Sushi Shari

好朋友一早book左朗屏嘅omakase同我慶生日，超幸福~ 小店雖然得十幾個位，日系簡單裝修好舒服，空間感亦非常唔錯。Lunch set有兩款，都有茶碗蒸、湯、甜品，$780 set就跟3款前菜、1款燒物、10貫壽司同卷物，$480 set就跟12貫壽司。首先係茶碗蒸，非常幼滑鮮甜。接著就係3款前菜 - 鱈魚白子同兩款刺身。白子係是魚類的精巢，話說好補同有營養。平時好少食，入口順滑有d似creme，一d都唔腥，係特別嘅，不過鐘唔鐘意就見仁見智~ 刺身有兩款，有我最係鐘意嘅赤貝，非常爽甜~接著就係10貫壽司，分別伊佐木、帆立貝、真鯛、縞鰺、池魚、鰆魚、甜蝦、鯖魚、中拖羅同海膽。比較特別嘅係第一次食縞鰺，係上等嘅深海池魚王，肉質比池魚更有彈性而且肥美。款款食材都好新鮮，鍾愛三款非伊佐木、帆立貝、中拖羅莫熟。伊佐木顏色好靚白裡透紅，魚身鮮甜得嚟加埋柚子胡椒醬更加清香~ 一向都鍾情帆立貝，那豐厚肥美而白雪雪嘅帆立貝簡直令人想encore~ 中拖羅入口軟綿綿油香滿瀉嘅滿足感真係不得了！海膽都好出色。卷物干瓢卷唔常見，葫蘆瓜以醬油醃製，非常爽脆有咬口，簡單嘅食材亦能成一番美味。燒物炸蝦天婦羅嘅麵衣非常薄，酥脆而不膩，連蝦尾都脆卜卜食得。仲有麵豉湯同勁香濃芝麻雪糕，食完超滿足。食物高質，遺憾嘅地方係整個用餐體驗十分趕，十二點準時去到入座，坐左十分鐘都未夠只係食緊第一道茶碗蒸已經同我地講要食快少少因為個半鐘內要還台…其實仲有客都係啱啱到… 好趕客… 我地剛剛先開始咋喔~ 如果用餐時間長返d d會更佳~…Read More

今日到元朗找朋友，原來朋友已經一早訂好位食舍利鮨Omakase ，一試之下有驚喜。今次坐吧枱，特別有氣氛，可以一邊欣賞師傅弄菜一邊品嚐，而且師傅也很耐心地講解每一道菜，也會解答客人的問題，十分親切今次吃 晚市 $1680 20品，有前菜/刺身/ 壽司/湯/甜品生果等；有幾道菜印象特別深刻想記錄一下：🔸目光魚這個高級食材，油香味豐富，微燶燒得香濃🔸石桓貝新鮮，肉質光潤厚實，口感是我愛的爽彈而不靭🔸仙鳳趾生蠔第一次吃仙鳳趾生𧐢，海水味不太濃，蠔身十分滑溜甜美，味道濃郁🔸醬油漬大拖羅大拖羅就是指魚腩最前位置，油脂及筋比較多；這個口感 creamy 而不稔，有咬感，微微滲出醬油味🔸玉子燒厚厚的肉，結實而充滿蛋味，偏甜🔸鰆魚肉嫩肥厚，口感略有不同…Read More

舍利鮨取了舍利子的同音字。巧合地用在日本餐廳中非常適合。舍利鮨整個餐廳環境以木為主軸，有唎酒師，主要吃Omakase ，師傅很親切，都今慢慢地了解你喜好再安排時令刺身。個人很喜歡秋刀魚，天氣轉涼後，食秋刀魚非常適合，鮮味足夠。其次最愛為醬油漬大拖羅，油脂足，一入口即溶，魚香油味足。哈密瓜想起北海道感覺。甜蝦加上蝦膏，大大隻，又夠甜，正。其他水準也不錯，有什麼不明白都可以問師傅。整體價錢合理，很適合平常少吃日本菜又想接觸的人 …Read More

▶️話說其實未食過Omakase，所以一於黎呢間試吓晚市既Omakase，食之前都幾期待🤤揀幾樣特別深刻好好食嘅分享吓醬油漬大拖好好食，大舊厚切，油脂又豐富，入口即溶，好香魚油味🤤海膽分量好足，好肥美，入口好鮮甜😋一啲都唔腥隻甜蝦已經預先處理好，無頭無尾好方便食，都幾大隻，食落口好甜，配埋蝦膏更加香超級正👍秋天食秋刀魚就夠曬肥美，同平時食燒秋刀魚係完全唔同嘅感覺，更加食到魚既鮮味👍樣樣都幾好食幾高質，非常滿意嘅一餐，會令我想繼續試下唔同嘅Omakase😋…Read More

11月特別多朋友生日，今晚就去咗元朗同朋友食omakase生日飯🥳～我哋今餐食咗咗好多高質壽司🍣同魚生，每碟都好新鮮🤤，有秋刀魚、深海池魚、醬油漬大拖羅、深海池魚、鮟鱇魚肝配烏魚子、鰆魚、金目鯛、魚湯、目光魚白粟米飯等。其中呢幾款最有驚喜😍～秋刀魚秋天特別肥美嘅魚，魚肉夠鮮紅，好新鮮😋鮟鱇魚肝配烏魚子🐟初時擔心會有腥味，點知原來食落肉質鮮味之餘，仲完全唔腥👍🏻～醬油漬大拖羅夠厚切，拖羅油脂十足，入口即浴🤤鰆魚晶凝通透嘅刺生，細味品嚐就會感受到淡淡的鮮味同甘味～…Read More

疫情封關下，日本菜越開越多，總算係對戀日港人嘅心靈慰藉。呢間舍利鮨開設於元朗，主打相宜價格、日本直送質素，即使budget有限都能品嘗到令人回味無窮嘅OMAKASE。每次享用廚師發辦都有拆盲盒嘅感覺，你永遠唔知下道菜會上啲乜，但到完膳果刻都有一樣嘅滿足；由點餐到尾聲都由同一師傅主理，師傅好傾，加上對鮮味食材嘅尊重，所以並唔係每道菜都有留影，以下只列出印象尤其深刻嘅菜式。北海道海膽為市場級別，只見外觀顏色都知新鮮。以軍艦形式盛載，飯少海膽多，更能專注於海膽鮮甜軟滑嘅原味，即製軍艦最出彩嘅地方係紫菜仍保持薄脆，口感更佳。兵庫縣室津產蠔，有蠔界王者之稱，質素當然無容置疑，入口帶淡淡嘅海水味；雖經微微灼熟，但蠔身絲毫無縮水，仍然厚肉肥美。沖繩野生吞拿魚中拖，特點係四肥六瘦，有肉筋嘅嚼勁，同時帶幾分軟嫩，魚味濃厚。大拖油份再重啲，魚味亦成正比地更濃厚。鰆魚不為香港人熟識，分分鐘食過都唔知呢種魚叫「鰆」，其實都係馬鮫嘅一種。夏天卵期食佢嘅柔軟，冬天則食佢嘅肥美； 作為白身魚，味道偏向淡身，建議蘸上芥末提味，細味佢嘅口感。少喺呢類型餐廳供應呢類飽肚飯食，但呢碗生燒鰻魚飯令我另眼相看。師傅表示鰻魚正值當造，一食果然無介紹錯。鰻魚入口即化，配以咸甜兼備嘅照燒汁非常惹味，怕飯食過於飽肚，師傅貼心地減少飯量，名符其實餸多過飯嘅「蓋」飯。夏日炎炎，配上一杯冰冰涼涼嘅清酒，大～滿足呀！！…Read More