BaliTown (Closed)

呢間樓上印尼餐廳，我上一次嚟食午餐，覺得啲嘢食好正宗，好好味😋 今次我約一個好耐冇見的朋友食晚餐，就決定嚟呢度食。估唔到晚上都幾多食客，店員都有5個，除咗女店主外，我估係佢嘅仔/女/女婿都嚟幫手，服務態度好友善😊🥘 不變．招牌巴東牛肉 (HK$148)．牛肉係非常之軟腍、好入味😋．醬汁濃郁，我食到有少少椰奶香，應該落咗好多不同香料，所以個味道好豐富，不可以只用「甜」來形容．牛肉同醬汁一樣色，搞到好似尋寶咁去找牛肉，都夾咗幾多牛肉喎！🥘 峇里堂海鮮煎 (HK$73)．蛋，煎得香滑，每一口伴有芽菜和一些海鮮 — 有魷魚、帶子和蝦．上面鋪滿蝦片，厚片、脆口🥘 嘴刁小食拼盤 (HK$78)．蝦丸、魚餅、素春卷、蝦片，前3款各2件，我和朋友各一件，啱啱好，配有多片蝦片．我比較鍾意食蝦丸，大粒，外皮薄但好脆口，裡面啖啖爽彈蝦肉．魚餅比列多魚肉，好惹味．素春卷，一咬就爆汁，出乎意料之外😮🥘 印尼惹味炒沙爹豬肉配米餅 (HK$98)．濃厚的沙爹醬汁加入洋蔥，炒得香香的，令豬肉鹹鹹甜甜的，好惹味😋．把沙爹豬肉放在酥脆米餅上一齊食，另一風味🍹 鮮青檸梳打 (HK$38)．有氣微甜的梳打水加入青檸汁，沒有篤粒青檸飲巳經有青檸味道，清新、醒胃🫖 藍花之伯爵茶 (HK$36)．白色茶壺泡出香氣十足的花茶，朋友話味道不錯．飲晒仲可以再加熱水的…Read More

[ #caloriefoodie_尖沙咀]• 峇 里 堂 •🐿已經係香港開業超過40年既樓上印尼菜餐廳平時食開中西日韓菜 都會想試多少少唔同東南亞菜雖然唔知印尼菜味道點為之正宗 但至少幾好食😋-🥪 雙色咖央多士💰$39一共4塊多士 厚度偏薄 中間搽咗咖央醬同夾住牛油雙色係因為黑色多士其實係竹炭口味ψ(｀∇´)ψ不過同原味多士差異唔大 如果整體再厚身啲就好-🥘 印尼沙嗲炒豬肉飯 💰$59 + $8金貝飯建議大家都可以加錢轉金貝飯 好香椰香同香料味道金貝飯係黃薑飯 用到椰汁、斑蘭、香茅同檸檬葉醃製而成豬肉會係梅頭豬肉絲 啖啖肥美 而且沙嗲醬香濃重口味人仕之選 可以一試٩(˃̶͈̀௰˂̶͈́)و-🍨峇里堂珍多公雞冰冰 💰$58可選椰汁🥥或海鹽味雪糕 我地揀咗後者 鹽鹽甜甜幾得意平時杯裝珍多冰就飲得多 甜品碗形式就係第一次珍多斑蘭椰漿味唔錯 口感彈牙 可貪得意一試🤣-🍋鮮青檸梳打 💰$38每次食東南亞菜都好鐘意飲呢款梳打青檸超俾力 酸度十足 喜愛酸度人仕請注意⚠️-📍 尖沙咀彌敦道176號The Nate3樓-#caloriefoodie…Read More

可能大胃之母係印尼華僑，大胃冇乜出去食過印尼餐廳:)但由於家母好耐冇煮印尼菜，所以陪吓胃民出去食啦峇里同一般印尼菜有咩分別呢？大胃都唔太清楚，不過印尼菜之中，咁大個雞髀就唔常見喇，呢間唔似一般印尼菜咁，會煮到啲肉嚡熠熠，啖啖肉得嚟又滑，醬汁入晒味配埋金貝飯真係超惹味，冇得彈巴東牛肉係大胃必選印尼菜餚之一，醬汁香濃，牛肉又比正宗煮法煮得更腍，相信大胃之母食完都會讚印尼嘅咖喱會落重椰汁，所以大胃好鍾意食，呢間相對感覺冇咁膩，牛筋腩都好嫩，薯仔先煎後熬，入味得嚟唔會散呢碟通菜係用印尼蝦醬炒出嚟，以大胃所知，印尼啲蝦醬係好辣，所以呢碟相當具挑戰性，雖然胃民話唔係好辣雙色咖央好IGable，裡面夾咗薄切牛油，同咖央融為一體，咬落烘得脆卜卜，佢為前菜甜品都唔錯印尼咖啡都係世界名物嚟㗎，呢杯咖啡比較重烘焙香，唔知係咪印尼咖啡都係咁嘅呢？夏日炎炎，梳打最解渴食完真係好想叫大胃之母煮返印尼菜…Read More

由佐敦向住尖沙咀方向行, 有一幢幾層都係餐廳嘅樓, 今日同老公搭𨋢上3樓li間入到去就勁峇里lifestyle嘅餐廳(逢星期二係休息…第一次見😅), 環境好大好舒服呢.🍹峇里式豬筋骨飯 (HKD56)Menu一張過, 食物係好家庭式嘅飯, 串燒, 小菜仲有甜品. 食完li個飯之後, 完全一改之前喺峇里旅行食過嘅峇里菜感覺: li個峇里式豬筋骨飯真係超•好•味! 醬汁好正之外, 豬筋骨嘅肉係一下就骨ga! D醬配珍珠香飯好惹味😋.🍹香濃惹味醬燒雞髀飯 (HKD56)老公li個燒雞髀飯個Ayam醬仲好食, 完全入唒味, d雞肉嫩得不得了! 大隻雞髀🍗幾乎蓋唒個碗.🍹羊肉串燒 (HKD36)店員拎黎時提我地趁熱食最好味, 我地梗係即刻食啦! D羊肉真心嫩, 腍軟惹味, 完全唔係平時食嗰d用牙力咬開嘅, 個人認為必食之選.🍹嗌左menu第一頁飯就可以優惠價揀特飲, 想講杯鮮椰汁紅豆冰 (HKD24)真係好抵, 香濃椰汁又勁多紅豆, 杯鮮青檸梳打都係加18蚊咋.…Read More

呢幾日實在太熱喇 唔太想離開有冷氣嘅地方🤪🔖 峇里公雞珍多冰冰一款極具印尼特色嘅甜品🥰公雞🐓其實係指緊佢用公雞碗盛載啲刨冰配以紅豆、菠蘿、以糯米粉製作並以斑蘭葉染色嘅綠色爽口粉條 加埋香甜嘅椰漿 實在一流❤️🔖 峇里海鮮煎以為平平無奇 點知超有驚喜٩(*´︶`*)۶〜♬雖然係簡單嘅材料 印尼蝦片、青瓜絲、芽菜、蛋但係將佢哋夾埋秘製醬汁一齊食真係好鬼正!!🔖 印尼咖喱牛筋腩飯就係咖喱牛筋腩飯 但咖喱香濃 牛筋腩炆得軟腍🤔…Read More

由於媽媽曾經是印尼華僑，當發現有印尼菜館在香港時就想帶媽媽去嘗試，今天輪到了尖沙咀的這家峇里堂:)位置：在尖沙咀The Nate商廈的3字樓，在山林道口咖啡店旁的電梯便可直達，地點方便環境：餐廳灰色牆地裝修及木枱櫈予人現代感，出電梯經長型走廊進入餐廳主要部分。由於兩邊大玻璃窗設計，採光度十足，因此店內有些老外只在此享受咖啡，感覺更像樓上咖啡店服務：一出電梯便有店員帶位入座，餐廳設有自取飲用水區，店員均很有禮貌及笑容，一點壓迫感都沒有食物：午市餐牌可選的主食不多，選了兩款主食及特式串燒一試巴東牛肉飯（$73）印尼人大多喜歡巴東牛肉，最困難的一定是把牛肉煮淋，而這裡則成功煮得很淋，加上香濃的巴東牛肉汁，味道不錯但如果可以下少一點沙糖就會更健康及正宗印尼咖喱牛筋腩飯（$58）牛筋腩同樣煮得很淋，而這裡的咖哩比較重椰香，味道算是香濃可是對男士來說份量有點少特式峇里式串（$44）店家的特式串燒，當然要點來試試。餐牌寫是用上魚肉及蝦肉，上枱時看上去像是魚片，燒得很香，魚肉亦很滑，再帶一點蝦的香味就是價格有點偏高鮮青檸梳打（$18）青檸梳打是東南亞菜必點，這裡用上梳打水既開胃亦不會太甜，但我還是喜歡用七喜多一點:)峇里之天堂茶（$15）這裡的特式飲品，很香薄荷味，茶味亦濃，感覺特別而清新這家印尼菜館地點方便，環境舒適但較像Cafe，味道亦算不錯，值得一試…Read More