上次經朋友介紹而去食呢間嘅麵食，黃爸爸 (即係店主)嘅鮮濃骨湯真係好好味，令我今次又再次回訪啦😄 餐廳空間比較細小，所以只供外賣。估唔到我哋由上環拎到返深水埗食，食物仍可以保持到熱嘅溫度，其包裝有好好的保溫效果喎👍🏻🍢🍜 懷舊車仔麵套餐 (HK$59)
．巳預設有陳皮魚蛋、豬大腸、日本蘿蔔片、牛柏葉，揀咗配鮮濃骨湯和紫薯粉絲💜．紫薯粉絲 — 上次食過覺得好好味所以今次encore再食，好會掛湯，軟滑微彈口，正👍🏻．陳皮魚蛋 — 口感彈牙、有陳皮味、食到有5粒，好滿足🫶🏻．豬大腸 — 乾淨、爽脆可口、厚切的，加分！．牛柏葉 — 厚切、爽脆、好入味．日本蘿蔔片 — 爽滑、清甜．金錢肚 — 好驚喜點解會有嘅😳 哈哈，多謝加餸，味道是入味，易咬、口感好爽彈！．鮮濃骨湯 — 濃郁的煮家肉骨湯，鮮甜美味，當然飲晒無剩😋 🦐🍜 鱻鮮套餐 (HK$59)．巳預設有自製魚餅、鮮蝦和白魚蛋，我哋揀咗配蕃茄濃骨湯和紅薯寬粉．紅薯寬粉 — 真係好寛闊，口感爽滑、煙韌，是好健康嘅澱粉質，因為有助增進腸道蠕動喔！．魚餅 — 成個碗咁大塊，是黃爸爸手打的鯪魚肉，加入大量蔥，好足料，好美味😋．白魚蛋 — 爽口又彈牙，魚肉比列滿多的！．鮮蝦 — 鮮甜爽彈，食到碗底，有三隻咁多㗎😍．菜 — 為咗要均衡飲食，碗底原來放咗好多條菜，顏色雖然被湯底染咗色，但口感是爽脆鮮甜㗎😋．蕃茄濃骨湯 — 蕃茄味濃郁，其甜味能夠令肉骨味更出色。因為零味精，最後又真係飲晒，一滴不留😁🍑🍵 蜜桃烏龍茶 (套餐包的)．冷泡的烏龍茶清醇、微微果甜🍧 透心涼冰粉 (+HK$15)．冰粉，看似大菜糕，但比大菜糕更透明的，口感冰涼、爽滑．糖水加入咗紅糖、山楂碎、糍粑、糯米糰子和紅棗粒，口感豐富也感覺養身啲．原來有消暑解渴嘅功效，大熱天時食一流👍🏻…Read More
