Sushi Tachi (Cameron Plaza)

鋪頭日式裝潢,價格相宜的壽司主題立食店。食材每日由築地直運時令食材到港,而醋飯則以日本福井米製作。今次小編就試左個立鮨人氣盛合,呢度嘅壽司種類非常多款款都好吸引,師傅係即叫即整~前菜有個蟹子沙律 同麵豉湯蟹子沙律清脆嘅青瓜絲+蟹柳鋪底，加上沙律醬，再撒上脆卜卜嘅蟹子，入口好爽! 一日好心情由此開始麵豉湯正常野冇特別立鮨人氣盛合$88立鮨人氣盛合有6件壽司，包括三文魚壽司、火炙左口魚邊壽司、北海道帶子壽司、珍寶赤蝦壽司、自家製玉子壽司、鰻魚壽司~三文魚壽司最鐘意食三文魚補充Omega-3,三文魚十分厚身,魚身表面有光澤,顏色呈淺橙色，一間間概白色脂肪分明而且顯眼，長度剛剛覆蓋飯團!火炙左口魚邊壽司我一向都幾鐘意食左口魚,呢間燒得好香口,加兩粒蔥花點綴一下除左食得重睇得,而且火炙過既魚邊充滿油脂感,口感細軟入口即溶,好食!北海道帶子壽司鮮甜肥美,肉厚味甜,極富彈性,顏色天然乳白極具天然風味珍寶赤蝦壽司根據我概理解赤海蝦因為喺極凍嘅水域生長，所以蝦身比一般蝦壽司更加晶瑩剔透，肉質肥美爽滑之餘,仲十分鮮甜！而且叫得珍寶重大隻過平時食開個D我粗略計大粒1.5倍到啦!自家製玉子壽司玉子口感細緻綿密,甜而可口,內層鬆軟,中心濕潤,口感蓬鬆有層次！鰻魚壽司師傅用火烤到外皮帶有脆度,表面現金黃色 食落口外皮帶有脆度,中心保持軟嫩,鰻魚片肉質肥美,在口中散發極鮮滋味!而佢概綠茶亦好飲感覺都幾高質,回甘味重唔似出面概粗野。總體黎講環境就正,十個坐位 3個師傅 2個侍應基本件件都大舊,野食十分有水準！不過得6舊唔夠飽... 要叫二份先夠食立鮨地址 :尖沙咀金馬倫道23號金馬倫廣場地下D舖營業時間星期一至四12:00 - 22:00星期五至六12:00 - 22:30星期日12:00 - 22:00電話號碼:28363830記得比個LIKE同分享 有咩想同我地分享就DM我地啦~#濠愛美食 #hkfood #Hkfoodblog #Food #food blog #香港美食 #香港美食指南 #相機食先 #尖沙咀美食 #午餐 #午市套餐 #性價比 #上班一族恩物 #立鮨 #廚師發辦  #Omakase #立鮨人氣盛合 #三文魚壽司 #火炙左口魚邊壽司 #北海道帶子壽司 #珍寶赤蝦壽司 #自家製玉子壽司 #鰻魚壽司…查看更多

日本立食文化早已流行，居酒屋、燒肉、壽司，大眾化的價錢吸引到不少人光顧。但起香港呢個租金高昂既地方，這個經營模式又能否站立得住呢？立食，顧名思義就係企起度用餐，立鮨就用比較大眾化嘅價錢，食到接近Omakase 既質素。尖沙咀店大概能容納十人，企位尚算舒適。店員帶位後有提醒落單後把點餐紙放上壽司bar上就可以，介紹清晰。呢度既綠茶粉好香，值得留意，留意到單買係要3佰幾蚊。每個人進食既setting都有一個熱水出口位，不過當日就不幸壞左，呢度要扣少少分數，幸店員每個位置都放了一壺熱水。壽司係你每一round order完，師傅係會整哂先比客人，而唔係逐件逐件上，嚴格來講呢度有個唔好處，就係唔能夠確保客人食呢件壽司既最佳品質，同埋唔同壽司都有佢進食既先後次序，由魚味淡既食先，到最後先食魚味較濃，如果師傳能因應客人點餐既壽司，再以上述既次序一件一件放上客人前加以介紹，我覺得成個檔次會再升一級，更能貼近廚師發辦。值得稱贊既係，呢度既壽司飯係用上赤醋飯，色澤呈較深色，係高級壽司舖會用上來製作壽司醋飯。至於每一件既壽司大細都好勻一，握得結實，沒有一夾即散的情況出現，呢個係最能夠看出一個壽司師傅既基本功。魚質方便，我覺得呢個價錢有呢個質素，已經贏左果兩間大型連鎖店，起碼食得出新鮮而唔係連溶雪解凍都未做好，就比客人食。留意到師傅身後有個每日時令既餐牌，有幾款每日時令既推介，例如白子，寒獅魚，白蝦等等，下次可以試試。…查看更多

今日在尖沙咀睇完早場，行經金馬倫道，見到嚟間長期有人排隊嘅長龍立食壽司店，竟然無人排，可能因為時間尚早，我不禁同友人入去試試，食個lunch店內位置不多，有十個企位左，客人全部企在凍櫃前用餐，可以睇到刺身的樣子我哋叫左兩set lunch同散叫左一d壽司🍣Lunch set有送沙律同麵豉湯，麵豉湯超有陣陣的海鮮甜味上面的是嚴選火炙盛合，而下面的是立鮨壽司拼盤(上）北海道帶子刺身+原隻活赤貝刺身+珍寶赤蝦刺身鰻魚壽司火炙特上地金目鯛壽司+特上地金目鯛壽司火炙三文魚壽司+火炙三文魚腩壽司波子汽水和蘋果汁也是跟lunch set加$10就有明顯這店係香港少有的高級壽司店，雖然店小，但質素超高，可能店小是為了師父能夠充分serve到每一個客，而且師父數量不少，另外，外面有兩個侍應幫忙打點…查看更多

夜晚放工次次行過金馬倫道都見到呢間立食壽司都有不少人排隊，而今次星期日約左朋友唔係繁忙時間去食!終於明白點解成日都咁多人排隊啦!這間立食店舖位很少，每次可能只可以有10個客人左右在店內，但因為係立食，所以好快就可以再有其他客人入。Bar枱上有豉油及綠茶粉供使用，枱下有位置供客人放置自己私人物品。店員安排位置企後會遞上點餐紙及餐牌。燒蝦頭(配鮮蝦味噌湯)($15)，這個湯非常鮮甜，味噌味唔會太淡，有淡淡的鮮蝦味，而且湯入面有一個燒過的牡丹蝦頭!本鮪赤身(吞拿魚)($58)，吞拿魚色澤夠紅，魚肉新鮮鮮甜!立鮨壽司拼盤($78)，這個拼盤包括了海膽軍艦、北海道帶子、三文魚、赤蝦及油甘魚!帶子鮮甜肥美，海膽鮮甜!而且壽司飯唔會大個刺身，所以啖啖肉!三文魚籽軍艦($20/件)，係香港真係第一次可以食到三文魚籽滿瀉的軍艦。魚籽粒粒飽滿，面頭有少少柚子皮碎帶起鮮味，而且上碟時壽司師傅說明這款是不用點豉油吃的。鰻魚壽司($15/件)，鰻魚唔似出面仿間食到的鰻魚肉「林林」的，肉質較為結實，食得出這款鰻魚是有燒過的，而且醬汁也很美味!大滿足海膽特盛($98)，滿滿的海膽像個海膽山，海膽鮮甜肥美，配埋本身已經有味的壽司飯，非常夾呢!原隻活赤貝壽司($30)、安康魚肝壽司($38)、珍寶牡丹蝦壽司($38)、芥辣八爪魚軍艦($12)、吞拿魚壽司($20)，赤貝爽口鮮甜，安康魚肝食落creamy，牡丹蝦鮮甜彈牙!碎蔥吞拿魚手卷($28)，這裡的手卷紫菜在手卷底部會有一塊包住，那樣飯及餡料都不會跌出來!吞拿魚碎已經調了味，再配蔥一齊食更加惹味!總括來說，這間立食店價錢唔算好貴，食物質素都好高，有時間一定會再黎食!…查看更多

前排嘗試立食，感覺幾特別，向各方好友分享，各有不同意見，而其中一位朋友就好想體驗一下，那就齊齊開餐，反正我也覺得立食也很不錯！店舖門面裝潢滿有和風色彩，內裏簡約舒適，頭頂的白色櫻花很美呀！一張 “L”形的壽司枱，可容納的客人不多，前方是放滿各式各樣刺身的刺身箱，對着它進餐更有胃口，哈！有點單紙，亦有餐簿，很清晰齊備。共有八大類，包括刺身、手卷、卷物、飯類、盛合、壽司、軍艦和飲品，還有黑板上的期間限定和本月精選。****************************揀了兩款刺身，有北海道帶子刺身（$28/3片），雖不算厚大，但柔軟鮮甜，不錯！另一是油甘魚腩刺身（$88/3片），細細件，但厚身，口感一流，肉質柔軟帶爽，肥美油潤，充滿魚香，吃時蘸上少許山葵醬汁，令人吃得滿足。******************************友人不是所有魚都吃，獨愛三文魚，故揀了特選三文魚盛合（$58），包括有三文魚壽司、三文魚腩壽司、三文魚壽司、火炙三文魚壽司、辣三文魚軍艦和六件三文魚小卷，足足五款，各具特色，相信三文魚迷必定大滿足！我也嚐了件辣三文魚軍艦，三文魚粒肉質柔軟，辣味漸漸滲出，味道吸引。而友人就吃得好滿足，特別喜歡火炙三文壽司，雖不是腩位，但滿載油脂，亦是因火炙後迫出魚油，魚香味更突出，油潤兼柔軟，正！******************************友人追加一件鰻魚壽司（$15），睇落挺厚大肥美，友人話未吃過暖暖地的鰻魚壽司，好味！******************************我就一口氣點了六件壽司，超興奮！由於鍾情火炙，所以佔大部份，分別有火炙北海道帶子壽司（$15）、火炙松葉蟹腳壽司、火炙特上地金目鯛壽司、喜之次壽司、珍寶牡丹蝦壽司和特上海膽軍艦，每款都是我心水之選。火炙松葉蟹腳壽司（$30）相當厚肉，啖啖肉，肉質鮮甜柔軟；火炙特上地金目鯛壽司（$48）魚皮鮮紅，肉身亮澤粉紅，魚味較清淡，但經火炙後，迫出油分，吃起來帶甘香；喜之次壽司（$58）魚香四溢，啖啖鮮嫩兼充滿魚油，再加上辣蔥醬，配搭特別！珍寶牡丹蝦壽司（$48）晶瑩剔透，色澤亮麗，爽彈中富黏性，味道鮮味，優質！特上海膽軍艦（$48）是採用來自韓國的海膽，甘香鮮味，很黏滑，不錯！******************************停不了口，我倆也追加。我要件火炙大吞拿魚腩海苔壽司（$48），油份被迫出，吃落滿有魚油香，肉質柔軟，以脆口的紫菜挾著，中和油份，吃落無咁漏。而友人就揀了牛油果手卷（$12），捲法有別於一般手卷，友人話紫菜脆卜卜，牛油果就好香滑。******************************除壽司刺身外，也點了兩款小食。枝豆（$25）豆身飽滿, 簡簡單單灑上才許幼鹽提味，更能嚐出啖啖豆香，煮至半腍，仍存咬口，好味! 邊傾邊吃，不自不覺很容易便吃光了!還有極推介的櫻花蝦玉子燒（$25），配上晶瑩剔透的三文魚籽，單單賣相已令人歡喜。玉子很香滑，混入了鹹鮮的櫻花蝦，再加埋三文魚籽，大大提升鮮味，配搭一流！------------------------------立食其實已盛行了一段時間，但身邊唔多朋友試過，今次給友人新體驗，她也覺得好特別，絕對可encore。…查看更多

日本feel立食壽司🍣啱晒香港人要快靚正嘅生活態度😂-其實已經7月時食 依加係到分享番❤️佢哋嘅壽司飯係用咗赤醋 顏色啡啡地🍣大滿足海膽特盛$98海膽鮮甜 但份量太少了 不值$98🦐燒蝦頭配鮮蝦味噌湯$20味噌湯帶有燒過嘅蝦頭甜味 好濃郁👍🏻🍣鰻魚壽司$15口感軟綿 表面有燒過微暖帶有焦香味再配同鰻魚一絕嘅生椒粉 另味道更有層次🍣三文魚子壽司$20👍🏻加咗青檸皮碎係面 無平時食嘅腥味 提起魚子嘅鮮甜味👍🏻紫菜夠脆-其實仲有叫好多唔同款嘅壽司全部壽司魚生都大舊厚切例如大toro都入口溶化😍比較少地方食到嘅鮟康魚肝佢哋都有得賣👍🏻雖然佢哋要排隊等位又要企喺到食但真係過足壽司癮😭❤️好有日本立食感覺…查看更多

自立鮨開業以來，我已光顧5次了，原因無他，就是任君選擇，時有驚喜，有時豪氣食200-300蚊又得，平平地100零蚊又得，但平不代表不好吃，它的赤醋飯十分好味，而且入口微暖柔和，大小適中，吃過後真的很難吃回連鎖店，所以不知不覺成了熟客！我明支持這小店的，眼見食評未算多，希望能多些人支持，讓它愈做愈好！今天果腹為主，店推介的有活青柳貝和辣帶子壽司，價錢又不貴，即管試試！活青柳貝個子算大，吃下滿足，爽脆微甜，不錯吃！其他依舊保持水準，烏賊檸檬香，火炙三文魚蔥香，赤蝦大隻，芥辣八爪魚新鮮爽脆，青瓜卷也很不錯（個人偏好，不過相信更多人會點三文魚小卷吧）。反而甜蛋上次$9有兩件的，今次只有一件，不過師傅說本身一客只有一件，可能上次師傅送多了（如果$9得一件，我便寧願點其他啦）！辣帶子壽司則非常香辣，吃後滿口辣勁，連喝綠茶也要等好一會，辣味才散，但別誤會，此品非常好吃，加上帶子彈牙，乃必點菜式！今天的鰻魚是我吃過數次中最好吃的，原因是即燒即做，我看著師傅用火槍燒至香煙四溢，油爆出聲，然後即握即吃，暖熱的柔軟鰻魚，加上室溫的赤醋飯，實在無上的享受！（我見旁邊兩位男士，點了4件鰻魚壽司！）埋單只是百多元（9款壽司），到哪裡找？請人來吃也不覺得肉赤，當然，貴有貴食，旁邊吃馬糞海膽和牡丹蝦的，大有人在（尤其三文魚子壽司非常多粒！），如它有寒鰤魚和白子我也會點，只是想說，午市如想吃平一點，來這裡似乎也是不錯選擇，而且下午更有$58鰻魚飯，附味噌湯和蟹子沙律。當然不能期望香港魚鮮能及得上日本築地，但此店魚料多經過仔細調味，是我很欣賞的地方，的確是廚師發辦的級數，即使是高級的迴轉店也比不上它，所以每次到尖沙咀，都心思思想食幾件。…查看更多