今晚同左喺工展會擺展銷嘅客人係呢度食晚餐，訂咗七點兩位，由於我住喺沙田，一次過去咗附近買蛇羹同蜜糖，唔知係唔係太多外賣袋，我早左45分鐘到立刻登記之後，坐喺等候區等朋友都才入席，沒有像其他喺等候區嘅客人一樣得到小食和飲品款待，沒有人理會，可能以為我借位坐的。朋友七點鐘到達之後我們立刻被安排坐下來，我根據開飯網嘅資料order左，以下是收據的詳細資料：1) 鴛鴦湯底-特濃湯底加酸菜湯底，$128，味道很好，可惜番茄湯底太多油2）招牌蝦滑半份，$54，冇乜特別，雖然有兩個分別是不辣及辣的豉油汁去點3) 滑牛肉半份，$54，其實係攞咗食用鹼水醃過，再撈生粉，乸到啲肉霉晒，我order佢嘅原因除咗因為開飯網其他食評話佢好之外係因為唔想食肥牛咁多脂肪，其實佢哋可以用牛肩肉代替肥牛比怕肥及高膽固醇嘅客人，呢味野俾我嘅感覺好似係未用完嘅牛肉保鮮。4) 無刺巴沙魚片半份（贈品），由於我入職的時候告訴侍應生我是第一次來幫襯，佢係埋單嘅時候話送俾我，由於我從來沒有食過這款魚肉，不知道原先是什麼味道的，上烹飪班的時候介紹過水煮魚的其中一個醃魚肉片方法，除咗基本調味之外就是撈生粉水，令灼過的魚肉片受到保護不會嚡十十。5）撈麵一份$18，原來係有拉麵師傅到我們面前手拉的，侍應生不鼓勵我們多叫，建議我們兩人食一份，味道都很好，但係當然沒有翡翠拉麵拉麵那麼美味。6) 千層毛肚半份，$49，其實是黑牛柏葉，好食。7) 芝士牛肉丸本份，$44，烚之後好硬，OK。8) 鴨血本份，$24，在開飯網食評攞好高分，咬落質感好好，味道都好，專門用來伴食的孜然粉白芝麻及辣椒粉好像有點牽強。9) 桂花蚌半份，$64，和一般桂花蚌沒有什麼分別10）皇帝菜一份，$36，原味11）服務員看枱，不設收費，有服務員的名字，這方面做得很好，客人可以去讚或者去投訴12)自選小料兩份，$36，其實我都唔知order黎做乜，因為係自助區根本就任攞調味料，亦都有大把調味碗任攞。13）自選飲料一份，冰凍柑桔蜜，係客人飲嘅，我飲熱水，因為原先我想飲打邊爐火鍋湯底的頭啖湯，可惜蕃茄湯底太油，飲有幾啖便沒有飲了。埋單連埋+1服務費是$568，服務員話收咗我加一，叫我等埋佢找$2俾我，夠均真。基本上呢度啲食物並沒有什麼特別出色的地方，人手手拉麵當然可以加分，但係呢隻麵底亦都不比一般傳統手拉麵好。不過呢度嘅服務實在值得讚美（除咗係待客區沒有人理我之外，最衰我早幾日去咗修甲店修甲，用不到這裡的免費修甲服務），例如一坐低服務員會邀請我們免費入會，只要說出姓名及手機電話號碼，然後作一個密碼，喺CRM方面做得很好；服務員運給我們圍裙穿起，避免湯汁彈污糟件衫；一個服務員睇三張枱，所以可以及時幫我地添湯、check order等；每人一張即棄抹眼鏡紙好好用；由於客人要返回工展會工作至晚上10時，我們只吃了1小時15分便要求埋單，服務員還請我們多留一會享受一下不要那麼趕，不像現今其他食肆問我哋食六點定食八點，好像要我們求其塞爆個肚就要走那樣市儈。可能因為這樣，今晚座無虛席！用餐中途，見到服務員及電視機睇某些客人安排唱生日歌慶祝生日，服務員話我知佢哋會有生日食品送給有朋友在這兒慶祝生日的客人，氣氛唔錯！…Read More
