷，壽司拼盤，前菜，一品料理，燒物，炸物，煮物，汁物，串燒，同甜品。當然我地都叫左大量主餐牌食品。牡丹蝦刺身 $135 另加一牡丹蝦刺身一客3隻連頭，蝦身已去殼，食落啖啖肉，連頭都有好多肉同汁食，都算鮮甜，不過價錢都好貴。鵝肝壽司 $38 另加一鵝肝壽司一客一件，鵝肝煎得外脆內滑，入口即化，加左少少黑醋甜甜哋幫手減膩，上面再加左少少蔥花。正。原條海鰻 $70 另加一原條海鰻長到條尾部份要卷埋，燒得暖暖哋上枱，食落少少脆皮而肉質肥美，唔錯。配壽司飯一件同包裝鰻魚汁一包。千両手卷 $68 另加一千両手卷係紫菜包住壽司飯，饀料有吞拿魚蓉，三文魚籽，一片海膽，上面灑上蔥花同白芝麻粒。紫菜超脆，海膽厚身不過有少少腥，饀料份量質素正常，食到底都仲有料。之後再叫多兩客，紫菜就冇咁脆，真隨機。牛油果軟殼蟹卷 $98 另加一牛油果軟殼蟹卷一客八件，頭尾有兩件，身各3件共兩款。其實係飯卷包住炸軟殼蟹同生菜，上面鋪有牛油果薄片，再上面加有少少黑魚子或蟹籽蟹柳沙律共兩款。食落有脆口炸軟殼蟹配滑溜清新牛油果，都唔錯。炙燒明太子三文魚卷 $58 另加一炙燒明太子三文魚卷一客4件，飯卷包住蟹柳同水菜，外面鋪左一片炙燒三文魚，上面加左少少明太子同三文魚籽，再加上少少蔥花。味道普通，冇乜明太子味，唔太特別。三文魚籽 $46 另加一三文魚籽一客兩件。燒羊架配柚子胡椒 $68 另加一餐牌寫明羊架係紐西蘭，我哋叫左兩客。羊架肉質嫩口，易咬開又唔羶，調味都唔錯，師傅仲貼心喺骨位用錫紙包好，等你可以方便用手拎住食。伴有一件檸檬同柚子胡椒。串燒牛舌 $32 另加一串燒牛舌一客一串，一串3片大大片，算彈牙。今次叫左走鹽，我覺得好味好多，否則太鹹。同羊架一樣，配左一件檸檬同柚子胡椒，不過本身味道已夠。帶子冰菜沙律伴黑松露汁 $78 另加一帶子冰菜沙律伴黑松露汁係冰菜加沙律雜菜做底，上面加左兩粒車厘茄切半同四片帶子刺身，帶子上面鋪左蟹籽。帶子夠厚，又滑又鮮味，正。蔬菜份量少左好多，冰菜好爽口，可惜份量好似少過沙律雜菜，有啲貨不對辦喎。黑松露汁味道就唔錯。野菜雪見鍋 $58 另加一野菜雪見鍋個鍋細細個，蔬菜有白蘿蔔兩件，豆腐兩件，花形紅蘿蔔兩件，大蔥，菇仔，娃娃菜，一隻冬菇，同少量水菜。蔬菜質素正常，個湯係雞白湯，好清不過冇雞味。雪糕糯米糍 $38 另加一雪糕糯米糍可揀抹茶或雲呢拿味，我哋揀左抹茶。雪糕糯米糍係一大塊煙韌糯米糍皮半包住個雪糕球。雪糕好滑，配煙韌糯米糍皮好正。parents shared it.今餐叫左唔少貴野，所以都幾貴。…Read More
