養心殿台式養生鍋

養生又養心鮮白色湯底嘅寧神養心鍋 以川芎、 白芷 、天麻、 當歸、 鮮鷄、 豬肉及鮮魚淆成，滾起時已聞到好香藥材味! 未食先飲頭啖湯，飲落好香藥材味，但又唔會過濃，入口舒服又好味呢!"湯渣"有竹絲鷄及魚頭, 今次呢個魚頭真係好大個，要煲耐少少，食時肉質烚完都仲係咁滑; 另外由於個魚頭煎香左，一D都唔腥, 魚雲又夠多， 煲到D骨都腍晒， 證明真係長時間淆成! 以魚及鷄肉煲成嘅湯底，十分鮮味打邊爐一定唔少得手切肥牛 手切肥牛食好新鮮,肉味更加重,而且一片片都厚薄適中,入口即溶,都好好食!另一喜愛 鴨血是台灣的地道食物 食落唔會好散 幾特別 好似豬红小羔羊肉片，羊肉是我每次打邊爐必點 這裡的羊肉片肥瘦適中，有少少羊羶香味。再加上 墨魚丸，手打真的比較好食，比較彈牙。餃類點了自家製極品水餃 每隻都肥嘟嘟，烚完都成隻匙更咁大隻，有成隻蝦及木耳豬肉作饀料，皮薄餡靚!一邊飲湯一邊品嘗到新鮮材料 呢度絕對不錯👍🏼這𥚃食物很新鮮，坐著食著慢慢傾都食不完，最好的是不限時，真的很舒服，會再來。…Read More

餐廳環境係古典風，不過燈光太暗。張枱好闊落，但張凳就有d難推，尼方面可以再改良下。麻辣鍋(小辣)拼寧神養心鍋($168)麻辣鍋我覺得小辣只係似微辣，對我而言唔夠惹味，但"友人"已經覺得好辣。湯底仲有鴨血(另可免費追加鴨血一份)同凍豆腐。鴨血嫩滑，比豬紅好食。寧神養心鍋充滿濃厚魚湯味同藥材味，湯底真係有個魚頭同半隻烏雞，雞肉索哂湯底既味道，肉質都唔錯。我地兩個人叫左六款火鍋配料就飽哂。火鍋配料屬高質(始終一分錢一分貨)。我地最鐘意就係黑松露蝦丸半份($48)同鵝肝墨魚丸半份($48)。墨魚丸同蝦丸都爽口彈牙。成粒墨魚丸俾好重既黑松露味包圍住，好香；一咬開蝦丸就有強烈既鵝肝味飄出來，好味，兩樣都係必叫。至於肉類，極上雪花肥牛($188)好腍好有牛肉味，同牛x既日本特級和牛質素差不多，好食。涮鍋小羔羊肉片($108)薄切，肉質嫩滑，充滿羊味但又唔會覺得好羶。嘉美農場雞肉($108)肉質比普通任食火鍋配料更嫩滑。"友人"話如果有下次，可以叫多份肥牛而唔叫羊肉。即炸脆響鈴($68)即叫即炸，又脆又大件，索哂d湯，好味。facebook打卡每位送一杯無酒精飲品，我地就揀左鹹檸七，正常。另外再叫左枝微糖豆漿($16)，味道真係好淡，如果有下次我唔會再叫。*每位茶芥$20*尖沙咀分店：8點半前離座或9點半後入座有七折優惠。茶芥同飲品無七折。(個人口味：3.7+4.3/10)…Read More

尖沙咀分店坐位闊落，而且抽氣系統非常好，不會有焗促之感。鍋底有桃膠、原隻烏雞、杞子等專為女士養顏的材料，真正鍋如其名！就算是豬肉，因為厚脂的關係，有入口溶化之感，而且味道入味！將蝦打成一團蝦膠，口感十足，皮薄餡靚！雪花肥牛比較乾身，但非常新鮮。拼盤中有多款蔬菜，生菜、粟米、多款菇類等。鴨血非常推薦！！口感爽滑，而且非常新鮮，吃不厭！鮮蝦、鮑魚和帶子都非常生猛，味道鮮甜。口感QQ既寬條粉，份量很多，與湯底一起吃非常配合！…Read More

秋風起，涼涼地，最好就緊係打邊爐啦。喺尖沙咀都有養心殿嘅分店，為處棉登徑地庫，門面好光猛，離遠一睇就望到👀。餐廳佈置好復古，用具都好精緻同細心，有個兜俾大家煮麵同煮丸。兩個人食，叫咗碟細手切肥牛🐂，油花分布得好靚，滾兩滾就食得，充滿牛香味，肉質亦都好嫩滑。湯底叫咗個酸菜白肉鍋，鍋中有好多酸菜同蕃茄，亦都隨鍋附送QQ粉，唔怕食唔飽，豬腩肉都唔少。味道酸酸地，好開胃。叫你個湯底仲有個好處，就係會送多一碟酸菜白肉🐖，咁就唔怕唔夠食啦。再叫咗個丸類拼盤，有六種丸組成，每樣有兩粒。墨魚丸好食，最緊要爽口彈牙。芝士牛肉丸，芝士流心，牛味濃郁，牛嘅咸味配埋香濃芝士出奇地好夾。黑松露蝦丸，松露味好突出，但都無掩蓋鮮蝦嘅香味鴨血質感夠滑，咬落亦有夠爽脆嘅感覺餐牌入邊會有一個優惠，只要簽喺Facebook簽到同埋like佢個page，就會送一杯鹹檸七㗎啦。唔好嘥呀…Read More

來到門口, 比預定的早了半小時到, 想碰著運氣能否提早進場. 結果是仍要等到訂枱的8:30, 這裡的客人明顯比其他區的養心殿更多. 比起其他分店, 這裡好像燈火較通明, 雖然滿場皆滿人. 但座位間並不狹窄. 整潔枱面. 好久沒見這位朋友, 先喝一杯啤酒慶祝一下. 這裡有日本啤酒Sapporo, 泡的比例也控制得很好. 之前去過其他分店的養生鍋, 但試的湯底只有美人及養生鍋. 朋友建議說這次不如試試這款有鮮魚的寧神養心鍋. 上枱的湯底除了裡頭有足足一隻鮮雞外, 連有很大件的魚頭, 有點出乎意料. 湯底的味道感覺比另外兩款更加鮮甜. 鴨血的口感比豬紅更有咬口. 而且不像低質素的豬血一咬便散. 口感細嫩爽滑, 久煮不硬. 這裡的鴨肉跟各款湯底都很配合, 而且價格才$88, 份量又足. 肉質嫩滑的鴨片肉汁豐富. 雲吞屬水準之作, 裡頭的蝦很大隻, 入口彈牙. 更好吃的是麻辣牛肉餃,  結實的口感以及帶麻辣的味道, 說起來口感更像是牛丸. 水蓮是台灣進口的食材. 把水蓮剪一半放進湯稍灼一會, 入口爽脆非常. 紫淮山麵並非處處皆有, 雖已吃得8,9分飽, 但仍忍不住要點來吃. 麵質彈牙爽口, 配上有豬肉及肉的鮮味雞湯是最美滿的結尾. 點的食物份量比2人份量要稍多, 每人$400的價格也算抵食. …Read More

今次係我第二次幫襯養心殿火鍋了, 上次食完後一直心癢癢，所以約好飯局後當朋友問我有咩嘢提議後、我毫不猶豫地揀左養心殿，而且養心殿的分店越開越多 ，就連尖沙嘴都有，非常方便，事不宜遲即刻book台，解一解我既火鍋癮。😂😂去到尖沙咀分店，見到入口掛左啲中式燈籠再配上燈光效果, 已感覺呢間分店既設計都幾有心思，落到底層，見到啲桌椅擺設都係用木材, 台與台之間用鏤空屏風隔開，走仿古風格，裝修都頗有特色。寧神養心鍋拼麻辣鍋 $168養心殿火鍋湯底都係採用滋補養陰嘅藥膳為主, 有養生鍋、寧神養心鍋、薑母鴨鍋、酸菜白肉鍋、美人鍋同麻辣鍋等多款湯底選擇, 我最愛麻辣，必點麻辣鍋，麻辣鍋端上來時、個湯底本身已有豆腐和鴨血係入面、而且可以免費追加一份鴨血、已覺划算。同行友人唔好辣 所以俾佢話事，佢揀左用烏雞, 鮮魚和多款藥材熬製的寧神養心鍋, 當湯滾後 我地每人先飲左一碗湯, 香氣撲鼻 ，藥材味十分濃郁、鮮甜可口、非常好味😋😋極上雪花肥牛 $188食火鍋一定要配靚肥牛, 我地今次揀左極上雪花肥牛, 肥牛既雪花非常均勻, 肉質軟腍, 淥一淥就食得，牛味濃郁，用養心鍋或麻辣鍋涮都非常夾。手工丸類拼盤(12粒)(每款2粒) $108養心殿自家製嘅手工丸一共六款, 有鵝肝墨丸，黑松露蝦丸等，當中我最鍾意食黑松露蝦丸,黑松露味十分搶鏡，蝦丸又彈牙，兩樣加埋後，味道更加出眾。餃子拼盤(12粒) (每款2粒) $118我鍾意食雲吞餃子之類, 我地點呢個餃子拼盤有齊6款唔同口味嘅餃子, 啱哂我，我最愛鮮蝦雲吞和韭菜餃, 兩款餃子皮富有彈性, 餡料也豐盛、味道不錯。嘉美農場雞肉 $108平時火鍋我甚少點雞肉、但今次個嘉美雞都好有驚喜，肉質嫩滑、細嚐下，好像還有點點甜味，大贊👍🏻炸午餐肉 $58平時火鍋都會點午餐肉，但養心殿既午餐肉都幾特別 ，外層已炸香, 午餐肉也厚身，放入鍋煮後，午餐肉吸左啲湯味後味道更加濃郁, 再加上外層仍係鬆脆香口，我就算怕肥都忍唔知食左兩塊。😙蟹棒 $48蟹棒唔係平價貨色，誠意之作。寬粉條 $38寬粉最夾麻辣鍋，煮到半透明後、寬粉吸曬啲辣湯、食每一啖都要步步為營，緊閉氣門、但吸曬辣湯既寬粉味道充滿麻辣湯既濃香味，約食越過癮。😂😂其他火鍋配料味道都唔錯, 埋單每位$300有找, 性價比唔錯。👍即炸脆響鈴 $68鮮豆皮 $ 38雜錦蔬菜盤 $68…Read More

自從第一次係佐敦養心殿食過一次之後, 養心殿火鍋已經成為老婆嘅最愛, 不過由6月天氣開始熱之後一直冇再去, 今晚趁約左係加拿大玩左一個月終於返黎嘅老友兩夫婦聚聚食餐飯, 就一齊去尖沙咀呢間養心殿分店嘆返餐, 解一解火鍋癮。😆尖沙咀分店入口掛左紅紅燈籠配上燈光效果, 既新潮又富有中式風格, 餐廳內部裝修風格同佐敦相似，桌椅裝飾擺設都係用木材, 走仿古風格, 座位寬闊而且樓底高, 空間感十足, 非常舒適。枱與枱之間, 以屏風間隔, 私隱度高。👍養心殿火鍋湯底都係採用滋補養陰嘅藥膳為主, 有養生鍋、寧神養心鍋、薑母鴨鍋、酸菜白肉鍋、美人鍋同麻辣鍋等多款湯底選擇, 老婆最鍾意就係用烏雞, 桃膠等食材熬嘅美人鍋, 非常養顏, 因為雙拼都唔需要加錢, 另一邊鍋底就點左麻辣鍋俾嗜辣嘅老友嘆。😆寧神養心鍋拼麻辣鍋 $168養心鍋由20斤鮮魚加當歸同烏雞等配料餚成, 湯頭超香濃, 打邊爐前我地每人都嚐了一大碗。麻辣鍋本身已加左鴨血同凍豆腐等食材, 另外再免費追加鴨血一份, 老友大讚麻辣味道恰到好處。👍極上雪花肥牛 $188食火鍋一定要配靚肥牛, 我地今次揀左極上雪花肥牛, 肥牛油脂分佈均勻, 肉質軟腍, 用養心鍋或麻辣鍋涮都非常惹味。😋手工丸類拼盤(12粒)(每款2粒) $108養心殿自家製嘅手工丸每款都好彈牙多汁, 當中我最鍾意食梅菜豬肉丸, 微甜嘅梅菜混入肉味濃郁嘅豬肉入面, 味道配搭得非常好。👍餃子拼盤(12粒) (每款2粒) $118老婆好鍾意食餃子, 我地點呢個餃子拼盤有齊6款唔同口味嘅餃子, 啱哂佢, 我就只食左味道最特別果款麻辣牛肉餃, 餃子皮富有彈性, 牛肉餡料帶有麻辣香味, 肉質爽口彈牙, 味道唔錯。😋嘉美農場雞肉 $108嘉美雞肉質比一般雞肉鮮嫩, 呢份雞肉份量好多, 4個人share都食得好滿足。寬粉條 $38食麻辣鍋必點呢款寬粉條, 寬粉條吸滿麻辣湯汁, 入口充滿濃濃辣香, 令人愈食愈過癮。😆炸午餐肉 $58老友推介點嘅呢款炸午餐肉估唔到真係同火鍋咁啱, 午餐肉厚身, 因為外層已炸香, 所以放入鍋煮都唔會散開, 味道濃郁, 一人食兩件都唔多夠喉。😙其他火鍋配料味道都唔錯, 埋單每位$300有找, 性價比唔錯。👍即炸脆響鈴 $68鮮豆皮 $38蟹棒 $48雜錦蔬菜盤 $68…Read More

喜好醇酒美食的朋輩當中,有不少一談及養心殿,都稱讚其優質出品;遂有好友發起來一次聚餐,這次選在尖沙咀店進行;計及此次飯局時間與地點都方便,我很快答應了;七時多的尖咀地鐵站,一如以往地人潮浪接浪,約定的好友都在K-11商場出口位相等,大家到齊了就向餐廳出發;曾經的棉登徑,是尖咀區夜場集中地,匯聚了當時的型男索女,見證了一個時代的印記;而現時則是中高檔食肆的集中地;從地鐵站出口步行了幾分鐘,來到了昔日喧鬧的棉登徑,但見現時褪卻了繁擾,多了一份寧逸;在這當中,有家餐廳的門面,從Led燈發出的虹光襯托著養心殿的店名,份外搶眼;經過層層的光管階梯,進入位於地庫的餐廳,那種中式古樸典雅之風油然而至;撲鼻而來的各式湯鍋香味充斥半空,弄得我們更添餓感!餐廳雖在地庫,但抽風系統出奇地好,沒半點呆滯感!熟悉的點餐紙,依舊羅烈著各式招牌食物;與好友們尋找著各自己的心頭好,統一了意見後,就快快落單!養心殿其中一樣落煞食的招牌,就是其特製的火鍋湯底,基本上除卻麻辣湯底外,其餘都可喝著來打邊爐;而這次選了麻辣鍋與寧神養心鍋組成的鴛鴦鍋,基本上都是配料豐富的湯鍋!以一系列藥材加重量級鮮魚肉經長時間熬製而成的湯底,味道濃中有細,香甜潤喉,尤其趁著高熱度來喝,那種舒暢隱隱感到確有調和內藴之效!小食與邊爐食材逐一登場;鹵大腸的滷水取道適中,鹹甜味都均勻地滲入豬大腸中,加上大腸油潤綿滑而不膩,用來配上我們帶來的意大利紅酒,以酒中酸度來襯帶油脂感的食物,果香脂香的融合,更覺滋味!另一小食鹽酥雞就保持穩定水準,外酥脆內軟滑,脆漿的份量與油泡時間都拿捏得好,用來送啤酒或白酒都是美妙!新鮮九孔鮑魚在寧神養心鍋中煮熟,吸收了多種藥材的香氣,加上本身新鮮而質優,在口中慢慢品嚐,讓味蕾感覺那股海洋氣息精華,不單融合多重的藥材-川芎,白芷,天麻,當歸等等的氣味,更將九孔變成更滋補有益的食材!鴨血在麻辣鍋中如魚得水般,除了爽滑的質感外,麻辣味完全滲入在鴨血中,在味蕾上的刺激感,以其香味增加了食慾,用來配濃厚的紅酒,有過之而無不及!油豆腐與鴨血有異曲同工之效,分別在於大家質感不同,在麻辣鍋中的表現是突出了豆香與油潤感!另一餐廳特色食材-翠絲水蓮,聽朋友說是台灣名物,今次有幸一嚐,其口感爽脆彈牙,又有青菜氣息,無論在藥材鍋或麻辣鍋中燙熟,都能突顯本味,令人吃得過癮!黑柏葉的質感較為堅韌,在麻辣鍋中翻滾了好些時間;待其熟透後已變得柔軟,慢慢在口中咀嚼,牛內臟的味道依然存在,但已被花椒辣椒調校得極為美味,配上來自西班牙中部高原濃厚的紅酒,兩種濃烈的東西所產生的火花,足以點亮一屋幽黑!黑松露蝦丸的松露醬味道很突出,而蝦丸爽脆彈滑,與寧神養心鍋的藥材味道配合起來,竟有意想不到的美妙!麻辣牛肉餃本身已經有一定的麻勁辣勁,再經麻辣鍋調教後,更加強刺激感,突出牛肉味之餘更一爽到尾!雪花一口肥牛粒,形狀與大小都是便利於火鍋湯中烹煮,與麻辣湯的火花比藥材湯更勝一籌;那油脂與牛肉本味被麻香辣勁放得更大更亮,來一口西班牙紅酒,果香酒香將餘韻拉得更長!壓軸的關廟麵,煮的時間得宜,入口十分彈滑,兼且吸收了多材食材味道融合的麻辣湯的精華,豐富了味蕾上的曲調,特顯滋味!最後的甜品時間,有豆腐雪糕與芝麻雪糕可選,吃上這獨立包裝的一顆,作為平衡之前的麻勁辣勁,十分有效!而另外,餐廳除了可自帶葡萄酒外,(侍應生提了我們一下)若在其臉書上簽到後,更送上一杯特製飲品,感覺更是劃算!總結此餐,在一個時代印記的尖沙咀棉登徑,依然以一個十分合理的價錢,與好友們享受了一個美食與醇酒的晚宴,在那古樸與現代交織的氛圍中,令人高興又陶醉!…Read More

年青時都喜歡到酒吧夜店喝酒玩樂，年紀漸長已經疏遠了夜生活。想不到上次來棉登徑玩樂的夜店，已經變成了火鍋店。養生鍋及美人鍋 / 另加鴨血必食之選，湯濃足料，建議可以先飲湯及吃湯料，然後再慢慢落火鍋料。 美人鍋滋養潤甜，入口舒服，味道豐郁。湯料有半隻烏雞，肉腍不乾鞋，亦都夠入味，還有桃膠，龍眼及紅棗等。養生鍋味道似人蔘湯，湯底較清香，湯料中的鴨血十分軟滑。吃完養生鍋中的鴨血，有點意猶未盡，再點多一份鴨血。黑松露蝦丸+ 鵝肝墨魚丸 各半份又一必食之選，軟滑彈牙，黑松露跟蝦滑味道十份塔配！墨魚丸內藏鵝肝，咬落充滿鵝油香，對我這個愛吃墨魚丸又愛吃鵝肝的人來說，真是一箭隻鵰！ 翠絲水蓮這種水蓮是台灣運過來的，外觀有點像圓條形的韮菜，不過沒有韮菜濃烈的味道。可將水蓮剪短方便進食，夾起幾條來吃，口感爽嫩。新竹米粉最後吃個新竹米粉，盡吸湯底精華美味，入口軟彈帶點韌性！…Read More

養生鍋在短時間內開了大量分店，想必有過人之處。放工約了朋友在尖沙咀逛街，順道來到這品嚐一下。晚上的招牌甚為光亮，很容易便找到這間餐廳。桌子特別設計，中間固定位置放鍋，不怕熱鍋移位造成危險。附近設有調味料，可隨意添加，這裡提供蒜泥汁和香醋加麻油，如能提供蒜蓉更好。點了最便宜的麻辣鍋和酸菜白肉鍋兩併($128)，放食物前先喝一碗湯。首先上桌的是即炸脆響鈴($68)，湯底尚未滾燙，食物已上桌了。上菜速度甚快。脆響鈴上桌時是滿滿的炸香，把其放入酸菜湯，可保留響鈴的炸香，有如新鮮的腐竹放入湯內。野生竹笙($88)非常爽脆新鮮，放入酸菜鍋最適合。紫准山麵($38)很滑，味道很淡，如一般白麵。如煮過久會出現滑潺潺的口感，口感如新鮮准山一樣有趣。自家製水蓮餃($42半份)所用的是香港罕見的蔬菜水蓮，據說這裡的水蓮是由台灣空運過來。清甜爽脆，混入豬肉造成水餃。如有水腫，吃水蓮就最適合了。水蓮餃特別，但不及自家製極品水餃($42半份)，內裡是蝦和雲耳，非常爽脆而帶有蝦的鮮味。在湯底本身已有千層凍豆腐，但這些湯底甚好喝，所以再點了一份。千層凍豆腐($48)經冷藏後結構改變，有很多小孔，因而能吸大量湯底。口感較硬粗嚡，放入麻辣湯底後浸泡，每一口都是麻辣汁。點麻辣湯底可加送一碟鴨血，鴨血爽滑不帶羶味。我就是為了鴨血而來的，麻辣湯底為鴨血增添鮮味，真想無限添食。黑松露蝦丸($48半份)是重頭戲。外表毫不起眼，蝦肉中加入黑松露醬，熟透後澎漲變白，咬一口爽脆，蝦肉鮮黑松露味重，每一口都是齒頰留香。結帳時送上一人一球雪糕，曲奇雪糕較朱古力好吃，有餅脆感又不會太甜。餐單是簡單的一張紙，另有一些飲品餐牌。配料湯底甚佳，可一再光顧。於Facebook讚好可獲無酒精飲品一小杯。…Read More