Tripodking (The LOHAS)

自從好姐妹搬左去將軍澳之後佢就成日推介將軍澳美食比我～咁啱臨放工係將軍澳見完客，一於去其中一間食啦！第一次去日出康城原來商場好大呀！我地6:30就到所以唔駛等位！店內中式嘅裝潢用心，開揚嘅設計坐得好舒服！店員個個都細心有禮！讚！黎得鼎王，梗係點麻辣鍋！yeah! 繼續我嘅 #食左當去左旅行系列 #台灣篇 ～！GOGOGO! 🌶️🍲麻辣鍋 $58/位：一個好靚嘅鼎，放住好足料嘅麻辣鍋，目測已經有勁多招牌鴨血同豆腐，原來呢兩樣食物店員會主動無限添加架！鴨血果然係招牌！一定要食！好滑好香好入味！湯頭好濃好結身，係好正宗嘅台式麻辣味，我地點左小辣夠香惹味，啱哂食唔倒太辣嘅朋友！🥩梅花豬肉拼去骨雞髀肉🍗 $128:  超。級。勁滑嘅去骨雞髀肉，夠哂爽口同好嫩滑，梅花豬我煮耐左但都唔會硬哂！豬肉味好香，唔錯！  🍘老油條 $68: 就係同響鈴一樣食法囉！一樣係浸一浸煮一煮好拎上黎！半脆半淋之間又充滿麻辣湯嘅味道～正！成日仍住麻辣鍋係要配返食菇類🍄所以點左綜合菇最後點埋台灣名物🍜粉條！煮到透明入哂味太正了！…Read More

疫情期間，除咗無得去旅行，連出街食飯都少之又少。所以對於我呢啲一年去幾次台灣嘅人嚟講，真係好掛住台灣美食。最近台灣嘅「鼎王麻辣鍋」進駐左康城 The LOHAS，當然要去慰藉下心靈。店舖裝修跟足台灣店，而且接待員係用國語到客人溝通，感覺好似置身左台灣。坐低後，侍應先遞上熱茶。熱茶係蜜桃茶，飲落散發出淡淡果香味。之後侍應介紹湯底同每款湯底入面有咩材料。湯底主打麻辣鍋同酸菜白肉鍋，當然兩種都想試，所以叫左鴛鴦鍋。鴛鴦鍋 $68/每位  麻辣鍋 (中辣) - 湯頭用左牛油、蔬果同辣香料熬製， 所以除左鮮味，仲辣味十足。酸菜白肉鍋 (小酸)  -  湯頭用大骨高湯同香料熬製。               ( 如果火鍋食落覺得麻辣度 / 酸度唔足夠，可以再叫侍應増加麻辣度 / 酸度)麻辣鍋入面有好多鴨血同滷豆腐，重點係同台灣一樣，鴨血同滷豆腐係無限添食。酸菜白肉鍋就有酸菜同豬肉片，但就只有酸菜係無限添食。  酸菜爽口，酸中帶微甜，好醒胃。鴨血大大件，入口好嫰滑惹味。滷豆腐吸晒麻辣湯，一咬落去，食到麻辣湯嘅精華，真係好滿足到我。我地一共添食左三次鴨血，一次酸菜。侍應一叫就到，唔會要客人等好耐。調味料區提供兩款醬油 :酸菜沾醬 - 醬汁帶微辣絕配爽口酸菜白肉鍋。麻辣沾醬 - 植物香油、青醬油、穀物醋，醬汁帶微酸，可提升麻辣鍋層次。白飯任裝~ 豬腩肉 $68酸菜白肉鍋嘅白肉冇得添食，所以嗌咗份豬腩肉，估唔到份量都頗多。滷大腸頭 $98大腸頭好肥美，而且滷得入味。蛋餃 $78薄薄嘅雞蛋皮包住啲豬肉餡料，肉汁鮮甜。…Read More

*食材+服務超讚👍🏻*今日Lohas嘅Donki開張, 梗係黎朝聖下😂(其實都係賣差5多嘅野🤣), 迫完就睇下食mug, 見到近parking架𨋢附近li間鼎王麻辣鍋, 未食過, 望入去都好靚好spacious, 一於食台式hotpot.🍲鴛鴦鍋- 麻辣🔥鍋+酸菜白肉鍋 (HKD68@)啱啱坐低, 店員主動介紹店家兩款火鍋湯底: 有辣有唔辣, 最吸引莫過於麻辣鍋內嘅鴨血, 豆腐; 酸菜白肉鍋嘅酸菜無限refill! 由於用餐時間90分鐘, 放滿鴨血, 豆腐, 新鮮手切豬肉, 酸菜, 蕃茄, 透明薯粉嘅鴛鴦鍋好快送到, 真係淨食湯料都飽飽.🍲都數唔到自己到底食左幾多件鴨血, 因為勁入味勁軟就係咁食, 食食下店員仲勁主動refill湯底+鴨血, 豆腐, 唔係大多數火鍋店只加上湯, 由頭到尾兩邊湯底味道都係濃濃的勁正. 🍲餐廳設有個小自助counter, 有香濃腐乳味道嘅酸菜沾醬for酸菜鍋料; 唔太辣帶d酸酸甜甜嘅麻辣沾醬, 加一大箸香葱仲正, 另外有電飯煲keep warm嘅白飯添🍚.🍲老油條 (HKD48)店員細心介紹iPad點餐嘅用法, 真係好user friendly, 我地揀左”老油條”食, 睇下佢同響鈴有咩分別. 原來預先炸到好透嘅油炸鬼淥起上黎唔會吸好多湯底, 就算淥耐dd都唔會soggy, 咬落有索湯感之餘仲保留住脆口感. 🍲牛雞雙拼 (HKD198)既然湯底有豬肉<好味>, 就食牛小排&雞肶肉la. 牛肉屬於厚切而且好大”卷”淥多陣都得, 牛味夠哂濃; 雞肶肉去哂骨都好嫩滑bor, 店家嘅生料係高質的, 下次多d人一齊可以成碟牛嗌. 🍲除左店員好主動+nice, 食材good<尤其係 #鴨血 >, Li度仲有個貼心位就係枱邊有USB叉電, 拉開櫃桶仔店家提供乾&濕紙巾, 枱面擺左個小小垃圾桶裝污糟紙巾, 台灣黎嘅店果然唔同d👍🏻.…Read More