喜相逢 (界限街) (Moved) New Location

這間四川菜門面裝修很有中國風，只得二至三張室外座位，食客多數外賣形式，雖然是室外，但有一大部風機吹住，感覺不會太熱。餐牌選擇不算多，有水餃，煎餃，小食及糖水，飯麵則比較缺乏的。老闆娘是四川人，所以主打四川菜。這裡的水餃或雲吞都是店主自己包的，所以一定要試一下，煎餃或水餃各有5款選擇，我要了西洋菜豬肉餃，八隻$40，大大隻脹卜卜，配上清湯，餃子皮不厚，西洋菜跟豬肉的比例一半半，不錯。另外點了鴛鴦戲水，有趣的名子，原來是4隻水餃配4隻雲吞的配撘，雲吞是指定款式，水餃則有5 款選擇。這個選了香菇芫茜豬肉餃，要了少辣的湯底。少辣的湯底飲落有點兒似酸辣湯的味道。香菇芫茜豬肉餃食到一粒粒香菇的口感，肉感比較多。雲吞跟水餃比，我還是喜歡水餃多。例牌的口水雞，份量足夠2個人，少辣對我來說亦剛好，麻香很惹味，口水雞肥瘦適中，雞件上還灑上芹菜及花生碎增添美味。店子還提供幾款糖水，我點了大展紅桃，是陳皮紅豆沙配上大熱桃膠，喜歡陳皮的香味，紅豆煲得起沙，配上健康桃膠，味道不太甜，食完辣再食碗凍糖水，爽呀!老闆娘自製辣菜脯

見到有間新開張主打四川好西既緊係要試下啦，所以食物都係人手新鮮製作，所以真係好正宗，街邊開枱就食，係大排檔style既私房菜好親切既味道~尼度既麻辣真係好正，係超麻辣自家製既醬料呀好正好正，個麻辣係麻好重，辣一陣就會好快散~口水雞仲有花生又有小小麻咁好好食呀~~~餃子既部份入面既餡都算多，都好好味，主要真係個辣係超級重點既好食🤩最後仲有媽媽糖水，我地試左尼個係大展紅桃，有桃膠、紅豆、果皮同連子，老闆娘仲話佢岩岩先整起，真係熱騰騰既拎到尼，好甜超多紅豆，桃膠仲對皮膚好好，尼度幾款糖水都係中式滋潤type既，食完辣之後再補補，正呀👅💦💦💦💦

今次捐窿捐啦去到太子搵食，附近一帶得佢一間店面特別起眼，因爲門口嘅中國古色風格令我留意😂，原來係食四川菜嘅小食店！-望一望餐牌價錢夠親民，$36就食到一碗《風花雪月》其實就係燕碎加雪燕糖水，超驚喜材料比得好足，味道唔會過甜，每一啖都食到燕碎而且用北海道3.6牛乳🥛，絕對唔孤寒😱！《口水雞》估唔到例牌都咁大碟😨，麻辣味亦都夠重，個汁勁重口味，越食越上癮😛！《鴛鴦戲水》😳就係餃子加雲吞，有五款餃子選擇，我就試咗白菜豬肉餃🥟，餃子夠大隻餡料亦豐富，湯底望落鮮紅色但飲落唔算好辣😛，《泡椒鳳爪》用來做開胃前菜啱晒，開頭食第一啖覺得冇乜料到，點知啲辣係後尾慢慢散出嚟🤯，食得辣嘅朋友仔可以試吓！-小店經營外賣比較多，所以只有室外幾張摺檯可以坐，要去就要留意啦😬

今日咁啱放工嚟到界限街，諗起當年呢條街係個具有重大歷史意義嘅交界之處，而今時今日香港亦都正在經歷另一個歷史時刻......邊行邊思考都行到有啲肚餓，見到有間叫做喜相逢小店，一於去試吓先。總共叫咗五樣嘢食，第一樣嚟嘅係醉雞：佢有三個份量選擇：例牌、半隻同一隻，我哋雖然係叫例牌，但係都好大碟，份量真係童叟無欺。食落去調味十足，啖啖肉，聽老闆娘講原來係招牌菜之一，每日都好早賣晒！又試咗依個水晶皮蛋做前菜，我好鍾意佢真係好似水晶咁晶瑩剔透，少少麻辣得來好惹味，仲幾彈口添。另外叫咗兩種唔同煮法嘅餃子試吓：鴛鴦戲水，原來即係湯餃子，湯底用咗蘿蔔粟米豬骨湯，我哋揀咗椰菜銀耳水餃，老闆娘好貼心咁問要幾辣，唔夠辣仲可以加辣添，服務殷勤有禮，真係要俾個讚佢。煎餃就揀咗白菜豬肉餃，呢個真係要比10分。老闆娘會問想要燶啲定係冇咁燶，我哋就揀咗小小燶啲。有自己煮嘢食嘅人都知道，煎餃一啲都唔易，通常唔係煎得太硬，就係入邊唔夠熱。呢隻煎餃食落係外脆內軟，裏面仲充滿肉汁添，真係符合我所有嘅期望啊。原本都冇諗住食糖水嘅，不過老闆娘話食完辣野要碗糖水真係好正，所以我哋要咗個百般順意，即係腐竹雞蛋糖水，口感滑溜，食完真係透