身為一個地道嘅香港人,一定超鍾意食咖哩魚蛋！行街經過見到食一串, 牙痕又食一串, 早餐,午餐,下午茶都可以加咖哩魚蛋！可謂又細食到大！仲有好味既魚蛋仲要係街邊篤吓篤吓先夠地道貼地,講到篤魚蛋就一定要食葵芳嘅強記小食. @強記小食 既魚蛋長期位於魚蛋關注組第一位！除咗街坊街里成日幫襯之後,有好多人更加跨區去食！去葵廣掃街一定會先來食咗先！平時都有好多foodie 來打卡推介,當日我都見到有個行家係咁影相呀！ 🔮魚蛋 小店用陳皮魚蛋,魚蛋真材實料,有陳皮味之餘又有魚肉味！最重要係魚蛋無咩加發粉,所以唔會變成一粒發水魚蛋咁,魚肉實,外皮煙韌有咬口!重點來啦,係個汁,小店用一個大飯煲一邊滾住D魚蛋,個湯汁浸住D魚蛋,索哂D味,咖喱沙嗲香辣,入口超惹味,唔洗加辣汁都好夠味! 果重辣仲要係後勁出番來,好好食呀！ 如果大家食得辣,仲可以加辣汁!佢地個汁超辣呀！我就唔得喇！不過你地可以去試吓! 🔮燒賣 仲有佢地個燒賣,雖然魚肉燒賣,但係佢地個秘制鼓油,不得了呀！超好味,一定要加!香,甜,咸,集於一身！正！ 🔮鹵魷魚 再食埋橙色魷魚(我由細到大都係咁叫🦑）,本身已熟,會再整熱俾客人!我叫唔辣,咁就會俾一個唔辣既沙嗲醬汁你.個汁好香,有沙茶同五香味!魷魚入口軟腍又唔韌！真係好好味呀！ 呢D咁地道既香港小食😋,唔單只好味！背後充滿咗港式飲食文化和情懷！以前係外國讀書都成日介紹咖哩魚蛋俾外國同學仔！當然有勁推強記小食魚蛋啦！…Read More
