Kappo Ro Ann (iSQUARE)

朋友生日帶佢黎呢度慶祝就啱啦！預訂咗window seat，兩個人坐四人台，而每一張四人枱都有一塊日式布隔住，夠晒privacy又坐得舒服☺️今日試咗黑毛和牛壽喜燒，非常驚艷😍 呢種高級和牛絕對值得一試，尤其是係啲肉煮得剛剛好，入口好淋滑，肉味又夠香😋 呢道菜非常注重質量和細節，配料有粉絲、蔬菜、菇類、仲有番薯！好鍾意佢哋嘅粉絲，夠晒有口感又彈牙。套餐嘅茶碗蒸仲好香好滑！鍋入邊本身已經有啲粉絲，佢個定食仲配埋飯同埋烏冬，下次再叫一定要記住叫佢上少一樣，如果唔係就會太飽，食唔到甜品啦～朋友叫咗個鰻魚定食，佢平時唔食鰻魚，因為覺得好腥！今次佢覺得呢個鰻魚OK，但又唔係話特別好食，冇佢之前喺日本大阪草津市場試過嗰個咁難忘～紫菜天婦羅炸得好好食😆壓軸甜品出場！個音樂盒真係好正，拎個甜品上枱嗰陣我朋友呆咗，佢話好驚喜完全冇expect過。個抹茶奶凍勁香、勁滑、抹茶味勁濃，甜度又岩岩好，係感動嘅味道😭如果真係要彈嘅話就可能係寫碟嗰度字體比較狂野😂呢間餐廳真係好好好正～我已經回頭咗三次啦😆…Read More

難得復活節假期，梗係同老公開開心心出去食餐飯啦！今日揀咗位於iSquare 28樓嘅「割烹 櫓杏 」我哋book咗12點食lunch , 入到餐廳𥚃面，環境十分清靜與優雅，枱與枱之間嘅距離分得好開，十分注重客人嘅私隱。而且餐廳安排左一個靠窗嘅梳化位俾我哋，可以望住個海景，視覺上十分享受! 欣賞完咁靚嘅海景之後，我再細看餐牌，原來選擇好多，最尾我選擇咗一個三色丼。大概等咗5分鐘就上菜了。三色丼，顧名思義就係有三碗飯，三碗飯分別係角切魚生飯、蔥吞拿魚腩飯同埋鰻魚飯。角切魚生飯裏面有油甘魚、金目鯛、三文魚子、吞拿魚、深海池魚五款魚生，十分豐富。魚生都好新鮮，加上切粒，撈埋D飯好有囗感吖蔥拿魚腩飯加入咗蔥白、黃蘿蔔碎，味道鮮甜爽囗，齒頰留香。鰻魚飯裏面的鰻魚燒得十分香脆，而且鰻魚夠晒肥美。再配上鰻魚汁，十分好送飯。而且服務態度10分好，值得再次光臨！ …Read More

好友嚟到尖沙咀，想搵個地方食個美味lunch, 於是上openrice search到lunch menu唔貴，於是嚟到食餐好嘅！ 一入到門口，好大隻熊本熊迎接我啊  由於12點正剛開門，唔駛等位直入去做 ，環境幾好，好寧靜又光猛。有成廿幾款lunch 選擇好多，有選擇困鞋症嘅朋友慎來啊！千簡萬簡，簡左8件壽司set同鰻魚飯兩個人share.賣相好靚，鰻魚飯個汁好好食，鰻魚好入味，飯香有層次！ 之後再到壽司set,  壽司件件肥美，三文魚籽＋海膽鮮度令我非常驚喜味噌湯非常香濃！食物質數高班，以咁嘅價錢食到真係非常抵食！ …Read More