Hoi Tin Garden Restaurant

早上八點已有十多人排隊，一開門入去自己搵位，侍應很快便開茶，早茶有孖寶餐及一些特價點心，都算多選擇，落單後點心都快到及熱辣辣，點心有一定水準，真材實料，份量也足夠，兩人食六個點心也很飽，環境清潔但枱與枱之間距離較近，隔離枱如大聲說話也較嘈，九點已坐滿人，荃灣早茶不錯的選擇。…Read More

今日放假，見樓下呢間茶樓開咗咁耐都冇試過，就一早起身去試吓，因為剛開門的關係大把位置，我就揀咗近窗口望海景嘅枱，環境唔錯不過枱櫈比較污糟。叫咗五個點心有三個特別差，鯪魚球係得外表包住米粉果D脆，內裏一啲都唔彈牙，軟淋鬆散，唔好食。金邊蝦餃王蝦肉爽口彈牙，非常之唔錯。珍珠鹹水角，餡料惹味，外皮炸得酥脆不黏牙，相當出色。鳳爪排骨飯失望到極點，非常之細盅，排骨豬臊味好濃，而且蒸飯蒸到啲米飯濕淋到不得了，好似啲杰撻撻嘅粥咁，一啲都唔好食，唔怪之得咁多老人家叫，唔使趙直接可以吞，都唔使驚哽親。諗住叫個最穩陣嘅蔥花炸兩腸，點知呢個最難食，除咗細件頭，條油炸鬼油益味好重，應該翻炸咗多次或是油的問題，從未試過食一件就唔食。我就唔會再有下次來飲茶…Read More

今日去咗樓下新開嘅海天花園酒家飲早茶。地方都幾大，有卡位也有圓枱。好鍾意佢啲茶具。印上了花花圖案的茶杯感覺很高雅，像去了high tea～🍵☕️🥰鳳爪排骨飯，排骨唔會紅，味道唔會比醃料掩蓋。飯唔會太腍。蝦餃只有兩粒，皮邊上有金箔，成件事好矜貴啊。蝦夠新鮮又大粒。炸兩稍嫌太油但係好脆口。棉花雞雞唔會有冰鮮味。通常棉花雞都會有冬菇，呢度亦唔例外。除咗冬菇仲有淮山同埋蟹柳，好豐富呀！淮山好爽口。清爽鴛鴦馬蹄糕呢款點心幾特別。所謂嘅鴛鴦即係馬蹄加紅豆。唔會好甜，甜度啱啱好👍🏻。馬蹄設成薄片十分爽口，紅豆煮得熟透，口感粉粉地，一爽一粉的口感很特別！…Read More